Alisa's POV

09/11/2026

ဒူဘိုင်းမှာ အလုပ်မလျှောက်ခင် ATS friendly format ဆိုတာ ဘာလဲ သိအောင် အရင်လုပ်ပါ။ ‼️‼️

Dubai က Recruiter တွေ သုံးတဲ့ system တခု ၊ တနည်းအားဖြင့် ထောင်ပေါင်းများစွာသော CV တွေထဲက ကိုက်ညီတဲ့ CV တွေကို ဆန်ကာတင် ရွေးထုတ်ပေးတဲ့ system ပါ။

အရိုးရှင်းဆုံး Format ဖြစ်ရပါမယ်။
Standard font - Time News Roman OR any other simple fonts သုံးပါ။
Font Size တည်ီတည်းသုံးပါ။
Font color အမည်းပဲသုံးပါ။

ရိုးရှင်းပြီး Standard ဖြစ်တဲ့ Headline တွေပဲသုံးပါ။
ဥပမာ Work Experiences , Responsibilities, Education စသဖြင့် ပုံမှန်သုံးနေကျ အတိုင်းသုံးပါ။
ဆန်းဆန်းပြားပြား စကားလုံးတွေ မသုံးပါနဲ့။

စကားလုံး (Keywords)ရွေးချယ်မှုက အရေးကြီးပါတယ်။
ATS system နဲ့ ကိုက်ဖို့က အလုပ်ခေါ်စာက keywords တွေနဲ့ 60-80% ကိုက်ညီနေမှ ဆန်ကာတင်စာရင်းမှာကျန် နိူင်တာပါ။

ATS friendly format CV ရှိတိုင်း အင်တာဗျူး အခေါ်မခံရနိုင်ပါ။
တကယ် ကောင်းမွန်တဲ့ CV တောင်မှ ATS system က ရွေးတဲ့ ဆန်ကာတင်စာရင်းထဲပါတာပါ။ အဲမှာမှ ယှဉ်ရင် သာသွားနိုင်တာက CV ထဲမှာ ကိုယ်က ဘယ်လို experience ကောင်းကောင်းရှိလဲဆိုတာ ဖော်ပြနိူင်လေ ကိုယ့်အတွက် chance ကောင်းလေပါ။

ATS friendly format CV လိုချင်တာဖြစ်ဖြစ် တခြားသိချင်တာတခုခုရှိတာဆို အချိန်မရွေးလာမေးလို့ရပါတယ်။ 🙌🙌

09/10/2026

အသိအမ လုပ်နေတဲ့ Company မှာ Account Receivable Coordinator position ခေါ်နေပါတယ်။ Insurance Brokerage Mid-size company ပါ။ Stable ဖြစ်ပြီး Alisa သိသလောက် System လဲကျပါတယ် ။

Package
- 5,000 AED and above (based on experiences)
- Visa and Medical insurance provided

Requirements
- Fluent English Skills (Mandatory)
- Basic Accounting Skills
- External Communication ( Client Service) Skill

UAE မှာရှိနေပြီးသားလူတွေအတွက် လျှောက်သင့်တဲ့ အလုပ်လေးမို့ share ပေးလိုက်ပါတယ်။
စိတ်ဝင်စားရင် DM မှာ CV လာပို့ပေးပါ။ 💕💕

08/30/2026

ဒူဘိူင်း က ရာသီဥတု ပူတော့ outdoor လဲမသွားချင် လကုန်ခါနီး ပြတ်လတ်နေတုန်း အပြင်သွား ဓာတ်လဲဖမ်း ချင်တဲ့ သူတွေအတွက် နေရာလေးတခု ✨✨

IKEA Brand ကိုအစထဲက သိပေမဲ့ အခုမှ display showroom ကိုသေသေချာချာသွားကြည့်ဖူးတယ်။ Showroom. အများစုက display item တွေဆို ထိုင်ကြည့်ခွင့်မရှိတာမျိုးပါ။

IKEA မှာကတော့ တကယ့် အိပ်ခန်း၊ ဧည့်ခန်း အခန်းဖွဲ့စည်းပုံအတိုင်း ခင်းကျင်းပြသပေးထားတဲ့အပြင် လှဲ ကြည့်ထိုင်ကြည့်လို့ပါရပါတယ်။ Decoration လှလှလေးတွေပါဆင်ပေးထားလို့ ဓာတ်ဖမ်းလို့လဲရပါတယ်။ သူ့ရဲ့ own food court က menu တွေကလဲ စျေးအရမ်းသက်သာပါတယ်။
Ice-cream ဆို 1-2 AED Shawama ဆို 5 AED လောက်ပဲဆိုတော့ လူတွေများကြီး တော့ တန်းစီ စောင့်ရပါတယ်။

📍location က Dubai Festival City Mall မှာပါ။ Union Etisalad Head Office မှတ်တိုင်ကနေဆို Bus 53 ရောက်ပါတယ်။ 🙌

08/27/2026

လာမေးကြတဲ့သူတွေကို တတ်နိုင်သလောက် အားရင်အားသလိုလို ပြန်ဖြေပေးဖြစ်ပါတယ်။ ဒီလိုမျိုး အဆင်ပြေတာကြားရတော့လဲ ပီတိဖြစ်ရပါတယ်။ 🥰🥰

08/25/2026

ဒူဘိုင်းမှာအလုပ်ကို ဘယ် ကနေလျှောက်လဲမေးလို့ Alisa အခု လက်ရှိအလုပ်ကတော့ Facebook ads ကနေလျှောက်ပြီးရလာတာပါ။ 😂😂

အများစုက ဒူဘိုင်းမှာ အလုပ် လျှောက်ရင် LinkedIn , Indeed အဲ (၂) ခုက နေ လျှောက်ဖို့ recommend ပေးကြတယ်။ Alisa အတွေ့ကြုံအရကတော့ LinkedIn ကတော့ တကယ်ကောင်း ပေမဲ့ Indeed ကိုတော့ သိပ်သဘောမကျပါဘူး ။ Scammer တွေများသလို တကယ် urgently hiring လုပ်မနေတဲ့ အလုပ်ခေါ်စာတွေများပါတယ်။

LinkedIn ကတော့ အလုပ်ခေါ်စာအတော်များများကလဲ serious ဖြစ်သလို စိတ်လဲချရပါတယ်။ Personal branding လုပ်လို့လည်းကောင်းသလို Networking လုပ်ဖို့လည်း Professional အတော်များများရှိပါတယ်။✅

Alisa နောက် သုံးတဲ့ Platform ကတော့ Naukrigulf ဆိုတာပါပဲ။ သူက UAE အပြင်တခြား middle east country အချို့ရဲ့ အလုပ်ခေါ်စာတွေပါရှိပါတယ်။ စ်ိတ်ချရသလို Big Corporate တွေ အတော်များများကလည်း အဲ platform မှာ အလုပ်ခေါ်ကြပါတယ်။
Alisa ကိုယ်တိုင်လည်း အဲကနေ interview တွေရဖူးပါတယ်။ 🙌

Hotel and Tourism အပိုင်းတွေကတော့ Company website တွေထဲဝင်လျှောက်ကြတယ်လို့လဲ ပြောကြပါတယ်။ ✅

နောက်ထပ်လုံးဝ မထင်ရတဲ့ အလုပ်ခေါ်စာတွေ တွေ့နိုင်တဲ့ Platform ကတော့ Facebook နဲ့ Instagram ပါ။ 🙌
Alisa အခုလက်ရှိလုပ်နေတဲ့ အလုပ်ကိုဆို Facebook ads ကနေတွေ့လို့ လျှောက်လိုက်တာပါ။ 😂

Facebook and Instagram တို့ရဲ့ Algorithm အရ ကိုယ်စ်ိတ်ဝင်စားတဲ့ topic တွေအလိုက်ပြပေးတာဆိုတော့ ကိုယ်က နည်းနည်းလေး ရှာကြည့်လိုက်တာနဲ့ ads တွေတောက်လျှောက်တတ်လာတာပါ။ အဲတော့ စိတ်ချရရဲ့လားဆိုရင်တော့ ၈၀% စိတ်ချရတဲ့ အလုပ်ခေါ်စာတွေပါ။ ✅

သဘောကတော့ ရှင်းပါတယ်။ SME business တွေက LinkedIn page တကူးတက မဖွင့်ဖြစ်ဘူး။ ဖွင့်ထားဖြစ်လဲ Active မဖြစ်တော့ followers နည်းမယ်။ အဲတော့ သူတို့ Hiring postကိုလူမမြင်မှာစိုးတယ်။ အဲတော့ Budget အနည်းငယ် သုံးပြီး ads run လိုက်
တယ်။ အဲတော့ အလုပ်ရှာနေတဲ့ ကိုယ်လိုလူမျိုးဆီ ကွက်တိလာပေါ်တယ်ပေါ့။ လာပေါ်တာတောင် ကိုယ့်professional နဲ့ဆက်နွယ်တဲ့ Hiring post ပဲတတ်လာတာပါ။ ✨

တချို့ကလဲ Facebook group တွေ join ပြီးရှာကြတယ်လဲ ပြောပါတယ်။ Alisa အကြံပေးချင်တာကတော့ try in every possible waysပါ။ အရှုံးမရှိပါဘူး။ အခုအလုပ်ဆိုလည်း Facebook ads တွေ့တော့ အစက သိပ်မလျှောက်ချင်ခဲ့ဘူး။ နောက်တော့ ရသမျှ try ကြည့်မယ်လေဆိုပြီး လျှောက်ဖြစ်ခဲ့တာပါ။ 💪

အားလုံးပဲ အဆင်ပြေကြပါစေ။ သိချင်တာရှိ အချ်ိန်မရွေး လာမေးလို့ရပါတယ်။ အားတာနဲ့ ပြန်ဖြေပေးနေပါတယ်။🙌

08/23/2026

Dubai job market ရဲ့ stability က ZERO ပါ။
အလုပ်က ရတာလွယ်သလို ပြုတ်ဖို့ လဲအရမ်းလွယ်ပါတယ်။ ဒီမှာက SME company တွေများတဲ့အတွက် company က revenue/profit မတည်ငြိမ်တာမျိုး Management/Ownership အပြောင်းအလဲ ရှိတာမျိုးတွေ ကြောင့် Job Guarantee အာမခံ ချက် အရမ်းအားနည်းပါတယ်။

မြန်မာမှာတုန်းက Big Corporate Multinational Companies မှာပဲ လုပ်ခဲ့တဲ့ Alisa အတွက် Job security ဆိုတာ ထည့်ကိုစဉ်းစားစရာ မလိုခဲ့တဲ့ အရာတခုပါ။

Alisa အတွေ့အကြုံကိုပြောရရင် ပထမဆုံး အလုပ်က လုပ်နေရင်း ၅ လမြောက်မှာ ပိုင်ရှင်အပြောင်းအလဲနဲ့ကြုံပြီး လစာ၃၀% လျော့ခံရပါတယ်။ အဲတာကြောင့် ဆက်မလုပ်ချင်တာနဲ့ အလုပ်ထွက် ဒုတိယ အလုပ်ကိုရှာပါတယ်။ ဒုတိယ အလုပ်ကကျ စစ ချင်း လမှာပဲ လစာပေးနိုင်ပြီး ဒုတိယမြောက် လက စလို့ Company fund မရှိလို့ ဝန်ထမ်းအကုန်လုံးကို ၆-၇ လကြာအောင် လစာ မပေးနိုင်ခဲ့ပါဘူး။

UAE မှာ အလုပ်သမားအခွင့်အရေးကို အပြည့်အဝကာကွယ်ပေးတယ်ဆိုတာ တကယ်တော့ မဟုတ်ပါဘူး။
MOHRE ကိုတိုင်လဲ ဘာမှ ထိထိရောက်ရောက်မလုပ်ပေးနိုင်ပါဘူး 🥲 (အဲအကြောင်းကို နောက်မှ အသေးစိတ်ပြောပြပါမယ်)

အဲတာနဲ့ အလုပ်သစ်ထပ်ရှာခဲ့ရပါတယ်။ တတိယ အလုပ်ကျ ကိုယ်အလုပ်ဝင်ပြီး ၃ ပတ်ပဲရှိသေးတယ် Owner က ကိုယ်လုပ်နေတဲ့ position က မလိုတော့ဘူးဆိုပြီး Termination လုပ်ပစ်လိုက်ပါတယ် 😅

အဲလိုသော အကြောင်းပြချက် မျိုးစုံနဲ့ (၁) နှစ်အတွင်း အလုပ် (၄) ခါရှာပြီး အခု ၄ ခုမြောက် အလုပ်မှာ လုပ်နေတာ ၂ လရှိပါပြီ။

ဒီ (၁) နှစ် အတွင်း Mental Breakdown တော်တော်ဖြစ်ခဲ့ပါတယ်။ ဒါပေမဲ့ အဲအတွေ့အကြုံတွေကပဲ တချို့သော ဘဝရဲ့ way of thinking ကို ပြောင်းလဲပြစ်နိုင်သွားခဲ့တာပါ။ အဆိုးထဲက အကောင်းတခုပေါ့ 😅
ပြီးတော့ UAE job market မှာ အလုပ်ဘယ်လိုရှာရမလဲ၊ Interview မှာ ဘယ်လို ဖြေရမလဲ ဆိုတာတွေကို တော်တော်ကျွမ်းကျင်သွားပါတယ်။ 🤣🤣

ခြုံပြောရရင် UAE ဒူဘိုင်းမှာ အလုပ်လာလုပ်တဲ့သူတွေရဲ့ ၉၅% လောက်မှာ အလုပ်နဲ့ပတ်သက်တဲ့ Struggles/ Challenges တွေကို အနည်းဆုံး တစ်နှစ်လောက်က
ခံရပါတယ်။ အဲတော့ ငွေအား ၊ လူအား ၊ စိတ်အား အဖက်ဖက် ပြင်ဆင်ခဲ့ဖို့ ပြောချင်ပါတယ်။

မကြာခင် UAE ပွင့်လင်းရာသီရောက်လာတော့မှာမို့ အလုပ်လာရှာမဲ့သူတွေ ၊အလုပ်သစ်လျှောက်မဲ့သူတွေ ATS friendly format လာယူလို့ရပါတယ်။ ၄ ခါတောင် အလုပ်ရှာခဲ့ရတဲ့ အတွေ့အကြုံတွေအပြင် တခြား သိချင်တာတွေလဲ အချိန်မရွေးလာမေးလို့ရပါတယ်။ 🤣🙌
.

07/31/2026

တချို့တွေ လာဖို့ပြင်နေကြပြီဆိုလို့ ပြန် share ပေးလိုက်ပါတယ်။ 🙏

ဒူဘိုင်းမှာ အလုပ်သွားရှာတော့မယ်ဆို မသွားခင်ဒါတွေပြင်ဆင်ခဲ့ပါ။ 👐👐

၁) Resume /CV
အရင်ဆုံး CV ကောင်း ကောင်းတခု အရင်ပြင်ပါ။ ကိုယ့်ရဲ့ experience တွေကို အမှန်အတိုင်းရေးပါ။ မလိမ်ပါနဲ့။ သူတို့ JD တွေမှာ ဘယ်လို Keywords တွေသုံးလဲဆိုတာကို လေ့လာပြီး အဲကသုံးလို့ကောင်းတဲ့ Keywordsကောင်း ကောင်း လေး တွေသုံးပြီး ပြင်ဆင်ပါ။ ပြီးရင် ATS system နဲ့ညီတဲ့ format နဲ့ပြင်ပါ။ဒီမှာက အလုပ်ခေါ်စာတခုဆို လူအယောက်ပေါင်း ထောင်ချီလျှောက်လို့ HR တွေက system နဲ့ပဲ Shortlist လုပ်ပါတယ်။ ATS friendly ကိုသိချင်ရင် Alisa ဆီမှာ Template လာယူလို့ရပါတယ်။

၂) Portfolio
တော်ရုံလူတိုင်း Portfolio မလုပ်ကြပါဘူး။ ဟိုရောက်ရင် HR တွေကတောင်းပါတယ်။ မသွားခင်ထဲက ပြင်သွားတာ ကောင်းပါတယ်။ တချို့ Project တွေ Achievements တွေက CV ထဲမှာ အများကြီးထဲလို့ မကောင်းပေမဲ့ Portfolio ထဲမှာ ရှယ်ကြွယ်ပြလို့ရပါတယ်။ Alisa ကတော့ Canva သုံးပြီးပြင်ပါတယ်။ Canva pro version မှာ Template အတော်စုံတာမို့ ကိုယ့် professional အလိုက်အဆင်ပြေရာ ရွေးသုံးလို့ရပါတယ်။

၃) LinkedIn, Indeed and Naukrigulf မှာ Profile သေချာ‌ ဆောက်ပါ။
ကိုယ်က ဘသူလူမျိုးလဲ ဆိုတာ ပြဖို့ first impression ပါပဲ။ First impression မကောင်းရင် ကျန်တာဘာမှ သူတို့က ဆက်မကြည့် တော့ပါဘူး။ ဖြစ်နိုင်ရင် Personal Branding များများလုပ်ပါ။ အထူးသဖြင့် LinkedIn မှာပါ။ Connection များများယူပါ။ နောက် နေ့မှ စိတ်ကူးပေါက်ရင် inkedIn Personal Branding နဲ့ပတ်သက်ပြီး တင်ပေးပါ့မယ်။ 😁

၄) ဘွဲ့လတ်မှတ် ကို နိုတြီပြန်ပြီး MOFA stamp ထုခဲ့ပါ။
အရေးကြီးဆုံးနဲ့ အချိန်လဲ အယူဆုံးမို့ ကြိုပြင်ဆင်ခဲ့ပါ။ ဒီမှာ မဖြစ်မနေ ပေးကိုပေးရပါတယ်။ အလုပ်ရှင်တိုင်းတောင်းပါတယ်။

အပေါ်မှာပြောထားတာတွေလည်းပြင်ဆင်ရင်းနဲ့ သိချင်တာရှိ Comment မှာ မေးလို့ရပါတယ်။ Alisa သိသလာက် ဖြေပေးပါမယ်။ အားလုံးပဲ Good Luck ပါ 🍀

07/12/2026

My way of balancing 🤭🤙🤙
🇦🇪

06/12/2026

အိမ်ပြောင်းပြီနောက် စားနေကျ မြန်မာဆိုင်က ဝေးသွားလို့ အဆင်မပြေဖြစ်နေရာက ဒီဆိုင်လေးက အိမ်နဲ့နီးနေမှန်းအခုမှသိ။ အရသာလဲကောင်း portion လဲများ စျေးကလည်း တခြားဆိုင်တွေနဲ့ယှဉ်ရင် နည်းနည်းသက်သာလို့ သဘောကျမိ ❤️❤️
Burmese Restaurant

06/08/2026

Water Front Market မှာ Alisa တို့သူငယ်ချင်း တသိုက် ဂျင်းကို ရှယ်ပလန်နဲ့ မိခဲ့တာလေးပေါ့ 🫠🫠
ပထမဆုံးအနေနဲ့ သွားမဲ့ သူများ ကိုယ်တွေလို မကြုံရအောင် အောက်ကအချက်လေးတွေသာ ဖတ်ကြည့်လိုက်တော့နော် … 🙌

၁)ငါးတွေပုစွန်တွေရောင်းတဲ့ Area မှာ တွန်းလှည်းတွေနဲ့ လိုက်စောင့်ပြီး Cleaning လုပ်မလားလို့ လိုက်မေးတဲ့ ဘဲတွေကိုရှောင်ပါ။ သူတို့ကို ကိုယ့်အထုတ်ပေးလိုက်တာနဲ့ အနည်းဆုံး 20 AED ပေးရပါပြီ။ သူတို့ပြောပုံအရ သူတို့ company ကို Commission 10 AED နဲ့ သူတို့ကိုယ်က မုန့်ဖိုး ပေးရင် ရတယ်ဆိုပေမဲ့ မုန့်ဖိုးကအနည်းဆုံး 10 AED ပေးရပါတယ်။ 🙃🙃 Service Charges + Cleaning Service fees အနေနဲဲ့ 41 AED တောင်ပေးလိုက်ရပါတယ်။ 🥲

၂)ဆိုင်တွေကို ချက်ခိုင်းမယ်ဆို Market Cleaning Area မှာ သွားကိုင်ခိုင်းစရာမလိူပါဘူးနော်။ ဆိုင်တွေက ချက်တာတင်မဟုတ် သန့်ရှင်းရေးပါလုပ်ပေးပါတယ် အဲအတွက်လည်း သူတို့က service charges ယူထားတာကိုး

၃)ဆိုင်တွေကိုချက်ခိုင်းမယ် အဲမှာ တခါထဲထိုင်စားမယ်ဆို Table Charges ကောက်ပါတယ်နော်။ ကိုယ်တွေထ်ိုင်ခဲ့တဲ့ ဆိုင်ကတော့ Table တလုံးကို 25 AED ကောက်ပါတယ်။ ကိုယ်တွေသွားတာက ၅ ယောက်ဆိုတော့ ခုံ ၂ လုံးဆက်မယ်ပေါ့။ ကံကောင်းတယ် ကြိုသိလိုက်ရလို့ တစ်ခုံ ထဲပဲထိုင်လိုက်တယ် 🤣

၄)Budget ပိုချွေတာချင်တယ်ဆို ရေဘူး၊ ထမင်းဖြူပါသယ်သွားပါ။ ထမင်းဖြူတပွဲကိုတင် 12 AED ပေးရပါတယ် ။ 🙃

၅)ဟင်းချက်လက်ရာကတော့ ကိုယ်ထိုင်လိုက်တဲ့ဆိုင်က သိပ်စားလို့မကောင်းခဲ့ပါဘူး။ Plating ပိုင်းလည်းမလှပါဘူး 🫠Salmon Sashimi ကို အပုံလိုက်ပန်းကန်ထဲထည့်ပေးလိုက်တာကိုတော့ မခံစားနိုင်ဆုံးပဲ။

ခြုံပြောရရင် kg အများကြီးဝယ်နိုင်တဲ့ သူတွေအတွက်တော့ စျေးကောင်းကောင်းဆစ်လို့ရမလားမသိပေမဲ့ ဟိုနည်းနည်း ဒီနည်းနည်း ဝယ်တဲ့သူတွေအတွက်ကတော့ ပုံမှန် ပုစွန် size တောင်မှ စျေးပိုကြီးပါတယ်။ ပြီးတော့ ချက်တာကောင်းတဲ့ ဆိုင်ကိုလည်း ရွေးဖို့အရေးကြီးပါတယ် ။

ကဲအားလုံးပဲ အဆင်ပြေကြပါစေ 👏👏