RealTimes TV

02/09/2026

Shirika la Umeme Tanzania (TANESCO) limebaini matukio ya wizi wa umeme katika eneo la Visiwani, Mwananyamala na Mivumoni, zilizo Wilaya ya Kinondoni, jijini Dar es Salaam, wakati wa operesheni ya ukaguzi wa mita na miundombinu ya umeme inayoendelea katika maeneo mbalimbali ya Mkoa huo.

Operesheni hiyo inalenga kudhibiti matumizi yasiyo halali ya umeme, kulinda miundombinu ya Shirika na kuhakikisha huduma ya umeme inaendelea kutolewa kwa usalama na ufanisi kwa wananchi.

Akizungumza wakati wa operesheni hiyo, Afisa Usalama wa TANESCO, Bi. Lilian Nizim, amewataka wananchi kuzingatia sheria na taratibu za matumizi ya umeme na kuepuka vitendo vya kuingilia au kuchezea mita za umeme.

“Mteja anapobaini changamoto yoyote inayohusiana na mita yake, anapaswa kutoa taarifa TANESCO ili ipatiwe ufumbuzi. Ni muhimu wananchi waepuke kabisa kuingilia mita kwa njia yoyote, kwani ni kinyume cha sheria na kunaweza kuhatarisha usalama wa maisha na mali,” amesema Bi. Nizim.

Kwa upande wake, Mhandisi wa TANESCO Mkoa wa Kinondoni Kaskazini, Mha. Underson Manyika, amesema wakati wa ukaguzi katika eneo la Visiwani, timu ya wataalamu ilibaini baadhi ya wateja wakiwa wamechepusha nyaya za umeme, hali iliyosababisha mita kutosoma matumizi halisi ya umeme.

“Ukaguzi wetu umebaini kuwepo kwa miunganisho isiyo halali iliyokuwa ikiathiri usomaji sahihi wa mita. Hatua stahiki zinaendelea kuchukuliwa kwa mujibu wa sheria na taratibu za Shirika,” amesema Mha. Manyika.

Amesema vitendo vya wizi wa umeme husababisha hasara kwa Shirika, kuhatarisha usalama wa wananchi na kuathiri ubora wa huduma ya umeme, hivyo ametoa wito kwa wananchi kuendelea kushirikiana na TANESCO kwa kutoa taarifa za vitendo hivyo ili viweze kudhibitiwa kwa wakati.

TANESCO inaendelea kufanya ukaguzi wa mara kwa mara wa mita na miundombinu ya umeme katika maeneo mbalimbali nchini ikiwa ni sehemu ya jitihada za kuimarisha utoaji wa huduma ya umeme ya uhakika, salama na endelevu kwa wananchi.

01/09/2026

Msemaji Mkuu wa Serikali na Katibu Mkuu wa Wizara ya Habari, Utamaduni, Sanaa na Michezo, Gerson Msigwa, amewataka Watanzania kuwa makini na matumizi ya namba na vitambulisho vyao vya Taifa, akisisitiza kuwa taarifa hizo zinapaswa kutumiwa na wahusika wenyewe.

Msigwa amesema wananchi wanapaswa kuacha tabia ya kuwapa watu wengine vitambulisho au namba zao za NIDA kwa ajili ya kusajili laini za simu au kufanya shughuli nyingine, kwa kuwa matumizi hayo yanaweza kumuweka mwenye kitambulisho katika mazingira ya kuwajibishwa kwa jambo ambalo hakulifanya.

Kauli hiyo imetolewa leo, Septemba Mosi, 2026, wakati Serikali ikiendelea kutoa elimu kuhusu matumizi sahihi ya Vitambulisho vya Taifa.

Msigwa amesisitiza umuhimu wa kila mwananchi kulinda taarifa zake binafsi na kuhakikisha kitambulisho chake hakitumiki na mtu mwingine.

Serikali imeendelea kuhimiza wananchi kutumia vitambulisho vyao kwa matumizi halali na kufuata taratibu zinazotakiwa katika usajili wa huduma mbalimbali.

Kwa ujumla, ujumbe wa Serikali ni kwamba kitambulisho cha NIDA si nyaraka ya kukabidhiwa mtu mwingine kwa matumizi yake, bali ni utambulisho wa mhusika unaopaswa kulindwa na kutumiwa kwa usahihi.

01/09/2026

KAULI ZA WARIOBA ZAZUA MJADALA

Kauli zinazotolewa na Waziri Mkuu mstaafu, Jaji Joseph Warioba, zimeendelea kuzua mjadala kuhusu nafasi ya viongozi wastaafu katika mijadala ya kisiasa na masuala ya uongozi nchini.

Mjadala huo umeibuka huku baadhi ya wananchi wakitoa mitazamo tofauti kuhusu namna viongozi waliowahi kushika nafasi za juu serikalini wanavyopaswa kushiriki katika masuala ya kitaifa.

Akizungumzia suala hilo, Muhammad amesema anaheshimu mchango wa Jaji Warioba katika utumishi wa umma, lakini anaona kuwa uzoefu wake mkubwa k**a Waziri Mkuu mstaafu unaweza kutumika zaidi katika kutoa ushauri kwa Serikali na viongozi waliopo madarakani.

Muhammad amesema Warioba, kutokana na uzoefu wake wa muda mrefu katika uongozi wa Serikali, ana nafasi kubwa ya kusaidia taifa kwa kutoa ushauri kuhusu masuala mbalimbali yanayolihusu taifa, badala ya kuonekana akijihusisha zaidi na mijadala ya kisiasa.

Aidha, Muhammad amegusia historia ya baadhi ya tawala zilizopita, akisema kuna mambo ambayo wananchi bado wanayakumbuka na ambayo yanapaswa kuzingatiwa wakati viongozi wa zamani wanapozungumzia masuala yanayoendelea kwa sasa.

Amesema changamoto zilizowahi kuwakabili wananchi katika vipindi mbalimbali ni sehemu ya historia ya nchi na haziwezi kupuuzwa kirahisi, hivyo viongozi waliowahi kuwa katika nafasi kubwa wanapaswa kutumia uzoefu wao kwa namna inayoweza kusaidia kujenga taifa.

Kwa upande mwingine, Muhammad amesema historia ya uongozi inapaswa kutazamwa kwa mapana, huku mazingira ya wakati husika yakizingatiwa kabla ya kutoa tathmini kuhusu uongozi wa zamani au wa sasa.

Kauli hiyo imeendelea kuchochea mjadala kuhusu nafasi ya viongozi wastaafu katika siasa na ujenzi wa taifa, pamoja na namna uzoefu wao unavyoweza kutumika katika kutoa ushauri na kusaidia viongozi waliopo madarakani.

Hata hivyo, mjadala kuhusu kauli za Jaji Warioba na nafasi yake katika mijadala ya kisiasa nchini unaendelea, huku mitazamo mbalimbali ikiendelea kutolewa na wananchi na wadau wa masuala ya uongozi.

31/08/2026

Aliyekuwa Mwenyekiti wa CHADEMA Wilaya ya Mwanga, Lembrus Mchome, amemshauri Makamu Mwenyekiti wa chama hicho, John Heche, kuongoza mchakato wa maridhiano kati ya CHADEMA na Serikali.

Mchome amesema maridhiano si suala la mtu binafsi au chama pekee, bali ni jambo la kitaifa linaloweza kusaidia kuponya jamii na kujenga mazingira bora ya kisiasa.

Amesema chama kinapaswa kutumia hekima na busara badala ya kushindana kwa nguvu na Serikali, akisisitiza kuwa lengo la CHADEMA ni kushinda kisiasa na kuiondoa CCM madarakani.

Aidha, Mchome amesema changamoto ya fedha iliyosababisha kuahirishwa kwa kikao cha Baraza Kuu cha CHADEMA kinachotarajiwa kufanyika Septemba 15, ni miongoni mwa sababu zinazopaswa kuifanya chama kutafuta njia za kujenga maridhiano.

31/08/2026

Katibu wa CHADEMA Jimbo la handeni Mjini, Kombo Mohammed Ali Matunda, ameeleza kuwa ana mashaka kuhusu msimamo wa Makamu Mwenyekiti wa chama hicho, hasa katika suala la mwenendo wa kesi inayomkabili Mwenyekiti wa Taifa, Tundu Lissu.

Amesema Lissu amekutwa na kesi ya kujibu kutokana na matamshi yanayohusishwa na uchaguzi, huku akidai kuwa baadhi ya kauli hizo pia zimewahi kutolewa na Makamu Mwenyekiti wa chama.

Kombo amemshauri Makamu Mwenyekiti kukubali meza ya mazungumzo na mihimili inayohusika, akiamini kuwa mazungumzo yanaweza kusaidia kupatikana kwa suluhu na hatimaye Lissu kuwa huru na kuungana na familia yake.

Amesema ana wasiwasi kwa kuwa Lissu anaendelea kukaa ndani, huku akiomba viongozi wa chama kuweka nguvu zaidi katika mazungumzo, akisisitiza kuwa ushindi wa chama haupaswi kutenganishwa na juhudi za kutafuta suluhu.

30/08/2026

Mratibu wa CHADEMA Mkoa wa Morogoro, Barnabas Okola, amesema chama hicho kinaamini kesi inayomkabili Mwenyekiti wake, Tundu Lissu, ni ya kubambikiwa na inalenga kupunguza kasi ya chama hicho katika harakati zake za kisiasa.

Okola amesema licha ya Lissu kukutwa na kesi ya kujibu, CHADEMA inaamini kuwa kwa uwezo wa Mungu mwenyekiti huyo atakuwa nje na kuendelea kuwaongoza katika harakati za kuiondoa CCM madarakani.

Hata hivyo, Okola ameibua hoja kuhusu kauli zilizotolewa na Lissu zilizohusishwa na mashtaka yanayomkabili, akisema kuna clip inayosambaa mtandaoni ikimuonyesha Makamu Mwenyekiti wa CHADEMA, John Heche, akitoa kauli zinazofanana na zile zilizotolewa na Lissu, lakini Heche hajakumbwa na hatua k**a hizo.

Amehoji kwa nini Lissu yupo gerezani wakati Heche, ambaye anadaiwa kutoa kauli zinazofanana, yuko nje.

«“Kwanini mwenyekiti awekwe ndani na makamu awe nje wakati wote wameongea

27/08/2026

Mwandishi wa habari Luqman Maloto amesema historia inaweza kumweka huru Rais wa Jamhuri ya Muungano wa Tanzania, Dkt. Samia Suluhu Hassan, kutokana na matokeo ya miradi mikubwa ya maendeleo iliyotekelezwa na kukamilishwa katika kipindi cha uongozi wake. Maloto ametumia kauli ya mwanazuoni Peter Drucker kwamba uongozi madhubuti hupimwa kwa matokeo, si hotuba wala sifa.

Maloto ametumia kukamilika kwa Mradi wa Kufua Umeme wa Maji wa Julius Nyerere (JNHPP) k**a mfano mkuu, akisema Rais Samia alipokula kiapo Machi 19, 2021, mradi huo ulikuwa umefikia asilimia 37, lakini hadi Agosti 22, 2026 ulikamilika kwa asilimia 100. Kwa mtazamo wake, Rais Samia alisimamia asilimia 63 iliyobaki ya utekelezaji wa mradi huo.

Amesema wakati wa utekelezaji wa JNHPP kulikuwa na mashaka kuhusu uwezo wa Rais Samia kukamilisha miradi mikubwa iliyoanzishwa na mtangulizi wake, Hayati Dkt. John Magufuli, huku baadhi ya wakosoaji wakitoa kauli za wazi kwamba asingeweza. Hata hivyo, amesema Rais Samia hakujikita kujibu kwa maneno, bali aliruhusu kazi na matokeo kuzungumza.

Maloto amesema kukamilika kwa JNHPP kunapaswa kutazamwa pia katika historia ya muda mrefu ya wazo la kuzalisha umeme mkubwa katika Mto Rufiji, akibainisha kuwa utekelezaji wa mradi ulianza mwaka 2017 na jiwe la msingi likawekwa mwaka 2019. Ameongeza kuwa katika kipindi cha Rais Samia kulikuwa na mabadiliko kadhaa ya mawaziri wa Nishati, viongozi wa TANESCO na wahandisi wakazi wa mradi, jambo analoliona k**a sehemu ya jitihada za kuhakikisha mradi unakamilika.

Akitumia falsafa ya Niccolò Machiavelli kwamba matokeo ya mwisho yanaweza kutoa hukumu kuhusu maamuzi yaliyofanyika, Maloto amesema muda umeanza kutoa majibu kuhusu mjadala wa JNHPP. Ameunganisha hoja hiyo na kauli maarufu ya Fidel Castro, “History Will Absolve Me” — “Historia Itaniweka Huru”, akisema historia mara nyingi hutoa hukumu tofauti na mijadala ya kisiasa ya wakati husika.

Mbali na JNHPP, Maloto ametaja miradi mingine k**a upanuzi wa miundombinu ya mabasi ya mwendokasi Dar es Salaam, maendeleo ya reli ya Standard Gauge, kuanza kwa treni za umeme kati ya Dar es Salaam na Dodoma, pamoja na kukamilika kwa Daraja la Kigongo–Busisi, akisema yote yanaweza kuwa sehemu ya kumbukumbu ya utawala wa Rais Samia.

Kwa Maloto, presha za kisiasa na lawama zinazomkabili kiongozi akiwa madarakani si lazima ziwe hukumu ya mwisho ya historia. Amesema baada ya Rais Samia kuondoka madarakani, Watanzania watapata nafasi ya kuangalia nyuma na kutathmini matokeo ya utawala wake kwa upana zaidi, ndipo kazi iliyofanyika katika kipindi chake inaweza kutoa msingi wa historia kumtetea na kumweka huru.

27/08/2026

Joseph Yona wa Chalinze amesema Watanzania wanapaswa kutafakari kuhusu tofauti ya hali ya John Heche na Tundu Lissu, akidai kuwa kauli zao kuhusu masuala ya kisiasa zilifanana lakini wamejikuta katika mazingira tofauti.

Yona amesema Lissu yuko gerezani huku Heche akiwa uraiani, akidai kuwa hali hiyo inapaswa kuibua maswali kuhusu namna sheria na masuala ya kisiasa yanavyoshughulikiwa.

Aidha, Yona amemtuhumu Heche kuwa ni “kibaraka wa CCM” na kudai kuwa anatumika kisiasa, huku akihusisha madai hayo na uwepo wa ndugu wa Heche ndani ya CCM. Hata hivyo, madai hayo ni ya Yona na hayajathibitishwa katika taarifa hii.

Yona pia amemtaka Heche kujibu tuhuma zinazohusiana na matumizi ya ruzuku na fedha za wadau ndani ya CHADEMA, akisema chama na Watanzania wanahitaji majibu ya wazi badala ya kauli za kisiasa.

27/08/2026

25/08/2026

Bodi ya Huduma za Maktaba Tanzania imeanza kutumia Mfumo Jumuishi wa Taifa wa Maktaba za Kidijitali, unaolenga kurahisisha upatikanaji wa vitabu na machapisho kwa wananchi kupitia mtandao.

Akizungumza na waandishi wa habari jana katika kilele cha Maadhimisho ya Maonyesho ya Wiki ya Elimu yaliyofanyika mkoani Tanga, Mkurugenzi Mkuu wa Bodi ya Huduma za Maktaba Tanzania, Mboni Haule, amesema mfumo huo tayari umeanza kufanya kazi, huku wananchi wakiendelea kujiandikisha na kutumia huduma zake kwa njia ya mtandao.

Amesema mfumo huo umebeba huduma mbalimbali, ikiwemo uhifadhi wa machapisho kwa njia ya kidijitali pamoja na taarifa za vitabu na machapisho yanayopatikana katika maktaba.

Mboni amesema kupitia mfumo huo, mwananchi akiwa nje ya maktaba anaweza kutafuta kitabu anachokihitaji, kuona k**a kinapatikana na kufanya ombi la kukipata kwa njia ya mtandao au kufika moja kwa moja maktabani.

Amesema mfumo huo umetengenezwa kwa ushirikiano na Mamlaka ya Serikali Mtandao, ambayo imefanya kazi na Bodi ya Huduma za Maktaba Tanzania kwa takribani miaka miwili katika kuandaa mfumo huo.

“Ukiwa nje ya maktaba unaweza kuangalia katika mfumo na kujua ni kitabu gani kipo maktabani, ukakifanyia ombi la mtandao au ukaja moja kwa moja maktabani kukipata,” amesema Mboni.

Ameeleza kuwa licha ya mfumo huo tayari kuanza kutumika na taarifa za machapisho kuendelea kupakiwa, uzinduzi wake rasmi unatarajiwa kufanyika katika Kongamano la Kitaifa la Huduma za Maktaba Tanzania linalotarajiwa kufanyika mwaka huu.

Aidha, amesema mfumo huo umeandaliwa kwa uwezo wa kuunganishwa na mifumo mingine ya Serikali, ikiwemo mifumo ya malipo na mifumo inayohusiana na taarifa za elimu, hatua inayolenga kurahisisha upatikanaji wa huduma na kuimarisha ushirikiano wa mifumo ya Serikali.

Mboni amesema Bodi ya Huduma za Maktaba Tanzania ina jukumu la kutoa huduma za maktaba, kusambaza na kuhifadhi machapisho nchini, huku matumizi ya teknolojia yakilenga kuongeza ufanisi na kuwafikia wananchi wengi zaidi.

Kwa upande wake, Kaimu Mkuu wa Chuo cha Ukutubi na Uhifadhi Nyaraka, kinachoendeshwa na Bodi ya Huduma za Maktaba Tanzania, amesema chuo hicho kinatoa mafunzo katika ngazi ya cheti na diploma na kuwataka Watanzania wenye ufaulu wa masomo manne au zaidi kutumia fursa hiyo kujiunga na chuo hicho