Modc News

Modc News Kwa Habari za Michezo na Burudani, Uchumi na Biashara, Siasa na uchambuzi wa kina kutoka Pande zote za Dunia.

Balozi Nchimbi Atangaza Kujiuzulu, Makamu wa RaisAgosti 25, 2026— Makamu wa Rais wa Jamhuri ya Muungano wa Tanzania, Bal...
25/08/2026

Balozi Nchimbi Atangaza Kujiuzulu, Makamu wa Rais

Agosti 25, 2026— Makamu wa Rais wa Jamhuri ya Muungano wa Tanzania, Balozi Dkt. Emmanuel John Nchimbi, ametangaza kujiuzulu nafasi hiyo, akisema amefanya uamuzi huo kwa kuzingatia Katiba ya Jamhuri ya Muungano wa Tanzania.

Katika taarifa yake yenye kichwa “Taarifa kwa Umma" iliyotolewa leo Agosti 25, 2026, Balozi Nchimbi amesema ameamua kujiuzulu nafasi ya Makamu wa Rais kwa kuzingatia *Ibara ya 50(2)(c) ikisomwa kwa pamoja na Ibara ya 149(2) ya Katiba*, kuanzia *tarehe 4 Septemba 2026*.

Balozi Nchimbi amesema uamuzi huo unafuatia ahadi aliyompa Rais wa Jamhuri ya Muungano wa Tanzania, Dkt. Samia Suluhu Hassan, ambapo tarehe *27 Agosti 2025* alimwahidi kuwa angemsaidia yeye na nchi kwa uwezo na uaminifu wake wote.

> “Pia, nilimwahakikishia kuwa siku yoyote akiona anahitaji Makamu mwingine wa Rais, nitaachia nafasi hii,” amesema Balozi Nchimbi katika taarifa hiyo.

Amesema amejiridhisha kuwa Rais Samia anatarajia mabadiliko, hivyo ameamua *kutimiza ahadi yake* kwa kuachia nafasi hiyo.

Katika taarifa hiyo, Balozi Nchimbi pia amemshukuru Rais Samia Suluhu Hassan pamoja na Chama Cha Mapinduzi (CCM) kwa imani waliyonayo kwake.

“Natumia nafasi hii pia kuwashukuru Watanzania wote kwa ushirikiano mkubwa mlionipa wakati wote nilikuwa katika utumishi wa umma,” amesema.

Aidha, amewaahidi Watanzania kuwa ataendelea kuwa **raia mwema wa Tanzania**, akisisitiza dhamira yake ya kuendelea kulitumikia taifa kwa namna nyingine.

Balozi Nchimbi amekuwa Makamu wa Rais wa Jamhuri ya Muungano wa Tanzania tangu Novemba 2025, baada ya kuteuliwa kuwa mgombea mwenza wa Rais Samia Suluhu Hassan katika Uchaguzi Mkuu wa 2025.


NIFFOLLOW Modc News
25/08/2026

NIFFOLLOW Modc News

Mhadhiri wa Kiislamu na Katibu wa Baraza la Habari la Waislamu Tanzania, Sheikh Saidi Mwaipopo, amemtaka Katibu Mkuu wa ...
24/08/2026

Mhadhiri wa Kiislamu na Katibu wa Baraza la Habari la Waislamu Tanzania, Sheikh Saidi Mwaipopo, amemtaka Katibu Mkuu wa Chama cha Demokrasia na Maendeleo (CHADEMA), John Heche, kubadilisha mwelekeo wa siasa zake kwa kuacha siasa za kupambana na Serikali, akisema upinzani wa aina hiyo unaweza kuleta madhara zaidi kwa anayefanya hivyo.

Sheikh Mwaipopo amesema Heche anapaswa kuelewa kuwa kupigana au kupingana na Serikali ni sawa na “kupigana na Mlima Kilimanjaro”, akisisitiza kuwa ni muhimu kwa viongozi wa kisiasa kuweka mbele maslahi ya taifa, mshik**ano na utulivu.

“Nimuombe sana John Heche abadilishe siasa zake. Kupigana ama kupingana na Serikali ni k**a kupigana na Mlima Kilimanjaro, utaumia mwenyewe,” amesema Sheikh Mwaipopo.

Aidha, ameitaka CHADEMA kujifunza kutoka kwa aliyekuwa Mwenyekiti wa chama hicho, Freeman Mbowe, akisema amekuwa akionesha mfano wa uzalendo, ukweli na uadilifu katika masuala yanayohusu nchi.

Amesema CHADEMA inapaswa kuiga mfano huo kwa kuweka mbele maslahi mapana ya Tanzania badala ya kujikita katika misuguano na Serikali.

Katika hatua nyingine, Sheikh Mwaipopo amewataka wataalamu wa saikolojia kumsaidia Mwenyekiti wa CHADEMA, Tundu Lissu, akieleza kuwa haoni mantiki ya Lissu kumtaja Rais Samia Suluhu Hassan k**a shahidi katika kesi yake.

“Watu wa saikolojia pia msaidieni Tundu Lissu. Haiwezekani ukamuita Rais Samia Suluhu Hassan kuwa shahidi wako. Kwanini? Kwa maslahi gani?” amehoji.

Sheikh Mwaipopo pia amesisitiza umuhimu wa Watanzania kudumisha mshik**ano na kuepuka migongano, akisema wananchi wanapaswa kuiunga mkono Serikali katika kutekeleza majukumu yake kwa maslahi ya taifa.

Amesema kwa mtazamo wake, kwa Waislamu, kuiunga mkono Serikali katika mambo yenye maslahi kwa taifa ni sehemu ya ibada, huku akisisitiza kuwa dini inapaswa kwenda sambamba na uzalendo.

“Kuiunga mkono Serikali ni sehemu ya ibada kwetu Waislamu. Dini bila uzalendo ni uhuni,” amesema.

Sheikh Mwaipopo, ambaye pia ni mmiliki wa vyombo vya habari nchini, amesisitiza kuwa Tanzania inahitaji viongozi wanaojenga umoja na utulivu badala ya kuongeza migongano ya kisiasa.

NIFFOLLOW Modc News



Mshukiwa mmoja wa wizi nchini Uganda amewaacha wananchi wakiwa wamepigwa na butwaa baada ya kuanza kuwacheka na kuwaaga ...
24/08/2026

Mshukiwa mmoja wa wizi nchini Uganda amewaacha wananchi wakiwa wamepigwa na butwaa baada ya kuanza kuwacheka na kuwaaga kwa tabasamu kubwa wakati akipakiwa kwenye gari la polisi. Mzaha huo ulitokea muda mfupi tu baada ya jaribio la wananchi hao kutaka kumuua yeye na mwenzake kugonga mwamba.

​Mshukiwa huyo, akiwa amefungwa pingu mikononi pamoja na mwenzake, alionekana mwenye furaha tele na kuanza kupunga mikono yote miwili kuwaaga wananchi waliokuwa wamewazunguka. Kitendo chake kilionyesha wazi kuwa alikuwa akiwacheka na kuwafanyia kejeli kwa kushindwa kukamilisha azma yao ya kuchukua sheria mkononi, huku akifurahia kuokolewa na jeshi la polisi.

​Awali, watuhumiwa hao wawili walinaswa na wananchi wenye hasira kali waliokuwa wamedhamiria kufanya maamuzi magumu. Hata hivyo, maofisa wa Polisi kutoka Kituo cha Lwengo (Lwengo CPS) waliwahi kufika eneo la tukio na kufanikiwa kuwatuliza wananchi hao kabla ya kuwapazia watuhumiwa kwenye gari lao na kuondoka nao kuelekea kituo cha polisi kwa ajili ya mahojiano na hatua za kisheria.

NIFFOLLOW Modc News



20/08/2026

Mbunge wa Morogoro Kusini Mashariki, Mhe. Hamis Taletale “Babu Tale” amewakaribisha wageni na wananchi wote watakaofika kushuhudia uzinduzi rasmi wa Kituo cha Kuzalisha Umeme cha Julius Nyerere (JNHPP) utakaofanywa na Rais wa Jamhuri ya Muungano wa Tanzania, Dkt. Samia Suluhu Hassan.

Babu Tale amesema kuwa kutokana na uwepo wa Barabara ya Bigwa - Kisaki ambayo mkandarasi tayari yupo site, itawawezesha wageni na wananchi kushuhudia uzinduzi huo wa kihistoria na baada ya shughuli hiyo kurejea Dodoma kushiriki katika sherehe za Miaka 30 ya Bongo Fleva zitakazofanyika Chinangali Agosti 22, 2026.

“Tutakwenda Kisaki, tutajumuika na Mheshimiwa Rais, na atakapondoka tutarudi Dodoma kusherehekea Miaka 30 ya Bongo Fleva pale Chinangali.” — Babu Tale.


20/08/2026

Mkuu wa Mkoa wa Dar es Salaam, Albert Chalamila, amewapa onyo kali watendaji na watumishi wa umma wanaofanya kazi kwa uzembe na vitendo vya rushwa, akisisitiza kuwa tabia hizo zimekuwa zikizorotesha maendeleo na kumchonganisha Rais Samia Suluhu Hassan na wananchi.

Akizungumza wakati wa ziara yake katika Stendi Kuu ya Mabasi ya Magufuli, Chalamila amewataka watendaji hao kubadilika mara moja na kufanya kazi kwa uadilifu, weledi na uzalendo ili kuhudumia wananchi ipasavyo.

Aidha, Mkuu huyo wa Mkoa ameagiza kuimarishwa kwa usafi na usimamizi madhubuti wa miundombinu katika kituo hicho kikuu cha mabasi, akibainisha kuwa mradi huo umejengwa kwa fedha nyingi za umma na unapaswa kuendeshwa kwa viwango vinavyostahili.

Amesisitiza kuwa serikali haitasita kuchukua hatua kali za kisheria na kinidhamu dhidi ya mtu yeyote atakayebainika kujihusisha na ubadhirifu wa fedha au kuvuruga utaratibu uliowekwa kituoni hapo.


20/08/2026

Mkuu wa Mkoa Wa Dar es Salaam Albert Chalamila amemsamehe Mkurugenzi wa mabasi ya Tilisho aliyek**atwa kwa kukaidi agizo la Mabasi yote kuhamia kituo cha Mabasi cha Mbezi Magufuli.

Msamaha huo ameutoa Agosti 19, 2026 baada ya kutembelea kituo hicho na kumtaka Mmiliki huyo ahamishie mabasi yake yote Mbezi na afunge Mara moja vituo vyake vyote vilivyo nje ya Mbezi Magufuli.


20/08/2026

Mkuu wa Mkoa wa Dar es Salaam, Albert Chalamila, leo amewasili katika Kituo Kikuu cha Mabasi cha Magufuli kilichopo Mbezi Luis na kupokelewa kwa shangwe na kundi kubwa la wananchi, wakiwemo wamachinga, madereva wa bodaboda na bajaji.

Mapokezi hayo yanadaiwa kuchangiwa na agizo la Chalamila la kuyataka mabasi yote kurejea katika Kituo Kikuu cha Mabasi cha Magufuli, baada ya baadhi ya mabasi kuhamia vituo vingine.

Agizo hilo limeonekana kuwafurahisha baadhi ya wafanyabiashara na watoa huduma wanaofanya shughuli zao katika eneo la kituo hicho, ambao wamekuwa wakitegemea uwepo wa abiria wanaoshuka na kupanda mabasi kwa ajili ya biashara zao.


20/08/2026

Rais Donald Trump amesema baadhi ya nchi zimeanza kutafuta njia mbadala za kupata mafuta kutokana na changamoto zinazohusishwa na usafirishaji wa mafuta kupitia mlango Bahari wa Hormuz.

Trump amesema Marekani ina vyanzo vya mafuta ndani ya nchi, akitaja Texas, Alaska na Louisiana k**a maeneo ambayo yanaweza kusaidia kukidhi mahitaji ya mafuta. Kauli hiyo inakuja wakati mvutano kuhusu usalama na usafirishaji kupitia Hormuz ukiendelea.

Mlango Bahari wa Hormuz ni njia muhimu kwa biashara ya mafuta duniani, na usumbufu katika eneo hilo unaweza kuathiri masoko ya nishati kimataifa. Trump amekuwa akisisitiza kuwa Marekani ina uwezo wa kuhakikisha usalama wa njia hiyo.

Wataalamu wa soko la mafuta wanaonya kuwa hata Marekani ikiwa na uzalishaji mkubwa wa ndani, mafuta ni bidhaa inayouzwa katika soko la kimataifa, hivyo mabadiliko ya usambazaji wa dunia yanaweza kuathiri bei hata ndani ya Marekani.


Binti mwenye umri wa miaka 18, Jackline Mteresa, mkazi wa Kijiji cha Isango, Wilaya ya Rorya, Mkoa wa Mara, amefariki du...
19/08/2026

Binti mwenye umri wa miaka 18, Jackline Mteresa, mkazi wa Kijiji cha Isango, Wilaya ya Rorya, Mkoa wa Mara, amefariki dunia baada ya kudaiwa kupigwa viboko na baba yake mdogo, kufuatia kuhudhuria sherehe ya tohara kijijini hapo.

Mwenzake, Rhobi Werema (16), ambaye ni mtoto wa mtuhumiwa, amelazwa katika Kituo cha Afya Kinesi akipatiwa matibabu kutokana na majeraha aliyoyapata katika tukio hilo.

Kwa mujibu wa ndugu wa marehemu aliyeomba jina lake lihifadhiwe, tukio hilo lilitokea Jumamosi, Agosti 15, 2026, baada ya Jackline na Rhobi kwenda kwenye sherehe ya tohara.

Inadaiwa mtuhumiwa aliwafuata na kuanza kuwapiga wakiwa njiani kurejea nyumbani. Kipigo hicho kilisababisha Jackline kuanguka na kugonga jiwe, hali iliyomfanya kupoteza fahamu.

Ndugu huyo amesema Jackline aliporejewa na fahamu nyumbani, bado aliendelea kupigwa na mtuhumiwa licha ya kulalamika na kuomba maji.

Baadaye majirani walifika na kumpeleka katika Kituo cha Afya Kinesi, lakini madaktari walithibitisha kuwa tayari amefariki dunia, huku mwili wake ukihifadhiwa katika chumba cha kuhifadhia maiti kwa ajili ya uchunguzi zaidi.

Taarifa zinaeleza kuwa mtuhumiwa alitoroka baada ya kuthibitishwa kwa kifo hicho na hadi sasa anaendelea kutafutwa na Jeshi la Polisi.

Kamanda wa Polisi Kanda Maalum ya Tarime/Rorya, Mark Njera, amethibitisha kutokea kwa tukio hilo na kusema polisi wanaendelea na msako wa kumtafuta mtuhumiwa ili ak**atwe na kuchukuliwa hatua za kisheria.

Niffollow Modc News



Address

Dar Es Salaam

Website

Alerts

Be the first to know and let us send you an email when Modc News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

l="false"> Add listing
  • Login
    • Subscribe

    We will notify you when anything happens in Dar es Salaam.