Dizzim Fm

Call Website

Dizzim Fm Official page for Dizzim fm | Instagram & Twitter | Frequency 93.1 Morogoro |

17/09/2026

Mkuu wa Mkoa wa Morogoro, Queen Sendiga, amesema Serikali haitasita kuchukua hatua dhidi ya wafugaji wanaokiuka sheria na kuchochea migogoro ya ardhi ndani ya mkoa huo.

Sendiga ameyasema hayo akizungumzia mpango wa kufanya utambuzi wa vijiji vilivyopo mkoani Morogoro, huku akiwataka wafugaji kuzingatia sheria katika utekelezaji wa shughuli zao.

Amesema zoezi hilo pia litasaidia kudhibiti uharibifu wa mazingira katika maeneo ya hifadhi na kulinda uwekezaji unaofanywa na Serikali katika sekta za nishati na miundombinu.

17/09/2026

Rais wa Shirikisho la Mpira wa Miguu Afrika (CAF), Dkt. Patrice Motsepe, amesema amepata imani kubwa baada ya kuona maendeleo ya maandalizi ya Tanzania kuelekea AFCON 2027.

Motsepe amesema ripoti aliyopokea na ukaguzi alioufanya leo Septemba 17, 2026, vimempa matumaini kuwa maandalizi yataendelea vizuri, huku akitarajia kurejea nchini Januari 2027 kwa ajili ya ukaguzi mwingine.

Amesema baada ya ukaguzi huo, maandalizi yataingia katika hatua kuelekea mashindano ya AFCON 2027, yatakayofanyika Tanzania, Kenya na Uganda.

Mkuu wa Mkoa wa Dar es Salaam, Albert Chalamila, ameagiza kila nyumba kuwa na angalau dustbin mbili kwa ajili ya kuhifad...
17/09/2026

Mkuu wa Mkoa wa Dar es Salaam, Albert Chalamila, ameagiza kila nyumba kuwa na angalau dustbin mbili kwa ajili ya kuhifadhia taka, ikiwa ni sehemu ya juhudi za kuhakikisha jiji linakuwa safi na mazingira yanatunzwa.

Akizungumza na wahariri wa vyombo vya habari leo Septemba 17, 2026, Chalamila amesema hatua hiyo inalenga kutekeleza agizo la Rais Samia Suluhu Hassan la kuhakikisha Dar es Salaam inakuwa safi.

Aidha, amesema magari ya abiria, maarufu k**a daladala, yanapaswa kuwa na vifaa maalumu vya kuhifadhia taka ili kuzuia uchafu kutupwa ovyo.

17/09/2026

Polisi mmoja jijini Nairobi, Kenya, amefanikiwa kumuokoa mtu anayeshukiwa kuiba simu baada ya wananchi kumk**ata kufuatia tukio hilo.

Polisi huyo aliyekuwa eneo la tukio alijitahidi kumtoa mtuhumiwa katika kundi la wananchi na kumfikisha kwenye ulinzi wa polisi kwa ajili ya hatua zaidi za kisheria.

17/09/2026

Mkuu wa Mkoa wa Morogoro, Queen Sendiga, amewaapisha wajumbe wa Baraza la Ardhi la Mkoa wa Morogoro, katika hafla iliyofanyika leo katika Ofisi ya Mkuu wa Mkoa.

Akizungumza katika hafla hiyo, Mkuu wa Mkoa amewataka wajumbe hao kutekeleza majukumu yao kwa kuzingatia haki, uadilifu na maadili ya kazi, huku wakihakikisha wanatoa huduma kwa wananchi kwa usawa na kwa kuzingatia sheria.

Amesisitiza kuwa Baraza hilo lina jukumu muhimu katika kusaidia kutatua migogoro ya ardhi na kuhakikisha wananchi wanapata haki, hivyo wajumbe wanapaswa kuweka misingi imara ya utendaji kazi unaolenga kuhudumia jamii.

Aidha, amewataka wajumbe hao kutekeleza majukumu yao kwa weledi, uaminifu na bila upendeleo, ili kuongeza imani ya wananchi katika taasisi zinazoshughulikia masuala ya ardhi.

Jeshi la Polisi Mkoa wa Simiyu limeanza ufuatiliaji na uchunguzi wa picha mjongeo inayosambaa katika mitandao ya kijamii...
17/09/2026

Jeshi la Polisi Mkoa wa Simiyu limeanza ufuatiliaji na uchunguzi wa picha mjongeo inayosambaa katika mitandao ya kijamii, inayodaiwa kuwahusisha baadhi ya askari wa mkoa huo.

Polisi Simiyu imesema uchunguzi umeanza mara moja ili kubaini ukweli kuhusu picha hiyo, huku taarifa kamili ya tukio ikitarajiwa kutolewa baada ya uchunguzi kukamilika.

17/09/2026

Rais wa Shirikisho la Soka Afrika (CAF), Patrice Motsepe, yupo katika Uwanja wa Benjamin Mkapa jijini Dar es Salaam kwa ajili ya kufanya ukaguzi wa uwanja huo kuelekea mashindano ya AFCON 2027.

Ukaguzi huo ni sehemu ya maandalizi ya Tanzania kwa ajili ya michuano hiyo mikubwa ya soka barani Afrika.

17/09/2026

Msanii Q-Chief amesema hakuna msanii anayepanda kwenye shoo saa 9 usiku na kupewa fedha ambazo hatakubali kuzichukua.

Q-Chief ametoa kauli hiyo wakati yeye pamoja na wasanii wengine wa kundi la Wachonga wakiwa njiani kuelekea jijini Arusha kwa ajili ya tamasha la kusherehekea miaka 30 ya Bongo Fleva.

Tamasha hilo linatarajiwa kuwakutanisha wasanii mbalimbali katika kusherehekea historia na mchango wa Bongo Fleva kwa miaka 30.

16/09/2026

Wastani wa hasara za kila mwaka zinazotokana na mafuriko unatarajiwa kuongezeka kufuatia tahadhari ya uwezekano wa kunyesha mvua za El Nino katika kipindi kijacho.

Maeneo mbalimbali nchini yamekuwa yakikumbwa na athari za mafuriko wakati wa msimu wa mvua, hali inayoweza kuongezeka iwapo mvua zitanyesha kwa wingi.

Katika kukabiliana na athari za mabadiliko ya tabianchi, Serikali imeeleza hatua mbalimbali zinazolenga kuwawezesha wananchi kuchukua tahadhari na kujikinga dhidi ya madhara yanayoweza kujitokeza.

Huko Morogoro, Mkuu wa Mkoa, Queen Sendiga, ametembelea maeneo ya Manispaa ya Morogoro yanayokumbwa na mafuriko mara kwa mara, kwa lengo la kujionea hali ilivyo na kuchukua hatua za kukabiliana na changamoto hiyo.

RC Sendiga amelitaka Shirika la Reli Tanzania (TRC) kuchukua hatua kuhusu tuta la reli ya mwendokasi katika eneo la Kihonda, akieleza kuwa linatajwa kuchangia kuongezeka kwa maji na kusababisha mafuriko katika maeneo ya jirani.

Hatua hizo zinafanyika wakati mamlaka zikiendelea kuhamasisha wananchi kuchukua tahadhari na kufuata maelekezo ya wataalamu ili kupunguza athari zinazoweza kusababishwa na mvua kubwa.

Address

Mtawala
Morogoro

Telephone

+255714606016

Website

Alerts

Be the first to know and let us send you an email when Dizzim Fm posts news and promotions. Your email address will not be used for any other purpose, and you can unsubscribe at any time.

Shortcuts

Share

Category