SocialLink Media

25/09/2026

Baraza la Sanaa la Taifa (BASATA) limemfungia msanii Godfrey Tumaini maarufu k**a Dudubaya kujihusisha na shughuli za sanaa kwa namna yoyote ile, na kumtoza faini ya Shilingi Milioni Tatu.

Kwa mujibu wa taarifa kwa umma iliyotolewa na BASATA, uamuzi huo umetokana na tukio lililotokea Septemba 19, 2026 katika Tamasha la Miaka 30 ya Bongo Flava lililofanyika katika Viwanja vya General Tyre, jijini Arusha.

BASATA imesema wakati akitumbuza, Dudubaya hakuizingatia Mwongozo wa Maadili katika kazi za sanaa, na alitenda kosa ambalo linavunja heshima ya msikilizaji au mtazamaji, kinyume na Kanuni ya 20(a) ya Kanuni za Baraza la Sanaa la Taifa, Tangazo la Serikali Na. 137 la tarehe 22 Mei 2026.

Baraza limesema baada ya kufanya tathmini na utekelezaji, limejiridhisha kuwa msanii huyo alitenda kosa hilo kwa makusudi, na imebainika kuwa ana desturi ya kukosea taratibu zinazosimamia uendeshaji wa matamasha ya sanaa nchini kwa makosa yanayojirudiarudia.

Wakati huo huo, BASATA pia imemchukulia hatua Mratibu Mkuu wa Tamasha la Miaka 30 ya Bongo Flava kwa kushindwa kusimamia matamasha kwa mujibu wa Sheria.

Mratibu huyo pia ametoza faini ya Shilingi Milioni Tatu na kufungiwa kujihusisha na shughuli za sanaa hadi atakapotekeleza maamuzi hayo.

BASATA imetoa rai kwa wasanii na wadau wa sanaa kuhakikisha wanazingatia Sheria, Kanuni, Miongozo na Maadili ya Mtanzania wanapotekeleza kazi zao za sanaa.

25/09/2026

25/09/2026

Rais wa Namibia Mhe. Netumbo Nandi-Ndeitwah amesema dhamira ya Rais wa Jamhuri ya Muungano wa Tanzania Mhe.Dkt. Samia Suluhu Hassan katika kulinda afya na utu wa wanawake na watoto inagusa moja kwa moja mustakabali wa Afrika, akisisitiza kuwa uwekezaji katika afya ya mama na mtoto si matumizi ya kawaida bali ni uwekezaji katika watu, uchumi na maendeleo endelevu.

Rais Netumbo amesema hayo wakati wa mkutano wa Mkutano wa Ngazi ya Juu wenye ajenda isemayo “Uhamasishaji kwa Ajili ya Enzi Mpya: Wanawake Wanaoongoza katika Afya ya Mama na Mtoto kwa Wote” (Advocacy for a New Era: Women Leading Maternal and Child Health for All, “SHE RISES) ulioandaliwa na Rais wa Jamhuri ya Muungano wa Tanzania Mhe. Dkt.Samia Suluhu Hassan ambaye ni kinara wa Umoja wa Afrika katika afya ya Mama na Mtoto, pembezoni mwa Mkutano wa 81 wa Baraza Kuu la Umoja wa Mataifa (UNGA 81), New York nchini Marekani.

Ametoa wito kwa Mataifa ya Afrika kuongeza uwezo wa ndani wa kugharamia huduma hizo badala ya kutegemea misaada ya nje pekee, akisisitiza kuwa maendeleo ya Bara la Afrika hayawezi kutenganishwa na afya ya watu wake.

Namibia imeahidi kuendelea kushirikiana na Tanzania katika utekelezaji wa jukumu hilo la Umoja wa Afrika.

Akiwasilisha uzoefu wa Tanzania, Makamu wa Rais wa Jamhuri ya Muungano wa Tanzania Mhe. Deogratius Ndejembi amesema uwekezaji huo tayari umeanza kupata mafanikio, ambapo kati ya mwaka 2015 na 2022 vifo vya uzazi vilipungua kutoka 556 hadi 104 kwa kila vizazi hai 100,000, huku vifo vya watoto walio chini ya miaka mitano vikishuka kutoka 67 hadi 43 kwa kila vizazi hai 1,000.

Bajeti ya afya imeongezeka kutoka takribani Sh bilioni 780 mwaka 2015 hadi Sh trilioni 1.8 mwaka wa fedha 2026/27, wakati mfumo wa M-Mama ukiwa umewezesha zaidi ya rufaa 150,000 za dharura kwa akina mama na watoto wachanga hadi Agosti 2026. Hatua hizo, amesema, zinaonesha kuwa utashi wa kisiasa unapounganishwa na rasilimali na utekelezaji, unaweza kuleta mabadiliko yanayogusa maisha moja kwa moja.

25/09/2026

Chama cha ACT Wazalendo kimedai kuwa mfululizo wa moto unaoteketeza masoko ya wamachinga nchini unachochewa na mipango ya Serikali, badala ya kuwa majanga ya bahati mbaya.

Kupitia taarifa yake iliyotolewa leo Septemba 25, 2026 na Waziri Kivuli wa TAMISEMI, Kulthumu Jumanne Mchuchuli, chama hicho kimesema matukio ya moto yamekuwa yakitokea sambamba na operesheni za kuwaondoa wamachinga.

Miongoni mwa matukio yaliyotajwa ni moto ulioteketeza vibanda zaidi ya 50 katika Machinga Complex Dodoma Septemba 20, 2026, pamoja na moto katika masoko ya Marangu (Moshi) na Mbao Sabasaba (Mwanza).

ACT Wazalendo imesema matukio k**a hayo yaliwahi kutokea pia katika masoko ya Kariakoo, Karume (ulioungua mara mbili), Ukwaju (Mwanza), Mashine Tatu (Iringa) na Kawe, bila Serikali kutoa ripoti ya wazi kuhusu chanzo cha moto, hasara wala kuwafikisha watuhumiwa mahak**ani.

"K**a sivyo, Serikali ingekuwa imeshatoa majibu ya wazi na kuchukua hatua stahiki. Badala yake imekuwa ikitumia njama hizo za moto kuongeza kasi ya kuwahamisha wamachinga," kimesema chama hicho.

Chama hicho kinadai Serikali hujidai kutenga fedha kujenga au kuboresha masoko bila kuwashirikisha waathirika, kitendo kinachoashiria kuwa majanga hayo yanapangwa.

Kutokana na hali hiyo, ACT Wazalendo kimeiomba Bunge, kupitia K**ati ya Kudumu ya Serikali za Mitaa, kuunda k**ati kuchunguza matukio yote ya kuungua kwa masoko nchini na hatua zichukuliwe mara moja.

24/09/2026

Rais wa China Xi Jinping ametua nchini Marekani kwa ziara yake ya kwanza ya kiserikali katika kipindi cha zaidi ya muongo mmoja, akipokelewa kwa heshima ya kipekee na Rais Donald Trump katika uwanja wa ndege wa Joint Base Andrews.

Mapokezi hayo ya kihistoria yalihusisha vikosi vya jeshi, bendera na nyimbo za taifa za nchi zote mbili. Hata hivyo, kilichovuta hisia za wengi ni wakati ndege mbili za kivita za B-1B Lancer kutoka Kambi ya Jeshi la Anga ya Dyess ziliporuka juu ya uwanja huo k**a sehemu ya heshima.

Ndege hizo ziliponguruma angani, Rais Trump alionekana kushtuka licha ya kuzifahamu vyema ndege hizo zenye mwendo mkali zaidi nchini Marekani. Kinyume chake, Rais Xi alibaki mtulivu bila kuonyesha wasiwasi, tukio lililosambaa kwa kasi kwenye mitandao ya kijamii.

Ziara hiyo ya siku tatu inajiri wakati maafisa waandamizi wa nchi hizo mbili wamekubaliana kuongeza muda wa makubaliano ya kibiashara hadi Januari 10. Mazungumzo kati ya Xi na Trump yanatarajiwa kujikita kwenye biashara, akili bandia (AI), na masuala ya usalama.

24/09/2026

Waziri wa Habari, Utamaduni, Sanaa na Michezo, Paul Makonda, amesema jezi mpya ya Timu ya Taifa ya soka, Taifa Stars iliyozinduliwa hivi karibuni ni mbaya, akisisitiza kuwa ni "mbaya, mbaya sana".

Makonda amesema Serikali haiwezi kuwa tayari kushuhudia mambo yakiendeshwa bila utaratibu, kutokana na uwekezaji mkubwa iliyofanya katika maandalizi ya Mashindano ya Kombe la Mataifa ya Afrika (AFCON) 2027.

Amesema Serikali imewekeza zaidi ya shilingi bilioni 30 kwa ajili ya maandalizi ya AFCON 2027.

Makonda ameyasema hayo leo Septemba 24, 2026, jijini Dar es Salaam, katika mkutano na waandishi wa habari.

24/09/2026

Jiwe moja la kawaida lililopo katika eneo la Kurtdere Highland, wilayani Maçka, limegeuka kuwa kivutio kipya cha utalii baada ya mshambuliaji wa Misri Mohamed Salah kupiga picha akiwa amekaa juu yake.

Salah, aliyejiunga na Trabzonspor mwezi Agosti 2026 akitokea Liverpool kwa uhamisho wa bure, alitembelea eneo hilo Septemba 16 na kuichapisha picha yake kwenye mitandao ya kijamiiakiwa juu ya Jiwe hilo.

Ndani ya siku chache, picha hiyo ilisambaa kwa kasi na kuwavutia maelfu ya mashabiki waliomiminika eneo hilo kutaka kuiga pozi la nyota huyo.

Wakazi wa eneo hilo sasa wameliita eneo hilo "Salah Yaylası" (Bonde la Salah) na kuweka bango lenye jina hilo. Halmashauri ya jiji pia imeweka benchi kwa ajili ya wageni kupumzika.

Tuana Hatipoğlu, mkazi wa Trabzon aliyerejea kutoka Kocaeli, alisema: "Hili ni eneo nilikokulia utotoni, lilikuwa kimya sana. Sikuamini k**a jiwe moja linaweza kuleta watu wengi hivi."

Kwa sasa, vibanda vya vyakula na vinywaji vimefunguliwa kando ya bonde hilo huku idadi ya watalii ikiendelea kuongezeka.

Wakati huo huo, Salah anaendelea kung'ara uwandani. Jumamosi iliyopita, alifunga mabao matatu na kutoa pasi moja ya bao katika ushindi wa 4-0 dhidi ya vinara wa ligi Galatasaray, akiwapa furaha mashabiki wa Trabzonspor.

24/09/2026

Irene J Fundi
Mwenyekiti wa Chadema Tundu Lissu leo akiwa mahak**ani ameuliza yuko wapi aliyekuwa makamu wa rais Dkt Emmanuel Nchimbi ambaye tangu ajiuzulu na kufukuzwa uwanachama wa CCM hajaonekana.

24/09/2026

Rais wa Jamhuri ya Muungano wa Tanzania, Dkt. Samia Suluhu Hassan, amepongezwa kwa uongozi wake mahiri katika kusukuma mbele ajenda ya Afrika ya kutokomeza vifo vinavyoweza kuzuilika vya mama na mtoto, huku bara hilo likikabiliwa na karibu asilimia 70 ya vifo vya akina mama duniani na takribani theluthi mbili ya vifo vya watoto walio chini ya miaka mitano.

Akiwa Kinara wa Umoja wa Afrika katika Afya ya Mama na Mtoto, Rais Samia anaongoza ajenda ya “Malengo Matatu ya Sifuri” (Three Zeros) inayolenga kufikia sifuri ya kujifungulia nyumbani, sifuri ya vifo vinavyoweza kuzuilika vya mama na mtoto mchanga, pamoja na sifuri ya watoto wasiopata chanjo.

Ajenda hiyo imepewa msukumo katika Mkutano wa Ngazi ya Juu wa Wakuu wa Nchi kuhusu Afya ya Mama, Mtoto Mchanga na Mtoto, iliofanyika pembezoni mwa Mkutano wa 81 wa Baraza Kuu la Umoja wa Mataifa (UNGA81), ukiwakutanisha Wakuu wa Nchi na Serikali, viongozi wa taasisi za Umoja wa Afrika, mashirika ya kimataifa ya afya na washirika wa maendeleo.

Akiwasilisha ujumbe wa Rais Samia katika mkutano huo, Makamu wa Rais wa Jamhuri ya Muungano wa Tanzania, Mhe. Deogratius Ndejembi, amesema ukubwa wa changamoto unahitaji Afrika kutoka kwenye ahadi na kuelekea katika hatua madhubuti zinazoweza kupimwa kwa maisha ya wanawake na watoto yanayookolewa.

Amesema, pamoja na hatua ambazo Bara la Afrika limepiga, Afrika bado inachangia karibu asilimia 70 ya vifo vya akina mama duniani na takribani theluthi mbili ya vifo vya watoto walio chini ya miaka mitano, huku sehemu kubwa ya vifo hivyo ikiwa inaweza kuzuilika.

Makamu wa Rais amesema msukumo wa Rais Samia unalenga kuimarisha mifumo ya afya ya nchi za Afrika, kuongeza ufadhili wa ndani, kuboresha huduma za dharura na mifumo ya rufaa, kuongeza upatikanaji wa wahudumu wa afya wenye ujuzi na kuhakikisha takwimu zinatumika kufuatilia matokeo na kubaini maeneo yanayohitaji hatua zaidi.

Akielezea uzoefu wa Tanzania, Makamu wa Rais amesema uwekezaji katika huduma za afya ya msingi na za dharura kwa mama na mtoto mchanga, pamoja na kuimarishwa kwa mifumo ya rufaa ikiwemo M-Mama.

24/09/2026

Waziri wa Habari, Utamaduni, Sanaa na Michezo Paul Makonda kwenye mkutano wa Leo na Waandishi wa Habari.