Aq Online Tv

Aq Online Tv Tufuate kwaajili ya kupata chakula cha imani yako. YouTube Link 👇👇👇
https://www.youtube.com/c/AQONLINETV

Mwanaume mmoja amesimulia namna alivyopitia kipindi kigumu baada ya kugundulika kuwa na saratani mwaka 2024. Amesema ka...
03/10/2026

Mwanaume mmoja amesimulia namna alivyopitia kipindi kigumu baada ya kugundulika kuwa na saratani mwaka 2024. Amesema katika kipindi hicho alikuwa akisoma Suratul Rahman kila usiku huku akiendelea kumuomba na kumtegemea Allah.

Kwa sasa anasema hali yake ya afya imekuwa nzuri na anamshukuru Allah kwa kumpa nguvu na kumwezesha kuendelea na maisha. Simulizi yake imekuwa ujumbe wa matumaini kwa watu wanaopitia changamoto mbalimbali za kiafya.

Sophia Dasser, mwanafunzi Muislamu na Mhariri Mkuu wa gazeti la The Cornell Daily Sun katika Chuo Kikuu cha Cornell nchi...
03/10/2026

Sophia Dasser, mwanafunzi Muislamu na Mhariri Mkuu wa gazeti la The Cornell Daily Sun katika Chuo Kikuu cha Cornell nchini Marekani, amesaidia kuibua tena mjadala kuhusu madai ya ubakaji yaliyodaiwa kutokea mwaka 2024 katika nyumba ya kundi la wanafunzi la Chi Phi.

Mwandishi wa gazeti hilo, Cereese Qusba, alitumia karibu miaka miwili kuchunguza tukio hilo pamoja na namna Cornell ilivyoshughulikia madai hayo. Uchunguzi huo ulifuatia baada ya mwanamke mmoja kufungua kesi ya madai ya kiraia dhidi ya wanafunzi saba wa Cornell.

Baada ya uchunguzi huo kuchapishwa, Cornell ilisema mchakato wake wa Title IX ulipelekea baadhi ya wanafunzi kusimamishwa masomo na wengine kufukuzwa. Aidha, uchunguzi wa jinai kuhusu tukio hilo umefunguliwa tena, jambo lililoibua maswali mapya kuhusu namna kesi hiyo ilivyoshughulikiwa hapo awali.

Mwaka 2039 unatarajiwa kuwa wa kihistoria kwa Waislamu duniani, baada ya makadirio ya kalenda ya Kiislamu kuonesha kuwa ...
03/10/2026

Mwaka 2039 unatarajiwa kuwa wa kihistoria kwa Waislamu duniani, baada ya makadirio ya kalenda ya Kiislamu kuonesha kuwa mwaka huo unaweza kushuhudia sikukuu tatu za Eid ndani ya mwaka mmoja wa kalenda ya kawaida.

Kwa mujibu wa makadirio hayo, Eid al-Adha ya kwanza inatarajiwa kuadhimishwa Januari 5, Eid al-Fitr Oktoba 19, huku Eid al-Adha nyingine ikitarajiwa Desemba 26, 2039.

Mbali na sikukuu hizo tatu, mwaka huo pia unatarajiwa kuwa na misimu miwili ya ibada ya Hajj, jambo linalotokana na tofauti ya urefu kati ya kalenda ya Kiislamu inayotegemea mwandamo wa mwezi na kalenda ya Gregorian.

Kalenda ya Kiislamu huwa na siku takribani 10 hadi 11 pungufu kwa mwaka, hali inayosababisha miezi na matukio muhimu ya Kiislamu kusogea mbele kila mwaka katika kalenda ya kawaida.

Hata hivyo, tarehe hizo ni makadirio yanayotokana na kalenda ya Umm al-Qura na bado zinasubiri uthibitisho rasmi kulingana na muandamo wa mwezi.

03/10/2026

Unapokuwa kwenye shida, matatizo, vikwazo, nani humlilia? Basi aya hii ni pozo na liwazo kwako na linakupa jibu la nini unatakiwa ufanye...

Jeshi la Usalama mjini Makkah, Saudi Arabia, limemkamata mwanaume mmoja katika Msikiti Mkuu wa Masjid al-Haram kwa tuhum...
03/10/2026

Jeshi la Usalama mjini Makkah, Saudi Arabia, limemkamata mwanaume mmoja katika Msikiti Mkuu wa Masjid al-Haram kwa tuhuma za kuwasumbua waumini na wageni waliokuwa wakifanya ibada, huku akidaiwa kusababisha hofu na taharuki miongoni mwao.

Kwa mujibu wa taarifa hiyo, mamlaka za usalama zilichukua hatua mara moja dhidi ya mwanaume huyo, kabla ya kumfikisha katika Ofisi ya Mashtaka ya Umma (Public Prosecution) kwa ajili ya hatua zaidi za kisheria.

Aidha, mamlaka za Saudi Arabia zimekanusha madai mbalimbali yaliyokuwa yakisambaa mitandaoni kuhusu tukio hilo, huku zikiwataka wananchi na watumiaji wa mitandao ya kijamii kutegemea taarifa kutoka katika vyanzo rasmi ili kuepuka kusambaza taarifa zisizothibitishwa.

Islam Channel imetangaza washindi wa Tuzo za Biashara za mwaka 2026 (Islam Channel Business Awards), zinazotambua mafani...
03/10/2026

Islam Channel imetangaza washindi wa Tuzo za Biashara za mwaka 2026 (Islam Channel Business Awards), zinazotambua mafanikio, ubunifu na mchango wa wafanyabiashara katika jamii ya Waislamu.

Miongoni mwa makampuni yaliyoibuka na ushindi ni DigiLite iliyotwaa tuzo ya biashara changa, ICCO Pizza katika biashara za kifamilia, Mubarak London kwa biashara ndogo, EaseFix katika biashara za ukubwa wa kati na Caprinos Pizza katika biashara kubwa.

Washindi wengine ni ARC Aero Systems katika sekta ya teknolojia, Foodery katika sekta ya chakula na vinywaji, Smoke & Pepper katika biashara za Franchise, Batley Law katika huduma za kitaalamu na Muslim Ski Club katika sekta ya utalii.

Aidha, Tiles DIY ilishinda katika biashara za rejareja, Ibn Sina Sanctuary katika biashara zinazoongozwa na wanawake, Kestrl katika huduma za kifedha, Offa katika sekta ya ardhi na majengo, huku Inspire Capital Sports ikitambuliwa kwa mchango wake kwa jamii.

Katika tuzo maalumu, Qamer Khan na Rashid Khan wa K Furniture na K Lives Foundation walipokea tuzo ya waanzilishi, huku S Mohammad Khalid wa Euro Quality Lamb akitunukiwa tuzo ya mafanikio ya maisha katika biashara.

Tuzo hizo zinalenga kutambua mchango wa wafanyabiashara, makampuni na wajasiriamali katika kukuza uchumi, kuleta ubunifu na kutoa fursa mbalimbali ndani ya jamii.

Daktari bingwa wa upasuaji, Dr. Amer Raza, ameweka rekodi mpya nchini Uingereza baada ya kufanikisha zaidi ya upasuaji 4...
02/10/2026

Daktari bingwa wa upasuaji, Dr. Amer Raza, ameweka rekodi mpya nchini Uingereza baada ya kufanikisha zaidi ya upasuaji 400 kwa kutumia teknolojia ya roboti katika Hospitali ya Cromwell jijini London.

Teknolojia hiyo ya kisasa inamwezesha daktari kufanya upasuaji mgumu wa mfumo wa uzazi wa mwanamke kupitia sehemu moja tu ya kuingilia tumboni, tofauti na baadhi ya njia za kawaida zinazohitaji mikato mingi.

Mafanikio hayo yameifanya hospitali hiyo kuwa kituo cha kujifunzia, huku zaidi ya madaktari bingwa 100 kutoka Uingereza na nchi nyingine wakitembelea kujifunza na kushuhudia matumizi ya teknolojia hiyo.

Dr. Raza, ambaye alipata mafunzo ya awali ya udaktari nchini Pakistan, amefanya kazi nchini Uingereza kwa zaidi ya miaka 25 na anaendelea kuchangia maendeleo ya mafunzo ya kitabibu na sekta ya afya nchini Pakistan.

02/10/2026

Hata Mtume wa Mwenyezi Mungu hakusalimika dhidi ya vitimbi vya wanawake.. Mwenyezi Mungu amewataja ndani ya Qur'aan namna vitimbi vyao vilivyo vizito..

Msikiti Mkuu wa Seoul (Seoul Central Mosque) ni msikiti wa kwanza kujengwa nchini Korea Kusini, ukiwa umefunguliwa rasmi...
02/10/2026

Msikiti Mkuu wa Seoul (Seoul Central Mosque) ni msikiti wa kwanza kujengwa nchini Korea Kusini, ukiwa umefunguliwa rasmi mwaka 1976 katika eneo la Itaewon jijini Seoul.

Ujenzi wa msikiti huo ulianza mwaka 1974 baada ya serikali ya Korea Kusini kutoa eneo kwa ajili ya ujenzi wake, huku gharama za ujenzi zikichangiwa na nchi mbalimbali za Kiislamu duniani.

Msikiti huo una usanifu wa kipekee unaojumuisha minara mirefu, kuba kubwa katikati, milango yenye matao pamoja na maandishi ya Kiarabu yanayopamba sehemu mbalimbali za jengo hilo.

Kwa takribani miaka 50 tangu kufunguliwa kwake, msikiti huo umekuwa zaidi ya eneo la ibada, kwani pia ni kituo muhimu cha kukutanisha Waislamu wa Korea Kusini na wageni kutoka mataifa mbalimbali duniani.

Hadi sasa, Msikiti Mkuu wa Seoul unaendelea kuwa miongoni mwa alama zinazotambulisha uwepo na maendeleo ya Uislamu nchini Korea Kusini.

Baada ya miaka 12 ya kusubiri kupata mtoto, mwanamke mmoja kutoka Sudan hatimaye alifanikiwa kupata ujauzito na kujaliwa...
02/10/2026

Baada ya miaka 12 ya kusubiri kupata mtoto, mwanamke mmoja kutoka Sudan hatimaye alifanikiwa kupata ujauzito na kujaliwa watoto mapacha. Kwa muda wote huo alikuwa akiomba kwa Allah, akipitia changamoto mbalimbali na kutafuta matibabu katika hospitali tofauti bila kukata tamaa.

Furaha kubwa ilitawala familia yake baada ya kujua kuwa angekuwa mama wa watoto wawili kwa wakati mmoja. Hata hivyo, siku ya kujifungua huko Dubai, mapacha hao walizaliwa salama, lakini mama yao hakufanikiwa kutoka salama katika kujifungua na alifariki dunia.

Kwa masikitiko makubwa, mama huyo aliondoka duniani baada ya miaka 12 ya kusubiri kupata watoto, huku akiwa hajapata hata nafasi ya kuwanyonyesha au kuanza maisha yake ya uzazi pamoja nao.

Inna lillahi wa inna ilayhi raji’un. Kisa hiki ni ukumbusho wa kuwathamini na kuwapenda mama zetu tukiwa bado tunao, kwa sababu wapo watu wengi duniani ambao hawajawahi hata kusikia sauti za mama zao.

Address

Dar Es Salaam

Telephone

+255786749426

Website

Alerts

Be the first to know and let us send you an email when Aq Online Tv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aq Online Tv:

Shortcuts

Share

Category