08/20/2026
🚨 Benshi bari mu gucika intege, mu mibabaro, mu buzima butagira ivyizigiro, m'ubuzima butabona ko bazoja mw'ijuru... Ariko Yesu Kristo arahamagara abantu bose ngo bakanguke baze mu muco wiwe.
“Pambazuka na Yesu” bisigura:
• Kuva mu mwijima winjira mu muco,
• Kuva mu caha ugahinduka mushasha,
• Kuva mu gupfira mu vyaha ukaronka ubugingo bushasha buri muri Kristo Yesu.
1. YESU ARAHAMAGARA WIKANGURE
Abaroma 13:11
“Iki gihe kirageze co gukanguka, kuko agakiza kacu kari hafi.”
Imana ishaka ko umuntu adasigara mu caha no mu buzima bwo kure yayo.
Hari abantu:
• Baryama mu vyaha,
• Baryama mu gukekeranya kuzoja mw'ijuru.
• Baryama mu mwete muke wo gusenga.
Ariko Yesu avuga ati:
“Kanguka umenye ko gupfira muvyaha bibaho no gupfira m'Umwami Yesu bibaho!”
Uwapfiriye muvyaha ntajuru azojamwo.
Uwapfiriye muri Yesu azobona ubugingo budashira. Kuko niwe nzira n'ukuri m'ubugingo ntawuzoja kwa Data ku Mana atamujanye. Niko ijambo ry'lmana ribivuga.
2. YESU NIWE MUCO W’UBUZIMA
Yohani 8:12
“Ni jewe muco w’isi; unkurikira ntazogendera mu mwijima.”
Yesu Kristo niwe muco ukuraho:
• Ubwoba,
• Ivyaha,
• Ubuzima butagira intumbero.
Iyo umuntu apambazutse na Yesu:
- Aronka amahoro,
- Aronka ivyizigiro,
- Aronka inzira y’ukuri.
3. KANGUKA UVE MURIVYO VYAHA NTAHANDI BIZOGUSHIKANA ATARI M'UMURIRO UDASHIRA
Abaroma 2:6
izokwishura umuntu wese ibikwiranye n'ivyo yakoze.
Mwene Data uri m'ubuzima bw'ivyaha, wumve k'lmana izogucira urubanza ruhwanye nivyo vyaha urimwo nutihana
Yohana 8:24
Ico ni co gitumye mbabgira ko muzopfira mu vyaha vyanyu; kuko ni mutizera ko ndi We, muzopfira mu vyaha vyanyu.
Mwene Data ntugapfire murivyo vyaha urimwo kuko ntanyungu birimwo, inyuma yo gupfa uzobaho nabi nabi ahantu habi habi ho kubabazwa ibihe bidashira.
4. PAMBAZUKA UKORERE IMANA
2 Abami 17:13
Yamar' Uhoraho yama aburira Abisirayeli n'Abayuda, abicishije mu bo yavugisha bose no muri ba kamenyi bose, ati Ni muhindukire, mureke ingeso zanyu mbi, mwitondere amabgirizwa yanje n'amateka yanje, nk'ukw ivyagezwe vyose biri, ivyo nageze ba sogokuruza banyu, nkagenda ndabibabarira, ndabicishije mu basavyi banje navugisha.
🚨 Nubwo uri m'ubuzima buruhije bw'ivyaha. Imana iraguhamagara ngo ugaruke munzira nziza wihane uvavanure nivyo vyaha urimwo, ubone guharirwa.
🚨 Mwene Data aka niko kanya lmana igutije ko kwirimbura wihane. Niyompamvu uhuye na buno butumwa.
🚨 Wiravye ubuzima urimwo ubona hamwe wopfa woja he?
Nimba ubona woja ahantu habi aka niko kanya ko kwihana, ukakira Umwami Yesu Kristo akaguha agakiza.
5. IVYIZA VYO GUPAMBAZUKA NA YESU
🚨 Uwukangutse muri Kristo:
aronka agakiza,
aronka amahoro yo mu mutima,
aba umwana w’Imana,
aronka ubugingo budashira.
2 Abakorinto 5:17
“Umuntu wese ari muri Kristo aba icaremwe gishasha.”
Gwino wihane Yesu akugire icaremwe gisha, afute ivyaha vyawe vyose wakoze.
Akuronse ubugingo budashira bubonekera muri we
Abanyefeso 1:7
Muri we ni ho duherwa gucungurwa n'amaraso yiwe, ni kwo guharirwa ibicumuro vyacu, nk'ukw itunga ry'ubuntu bgayo riri,
Nkwibutse nimba ushaka gutahura vyinshi kubijanye no kwihana n'ijuru. Uze wumvirize KANGUKA y'ejo vendredi n'umukozi w'lmana Chris Ndikumana
Nimba wumva woha ubugingo bwawe Yesu, ukumva wokwihana ukakira agakiza Umwami Yesu.
Twakure tugufashe kuri whatsapp +257 61070373
NDIHO abahe kunesha ivyaha
