02/20/2026
ယုံကြည်ရာရွေးချယ်ခဲ့လို့ သားတွေရဲ့ မိခင်အဖြစ်က ပေါ်ပေါ်တင်တင်စွန့်လွှတ်ခဲ့ရသူဒေါ်မြင့်ရဲ့ နွေဦးခရီးကြမ်း ဘယ်လိုလှမ်းနေသလဲ
ဒီတစ်ပတ်မှာတော့ အမျိုးသမီးတွေအတွက် ခွန်အားပေးဝေမျှပေးဖို့ အသင့်ရှိနေတဲ့အမျိုးသမီးကြီးတစ်ဦးနဲ့ မိတ်ဆက်ပေးပါ့မယ်..။ သူမကတော့ ကိုယ့်ယုံကြည်ရာအတွက် သားတွေရဲ့စွန့်လွှတ်ခြင်းကိုခံခဲ့ရသူ၊ စစ်အာ ဏာရှင်လက်အောက်က လွတ်မြောက်ရာနယ်မြေတစ်ခုမှာ ကြုံလာသမျှအခက်ခဲတွေကို ကြံ့ကြံ့ခံရင်ဆိုင်ရင်း ဘဝကိုအေးချမ်းစွာဖြတ်သန်းနိုင်ဖို့ကြိုးစားနေသူ အသက်၇၀အရွယ်ဒေါ်မြင့်ပဲဖြစ်ပါတယ်။
သားလေးဦး သမီးတစ်ဦးနဲ့အေးချမ်းစွာဖြတ်သန်းနေခဲ့တဲ့ သူမရဲ့ဘဝဟာ အာဏာသိမ်းလိုက်ချိန်မှာတော့အား လုံးဝတစစီပြိုလဲခဲ့ရတာပါ။ ကြားနေသားနှစ်ဦး၊ စစ်အာဏာရှင်ဘက်ကိုအလေးသာတဲ့ သားနှစ်ဦးနဲ့ စစ်အာဏာ ရှင်ကို လုံးဝလက်မခံတဲ့ သူမနဲ့ သူမရဲ့သမီးတို့ဟာ စိတ်ဝမ်းတွေကွဲခဲ့ကြပြီး လားရာတွေမတူတော့ဘဲ လုံးလုံး လျားလျား ခွဲခွာခဲ့ရတာပါ။
စစ်အာဏာရှင်ကိုတွန်းလှန်ရမယ်ဆိုတဲ့ ဒေါ်မြင့်ဟာကိုယ့်ယုံကြည်ရာစိတ်ကိုသာအလိုလိုက်ခဲ့တဲ့အတွက် သားနှစ်ဦးရဲ့မုန်းတီးခြင်းကိုခံခဲ့ရတာပါ။ ဒါကြောင့်မိခင်အဖြစ်ကစွန့်လွှတ်ပါတယ်လို့ ပေါ်ပေါ် တင်တင်ကို ကြေညာခံခဲ့ရတဲ့ အမျိုးသမီးတစ်ဦးလည်းဖြစ်ခဲ့ပါတယ်။
ဒါကြောင့်သူမရဲ့လွတ်မြောက်နယ်မြေရောက်ခရီး ကြမ်းကို ဘယ်လိုလှမ်းနေသလဲ..လက်ရှိအချိန်အထိသူမရဲ့ယုံကြည်ရာပန်းတိုင်ကို ဘယ်လိုရှေ့ဆက်နေ သလဲဆိုတာ နွေဦးနွယ်ပင်အစီအစဉ်မှတင်ဆက်ပေးလိုက်ရပါတယ်။
#နွေဦးနွယ်ပင်
