Chiragh TV

Chiragh TV By The People, From The People, For The People

د خوست د ط..البانو د امنيې قومندانۍ څخه په نشر سوې خبرپاڼه کي ويل سوي، چي هغه اووه کسان ئې نيولي دي، چي په کليوالي سيمو ...
01/14/2026

د خوست د ط..البانو د امنيې قومندانۍ څخه په نشر سوې خبرپاڼه کي ويل سوي، چي هغه اووه کسان ئې نيولي دي، چي په کليوالي سيمو کي خلګو ته د يوې بهرنۍ مؤسيسې د مامورينو په نوم معرفي کړي او د خلګو څخه ئې د نوم ثبتولو په موخه پيسې اخيستلې چي دغه مؤسيسه تاسو ته وروسته مرستي درکوي.
په خبرپاڼه کي ويل سوي، چي په نیول سوو کسانو کي د دغه جعلي مؤسيسې رئيس، کمپیوټرکار، موټرچلوونکی او څلور ډاکټراني شاملي دي، چي د‌ کليوالي خلګو څخه په ياده بهانه پيسې ټولوي.

د کنړ د ط..البانو د ولايت مقام څخه د چهارشنبې په ورځ په نشر سوې خبرپاڼه کي ويل سوي، چي د کنړ ولايت د کانونو څخه ۳۵ کيلوګ...
01/14/2026

د کنړ د ط..البانو د ولايت مقام څخه د چهارشنبې په ورځ په نشر سوې خبرپاڼه کي ويل سوي، چي د کنړ ولايت د کانونو څخه ۳۵ کيلوګرامه قيمتي ډبري پر کورنيو سوداګرو خرڅي کړي.
په خبرپاڼه کي ويل سوي، چي د بېروج دغه ډبري ئې د ۴۷ ميليونه افغانيو په بدل کي د ازادي داوطلبۍ له لاري خرڅ کړي.
بايد وويل سي، چي تېره ورځ ط..البانو د ۴۷ زره امريکايي ډالرو په ارزښت د پنجشېر زمرد هم خرڅ کړي وو.

د ط..البانو د مهاجرینو د ستونزو د حل کمیسیون د چهارشنبې په ورځ خبر ورکړی چي پرون، د سې شنبې په ورځ، له پاکستان او ایران ...
01/14/2026

د ط..البانو د مهاجرینو د ستونزو د حل کمیسیون د چهارشنبې په ورځ خبر ورکړی چي پرون، د سې شنبې په ورځ، له پاکستان او ایران څخه دوه زره او ۱۶۵ افغان مهاجرین اخراج سوي او هیواد ته راستانه سوي دي.
د دغه کمیسیون د معلوماتو له مخي ۱۷۶۶ کسان د تورخم له لاري، ۱۹۵ تنه د سپین‌بولدک له لاري او ۱۱۹ تنه د بهرامچې له لاري له پاکستان څخه افغانستان ته داخل سوي دي. همداراز، ۵۱ تنه د اسلام‌ کلا او ۳۴ تنه د ابریشم پله د لاري له ایران څخه اخراج او هيواد ته ستانه سوي دي.

د تايلنډ رسنيو خبر ورکړی چي نن سهار يوه ريل ګاډۍ چي له بانکوک (د تايلنډ پلازمېنه) څخه د شمال ختيځ سيمو پر لور روانه وه، ...
01/14/2026

د تايلنډ رسنيو خبر ورکړی چي نن سهار يوه ريل ګاډۍ چي له بانکوک (د تايلنډ پلازمېنه) څخه د شمال ختيځ سيمو پر لور روانه وه، تر هغه وروسته له پټلۍ واوښته او چپه سوه چي د يوې ودانیزي پروژي جرثقیل پرې را ولوېد.
د لومړنيو راپورونو له مخي په دې پېښه کي ۲۲ کسان وژل سوي او له ۳۰ زيات نور ټپيان سوي دي.
د تايلنډ پوليسو ويلي، دا پېښه د سيخيئو ولسوالۍ په ناکون راتچاسيما ولايت کي، چي د بانکوک څخه شاوخوا ۲۳۰ کیلومتره شمال ختيځ ته پروت دئ، رامنځ ته سوې ده.
ځايي چارواکي وايي، هغه اور چي د ريل ګاډۍ له پټلۍ وتلو وروسته بل سوی و، مهار سوی دئ او دا مهال د لټون او ژغورني چاري دوام لري.

Afghanistan and Girls` Education
01/14/2026

Afghanistan and Girls` Education

افغانستان و آموزش دختران
01/14/2026

افغانستان و آموزش دختران

افغانستان او د انجونو زده کړه
01/14/2026

افغانستان او د انجونو زده کړه

د کندهار د ط..البانو سیمه‌ییزو چارواکو په دې ولایت کي د ریګو ميلې ته د ځوانانو پر ورتګ بندیز لګولی دئ. ط..البان وایي، دا...
01/14/2026

د کندهار د ط..البانو سیمه‌ییزو چارواکو په دې ولایت کي د ریګو ميلې ته د ځوانانو پر ورتګ بندیز لګولی دئ.
ط..البان وایي، دا بندیز وروسته له هغه لګول سوی چي ځوانانو په یاده سیمه کي د موټرو ځغلوني سیالۍ کولې او له امله ئې ټکرونه او پېښي رامنځ ته سوي وې.
چارواکي وايي، دغه پرېکړه د ځوانانو د خوندیتوب له پاره سوې ده.
بايد وويل سي، چي د کندهار ځوانان هر کال د ژمي په موسم کي ريګو ته د ميلې او تفريح له پاره تلل.

د انټرنېټ د څار نړۍوالي ادارې نټ بلاکس خبر ورکړی چي په ایران کي د شپږو ورځو راهیسي انټرنټ بند دئ او دغه هیواد لا هم له ن...
01/14/2026

د انټرنېټ د څار نړۍوالي ادارې نټ بلاکس خبر ورکړی چي په ایران کي د شپږو ورځو راهیسي انټرنټ بند دئ او دغه هیواد لا هم له نړۍ څخه بې‌ارتباطه پاته دئ.
نټ بلاکس نن چهارشنبه (۲۴ جدی) ویلي چي ایران یوه بله ورځ هم د ډیجیټل خاموشۍ تجربه کوي.
د یادوني وړ ده چي د انټرنټ د بندېدو له امله د پېښو دقیق معلومات تر رسنیو نه دي رسېدلي.

پاکستاني رسنیو د دغه هیواد د سوداګرۍ وزارت له قوله راپور ورکړی، چي د افغانستان سوداګرو ته اجازه ورکړل سوې چي خپل له شپږ ...
01/14/2026

پاکستاني رسنیو د دغه هیواد د سوداګرۍ وزارت له قوله راپور ورکړی، چي د افغانستان سوداګرو ته اجازه ورکړل سوې چي خپل له شپږ زرو څخه زیات ترانزیتي کانتینرونه د کراچۍ بندر څخه وباسي.
د راپورونو له مخي، دا پرېکړه د افغان سوداګرو د غوښتني له مخي سوې، ځکه چي دوی د کراچي په بندر کي له اوږدې مودې راهیسي د خپلو مالونو د پاته کېدو له امله درانه لګښتونه کړي.
د پاکستان د سوداګرۍ وزارت یوه چارواکي ویلي، له هغو واردونکو سره چي د خپلو کانتینرونو د انتقال له پاره ئې وزارت ته مراجعه کړې، تماس نیول سوی او خبر ورکړل سوی چي کولای سي خپل مالونه انتقال کړي.
د راپورونو له مخي زیاتره کانتینرونه له مالیزیا، چین او ویتنام څخه راغلي او د‌ کراچي په بندر کي بند‌پاته‌دي.
دا پداسي حال کي ده چي د افغانستان او پاکستان تر منځ د اکتوبر میاشتي راهیسي د سرحدي دروازو د تړل کېدو له امله تجارت په ټپه درېدلی دئ او لا هم د دغو دروازو د بیا پرانیستلو څرک نه ښکاري.
پاکستان مخکي د ملګرو ملتونو مرستندویو توکو ته اجازه ورکړې وه چي افغانستان ته انتقال سي، خو ویل کېږي چي ط..البانو د دغو مرستو د داخلېدو مخه نیولې وه.

د ط..البانو د حکومت وياند ذبيح الله م.جاهد په کندهار کي د يوې غونډي پر مهال ويلي، چي د ط..البانو د پوهني وزات تر چتر لان...
01/14/2026

د ط..البانو د حکومت وياند ذبيح الله م.جاهد په کندهار کي د يوې غونډي پر مهال ويلي، چي د ط..البانو د پوهني وزات تر چتر لاندي په دغه هيواد کي شل زره ديني مدرسې فعاله دي.
د هغه په خبره چي په دغه ديني مدرسو کي شاوخوا دوه نيم ميليونه زده کوونکي زده کړي کوي.
د هغه په وينا چي دولت ئې د ديني زده کړو مرکزونو ته خاصه پاملرنه کوي.
په ورته وخت کي يو شمېر د سياسي چارو پوهان وايي چي ط..البانو د ديني مدرسو په نوم په دغه مرکزونو کي خپل جنګيالي روزي.
د هغوی په خبره چي ط..البانو د ښوونځيو د ښوونکو بستونه لغوه کړي خو د پوهني وزارت زياته بديجه بيا پر ديني مدرسو لګوي.

01/13/2026

د څراغ تلوېزیون د ۲۰۲۶ د جنوري د ۱۳ مي (د نن مهم ټکي) خبري مجله.

مکمل خبرونه دلته ولولئ
https://t.co/damSAl5xWp

Address

250 South Van Dorn Street, Apt: N212 Alexandria
Alexandria, VA
22304

Telephone

+15717498451

Website

Alerts

Be the first to know and let us send you an email when Chiragh TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chiragh TV:

Shortcuts

Share

Category