02/26/2025
چمپینز ټرافي؛ افغانستان انګلنډ ته ماتې ورکړه
د افغانستان ملي لوبډلې په چمپینز ټرافي کې د انګلنډ لوبډلې ته د اتو منډو په توپیر ماتې ورکړه.
د پاکستان د لاهور په قذافي لوبغاليکې افغانستان د پچې له ګټلو وروسته انګلنډ ته د ۳۲۶ منډو هدف وټاکه.
په ځواب کې د انګلنډ ټول لوبغاړي په وروستي اوور کې د ۳۱۷ منډو کولو وروسته وسوخېدل او لوبه یې وبایلله.
په دې لوبه کې د افغانستان پرانیستونکی توپ وهونکی رحمت الله ګربز د یوازې شپږو منډو کولو وروسته وسوځېد خو د هغه سره ملګری توپ وهونکی ابراهیم ځدران وتوانېد چې په ۱۴۶ توپونو ۱۷۷ منډې وکړې او ددې لوبې غوره لوبغاړی شو.
دا د چمپینز ټرافي په تاریخ کې د یو لوبغاړي لخوا په یوه لوبه کې ترټولو زیاتې منډې دي.
په دې لوبه کې د افغانستان لپاره عظمت الله عمرزي ۴۱، او کپتان حشمت شهیدي او محمد نبي هر یوه ۴۰ - ۴۰ منډې وکړې.
د انګلنډ توپ اچوونکي جفري ارچه درې لوبغاړي او لیام لوینګسټن دوه لوبغاړي وسوځول.
