Sade Global

04/15/2025

04/15/2025

WAR-SAXAAFADEED

15ka Abriil, 2025: Waxaan goor dhaw si nabad ah ku soo gaarnay aniga iyo wafdi ila socday magaalada Muqdisho. Ujeedka safarkaygana waxaa ugu muhiimsan daahfurka Xisbiga Nagaad iyo la tashiyo aan la sameynayo qeybaha kala duwan ee bulshada Soomaaliyeed.
Waxaan u mahadcelinayaa Xildhibaannada labada Aqal ee Barlamaanka Federaalka iyo qeybaha kala duwan ee bulshada Soomaaliyeed sida maamuuska sare leh ee ay iigu soo dhaweeyeen Garoonka Aadan Cabdulle Cismaan ee magalada Muqdishu.

Wabillaahi Towfiiq

03/20/2025

CAAbudwaaq:

Maanta oo ay taariikhdu tahay 19/03/2025, wafdi sare oo ka socday Jaamacadda Ummadda Soomaaliyeed ayaa booqasho rasmi ah ku tegay Iskuulka Sare ee Shire Jaamac, degmada Caabudwaaq.

Intii ay booqashada ku jireen, wafdigu waxay ardayda la wadaageen muhiimadda waxbarashada iyo fursadaha kala duwan ee ay Jaamacadda Ummadda Soomaaliyeed, faraceeda Galmudug, u fidiso ardayda mustaqbalka raadineysa.

Sidoo kale, wafdiga ayaa uga mahadceliyey maamulka iyo macallimiinta iskuulka dadaalka ay ugu jiraan horumarinta waxbarashada, iyagoo si gaar ah u bogaadiyey soo dhoweynta diiran iyo martigelinta qiimaha leh ee ay u sameeyeen.

Eng. Ismail Mohamud Mohamed
Madaxa ICT iyo w.baahinta
JUS Faraca Galmudug

02/17/2025

Baladxaawo, Gedo, Somalia

02/08/2025

Jaamacadda Ummadda Soomaaliyeed Faraca Galmudug

WARBIXIN: 10 SANO OO ADEEG WAXBARASHO SARE AH:

Jaamacaddu waxay ka mid tahay xarumaha ugu muhiimsan ee waxbarashada sare ee dalkeenna Soomaaliya, waxaana sanadkan lagu xusayaa 10 sanno oo guul ah. 10-kii sano ee la soo dhaafay, Jaamacaddu waxay noqotay astaan muujinaysa horumarka iyo dadaalka bulshada ee dhinaca waxbarashada sare iyo cilmi baarista.

Laga soo bilaabo markii bulshadu ku fakartay aasaaska Jaamacad ku taala goboladda dhexe , gaar ahaan Caabudwaa, ayaga oo ka duulaya baahida bulshada hor-u-tabinta u leh, waxaa Caabudwaaq laga yagleelay Jaamacad. Maamulka Jaamacadda oo kaashanaya Bulshada deegaanka waxay ku guulaysteen dhismaha iyo horumarinta kaabayaasheeda. Dhismayaasha casriga ah ee jaamacaddu waxay noqdeen goobaha waxbarashada ugu muhiimsan ee ardaydu ay jeclaysato, Midowgii Jaamacaddaha "Jaamacadda Galguduud iyo Jaamacadda Ummadda" waxay ka dhigtay mid ka mid ah jaamacadaha ugu waaweyn ee dalka.

WAXBARASHADA: Ardayda Jaamacaddu waxay helaan manhajyo tayo sare leh, waxaana kor loo qaaday adeegyada waxbarasho iyo fursadaha cilmi baaris ee ardayda. Inkastoo Jaamacadda ay dhigtaan boqolaal arday ah, ayna soo saartay boqolaal kale oo kaqalinjebisay, haddana waxaa jira baahi weyn oo loo qabaa horumarin joogto ah, si ay u soo jeedato Arday badan. Si kastaba ha ahaatee, waxaa jira meelaha qaar oo kaabayaashu ay u baahan yihiin in si dhameystiran loo hagaajiyo, si loo suurtogelin karo jawi waxbarasho oo habboon iyo cilmi-baaris dheeraad ah.

HORUMARKA KAABAYAASHA: Dhinaca kaabayaasha, Jaamacadda oo kaashanaysa bulshada waxay ka shaqeysay dhismaha iyo hagaajinta xarumaha loogu talagalay Adeegga ardayda iyo barayaasha. Si kastaba ha ahaatee, waxaa jira baahi loo qabo in si dhab ah loo qalabeeyo maktabado casri ah, shaybaaro iyo waaxyaha cilmi baarista oo si hufan ugu adeegaya baahida bulshada iyo sayniska dalka. Kulliyadaha muhiimka ah sida Medicine, Engineering iyo kuwo kale ayaa weli u baahan in la dhammeystiro si loo siiyo ardayda fursad buuxda oo ay ku helaan aqoon tayo sare leh.

ISBEDDEL IYO HORUMAR: Xilligan, jaamacaddu waxay gaartay marxalad muhiim ah oo u baahan dib u eegis iyo qorsheyn cusub si loo gaaro horumar waara. Waxaa la isweydiin karaa in hawlwadeenadda jaamacadda xaggooda ay ka jiraan caqabado iyo inay jiraan caqabado ka baxsan? Ma jiraan habab cusub oo loo hirgelin karo si loo horumariyo jaamacadda, gaar ahaan dhinacyada kaabayaasha iyo ardayda ee muhiimka ah?

GUNAANAD IYO MAHADCELIN: 10 sanno oo Jaamacaddu jirto waxaa lagu xusuusan doonaa dadaalka iyo horumarka ay ku tallaabsatay, laakiin weli waxaa jira baahi weyn oo loo qabo in la dhammeystiro hawlaha qaar, si loo helo jawi waxbarasho oo dhammeystiran oo u diyaarsan ardayda iyo cilmi-baarayaasha. Haddii la sii wado dadaalkan, Jaamacaddu waxay noqon doontaa mid ka mid ah xarumaha ugu awoodda badan ee waxbarashada sare iyo cilmi baarista ee dalka.
Waxaa muhiim ah in loo sameeyo qorsheyaal dhab ah oo lagu xoojinayo kaabayaal, qaababka waxbarasho iyo adeegyada cilmi barista, si loo gaaro himilooyinka waaweyn ee jaamacadda ee mustaqbalka. Sidookale, waxaa muhiim ah in Ardayda soo qalinjebisay lagu garab siiyo sii wadida heerarka sare waxbarashada iyo shaqo abuurka.

Waxaan u mahadcelinaynaa cidkasta oo kaga qayb qaadatay fikir iyo dhaqaalo intaba; mid dhulkiisii ku deeqay, mid dhaqaalihiisii ku baxshay, mid gaadiid keenay, mid gurigiisii ku tabarucay iyo mid Juhdi geliyay inuu bulshada wax uga abaabulo.

Waxaan leenahay dadaalkiina wuxuu mudan yahay mahadcelin balaaran iyo xusitaan joogto ah! - beerkana idinka ogsoonin - waa halkii Abwaan Xaaji gabay;

"Bowdada markii aan ka jabay, boqonka taaggiisa
Habeenkiiba waa i bidhan lahaa, bahalkii cawlnaaye
Raggii buurta dheer igala baxay, beerka ka ogsooni

Bah-Cillaamo goortay dhammaan, iga dul booyaysey
Bah-Sadhaysna "baga" inay i tidhi, beerka ka ogsooni

Ninkii Burunji inuu iga cuno, ii barriidinaayey
Ee aan bar kale ii tarayn, beerka ka ogsooni

Ninkii Belad shisheeye iga jiray, ee soo bixi waayey
Ee in aan bogsado uun jeclaa, beerka ka ogsooni

Laxaad waa badhaadhee hadduu, ii bogsado xooggu
Haddii uu biixiyaha Eebbahay ,isugu kay beego

Abaal badh ah abaal bur ah abaal bur iyo dheeraad ah
Ninba kiisa kaan ugu beddeli, beerka ka ogsooni".

ALLE AYAA MAHAD LEH!

Mohamud Dirir

02/05/2025

Qooraal saxafadeedka Ugaas Maxamed ugaas Axmed ee xaladaha GOBOLKA GEDO
….………
Waxaannu, si aad ah, uga xunnahay dagaalka u dhaxeeya dadka walaalaha ah ee Reer Baardheere, kaa oo aan, sinnaba, loo aqbali karin.

Waa ayaandarro in colaad loo horseedo bulshada deggan gobalka Gedo, oo horay ugu dhibbaneyd buundooyiinkii Webiga Jubba oo ka dumay, ayraboorradii oo laga xiray iyo gurmad la’aan.

Waxaan ugu baaqayaa dhalinyarada diriraysa in ay qoriga dhigaan, si nabad ahna ku xalliyaan khilaafka iyaga saameeyey, balse ah mid siyaasi ah, oo laga soo waariday aagag iyaga ka durugsan.

Waxaan ugu baaqayaa hoggaanka iyo indheer-garadka ay qusayso in ay xil weyn iska saaraan soo af-jaridda colaaddan laga baaqsan karay.

Waxaan naxariis Allaah u waydiinayaa walaalaha ku dhintay, aniga oo soo kabasho deg deg Eebbe ugu baryaya walaalaha ku dhaawacmay.

Dhamaad.

02/04/2025

Jaamac Ummadda Soomaaliyeed xarunteeda gobalada dhexe ee magaalada Caabudwaaq.

01/01/2025

Ugaas Maxamed Ugaas Axmed ugaaska Sade wuxuu sanadkii dhamaaday 2024 waqtigiisii ugu badnaa ku bixiyay kashaqaynta nabada.

Mahadsanid Ugaas Maxamed

12/23/2024

Waa kuma Fartaag?

12/14/2024

🔺️ Dadka iyo Danta Sade🔺️

❗️Laga soo bilaabo 2013 ilaa maanta ayuu Axmad madoobe go'aan ka gaara qofkii mareexaan ah ee xil ka qabanaya federal iyo maamul goboleed ba.

Axmad-madoobe wuxuu gacantiisa mudo 11 sano ah ku soo xulayey 12 xildhibaan oo federalka ku matala beesha mareexaan, wuxuu sidoo kale soo xushaa 19 xildhibaan oo jubaland ku matasha beesha mareexaan.

Federalka ama dowlada dhexe waxay madoobe ka talo galiyaan oo kaarka verrified ka uu soo siiya qofkii noqonaya wasiir federal, wasiir ku xigeen, agaasime, safiir iyo xata la taliye federal.

Waxaa intaas raacda in jubaland oo ka kooban 15 degmo ay beesha mareexaan ay dagaan 7 degmo halka kismayo-na ay wax ka dagaan lakin nasiib daro waxay mareexaan u goysay 19 xildhibaan halka axmad madoobe oo beeshii ogaaden ay ka dagaan labo degmo oo kala ah afmadow iyo bu'ale ay qaateen 26 xildhibaan ayagoo kablalax ahaana ku qaatay 36 xildhibaan.

Siyaasiyiinta mareexaan heer waxay marayaan ay u gumoobaan axmad madoobe ninkasta oo han siyaasadeed leh uu kabo-qaad u noqdo axmad madoobe hadii kale ay siyaasada ismacsalaameeyaan.

Qofkii mareexaan ah ee axmad madoobe ku taageeraya daaroodnimo waa qof war-moog ah oo ka dhacsan siyaasada somalia sidoo kalana taageeraya in masiirkiisa madaxfurasho loo sii haysto.

Waxaa intaas axmad madoobe u wehelisa in uu halis ku yahay madaxbanaanida somaliya wakiilna u yahay dowlado halis ku jiritaanka soomalia.

12/10/2024

Garasle