Yonas Tade

10/17/2025

10/14/2025

ምሕረትና ሰላም ፍቅርም ይብዛላችሁ። ይሁዳ 1:2

10/14/2025

እግዚአብሔር ጻድቅ ነውና፥ ጽድቅንም ይወድዳል፤ ቅንነት ግን ፊቱን ታየዋለች።
መዝ 11:7

10/12/2025

መፅሐፍ ቅዱስ የሕይወትና የእምነት ውኃ ልክ ነው።
ግለጡት፥አንብቡት፥አጥኑትአሰላስሉት፥ታዘዙት: ኑሩበት:
አስተምሩት።

10/12/2025

ካሰብህበት ባትደርስም እግዚአብሔር ካሰበልህ ደርሰሃልና ዛሬም
ደስ ይበልህ !!!

10/09/2025

ጌታዬ ኢየሱስ ክርስቶስ ሆይ አንተ የማንነቴ መገኛ ነህ። ራቁትህን ተሰቅለህ ምንም ሳይቀር ወደኸኛል። በጦር በተወጋህ ጊዜ የልብህ መጋረጃ ተከፍቶ ከውስጥህ የፈሰሰው የበረከት ወንዝ ይዞኝ ሄዷል። ከዚህ ዓለም ተሰድጄ አሁን በአንተ ዓለም ውስጥ መኖሪያዬን አድርጌአለሁ። ቅዱስ ሆይ የኖርኩብህ መኖሪያዬ የምናገርህ ጥበቤ ነህ። አንተን የሚጠላ ልብ ምን አይነት ልብ ይሆን? ሰው እንዴት ባንተ ያፍራል? እንከን የሌለብህ ሆይ አንተ አክሊልና ጌጥ ነህ እንጂ። የተባረከችቱ እናትህ እንዳይገድሉህ ብላ በጉያዋ ሸሽጋ ስደት ተነሳች። ያንተን ፍቅር በልባቸው ትከሻ ተሸክመው የሚሰደዱ ሁሉ እጅግ የታደሉ ናቸው። መምህሬ ሆይ እንደ ኒቆዲሞስ በሌሊት መጥቼ ካንተ እማር ዘንድ፣ ማዕበል በሞላበት ባህር ላይ እንደ ጴጥሮስ እጅህን ይዤ እራመድ ዘንድ እናፍቃለሁ። ስላንተ ምስክር ሆኜ ኖሬ እሞት ዘንድ እመኛለሁ። ዓለቱ ሆይ እኔንም የማይሰበር ድንጋይ እንድታደርገኝ ጸሎቴ ነው። ያሸከምከኝ መስቀልህ ክንፍ ሆኖኝ ሰማይ ደርስበታለሁ። ትውልዴ ሁሉ፣ ያብራኬ ልጆች አንተን የምታበራውን ኮከብ የተሸከሙ ሰማያት ይሁኑ። ስወድህ ኖሬ ሞቼም ከመቃብር በታች በሚቆየው አጥንቴ ላይ ተጽፈህ ኑር። መድሃኒዓለም ሆይ ዓለምን ሁሉ በክብርህ ሙላ። በቅዱስ ሃሳብህም ጠቅልለን። ያላንተ የሚኖር ቤቱ የፈረሰበት ድንቢጥ ነው። የማይወድህ የተረገመ ነው። እጣናችን ኢየሱስ ሆይ መዓዛህን ላልቀመሱ ሁሉ ሽተታቸው። ጌታ ሆይ ተነሳ። ጠላቶችህ ይበተኑ። ቅዱስ ስምህን የሚጠሉ ሁሉ ከፊትህ ይሽሹ። የሚወዱህ ይብዙ። የማያፍሩብህ ይብዙ። ፍቃድህን የሚፈጽሙ እልፍ አእላፍ መላክትህን በባረክበት በረከት የተባረኩ ይሁኑ። አሜን
ከቀሲስ አሸናፊ ገ/ማርያም ገፅ ላይ የተወሰደ

10/09/2025

ሰላም ለሁላችሁ፦ ትላልቅ ሰዎች የሚደገፉበት ምርኩዝ ወይ መቋሚያ ይይዛሉ። ታዋቂ፣ ባለጠጋ፣ ዝነኛ ፣ የምርምር እና የሳይንስ ሰዎች፣ የሃገር መሪዎች ሊሆኑ ይችላሉ። ግን ምርኩዝ የሚፈልጉበት ሰዓት አለ። የሚይዙት መቋሚያ መረረኝ አይልም። እያቃሰተ አያሳቅቅም። እየወዛ ይሸከማል። ይህ ወደ ተሸከመን ጌታ፣ ወደ ምንደገፍበት ኢየሱስ ክርስቶስ የሚያሳይ ምልክት ነው። ሰው ምንም ይሁን፣ የትም ደረጃ ላይ ይቁም የሚደክምበትና ጎንበስ የሚልበት ጊዜ አለ። ቀደም ያሉ የኢትዮጵያ ሶሻሊስቶች እግዚአብሔር ሃሳባዊ ፍልስፍና ነው ብለው ጠንከር ያለ ግፍያ ያደርጉ ነበር። ዘመን ሲቀየር ቆይተው የቸርነቱ እና የምህረቱ ምስክር ሆነው አደባባይ ወጡ። የለም ያሉት ጌታ ከእስር ሲፈታቸው፣ የእጃቸውን ደም በይቅርታ ሲተውላቸው፣ የሉም ያሉትን ህልውና በትድግናው ሲያሳያቸው ተመለከቱ። ሰው ሲደክም ወደ ምርኩዙ ይመጣል። ከደከማችሁ ታዲያ ወደ ማን ትሄዳላሁ?
ሳይመረር የሚሸከማችሁ፣ሳይሰበር የሚደግፋችሁ በሰማይ አለ። ምርጉዝ በትራችሁ ከደመና በላይ አለ። ማንም የማይችላችሁን የሚችል በቀኛችሁ አለ። ልባችሁን የሚሰማ በቅርባችሁ አለ። የማይሰበር ክንድ ያለው ክርስቶስ ኢየሱስ እናንተን ተሸክሞ በታማኝነት አለ።
እባካችሁ ለሌሎች አካፍሉት
ቀሲስ አሸናፊ ገ/ማርያም

10/09/2025

በመልካም ሥርዓት ሰልፍ ታደርጋለህ፤ ድልም ብዙ ምክር ባለበት ዘንድ ነው።
ምሳ 24:6

10/05/2025

ሰላም ለሁላችሁ:- ፍርሃት መንፈሳዊ ውጊያ ነው። ጥቃቱ የሚከፈተው ከመናፍስቱ ዓለም ነው። የዲያቢሎስን ሽንገላ ትቃወሙ ዘንድ የእግዚአብሔርን ጦር ዕቃ ለብሶ መዘጋጀት ይገባል። እርሱም እምነትና የእግዚአብሔር ቃል ነው። የፍርሃት መናፍስት ከምንውልበትና ከምናመሽበት አካባቢ ያገኙናል። ዝሙትና መዳራት ከሚገኝበት አካባቢ፣ ክፉ ንግግርና ሰውን ማጥቃት ከሚገኝበት ሰፈር፣ ጸሎት ከተተወበት ቤት እነዚህ መናፍስት ወጥመድ ያጠምዳሉ። ሰው በእነዚህ አካባቢዎች ሲሳተፍ መንፈሱ ከጊዜ ወደ ጊዜ መለወጥ ይጀምራል። ዝም ብሎ መፍራት ይጀምራል። ይህም ደስታ ማጣትን ያስከትላል። ነጭናጫና ከሰው ጋ መግባባትን ይከለክላል። ቤተሰብ ውስጥ ሳይቀር ትዕግስት አልባ ያደጋል። የሚፈራ፣ ቁጡና አትንኩኝ ባይ ያደርጋል። ዝም ካሉት ወደ ባሰ ጥቃት ከፍ እያለ ይመጣል። ይህንን ለመከላከል የምንውልበትና የምናመሽበትን አካባቢ ማጽዳት፣ እግዚአብሔር ለልጆቹ ስላለው ጽኑ ፍቅርና ተስፋ ከመጽሐፍ ቅዱስ አምኖ ማንበብና እርዳታን ከሰማይ ልብን ወደ ላይኛው መንገድ መመለስ ያድነዋል።
እባካችሁ ለሌሎች አካፍሉት
ቀሲስ አሸናፊ ገ/ማርያም

10/05/2025

ታላቅ ሥራ ሠርቶአልና ለእግዚአብሔር ተቀኙ፤ ይህንም በምድር ሁሉ ላይ አስታውቁ።
ኢሳ 12:5

10/05/2025

"ጌታም ከሁሉ አዳነኝ።”
2ኛ ጢሞ 3:11