Janta voice

04/19/2026

कटारी क्षेत्रकै शैक्षिक गुणस्तरमा अब्बल त्रिवेणी मावि कटारी ४ मा भर्ना खुल्याे ।

01/30/2026

01/30/2026

कटारीका किसानका लागि आएको अनुदानको मल कालाबजारी, २ सयभन्दा बढी बोरा दुधौलीमा नियन्त्रण
कटारी नगरपालिकाका किसानहरूका लागि आएको अनुदानको युरिया मल सहकारीले नै कालाबजारी गरेको घटना सार्वजनिक भएको छ। पेशल भट्टराई र हिरा बास्तोला संचालक रहेको दुर्गा भवानी सहकारी संस्था लिमिटेडले कटारीका लागि आएको अनुदानको युरिया मल सिन्धुलीको दुधौलीस्थित एक व्यापारीको गोदाममा अनलोड गर्दै गरेको अवस्थामा करिब २ सयभन्दा बढी बोरा मल रंगेहात फेला पारिएको हो।
किसान संघर्ष समितिका संयोजक गणेश थापा लगायतको टोलीले अनुदानको मल दुधौलीतर्फ लगिएको सूचना पाएपछि घटनास्थलमा पुगेर मल अनलोड हुँदै गरेको अवस्थामा नियन्त्रणमा लिएको हो। समितिको पहलमा उक्त मल र संलग्न व्यक्तिहरूलाई तत्काल दुधौली प्रहरीको जिम्मा लगाइएको छ।
कटारीका किसानहरू मलको चरम अभाव झेलिरहेका बेला सहकारीले नै अनुदानको मल अन्यत्र बिक्रीका लागि पठाउनु गम्भीर गैरकानुनी कार्य भएको किसान संघर्ष समितिको भनाइ छ। समितिले यस घटनामा संलग्न सबैमाथि कडा कानुनी कारबाही गर्न माग गरेको छ।

01/25/2026

कटारी बजारभित्र नाली सफा गर्ने क्रममा निकालिएको फोहोर सडकको बीचभागमै थुपारेर राखिँदा दुर्गन्ध फैलिएको छ। समयमै फोहोर नहटाइँदा वरपरका व्यवसायी र पैदल हिँड्ने सर्वसाधारणलाई आवतजावतमा असहजता भएको छ।
स्थानीयवासीका अनुसार सफा गर्ने काम भए पनि फोहोर व्यवस्थापनमा ढिलासुस्ती हुँदा स्वास्थ्य जोखिम बढेको छ। यति संवेदनशील स्थानमा फोहोर तत्काल हटाई व्यवस्थित व्यवस्थापन गर्न सम्बन्धित निकाय किन चनाखो देखिएन ?

01/25/2026

https://jantavoice.com/2026/01/32867/

उदयपुर । यही २०८२ साल फागुन २१ गते हुने प्रतिनिधिसभा सदस्य निर्वाचनका सन्दर्भमा नेपाल कम्युनिष्ट पार

01/20/2026

सुर्य बहादुर लामाले उदयपुर निर्वाचन क्षेत्र नम्बर २ मा रास्टृय स्वतन्त्र पार्टीका तर्फबाट उम्मेद्बारी दिनु भएको छ ।

01/20/2026

उदयपुर क्षेत्रनं २ मा एमालेका अम्बर रायमाझी मनोनयन दर्ता

कटारी /उदयपुरको क्षेत्रनम्बर २ मा नेकपा एमालेबाट अम्वरबहादुर रायमाझीले उमेदवारी दर्ता गराएका छन् । फागुन २१ गते हुने प्रतिनिधिसभा सदस्यका लागि रायमाझीले मनोनयन दर्ता गराएका हुन् ।
नाराजुलुस र बाजागाजासहित कटारीस्थित निर्वाचन अधिकृतको कार्यालयमा मनोनयन दर्ता गराएका हुन् । उनको प्रस्तावकमा एमाले जिल्ला कमिटी सचिवालय सदस्य तथा क्षेत्रीय कमिटीका संयोजक गजेन्द्रबहादुर खड्का र समर्थकमा कोशी प्रदेश कमिटीका सदस्य गोपालबहादुर खत्री छन् ।
नेकपा एमालेका प्रदेश कमिटीका सचिवालय सदस्य रहेका रायमाझी २०७९ को प्रतिनिधिसभा सदस्यको निर्वाचनमा तत्कालिन नेपाली काँग्रेस, नेकपा माओबादी र समाजवादी पार्टी मिलेर बनेको गठबन्धनका उमेदवार जगन्नाथ खतिवडालाई पराजित गरेका थिए ।
मनोनयन दर्ता पश्चात् सञ्चारकर्मीसँग संक्षिप्त कुरा गर्दै रायमाझीले क्षेत्रनं २ को समृद्धका लागि तयार पारेको रोडम्याप अधुँरो रहेकाले पुरा गर्न उम्मेदवारी भएको बताए । उनले भने, “विकासको हिसावले पछि परेको उदयपुर क्षेत्रनं २ को समृद्धीका लागि ३० महिनाको कार्यकालमा निकै काम गरेपनि रोडम्याप अनुसार अझै धेर काम अधुँरै रहे, ती जनतासँग गरेका वाचा पुरा गर्न यो पटक पार्टीले फेरी उमेदवार बनाएको छ ।”
“क्षेत्रनम्बर २ को विकासको मेररुदण्ड भनेकै सिरहाको मिर्चैया–कटारी–घुर्मि पक्की सडकदेखि लिएर मुर्कुची–माझखर्क–कुनौली–खोटाङ्गको हलेसीसम्म जोड्ने सडक पहिलो प्राथमिकता हो, रायमाझीले भने, “मुख्य सडकसँगै थुप्रै साना सडकहरुको वजेट विनियोजन गरी ठेक्का प्रकृया अघि बढेका छन्, शिक्षा, स्वास्थ्य, कृषि, उद्यम र रोजगारका क्षेत्रमा पनि उल्लेखिय काम हुँदा हुँदै विचैमा कार्यकाल व्रेक भयो ।”
उनले भने, “नगरपालिकासहित पाँच वटै स्थानीय तहका ४४ वटा वडा कार्यालय जाने सडक, स्वास्थ्यचौकी, विद्यालय, विजुलीवत्तिको काम सम्पन्न भएको छ, छिटफुट वाहेक खानेपानी योजनापनि सम्पन्न भएका छन्, अवको काम भनेको पक्की सडक, कृषि, स्वास्थ्य र रोजगारी रोडम्याप हुन् ।”
रायमाझीले एमाले संगठन वलियो, इमान्दार कार्यकर्ता, अधुँरो कार्यकाल, योजनाको रोडम्याप र विगतका विकासमा गरेका योगदान नै चुनाव जित्ने मुख्य आधार भएको बताएका छन् । २०७९ सालमा काँग्रेस–माओवादी–समाजवादी पार्टीको गठबन्धनलाई सजिले पराजित गरेकाले यसपटक कामका आधार र भिजनका हिसावले चुनाव जित्ने उनको दावि छ ।

01/20/2026

काङ्ग्रेसको मतले बिजयी हुन्छु - राम कुमार राई ।
प्रतिनिधि सभा सदस्य उदयपुर क्षेत्र नम्बर २ का नेपाली काङ्ग्रेसका उम्मेदवार

01/20/2026

फागुन २१ गते हुने निर्वाचनका लागि उदयपुर निर्वाचन क्षेत्र नम्बर २ मा नेकपाका तर्फ बाट सुरेश राइले उम्मेदवारी दर्ता गराएका छन ।

01/20/2026

अधुरा काम पूरा गर्न उम्मेदवारी - अम्बर बहादुर रायमाझी (नेकपा एमाले प्रतिनिधि सभा सदस्य उम्मेदवार )

01/14/2026

एघारौँ राष्ट्रिय योग दिवसको अवसरमा त्रिवेणी माध्यमिक विद्यालय कटारीमा पाँच दिने योग प्रशिक्षण कार्यक्रम सम्पन्न

कटारी /एघारौँ राष्ट्रिय योग दिवसको अवसरमा “स्वस्थ समाज, समृद्ध नेपाल र विश्व शान्तिका लागि योग” भन्ने मूल नाराका साथ त्रिवेणी माध्यमिक विद्यालय, कटारीको आयोजनामा पाँच दिने योग प्रशिक्षण कार्यक्रम सम्पन्न भएको छ। विद्यालय परिसरमा सञ्चालन गरिएको उक्त कार्यक्रमले विद्यार्थीहरूमा योगप्रति चासो बढाउनुका साथै शारीरिक तथा मानसिक स्वास्थ्यप्रति सचेतना फैलाएको आयोजकले जनाएको छ।

पाँच दिनसम्म सञ्चालन भएको यस योग प्रशिक्षण कार्यक्रममा पतञ्जली योग केन्द्रीय समितिका राष्ट्रिय प्रशिक्षक अजिता बास्ताकोटीका तथा युवा नेपाल समितिका राष्ट्रिय प्रशिक्षक नवराज खत्रीले प्रशिक्षण प्रदान गर्नुभएको थियो। प्रशिक्षणका क्रममा प्रशिक्षकहरुले योगका आधारभूत आसन, प्राणायाम, ध्यान विधि तथा योगको वैज्ञानिक र व्यवहारिक महत्वबारे विद्यार्थीहरूलाई जानकारी दिनुभएको थियो।
कार्यक्रममा त्रिवेणी माध्यमिक विद्यालयका विद्यार्थीहरूको उल्लेखनीय उपस्थिति रहेको थियो। विभिन्न कक्षाका विद्यार्थीहरू उत्साहका साथ प्रशिक्षणमा सहभागी भएका थिए। योग अभ्यासपछि विद्यार्थीहरूले आफूहरूमा आत्मविश्वास बढेको, मन शान्त भएको र पढाइमा ध्यान केन्द्रित गर्न सहज भएको प्रतिक्रिया दिएका थिए।

पाँच दिने योग प्रशिक्षण कार्यक्रमको समापन समारोह कटारी नगरपालिका वडा नम्बर ४ का वडा अध्यक्ष भुपेन्द्र सिंह तामागंको सभापतित्व तथा पतञ्जली योग केन्द्रीय समितिका राष्ट्रिय प्रशिक्षक अजिता बास्ताकोटीको प्रमुख आतिथ्यतामा सम्पन्न भएको हो।
समापन कार्यक्रममा बोल्दै बास्ताकोटीले योगलाई केवल शारीरिक व्यायामको रूपमा मात्र नभई जीवनशैलीको अभिन्न अंगका रूपमा अपनाउनुपर्नेमा जोड दिनुभयो। उहाँले बाल्यकालदेखि नै योग अभ्यास गर्ने बानी बसाल्न सके स्वस्थ, अनुशासित र सकारात्मक सोच भएका नागरिक तयार हुने बताउँदै विद्यालयस्तरमै यस्ता कार्यक्रम आवश्यक रहेको धारणा राख्नुभयो।

कार्यक्रममा विद्यालयका प्रधानाध्यापक वालकृष्ण कार्कीले योग प्रशिक्षण कार्यक्रमले विद्यार्थीहरूको शारीरिक, मानसिक तथा नैतिक विकासमा महत्वपूर्ण योगदान पु¥याएको उल्लेख गर्नुभयो। उहाँले विद्यालयले शैक्षिक गुणस्तरसँगै विद्यार्थीहरूको स्वास्थ्य र अनुशासनलाई समेत उत्तिकै प्राथमिकतामा राख्दै यस्ता कार्यक्रमहरू आगामी दिनमा पनि निरन्तर सञ्चालन गर्ने प्रतिबद्धता व्यक्त गर्नुभयो।

योग प्रशिक्षण कार्यक्रममा शिक्षक, कर्मचारी तथा विद्यालय व्यवस्थापन समितिका प्रतिनिधिहरूको पनि उपस्थिति रहेको थियो।

12/30/2025

चिसो बढेपछि उदयपुरका दुई नगरपालिकामा विद्यालय बिदा
उदयपुर । अत्यधिक चिसो र शीतलहर बढ्दै गएपछि उदयपुर जिल्लाका दुई नगरपालिकाले विद्यालयहरूमा बिदा दिएका छन्। त्रियुगा नगरपालिका र चौदण्डीगढी नगरपालिकाले छुट्टाछुट्टै सूचना जारी गर्दै सामुदायिक, संस्थागत तथा धार्मिक विद्यालयहरूमा पठनपाठन स्थगित गरेका हुन्।
त्रियुगा नगरपालिकाको शिक्षा, युवा तथा खेलकुद शाखाले जारी गरेको सूचनाअनुसार नगरभित्र सञ्चालित सम्पूर्ण विद्यालयहरूमा मिति २०८२ माघ १५ गतेदेखि १७ गतेसम्म जम्मा तीन दिन वर्ष वा हिउँदे बिदाअन्तर्गत कक्षा सञ्चालन नहुने जनाइएको छ। अत्यधिक चिसोका कारण जनजीवन प्रभावित भएको र विद्यार्थीहरूको स्वास्थ्यमा जोखिम बढ्न सक्ने देखिएकाले नगर प्रमुखस्तरीय निर्णयअनुसार बिदा दिइएको शिक्षा शाखाले जनाएको छ।
यस्तै, चौदण्डीगढी नगरपालिकाले पनि बढ्दो चिसो र शीतलहरका कारण बालबालिका जोखिममा परेको भन्दै विद्यालय बिदा दिएको छ। नगरपालिकाको शिक्षा, युवा तथा खेलकुद शाखाले जारी गरेको सूचनाअनुसार मिति २०८२ पुस १६ गतेदेखि अर्को सूचना जारी नहुन्जेलसम्म नगरभित्रका सामुदायिक तथा संस्थागत विद्यालयहरू बन्द रहनेछन्। उक्त निर्णय नगर प्रमुखस्तरीय निर्णयका आधारमा गरिएको जनाइएको छ।
दुवै नगरपालिकाले चिसोबाट जोगिन आवश्यक सतर्कता अपनाउन अभिभावक, शिक्षक तथा सरोकारवालाहरूलाई आग्रह गरेका छन्।