Ohio Somali TV

Ohio Somali TV https://www.youtube.com/ Ohio Somali TV is independently operated and owned bilingual (Somali and English) Media in Ohio, United States.

Ohio Somali TV delivers the latest multimedia technology through live streaming, audio production, and news coverage while proudly connecting communities and celebrating diversity. Our mission is to enrich lives and strengthen our community through the power of media. Building Community Through Media

Waxaa magaalada Columbus, Ohio laga xarig-jaray Zima Market — supermarket weyn oo cusub, casri ah, isla markaana noqonay...
08/30/2026

Waxaa magaalada Columbus, Ohio laga xarig-jaray Zima Market — supermarket weyn oo cusub, casri ah, isla markaana noqonaya mid ka mid ah suuqyada ugu waaweyn ee Columbus laga hirgeliyo.

Zima Market waxaad ka heli doontaa wax kasta oo aad uga baahan tahay noloshaada maalinlaha ah, hal meel gudaheed.

Waxaa yaalla raashinka, cuntooyinka kala duwan, khudaarta iyo miraha, cabitaannada, caanaha iyo waxyaabaha caanaha laga sameeyo, maacuunta, iyo hilibka noocyadiisa kala duwan.

Laakiin Zima Market intaas kuma eka...

Gudaha suuqa waxaa ku dhex yaalla dukaan weyn oo gaar ah, oo aad ka heli karto barafuunno, catarro, waxyaabaha la isku carfiyo iyo agabyo kale oo qurux iyo caraf ah.

Wax walba waxaa loo habeeyey qaab casri ah, nadiif ah oo soo jiidasho leh, si qofka soo booqda uu u helo adeeg fudud, xulasho badan iyo wax kasta oo uu u baahan yahay.

Xafladda xarig-jarka waxaa ka soo qeybgalay haldoorka bulshada Soomaaliyeed ee Ohio, iyo marti sharaf kale, iyadoo Zima Market ay leeyihiin ganacsato Soomaaliyeed oo magaalada Columbus ka hirgeliyey ganacsi weyn oo bulshada loogu adeegayo.

Zima Market — waa suuq cusub, waa adeeg cusub, waana meel aad wax walba hal mar ka heli karto.

Haddii aad joogto Columbus iyo nawaaxigeeda, Zima Market soo booqo oo indhahaaga ku arag!

ZIMA MARKET — HAL MEEL, WAX KASTA!

Waxaa magaalada Columbus, Ohio laga xarig-jaray Zima Market — supermarket weyn oo cusub, casri ah, isla markaana noqonay...
08/30/2026

Waxaa magaalada Columbus, Ohio laga xarig-jaray Zima Market — supermarket weyn oo cusub, casri ah, isla markaana noqonaya mid ka mid ah suuqyada ugu waaweyn ee Columbus laga hirgeliyo.

08/30/2026

UK Hooyo Soomaaliyeed ayaa si xoog ah looga saaray gurigii ay daganeeyd kadib markii ay ka madax adeeygtay waraaqo baddan oo loo soo diray kuna saabsanaa in Guriga ay ka guurto.

Milkiilaha xaafada ayaa dadka oo dhan u sheegay in dib loo dhisayo guryaha sidaa darteed lagama maarmaan ay tahay in ay ku guuraan mudo 30 cishaa dadkii kale wey guureen lakin hooyada Soomaaliyeed oo shansano kahor guriga soo dagtay ayaa ka bixin, waxana milkiilhu aaday Maxkmad taas oo soo dirtay ciidanka qaaskaa ee Maxkmada si looga saaro guriga.

Marka loo yimid Hooyadani mahan qof Luuqada Englishka ku hadasha waxay wacatay qof caawiya, markii ay qofka la hadlaysay waxay hadalo aan haboonayn ku tiri ninka Booliskaa taas oo ahayd waa Eey iyo waa Doofaar mana ahan dhaqan wanaagsan.

Hooyadan waayeelka waxaa laga yabaa in Caawimada ay dowladu siiso ay Soomaaliya u dirto oo aysan manta Hotel iska bixin karin, hadaba Bulshada Soomaaliyeed haloo kaco Hooyadaas hana la caawiyo.

dhanka kale dadka walidiintood oo wayeel ah keena qurbaha fadlan ha cidleeyn hana geeyn meel aan dad la joogin, hooyada in warqada wax u aqriya ay weyday ayaa laga yabaa.

08/29/2026

Tarbiyada Ilmaha mahan cuno iyo Labis waa in Caqliga iyo shaqsiyada laga dhiso Ilmaha: Sh. Ahmed Yemani

08/28/2026

Caruurta ku qiimee dadalkooda ha ku qiimeeyn Guuldarada waxbarashada

Ratko Mladić oo geeriyooday isagoo xabsi daa’in ugu xirnaa xasuuqii BosniaRatko Mladić, oo ahaa taliyihii ciidamada Serb...
08/28/2026

Ratko Mladić oo geeriyooday isagoo xabsi daa’in ugu xirnaa xasuuqii Bosnia

Ratko Mladić, oo ahaa taliyihii ciidamada Serbiyiinta Bosnia xilligii dagaalkii Bosnia, ayaa geeriyooday isagoo xabsi daa’in ugu jiray dambiyo ay ka mid yihiin xasuuq, dambiyo ka dhan ah aadanaha iyo dambiyo dagaal.

Mladić wuxuu ahaa mid ka mid ah saraakiishii ugu awoodda badnaa ciidamada Serbiyiinta Bosnia intii uu socday dagaalkii 1992–1995. Waxaa si gaar ah loogu xusuustaa doorkiisii xasuuqii Srebrenica bishii Luulyo 1995, kaas oo lagu dilay in ka badan 8,000 oo rag iyo wiilal Muslimiin Bosniak ah.

Xasuuqa Srebrenica waxaa loo aqoonsaday inuu ahaa xasuuq iyo mid ka mid ah dambiyadii ugu xumaa ee Yurub ka dhacay tan iyo Dagaalkii Labaad ee Adduunka.

Sanadkii 2017, maxkamad caalami ah ayaa Mladić ku xukuntay xabsi daa’in, iyadoo lagu helay dambiyo ay ka mid yihiin xasuuq, dil, cadaadis iyo dambiyo kale oo ka dhan ah dadka rayidka ah. Xukunkaas ayaa markii dambe la xaqiijiyay.

Geeridiisa ayaa soo afjartay noloshii nin muddo tobannaan sano ah wajahayay maxkamado iyo xabsi, kadib markii lagu helay inuu door weyn ku lahaa qaar ka mid ah dambiyadii ugu cuslaa ee ka dhacay dagaalkii Bosnia.

Hay’adda Socdaalka iyo Dhaqangelinta Kastamka Mareykanka (ICE) ayaa siisay shirkad ku taalla Kentucky heshiis dhan $16.7...
08/28/2026

Hay’adda Socdaalka iyo Dhaqangelinta Kastamka Mareykanka (ICE) ayaa siisay shirkad ku taalla Kentucky heshiis dhan $16.7 milyan, si ay ugu soo iibiso 6,000 lammaane oo galoofyo koronto bixiya.

Galoofyadan ayaa saraakiisha u oggolaanaya inay qofka siiyaan koronto marka ay si toos ah maqaarkiisa ula xiriiraan. ICE ayaa sheegtay in loo adeegsan doono xaaladaha ay dadka la xirayo ama la haysto ay iska caabinayaan, gaar ahaan xilliyada xarigga, gaadiidinta maxaabiista iyo rabshadaha ka dhaca xarumaha dadka lagu hayo.

Heshiiska ayaa si toos ah loogu siiyay shirkadda Compliant Technologies, iyadoo aan loo marin tartan shirkado kale, waxaana heshiisku sidoo kale ka mid yahay qalab iyo adeegyo taageero oo soconaya lix bilood.

Go’aanka ICE ayaa dhaliyay walaac iyo mucaaradad ka timid kooxaha u dooda xuquuqda aadanaha iyo qaar ka mid ah xildhibaannada Mareykanka, kuwaas oo ka cabsi qaba in galoofyadan si khaldan loo isticmaali karo.

Trump oo Lake Ontario u bixiyay “Lake America”Madaxweynaha Mareykanka Donald Trump ayaa Manta saxiixay amar madaxweyne o...
08/27/2026

Trump oo Lake Ontario u bixiyay “Lake America”

Madaxweynaha Mareykanka Donald Trump ayaa Manta saxiixay amar madaxweyne oo lagu beddelayo magaca Lake Ontario, laguna magacaabayo “Lake America”, iyadoo isbeddelkaasi uu dhaqan gelayo isla markiiba marka laga hadlayo isticmaalka rasmiga ah ee dowladda federaalka Mareykanka.

Go’aankan ayaa ku soo beegmaya xilli uu sii xoogeysanayo khilaafka ganacsi ee u dhexeeya Mareykanka iyo Canada. Trump ayaa arrinta magaca beddelka ku xiriiriyay xiriirka ganacsi ee sii xumaanaya, gaar ahaan kadib markii ay burbureen wada-hadalladii ganacsi ee labada dal.

Lake Ontario waa mid ka mid ah Shanta Haro ee Waaweyn (Great Lakes), waxaana wadaaga Mareykanka iyo Canada. Dhanka Mareykanka wuxuu ku dhow yahay gobolka New York, halka dhinaca waqooyi uu xuduud la leeyahay gobolka Ontario ee Canada. Sidaa darteed, Mareykanku wuxuu magaca cusub u adeegsan karaa isticmaalka dowladda federaalka, balse ma awoodi karo inuu Canada ama hay'adaha caalamiga ah ku qasbo inay magaca “Lake America” isticmaalaan.

Go'aankan ayaa sidoo kale xusuusinaya tallaabadii Trump ee h**e uu magaca Gulf of Mexico ugu beddelay “Gulf of America”, taas oo iyaduna si weyn uga dhalisay dood iyo muran caalami ah.

Trump ayaa tallaabadan ku tilmaamay mid ka mid ah jawaabaha uu ka bixinayo siyaasadaha ganacsi ee Canada, halka dadka dhaleeceeya ay u arkaan tallaabo astaan siyaasadeed ah oo sii xumeyn karta xiriirka labada dal.

COLUMBUS, OHIO — Don Leonard, musharraxa Xisbiga Dimuqraadiga ee u tartamaya Congress-ka Mareykanka, kana socda Ohio’s 1...
08/27/2026

COLUMBUS, OHIO — Don Leonard, musharraxa Xisbiga Dimuqraadiga ee u tartamaya Congress-ka Mareykanka, kana socda Ohio’s 15th Congressional District, ayaa kulan la yeeshay qaar ka mid ah bulshada Soomaaliyeed ee ku nool degmada, isagoo kala hadlay muhiimadda ay leedahay wada-shaqeyn dhow oo dhex marta bulshada iyo siyaasiyiinta matalaya.

Kulanka ayaa diiradda lagu saaray arrimo ay ka mid yihiin ilaalinta xuquuqda muwaadiniinta, taageerada ganacsiyada yaryar, amniga iyo fursadaha dhaqaale, iyo sidii bulshada Soomaaliyeed ay codkeeda siyaasadeed uga dhigi lahayd mid si weyn looga maqlo gudaha Ohio.

Leonard ayaa bulshada Soomaaliyeed u sheegay inuu doonayo inuu noqdo masuul u taagan danaha dadka shaqeeya iyo qoysaska ku nool degmada, isagoo ballanqaaday inuu Congress-ka uga shaqeyn doono ilaalinta ganacsiyada yaryar iyo horumarinta fursadaha dhaqaale.

Sidoo kale, wuxuu ka hadlay muhiimadda ay leedahay in la ilaaliyo xuquuqda iyo sharafta dhammaan muwaadiniinta Mareykanka, isaga oo sheegay inuu ka soo horjeedo siyaasado uu aaminsan yahay inay bulshada qaar ku abuuri karaan cabsi ama takoorka ku salaysan midab, diin ama dhaqan.

Leonard wuxuu si gaar ah u xusay bulshada Soomaaliyeed iyo dadka Muslimiinta ah, isagoo sheegay inuu diyaar u yahay inuu la shaqeeyo cid kasta oo taageerta sinnaanta, xorriyadda diinta iyo ilaalinta xuquuqda muwaadiniinta.

Kulanka ayaa sidoo kale fursad u noqday bulshada Soomaaliyeed inay musharraxa si toos ah ula wadaagaan aragtidooda, walaacyadooda iyo baahiyaha ay qabaan, gaar ahaan dhinacyada ganacsiga, shaqada, waxbarashada, amniga iyo xuquuqda bulshada.

Don Leonard, oo ah macallin iyo aqoonyahan h**e uga tirsanaa The Ohio State University, ayaa ololihiisa ku dhisay fariin uu ugu yeeray “Do Something Democrat,” isaga oo sheegaya in siyaasadda looga baahan yahay waxqabad dhab ah oo wax ka beddela nolosha qoysaska shaqeeya.

Kulanka ayaa ku soo dhammaaday is-dhaafsi aragtiyo iyo ballanqaad ku aaddan in la sii xoojiyo xiriirka iyo wada-shaqeynta u dhexeysa Don Leonard iyo bulshada Soomaaliyeed ee Ohio’s 15th District.

08/27/2026

Adoo Jamacad Bare ka ah maxaad ku dooratay siyaasada : Don Leonard

Address

3179 Cleveland Avenue
Columbus, OH
43224

Website

Alerts

Be the first to know and let us send you an email when Ohio Somali TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ohio Somali TV:

Shortcuts

Featured

Share

Category