08/20/2024
Biwo Monetizasyon Pwogram Èd Devlopman (BMPAD) deklare li ap tann pou verite ak lajistis triyonfe nan kad ankèt ULCC ap mennen sou konfli ki genyen ant Leta Ayisyen ak konpayi PREBLE-RISH HAÏTI.
BMPAD mande pou kreye yon anviwònman ki apwopriye pou ankèt sa a fèt san patipri. "Premye Minis ayisyen an, Garry Conille, te mande ankèt sa a pou limyè te kapab jayi sou kèk peman ki te fèt pou PREBLE-RISH HAÏTI san otorizasyon BMPAD epi sou kote kontra ki te siyen an ".
Akonpaye ak avoka li yo, direktè jeneral BMPAD la, Fils Aimé Ignace Saint Fleur, te reponn kesyon ankete ULCC yo , vandredi pase a , pandan anviwon 5 èdtan, nan kad dosye sa a,dapre yon kominike biwo kominikasyon BMPAD.
