28/09/2026
Makamu wa Rais wa Jamhuri ya Muungano wa Tanzania, Dkt. Deogratius Ndejembi, amezitaka Taasisi na Mashirika ya Umma kupunguza baadhi ya matumizi yasiyo ya lazima na kuelekeza fedha hizo katika kuwajengea uzoefu vijana wanaohitimu vyuo ili kuwaandaa kuingia kwenye soko la Ajira.
Akizungumza Septemba 28, 2026 katika Kikao Kazi cha Wenyeviti wa Bodi na Watendaji Wakuu wa Taasisi na Mashirika ya Umma (C-CEOs Forum) jijini Arusha, Ndejembi amesema kuna uwezekano wa kuwachukua vijana 10,000 na kuwapeleka kupata uzoefu wa kazi katika taasisi mbalimbali za umma ikiwemo TANESCO, TPA na TANROADS, kwa gharama inayokadiriwa kufikia shilingi bilioni 120.
Amesema fedha hizo zinaweza kupatikana endapo taasisi hizo zitapunguza matumizi kwenye maeneo k**a posho za vikao, safari na ziara za mafunzo nje ya nchi, badala ya kuendelea kutumia fedha nyingi kwenye matumizi hayo.
“ K**a tunaweza kulipana posho za vikao, safari, kwenda study tour nje na kadhalika, tukajikita na kupunguza spending yetu, tunaweza kupata bilioni 120 za kusaidia kuinua vijana wetu,” amesema Ndejembi.
Sikiliza CROWN FM kupitia 92.1 Mhz DSM, ZANZIBAR & PWANI na 90.5 Mhz DODOMA. Radio Box & Radio Garden tafuta CROWN FM, Tutazame Live kupitia YOUTUBE channel yetu CROWN MEDIA na CROWN TV kwenye Kisimbuzi cha Azam (DISH) ni chaneli namba 415.
