https://www.facebook.com/357918967413554/

Healing-Atmosphere-Media

Home
Kenya
Nairobi
Healing-Atmosphere-Media

Contact information, map and directions, contact form, opening hours, services, ratings, photos, videos and announcements from Healing-Atmosphere-Media, Nairobi.

Mission and Vision: Creating a continuous healing and resting atmosphere in Hopeless and helpless Souls by announcing the trusted true news from around the world and empowering people to put their trust in God's good news through Praising, Worshiping Him

09/05/2026

Uwutwara commune akwiye agashimwe, Aya niyo mashusho agaragaza uko igisagara Isuku risigaye riri mu gisagara ca 🔥🔥

07/05/2026

‎😭 Biteye Agahinda 😭😭 Amarira, k***a igihumura no kwicurikira bagahakwa kwita mu muriro, ni vyo biriko birigaragaza mu rugamba rutoroshe rwo kuzimya umuriro wadutse mw’isoko ya mu gisagara ca
‎
‎🔥 Uwo muriro gushika n’ubu nturamenyekana inkomoko yawo. Abajejwe intwaro n’umutekano bari kumwe n’abanyagihugu hamwe n’abadandaza mu bikorwa vyo kuzimya uwo muriro wadutse kuva mu gatondo ko kuri uyu wa 7 Rusama 2026
‎
‎😟 Icibonekeza ni ubwinshi bw’abasuma bariko bagerageza kwikika mu kiza kugira basahure ibitarashikirwa n’umuriro. Ariko hari n’abandi bariko barafatanya cane mu kurokora ibidandazwa bitarashikirwa n’umuriro
‎
‎🚒 Kuri ubu, kizimyamwoto zishika kuri 4 harimwo n’iyo ku kibuga c’indege irasa amazi kure cane, ni zo zikikuje impande zose z’isoko
‎
‎🛒 Uruhande rwacururizwamwo ibifungurwa mbumbarugo nk’ibiharage, ibiyoba, intete z’ibigori n’ibindi, hamwe n’igice c’amavuta yo kwisiga, ni ho hagizwe cane n’ingaruka z’uwo muriro
‎
‎📉 Gushika ubu, umuriro uriko uragabanuka bimwe biboneka
‎
‎👥 Abenegihugu benshi lugarije imiryango y’isoko bashaka kwinjira kuraba ibicuruzwa vyabo
‎
‎📝 Ni amakuru tubandanya kubatohoreza...
‎
‎

15/04/2026

🔴 Indongozi nshasha zagenywe mu mabanga zitararonswa agahembo zorema

Mu gusozera ibikorwa vy’inyigisho zihabwa indongozi zo mu bisata bitandukanye mu ntara ya vyateguwe n’ibiro vy’umushikiranganji wa Mbere wa Reta y’Uburundi vyo kuri uwu wa 15 Ndamukiza 2026, Umushikiranganji wa mbere wa Reta y’Uburundi Nestor Ntahontuye yabanje gukeza izo ndongozi ku mabanga mashasha zaronse anazipfuriza kuyarangurana ishaka n’ubwira maze zigatanga umwimbu mwiza igihugu kizitezeko na rirya ngo ari zo ndemesharugamba rw’iterambere kuko iterambere rivuye mu ntara no mu ma komine rishwara igihugu cose.

Uwurongoye igisata kijejwe gutunganya imigambi no gukurikirana ishirwa mu ngiro ryayo, Jeanine Niyukuri yabanje kumenyesha mu ncamake ivyo bize n’ivyo bagezeko aho bashoboye kubereka ibijanye n’ itegurwa ry’imigambi PTBA hamwe n’ibikorwa bifatiye k’umafranga azokoreshwa(Budget programme), ibijanye n’ukubereka ivyo igihugu gisanzwe kiriko kirakorerako.

Niyukuri Jeanine akanamenyesha utubazo izo ndongozi zagize nko ku cerekeye ibura ryo kwiyunguruza n’ibikoresho, ikijanye no gutegura imigambi n’ibindi.

Umushikiranganji wa mbere wa Reta y’Uburundi afashe ijambo yabanje gutanga impanuro abamenyesha ko indongozi yose ibwirizwa kugira imashini nyabwonko( ordinateur) na rirya ibikorwa vyose bikoreshwa n’ico gikoresho.

Nayo ku cerekeye ikena ry’ibikoresho n’uburyo bwo kwiyunguruza, Umushikiranganji wa mbere Nestor Ntahontuye yabamenyesheje ko boba barakoresha ibikoresho n’ingendeshwa bafise mu kurindira ko haboneka ibindi.

Umushikiranganji wa mbere yabasavye ko boshira imbere imigambi mikuru mikuru itanu izokorerwako hamwe n’uburyo bazokoresha ( besoins de fonctionnement) mu mezi abiri ya Rusama na Ruheshi kugira bifatirweko mu ntunganyo.

Umushikiranganji wa mbere yabasavye ko babwirizwa kwuguruza amakonte bitarenze ku wa gatanu ku wa 17 Ndamukiza 2026 aho amahera azoshikira.

Nayo ku kibazo c’indongozi zagenywe batararonka agashahara kazo, Nestor Ntahontuye yabahumurije ko bigiye gukorerwako vuba bwango maze nabo bahembwe.

Umushikiranganji wa mbere yabamenyesheje ibikorwa bitatu indongozi ibwirizwa gukora maze igashika ku ntumbero nziza: Ibikorwa bikoreshwa amahera aho bica mu gutegura imigambi, ibikorwa bikorwa kubera indongozi yafashe ingingo harimwo no guhana hamwe n’ibikorwa indongozi zo nyene zibwirizwa gukora nk’amanama canke gusinya impapuro...

Nestor Ntahontuye ati:" Dukeneye ko mwebwe indongozi mwitunganiriza ibikorwa hama ibiro vy’Umushikiranganji wa mbere bigakurikirana uko bikorwa"

14/04/2026

🔴Nimba ucibaza ko Umukuru w'igihugu ariwe ndongozi gusa canke abandi aribo ndongozi gusa, zeruke! Ahubwo nawe uraganza" ivyo vyashikiriijwe na seburundi Evariste Ndayishimiye
‎
‎ Ivyo Evariste Ndayishimiye yabishikirije muri ya masengesho ngaruka mwaka ariko arabera mu kigo c'Inama Nshingamateka mu Kigobe (National Prayer Breakfast). Ni kuri uyu wa wa 14 Ndamukiza 2026
‎
‎ Nk'uko abivuga, Umukuru w’Igihugu, arababazwa no kubona abantu bose bahanga amaso vyose Umukuru w'igihugu. Babonye akabuze ngo ni indongozi, ngo ni Umukuru w'igihugu. Ihibambewe! Umwe wese ngo ni indongozi, ngo araganza
‎
‎ Ibi abivuga afatiye kw'ijambo ry'Imana riri mu gitabu c'amamuko aho Imana ikirema abantu yaciye ibabwira ngo nibagabe isi kandi bayiganze. Aha rero ngo harerekana neza ko buri wese ari uwuganza, ari umurongozi
‎
‎Umukuru w'igihugu avuga ko isi ari iy'Imana mbere n'ibiri kuri yo vyose. Kandi Imana yarahaye ubutumwa buri wese bwo kuganza. Iyo Imana rero iguhaye ubutumwa bwo kuganza, ubwirizwa kubutunganya neza
‎
‎Indongozi zimeze nka Sawuli rero zihabwa ubutumwa hama zigahengama, zikwiye kwikebuka. Ngo hari abamera nkawe bakanka kwumviriza ijwi ry'Imana, bakaba abakozi b'Imana b'abahemu nk'uko Sawuli yabaye umuhemu mbere haragera aho Imana yicuza icatumye imusiga amavuta
‎
‎Kuba rero hariho n'ifoto mu biro vyose ngo ni icerekana ko Umukuru w'igihugu yagutumye. Ngo ntivyumvikana rero ko umuntu yorindira ko abona ifoto y’Imana mu biro iwe. Imana rero ngo baragendana mu mutima, nibakore ibibereye kuko ari abatumwa b'Imana. Abaza ati : "Kuki indongozi zitubaha Imana?"
‎
‎Indongozi rero zumve ko ari abakozi b'Imana, barangure ibitunganye n'ibibereye kubo yabaragije
‎
‎_Media
‎

09/04/2026

🔴Hagiye gukoreshwa akamashini gasohora inyemezabuguzi

𝗞𝘂𝗱𝗮𝗸𝗼𝗿𝗲𝘀𝗵𝗮 𝗶𝗺𝗮𝘀𝗵𝗶𝗻𝗶, 𝗮𝗯𝗮𝘁𝗮𝗻𝗴𝗮 𝘂𝗿𝘂𝗽𝗮𝗽𝘂𝗿𝗼 𝗻𝗱𝗮𝗻𝗴𝗮𝗯𝘂𝗴𝘂𝘇𝗶 𝗿𝘂𝗯𝗲𝘀𝗵𝗮

Umushikiranganji muvyo ajejwe harimwo ubutunzi, Ndikumana Alain ari kumwe na komiseri w'ikigo kijejwe kwegeranya amakori n'amatagisi (OBR), bazindutse kuri uwu wa gatatu igenekerezo rya 8 Ndamukiza 2026, bishikira mu bibanza bitandukanye vy'abadandaza bo mu gisagara ca Bujumbura.

Nk'ukwo umushikiranganji Ndikumana abimenyesha, ubwa mbere hoho ngo muvyo ajejwe harimwo kwegeranya amafaranga ikoresha, ngo bamaze imisi baraba amafaranga bategekanije uyu mwaka azotororokanywa, basanga ibiharuro biri hasi naho Reta yagize akigoro kadasanzwe ko kugwiza za mashini zikoreshwa mu kwegeranya amakori ari co rero catumye bishikira kuraba ku rubuga ikibazo nyamukuru gituma badashobora kwegeranya uburyo bari biteze.

Ngo kabaye rero akaryo ko guhimiriza ndetse no guhana nk'ukwo amategeko abirekura.

Umushikiranganji Ndikumana Alain, ati twasanze harimwo utunenge twinshi cane, hari abadakoresha ama mashine, aca avuga ko kwari ugusubira kwibutsa n'ugukebura ngo n'abandi bikebuke kuko iyo basohora izo mpapuro ndangabuguzi irabibona.
Yabandanije ati: Iyo turiko turarondera amafaranga y’imigambi y’iterambere ntahandi ava atari mu makori n’amatagisi.

Umushikiranganji Ndikumana yamenyesheje ko bamaze gutanga amamashine ashika ibihumbi cumi na bitatu (13000), ati kandi twaragize ubuhinga bwa none bwerekana ko hari utumashine tutariko turakora.

Inkurikizi yo kudakoresha utumashini n'indangabuguzi

Alain yavuze ko itegeko ridahana gusa uwutatanze urwo rupapuro ndangabuguzi, ngo n’uwubiguze adafise urupapuro ndagamuguzi, arahanwa.
Iyo ufashwe uca urwo rupapuro (Facture), uca urihishwa ibice 20 % y'ivyo waguze bakongera bagafata n’ivyo n’ibidandazwa.

Urwo rugendo rero bakoze baciye kw'i hoteri Kangaro iri haruguru yo kw'isoko rya Siyoni, ku mangazini Maranatha, kwa ADAMS muri Asiatique no ku mangazini Muco Company iri muri Q. Asiatique nyene. Aho hose ngo akaba yasanze akamashini gasohora impapuro ndangabuguzi batayikoresha nk'ukwo bitegerezwa, bamwe barasohora izo mpapuro zidahuye n'ibidandazwa basohoye kandi ntibagakoreshe imisi yose, bakaba baciye babatwara ibikoresho bimwe bimwe kugira baje kubisuzuma neza barabe utundi tunenge.

Aca yibutsa abo badandaza n'abasanzwe bafise amashirahamwe atandukanye y'uko ikori ataribo baritanga ahubwo ritangwa n'umwenegihugu, ati rero iyo umwenegihugu yemeye kuritanga nibareke ritangwe kuko Reta iyo igomba gukora imigambi y'iterambere atahandi ikura amafaranga atari mu makori n'amatagisi.

Mwomenya ko ibikorwa nk'ivyo vyakozwe mu gihugu cose kuva kuri uwu wa gatatu igenekerezo rya 8 Ndamukiza 2026, kandi bikaba bigiye kubandanya.

06/04/2026

🔴Umusi udasanzwe K'uburumdi n'abarundi😭
Muri iki gitondo co ku wa 6 Ndamukiza 2026, Umukuru w’Igihugu Évariste Ndayishimiye yashize urugori rw’ishurwe ku ntatemwa y’umuhisi Perezida Cyprien Ntaryamira, mu kwibuka imyaka 32 iheze agandaguwe. Ico gikorwa co kwibuka cabaye mu no mu kwunamira no kuzirikana cane uyo muhisi, kikaba ari ukwibuka akamaro ko kutibagira kahise k’igihugu hamwe n’agaciro k’amahoro n’ubumwe bw’Abarundi.

Ibirori vyo kwibuka vyitabwe kandi n’abategetsi bakuru b’igihugu, harimwo abaperezida b’Inama Nshingamateka n’Inama Nkenguzamateka, icegera c’Umukuru w’Igihugu hamwe n’Umushikiranganji wa mbere. Hamwe kandi nabahoze ari abakuru b’igihugu nka Sylvestre Ntibantunganya na Domitien Ndayizeye, na bo nyene bari bitavye ivyo birori, bagaragaza ubumwe bw’Abarundi mu kwibuka abatwaye Uburundi bitavye Imana.

,

01/04/2026

‎👩🏽‍⚖️ : “Nta mugabo wo muri komine turongoye ari mw'ishirahamwe Abagabo mugahinda” Bishikirizwa na musitanteri Augustin Minani mu birori vy’Umusi w’Umukenyezi
‎
‎📢 Mu birori vyo guhimbaza Umusi mpuzamakungu wahariwe agateka k'umukenyezi, vyabereye muri komine Rumonge intara ya ku wa 31 Ntwarante 2026, Musitanteri w’iyo komine Augustin Minani yatanze ubutumwa buhamagarira amahoro n’ukubana neza mu ngo
‎
‎🏠 Yasavye abakenyezi guhindura ingo zabo ahantu h’umunezero n’amahoro, aho umugabo ataha agasanga ahantu h’ituze n’ukwumvikana anasaba abagabo kwirinda ihohoterwa rikorerwa abakenyezi, ashimangira ko iterambere ry’ingo ridashoboka mu gihe hari ukutumvikana n’ihohoterwa
‎
‎😄 Mu majambo yo gutera intege, Musitanteri Minani yashimye abagabo bo muri iyo komine, avuga ko ata n’umwe arumva ko ari mu murwi witwa “Abagabo mugahinda”, bisigura ko bashimirwa ku ruhara rwabo mu kubungabunga amahoro mu ngo
‎
‎👩‍👧 Ku ruhande rw’abakenyezi, Tuyisenge Nema, ahagarariye ihuriro ry’abakenyezi muri Rumonge, yibukije ko intumbero y’abakenyezi atari kungana n’abagabo mu buryo bwo guhangana, ahubwo ari ugusaba uburenganzira bumwe n’agateka k’abana bose b’igihugu
‎
‎🤝 Abajejwe intwaro n’abaserukira abakenyezi bahamagarira bose gukomeza kwubaka ingo zifise amahoro n’ukwubahana, kuko ari inkingi y’iterambere ry’igihugu
‎
‎

31/03/2026

:Umutambukanyi w’Umukuru w’igihugu arashimishwa n'umwimbu w'umuceri yiteze i Gifugwe

Itoni 66 z'umuceri ni zo zimbuwe mu murima wa hegitari 7 n'Umutambukanyi w'Umukuru w'igihugu Angeline Ndayishimiye kuri uwu wa 31 Ntwarante 2026 ku mutumba wa Gifugwe uri muri komine ya Mpanda mu ntara ya Bujumbura.

Umutambukanyi w'Umukuru w'igihugu akamenyesha ko ico gikorwa yagikoze mu gutanga akarorero ku bandi bakenyezi kugira imisi mikuru yabahariwe ntibe iyo kunywa, kurya no gutamba gusa ahubwo bibonekere no mu bikorwa na rirya ngo basanzwe bari mu kwezi kwabahariwe

Mu gihe muri ico gikorwa yari yaherekejwe n'umwana wiwe, Umutambukanyi w'Umukuru w'igihugu yamenyesheje ko uwo mwana yasavye ko bojana kuko yabaye uwa mbere mw'ishure kugira abe n'uwambere mu bikorwa.

Akavuga ko koba akarorero, ko abavyeyi bose bokundisha ibikorwa abana babo bakiri bato

Akamenyesha kandi ko umwimbu wagenze neza aho kw'ihegitari indwi yiteze itoni 66.
Ati: "ni ikimenyetso kitabanduka cerekana ko isi yacu y'Uburundi yahezagiwe kuko amaboko y'abantu aheruka arima Imana nayo igaca ihezagira. Niyo ituma biduga kandi bikera".

Yongeye ati: "ivyo vyose biza gushigikira icivugo c'abakenyererarugamba kivuga kiti: « twarazikenyeye, kandi zaragumye, ipfundo ririko n'akanoti karimwo». Nanje ndabonako akanoti karimwo no gufungura dufungure"

Agasaba ko ahantu hose hatarimye horimwa kugira inzara iranduranwe n'imizi.

28/03/2026

🛢️ : Amabido 130 y’igitoro ca essence ya magendo yagurishijwe ica munara i

Amabido 130 y’igitoro ca magendo c’ubwoko bwa essence ni yo yagurishijwe ica munara kuri uyu wa kane, igenekerezo rya 26 Ntwarante 2026, mu murwa mukuru wa komine Karusi, mu ntara ya Gitega.

Umushikirizamanza Mukuru wa Republika i Karusi, Aline Ndayiragije, yamenyesheje ko ico gitoro cagurishijwe inyuma y’aho gifatiwe kigiye kudandanzwa mu buryo butemewe n’amategeko. Yavuze ko cafatiwe ku mitumba ibiri ari yo Gahahe na Gahashi, yo muri iyo komine.

Ndayiragije yarongeye amenyesha ko mu kugurisha ico gitoro, ipikipiki imwe yemerewe kuronka amalitiro 5, mu gihe imodoka yo yahabwa amalitiro 10, bose bakariha amafaranga hakurikijwe igiciro cemewe na Reta.

Abantu batatu bafashwe bagirizwa urwo rudandazwa rwa magendo, bakaba baraciwe ihadabu rirenga imiriyoni zitatu z’amafaranga y’amarundi.

27/03/2026

:Ku kibazo c’ibarabara ry’igihugu nomero zitatu ritariko rirakorwa n’ibikorwa vyariko birakorwa vyahagaritswe, umuvugizi w’ubushikiranganji bw’inyubako, Jeanne Mukenguruka, atanga umuco avugako ibikorwa vy’ibarabara vyahagaze kubera ivyigwa vyahindutse inyuma y’iduga cane ry'amazi y'ikiyaga Tanganyika bikaba vyaciye bituma ubuhinga n’ivyigwa bihinduka. Ikindi rero ngo n’uburyo bwaciye bwiyongera ubu bukaba buriko buraronderwa mu bakorana na Reta n’amashirahamwe n’amabanki akavugako uburyo bwari bwategekanijwe ubwa mbere bwa hindutse.
Photo: RTNB

26/03/2026

: Umukuru w’igihugu asaba indongozi gushira imbere ineza y’abenegihugu

:Kuri uwu wa gatatu igenekerezo rya 25 Ntwarante 2026, Umukuru w’igihugu c’Uburundi Evariste Ndayishimiye yifadikanije n’inzego z’umutekano no kwivuna abansi mu mwiherero wa Pasika. Uwo mwiherero wabereye kuri Paruwase katorika yitiriwe Umweranda Pawuro wa kabiri iri mu mu gisagara ca , ku civugo kivuga kiti:"Ukwo indongozi zikwiye kwumviriza ijwi ry’Imana kugira ngo zishobore gutunganiriza abenegihugu ".

Mu nyigisho yatanze, Umukuru w’igihugu Evariste Ndayishimiye yashimikiye ku cigwa kivuga kiti:"Kwumviriza ijwi ry’Imana kugira ngo tugarukire abahahazwa".

Umukuru w’igihugu yibukije ko uburongozi bwashizweho n’Imana kugira ngo ntihabe akajagari, yongera avuga ko indongozi ari intumwa y’Imana kugira ngo irangure ishaka ryayo mu bantu.

Yibukije inzego z’umutekano no kwivuna abansi ko zihari kugira ngo ziharanire amahoro n’umutekano kugira ngo abenegihugu bakore ibikorwa batekanye.

Umukuru w’igihugu yavuze kandi ko hari ibicumuro bikwegera umuvumo igihugu iyo bikozwe n’indongozi, nko gusesa amaraso y’intungane, akarenganyo n’agacinyizo, ubusambanyi, n’ibindi.

Umukuru w’igihugu yagize ati :"iyo indongozi ikoze akarenganyo canke igasesa amaraso, iba ikwegeye umuvumo igihugu, kandi amaraso y’inzirakarengane Imana irayakurikurana ikayahora" .

Umukuru w’igihugu yabandanije avuga ko indongozi zigenza nabi, ntizikore ico zatumwe, zigacinyiza impahazwa, ko Imana itazobura kuzihana. Yaciye ahamagarira indongozi kwitaho ineza y’abo zaragijwe, ntizirondere ineza yazo gusa.

Yibukije Kandi ko kuba indongozi ari iteka, ngo kuko ubukuru bwose buva ku Mana. Ariko ngo iyo utabwitwenyemwo neza bizana umuvumo mu gishingo c’umugisha.

Yarangije abasaba kwereka abanegihugu inzira zibereye mu gukurikiza amategeko, yongera abifuriza ko ivyo bihe vyo kwiherera vyobabera ibihe vyiza vyo kunywana n’Imana .

Photo :RTNB

Address

Nairobi
04005

Telephone

+12079556472

Website

facebook.com

Alerts

Be the first to know and let us send you an email when Healing-Atmosphere-Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Healing-Atmosphere-Media:

Shortcuts

Want your business to be the top-listed Media Company in Nairobi?