BINGO_onlinetz

03/08/2026

Mchambuzi wa masuala ya Kisiasa, Kijamii na kiuchumi Phillipo Mwakibinga amesema utulivu ndani ya Chama cha Demokrasia na Maendeleo ( CHADEMA) utatokana na Makamu Mwenyekiti wa chama hicho John Heche kujitokeza na kujibu tuhuma zake na si kuwaziba midomo makada wao ikiwa ni pamoja na kuwatishia wanachama kwamba watapelekwa mahakamani.

Kauli hii imekuja kufuatia kutolewa kwa vitisho hivyo na Wakili wa Chadema Dickson Matata aliyewaeleza waandishi wa Habari kuwa Chama hicho kina mpango wa kuwafungulia mashtaka ikiwa ni pamoja na kuwafikiaha Mahakamani wanachama ambao wanakiuka Katiba kwa kutumia vyombo vya Habari kutoa malalamiko kuhusu mwenendo wa Chama badala ya kutumia vyombo vya maamuzi ngazi ya chama.

Akizungumza na waandishi wa Habari jijini Dar es Salaam Mchambuzi Mwakibinga amesema viongozi wa vyama vya kisiasa hususani vya upinzani lazima watambue kuwa vyama hivyo si mali yao binafsi bali ni mali ya umma hivyo lazima wakubali kusikili sauti za wafuasi wao.

“ Wanachama, wafuasi na mashabiki wana haki ya kuhoji kuhusu mwenendo mzima wa viongozi wao ikiwa ni pamoja na namna chama chao kinavyo ongozwa” amesema Mwakibinga

Amesema kitendo cha Wakili Matata kuueleza Umma kwamba wanachama wao wanaohoji kuhusu tuhuma za ubadhirifu wa kiongozi wao ndugu Heche kwamba wanapaswa kupelekwa mahakamani sio Cha kiungwana kwani kinaziba na kufifisha maana halisi ya neno Demokrasia.

Mchambuzi Mwakibinga amesema Wakili Matata anachokifanya ni kuwatisha wanachama na kiwafanya waogope kutimiza haki Yao ya Msingi ya kutoa maoni kuhusu mwenendo mzima wa viongozi ndani ya Chama chao.

“ Vyama madhubuti vinawapa uhuru wanachama wao wa kujieleza na kutoa maoni yao na Wala si kuwaziba midomo” amesema Mwakibinga

Amesema Wakili Matata anatakiwa kuacha kuwatisha wanachama bali nguvu hiyo hiyo aliyoyumia aitumie kumshawishi Makamu Mwenyekiti Heche kujitokeza hadharani na kujibu tuhuma zinazomkabili, akieleza kuwa huo utakuwa mwisho wa changamoto ndani ya Chadema

19/07/2026

MCHANGE AGOMA KUOMBA RADHI, AWANG'ANG'ANIA HECHE, NILESH NA MPINA

Tukutane Mahakamani hata kesho, ndivyo alivyojibu Habibu Mchange Mkurugenzi wa Jamvi media Group akigoma kuomba radhi kutokana na tuhuma alizozitoa kwa Mfanyabiashara Nilesh Suchack kuwa anawatumia wanasiasa wa upinzani John Heche wa CHADEMA na Luhaga Mpina wa ACT Wazalendo kwa ajili ya kufanya upotoshaji katika uagizaji wa mafuta nchini

Mchange amesema ataitumia kesi hiyo kuufumbua macho umma wa watanzania juu ya michezo michafu inayofanywa na wafanyabiashara aina ya Nilesh akisema kuwa siku 14 alizopewa ni nyingi sana anamtaka aende mahakamani hata kesho.

Ikumbukwe kuwa siku kadhaa zilizopita Nilesh alimuandikia barua Mchange ya kumtaka aombe radhi na kufuta kauli zake ndani ya siku 14 la sivyo atamburuza mahakamani na kumdai fidia ya Tsh Bilioni 12

18/07/2026

MWENYEKITI WA BAVICHA SHINYANGA MJINI MATATANI KWA TUHUMA ZA KUHAMASISHA MAANDAMANO

Jeshi la Polisi Mkoa wa Shinyanga limethibitisha kumkamata Mwenyekiti wa Baraza la Vijana wa Chadema (BAVICHA) Wilaya ya Shinyanga, Bw. Alfred Masanja (43), mkazi wa Ndala, kwa tuhuma za kuhamasisha maandamano yaliyokuwa yamepangwa kufanyika Julai 7, 2026.

Akizungumza na waandishi wa habari leo Ijumaa Julai 17, 2026, Kamanda wa Polisi Mkoa wa Shinyanga, Kamishna Msaidizi Mwandamizi wa Polisi (SACP) Janeth Magomi, amesema Masanja anadaiwa kuwahamasisha vijana kutoka makundi mbalimbali kushiriki katika maandamano katika maeneo tofauti ndani ya Mkoa wa Shinyanga.

Kamanda Magomi amesema uchunguzi dhidi ya mtuhumiwa huyo unaendelea na kwamba hatua za kisheria zitachukuliwa baada ya kukamilika kwa uchunguzi.

"Jeshi la Polisi Mkoa wa Shinyanga linaendelea na mahojiano na uchunguzi dhidi ya mtuhumiwa huyo, baada ya kukamilika kwa uchunguzi taratibu stahiki zitachukuliwa kwa mujibu wa sheria za nchi." amesema SACP Janeth Magomi.

Katika onyo lake kwa umma kuhusu masuala ya usalama, Kamanda Magomi amesisitiza kuwa Jeshi la Polisi Mkoani humo halitavumilia vitendo vinavyoweza kuvuruga amani.

"Jeshi la Polisi Mkoa wa Shinyanga linatoa wito kwa wananchi kujiepusha na vitendo vya uvunjifu wa amani kwani halitasita kuchukua hatua kwa yeyote atakayejaribu kuvuruga amani." amesema.

Jeshi la Polisi Mkoani Shinyanga kadhalika limewataka wananchi kuendelea kuheshimu sheria za Nchi na kushirikiana na vyombo vya dola katika kulinda amani na usalama wa Mkoa wa Shinyanga.

10/07/2026

NJOMBE YANUFAIKA NA MAONO YA SAMIA YA AFYA BORA KWA WOTE

Rais Samia Suluhu Hassan ameendelea kuandika historia katika sekta ya afya kwa kuwekeza kwa kiwango kikubwa katika ujenzi na uboreshaji wa miundombinu ya kutolea huduma za matibabu nchini, hatua inayolenga kusogeza huduma hizo karibu zaidi na wananchi. Dhamira hiyo imeendelea kutekelezwa katika maeneo mbalimbali ya Tanzania, ikiwemo Halmashauri ya Wilaya ya Njombe mkoani Njombe ambako Hospitali ya Wilaya imeboreshwa kwa zaidi ya shilingi bilioni tatu na kuongeza uwezo wa kutoa huduma bora za afya.

Kutokana na maboresho hayo, hospitali hiyo sasa inatoa huduma mbalimbali muhimu zikiwemo upasuaji wa wajawazito, radiolojia ikiwemo X-ray, maabara, famasi pamoja na huduma za gari la wagonjwa (ambulance). Daktari wa Hospitali ya Njombe, Levina Sundi, amesema ongezeko la huduma hizo limewawezesha wananchi kupata matibabu kwa wakati na kupunguza rufaa zisizo za lazima kwenda hospitali za mbali.

Wananchi wa Wilaya ya Njombe wameeleza kufurahishwa na uwekezaji huo wakisema umewaondolea adha ya kusafiri umbali mrefu kutafuta huduma za afya. Mkazi wa Matwembe, Lenfrida Temba, amesema hapo awali walilazimika kupeleka wagonjwa katika hospitali za mbali kwa gharama kubwa, huku Furaha Katemba akieleza kuwa wanawake wajawazito walikuwa wakikabiliwa na changamoto kubwa za usafiri wakati wa kujifungua, lakini sasa huduma zinapatikana karibu na makazi yao.

Naye Deo Mgani amesema wazazi, watoto na wazee wanaendelea kunufaika na sera ya Serikali ya matibabu bure kwa makundi yenye sifa, akibainisha kuwa uwekezaji uliofanywa chini ya uongozi wa Rais Samia umeongeza upatikanaji wa huduma bora za afya na kuimarisha ustawi wa wananchi wa Njombe na maeneo mengine nchini.

Shirika la Afya Duniani (WHO) linaeleza kuwa upatikanaji wa huduma za afya kwa wakati ni miongoni mwa nguzo muhimu za kupunguza vifo vinavyoweza kuzuilika na kuboresha maisha ya jamii. Uwekezaji unaoendelea kufanywa na Serikali ya Awamu ya Sita katika kusogeza huduma za afya karibu na wananchi unaendana na lengo hilo, kwa kuhakikisha Watanzania wengi zaidi wanapata matibabu kwa wakati na kwa ubora unaohitajika.

09/07/2026

08/06/2026

Siku zote mtu mchawi anamjua mchawi Mwenzie

Presenter

Full video & story ipo Youtube
_
Sponsored by Wanauza na Kununua Magari Tz.

08/06/2026

anasema watu uwa wanamashangaa sana wakiokuitana nae maana hafanani na picha ambazo uwa anaosema anatumia filter kuwadanganya watu mtandaoni.

Presenter

Full video & story ipo Youtube
_
Sponsored by Wanauza na Kununua Magari Tz.

08/06/2026

Mchekeshaji anasema chuki kwenye Maisha inatengenezwa na kupimiana kimafanikio.

Presenter

Full video & story ipo Youtube
_
Sponsored by Wanauza na Kununua Magari Tz.

08/06/2026

Mkurugenzi wa Show ya Bwana siku ya leo amezungumza na waandishi wa habari kuhusu ujio wa show mpya ya kideoni ambapo ameungana na Asma pamoja na Mkaliwenu kuhakikisha wanatoa burudani siku hiyo ya tarehe 27 Mwezi huu,itakayofanyika pale Brake Point Makumbusho.

08/06/2026

Et kati ya Harmonize na Alikiba Nani mrefu kuliko mwenzake…..??

Sponsored by Wanauza na Kununua Magari Tz.