Global Feta media

09/13/2025

"አባትነት"
=======
=======
አባቴ የጉልበት ሰራተኛ ነው፤አዘውትሮ የሚለብሳቸው ውስን ልብሶች ብቻ ነበሩት፤እኔን ግን ምንም ሳያጓድል አቀማጥሎ አሳድጎኛል፤በለስ ቀንቶት ያገኘውን ገንዘብ በሙሉ አንድም ሳይቀንስ ለእናቴ ይሰጣትና "የዛሬ ዘመን ልጆች መከፋታቸውን የሚሸሽጉት በሆዳቸው ነው" እስካለሁ ምንም እንዳይጎድልባቸው ብሎ ወደ ሰርክ ስራው ያቀናል፤አባቴን ዘወትር ሰበብ እየፈጠርኩ ገንዘብ እጠይቀዋለሁ፤ገንዘብ ከመጠየቅ በስተቀር አንድም ቀን ግን ስለስራው ጠይቄው አላውቅም ፤ዛሬም አንደወትሮው ወደ ስራ ከመሔዱ በፊት ለትምህርት ቤት ፕሮግራም ትንሽ ብር እንደምፈልግ ነገርኩት፤ትንሽ አሰብ አደረገና "ልጄ ለምን ነገ አልሰጥክም አለኝ?" ዛሬ ካልሆነ ሞቼ እገኛለሁ አልኩት፤ትንሽ አሰብ አደረገና ያልኩትን ብር ሳያጓድል ቦርሳውን አራቁቶ ሰጠኝና በርትተህ ተማር ብሎኝ ሔደ ፤የሚያሳዝነው ግን አባቴ ያን ቀን ጨምሮ ለተከታታይ ቀናት በታክሲ ሁለት ሰአት የሚፈጀውን መንገድ ወደ ስራ ሲመላለስ የነበረው በእግሩ ነበር፤ምክንያቱም ለእኔ የሰጠኝ የትራንስፖርቱን ብር ነበርና፤ከዚያን ቀን ጀምሮ አባቴን አምስት ሳንቲም ጠይቄው አላውቅም፤ከዚህ ይልቅ ሙሉ ትኩረቴን ትምህርቴ ላይ አደረግኩ።
=======================================
ማስታወሻ፦ክብር በአስቸጋሪ የህይወት ውጣ ውረድ ውስጥ እያለፉ ለልጆቻቸው መስዕዋትነት ለሚከፍሉ ወላጆች ይሁን።
=======================================

08/28/2025

እመን እንጂ ቀላል ነው!

እያንዳንዷን የደስታ ቅጽበት፣ እያንዳንዷን የጭንቀት ሰዓታት የምትፈጥራቸው አንተ ነህ። የአእምሮ ህዋሳቶችህ አዛዥ አንተ ነህ። የስሜቶችህ አብሪ እና አጥፊም አንተው ነህ። እጣ ፈንታህን አንተው ነህ የምትቆጣጠረው።

አጠገብህ ያሉ ነገሮች እና እምነቶችህ አንተ ላይ ትልቅ ተጽዕኖ የሚያሳድሩብህ ከሆነ፣ ልክ እንደ ኮምፒዩተር ፕሮግራም የምታስበውን፣ የምትሆነውን እየሰረዝን እና እየጻፍን መቀየር እንችላለን? ብዙውን ጊዜ ስሜቶች የድርጊቶች ውጤት ናቸው።

የምትከፋውም፣ የምትጸጸተውም ወይም የምትደሰተውም መጨረሻ ላይ ነው። ሆኖም መጨረሻው አስደሳች እንደሆነ በመንገር ብቻ ሰውነትህን ልታሳምነው እና ልታነቃቃው ትችላለህ? ነገ ትድናለህ ስላልከው ብቻ ሰውነትህ ዛሬ ላይ መድኃኒት ብሎ የወሰደው ንጹህ ውሃ ያድነዋል?

ሁሌም ቢሆን መጨረሻ ላይ ስለሚመጣው ውጤት መልካም እሳቤ ካለን መንገዱም ምንም ቢጎረብጥ፣ ጉዟችን መልካም ይሆናል። ህቡዕ አእምሯችን የእውነታውን ዓለም ከሃሳብ ዓለም መለየት አይችልም። እናም ሰውነታችን ነገው ያማረ እንደሆነ ካመነ፣ ዛሬ ላይ ጉልበት ያገኛል፤ ዛሬ ላይ ይደሰታል።

ሰውነትህን በማመንህ ልክ መግዛት እና መምራት ትችላለህ። ሀብታም መሆን ትፈልጋለህ - እንደምትሆን ማመን አለብህ። እንደማትወድቅ ስታምን መውደቅ ታቆማለህ። ደፋር መሆንህን ስታምን - ፍርሃትህ ይተናል። እውነታውን ዓለም መምራት ካለብህ፣ ከውስጥህ፣ ከህቡዕ ህሊና መጀመር አለብህ።

ከተአምረኛው አእምሮህ መጽሐፍ

08/23/2025

ስለ ቲጂ አገልግል በአስቸኳይ ትታከም!

በማህበራዊ ሚዲያ ላይ በስፋት የጠንካራ ፤ የትጉ ሴት ተምሳሌት ነች እየተባለ ሲነገርላት ሲወራ ላት የነበረችው ቲጂ አሁን ድንገት ተነስታ የተዘበራረቁ ነገሮች ስታወራ መመልከት ለብዙ ሰዎች ግራ ያጋባ አሰልቺ ነገር ሆኗል። አንዳንዶች መተት ተደርጎባት ነው ፤ ሌላው እንደለመደችው "ፕራንክ" ነው፤ አንዳንዶች ደግሞ የአይምሮ በሽታ መታወክ የቅድመ እብደት ምልክት ነው ይላሉ።

ሰው የተሰማውን መናገር መብት አለው ኣዎ!። ነገር ግን በግምት እና በስማ በለው የሚነገሮ የሚወሩ ወሬዎች ሁሉ ትክክል አሊያም ስህተት ናቸው ብሎ መደምደም ከባድ ነው። እኔ ግን በሴፉ ሾው ከተናገረችው አንድ ነገር መነሻ ሀሳብ ወስጄ ልጠቁማችሁ እና ልደምድም።

ሴፉ ሾው ላይ እንዲህ አለች
አልተኛም ፤ አልበላም ጠዋት አንድ ሲኒ ቡና ከጠታሁ በቃ! ቂጣ ነገር ከበላሁ በቃኝ። ቁጭ ብዪ ብር መቁጠር ይሄን ማድረግ ያጠግበኛል። እንደዚህ ነበር ያለችው። ልብ ብሎ ለተመለከታት ሰውነቷም ከ ጊዜ ወደጊዜ እየቀነሰ እንደሆነ ይታያል።

ታዲያ አንድ ሰው በ 24 ሰአት ውስጥ በቂ እንቅልፍ ፤ በቂ ምግብ ፤ በቂ የሆነ እረፍት ቋሚ መረጋጋት ካላገኘ ለተለያየ በሽታ ሊጋለጥ ይችላል። በተለይ አለመተኛት “Sleep Deprivation” ይህም ሰውን ለአእምሮ መታወክ ሊያደርስ ይችላል። ተጨማሪ አለመመገብ “Malnutrition” ደግሞ ሲታከልበት ነገሮችን የበለጠ ያባብሳቸዋል።

ስለዚህ አሁን "ቲጂ አገልግል" ላይ በስፋት የሚታዩባት ነገሮች በአጠቃላይ ካለመመገብ በቂ ረፍት አለማግኘት እና አለመተኛት ለዚህ የተዘበራረቀ ይህወት እና ክስረት አድርሷት ሊሆን ይችላል። በዚህ የምትቀጥል ከሆነ ደግሞ የማስታወስ ችግር ፤ ለከፍተኛ ብስጭት እና ለከፍተኛ ጭንቀት (stress) ዳርጓት በመጨረሻም ለስነ-ልቦና ችግሮች (እንደ depression ወይም anxiety) በመጋለጥ እራሷን እስከማጥፋት ድረስ ልትደርስ ትችላለች።

#መፍትሄው?
በአስቸኳይ ህክምና ትጀምር የስነ ልቦና አማካሪዎች ታማክር ፤ በተቻለ ፍጥነት ቤተሰብ ወይም የቅርብ ዘመድ ካላት እራሷን ከማህበራዊ ሚዲያ አርቃ ከህክምናው ጎን ለጎን እንደ እምነቷ እና እንደ ሀይማኖቷ መንፈሳዊ መፍትሄ ትፈልግ። ከዚህ ውጪ አሁን ላይ ገንዘብ እንኳን ቢዋጣላት እና በርካታ ገንዘብ ብታገኝ አሁን ካለችበት በላይ ለሌላ የአእምሮ መታወክ ይዳርጋታል እንጂ እሷ እንደምታስበው መፍትሄ ሊሆናት አይችልም። በአስቸኳይ ትታከም! ካልሆነ ፎቶ ላይ እንደምናያት ሴት ትሆናለች። አከተመ!

ተመልካች የተጠቀምንበት ፎቶ በAI ቅንብር የተሠራ መሆኑን ልብ ይሏል።

07/12/2025

😭😭😭😭😭😭😭

ትልቅ ሆቴል ውስጥ ሪሴፕሽን ሆኖ የሚሰራ የምንቀራረብ ጓደኛ ነበረኝ፡፡ በስራ ላይ ሳለ ከእለታት ባንዱ ቀን አንድ ቦርሳ የያዘ ሰው ይመጣና 9 ቁጥር ተይዞ እንደሆነ ጠየቀው፡፡ ክፍሉም አልተያዘም ነበርና ቁልፍ ተቀበለ፡፡ ባለቦርሳውም ሰውዬ አስተናጋጁን 9 ቁጥር ሻማ፥ ቢላ፥ አፕል እና ብርጭቆ እንዲያመጣለት ጠየቀ፡፡ ወዳጄም እየተገረመ የተባለውን ያቀርብለታል፡፡ ሰውዬም እየሳቀ ወደ ክፍሉ ይገባል፡፡ ባጋጣሚ 9 ቁጥር ክፍል ጎን ያለው ሪሴፕሽኑ ክፍል ነበርና ጓደኛዬ ሌሊት ላይ በጣም አስደንጋጭ ነገር ሰማ…….

የእንሰሳት ጩኸት፥ ኡኡታ፥ የህፃን ልጅ ለቅሶ፥ የሚሰባበሩ እቃዎች ድምፅ፡፡ በዚህ የተረበሸው ጓደኛዬ እስኪነጋ ጠብቆ የተፈጠረውን ለማወቅ ጓጓ፡፡ ጠዋት ላይም ባለቦርሳው ሰውዬ በሙሉ ፈገግታ ቁልፍ ሲያስረክብና አስተናጋጁ ምን እንደተፈጠረ ለማየት ሮጦ ሲገባ......ሁሉም ነገር ባለበት እንጂ የተቀየረ ነገር የለም፡፡ አልጋው በስነስርአት ተነጥፏል፡፡ ብርጭቆውም፥ ቢላውም፥ አፕሉም ሻማውም ባሉበት ተቀምጠዋል፡፡ ይህም የሆነው መስከረም አንድ ቀን ነበር፡፡ በ ነገሩ የተገረመው ወዳጄ ግራ እንደተጋባ ወራት አለፉት፡፡

ከአንድ አመት በኋላ በዚያው ተመሳሳይ መስከረም አንድ ቀን ባለቦርሳው ሰውዬ ተመልሶ መጣ፡፡ በድጋሜም 9 ቁጥር አልጋ ተይዞ እንደሆነ ጠየቀ፡፡ በዚህም አመት ክፍሉ ስላልተያዘ ቁልፍ ተሰጠው፡፡ በድጋሜም 9ቁጥር ሻማ፥ ብርጭቆ፥ ቢላ እና አፕል አምጡልኝ አለ፡፡ አመት ሙሉ ግራ የተጋባው ጓደኛዬም የማወቅ ጉጉቱ እየጨመረ የተባለውን አቀረበለት፡፡ በዚያም ሌሊት እነዛኑ የሚረብሹ ድምፆች ሰማ፥ የሚያለቅሱ ህፃናት፥ የእቃዎች መሰባበር እና የእንሰሳ ድምፆች፡፡ ሌሊቱን ሙሉ ወደ ክፍሉ የሚወጣ ወይ የሚገባ ሰው መኖር አለመኖሩን ሲከታተልም አነጋ፡፡ ሲነጋ ባለቦርሳው ሰውዬ እንደተለመደው ከፈገግታ ጋራ ቁልፍ ሲያስረክብ ጓደኛዬ ሮጦ ቢመለከት ምንም ነገር የለም፡፡ አልጋው ባግባቡ እንደተነጠፈ፥ እቃዎቹም ምንም ሳይነኩ በተቀመጡበት ነበሩ፡፡

በዚህ ባለቦርሳ ሰውዬ ሚስጥር እጅግ ግራ የተጋባው ወዳጄ አመቱን ሙሉ በጉጉት ሲጠብቅ ከረመና መስከረም አንድ ደረሰ፡፡ እንደተለመደው ሰውዬው ከነቦርሳው መጣና 9ቁጥር ክፍልን ያዘ፡፡ እንደተለመደው 9ቁጥር ሻማ፥ ብርጭቆ አፕልና ቢላ ጠየቀ፡፡ እንደተለመደው ሌሊቱን ሙሉ አስፈሪ ድምፆች ሲሰሙ አደሩ፡፡ ሲነጋ እንደተለመደው ቁልፍ ሲያስረክብ 9 ቁጥር ክፍል ምንም አይነት ምልክት አልተገኘበትም፡፡ በዚህ ጊዜም አስተናጋጁ ይህንን ሚስጥር ከራሱ ከሰውዬው ሊጠይቅ ወሰነ፡፡
“አንድ ጥያቄ ልጠይቅህ ነበር “
“ጠይቀኝ” አለ ሰውዬው በፈገግታ::
“ለምንድነው ሁልጊዜ መስከረም አንድ ብቻ የምትመጣው?
ለምንድነው ሁልጊዜ 9 ቁጥር ክፍልን የምትይዘው?
9 ቁጥር ሻማው አፕሉ ቢላውና ብጭቆውስ ምን ያደርጉልሃል?
ሌሊት ላይ የሚሰሙት አስፈሪ ድምፆችስ የሚመጡት ከየት ነው?”
አለና ጠየቀው፡፡
ሰውዬም እየሳቀ
“ለማንም የማትናገር እና ሚስጥር የምትጠብቅ ከሆነ እነግርሃለሁ” አለው፡፡
ጓደኛዬም “ለማንም አልናገርም ንገረኝ” ሲል መለሰ፡፡
ሰውዬም ለማንም እንዳይናገር አስማለና ሚስጥሩን ነገረው፡፡
እነሆ ጓደኛዬም ሚስጥር ጠባቂና መሃላውን አክባሪ በመሆኑ የባለቦርሳውን ሰውዬ ሚስጥር ምንነት ለኔም አልነገረኝም🫤

ምስጢር የምትጠብቁበት ክረምት ይሁንላችሁ 🤌🏽

07/03/2025

ኤፍሬም ታምሩ

07/03/2025

06/23/2025

ያህያ

06/23/2025

አስቴር አወቀ

06/19/2025

ሰርጓለም ተገኝ