04/12/2026
મંત્રી સ્વરૂપજીના વતન ની અતિ મહત્વ ની એવી વાવ ની ધરાધરા તાલુકા પંચાયત સીટ પર ભાજપના મહિલા ઉમેદવારે ઉમેદવારી નોંધાવી*
સ્થાનિક સ્વરાજની ચૂંટણીને લઈ વાવ તાલુકામાં રાજકીય ગતિવિધિઓ દિવસે ને દિવસે તેજ બની રહી છે. ત્યારે આવા ભારે રાજકીય ગરમાવો વચ્ચે અતિ મહત્વ ની અને રાજ્ય સરકાર ના મંત્રી એવા સ્વરૂપજી ઠાકોર વતન એવા બીયોકની ધરાધરા તાલુકા પંચાયત સીટ ઉપર ભારતીય જનતા પાર્ટી ના મહિલા ઉમેદવાર એવા આરતીબેન અમરત ભાઈએ ભારતીય જનતા પાર્ટીના મેન્ડેટ સાથે વાવ મામલતદાર કચેરી ખાતે બહોળી સંખ્યા માં લોકો સાથે પોતાની ઉમેદવારી નોંધાવી હતી.જો કે આ અતિ મહત્વની એવી રાજ્ય સરકાર ના મંત્રી એવા સ્વરૂપજી ઠાકોર નો વિસ્તાર હોઈ આ સીટ પર બીયોક દેવપુરા ધરાધરા ત્રણ ગામો નો સમાવેશ અને 4800 મતદારો માં 2400 ઠાકોર મતો નું પ્રભુતવ હોઈ બને આમને સામને ઠાકોર સમાજ ના મહિલા ઉમેદારો એ ઉમેદવારી નોંધાવી છે.જો કે એક તરફ રાજ્ય સરકાર ના મંત્રી ના વતન નો વિસ્તાર હોઈ આ બેઠક ઉપર ભાજપ નું પલડું ભારે જોવા મળી રહ્યું છે.ભાજપ ના મહિલા ઉમેદવાર આરતી બેન ના પતિ અમરતજી ઠાકોર વાવ તાલુકા જી.કે.ટી.એસ.ના ઠાકોરસેના ના પ્રમુખ પદે કાર્યરત છે.જેમનું સમાજ માં પ્રભુત્વ છે.બહોળું મિત્ર વર્તુળ ધરાવે છે.
ઉમેદવારી ફોર્મ રજૂ કરતા પસંગે ભાજપના આગેવાનો, કાર્યકરો તેમજ બહોળી સંખ્યા માં સમર્થકો હાજર રહ્યા હતા. સમર્થકો એ ભાજપ ના સૂત્રોચ્ચાર કરી ઉમેદવાર ને સમર્થન જાહેર કર્યું હતું.વાવ મામલતદાર કચેરીના પરિસરમાં ઉત્સાહ અને ઉર્જાનો માહોલ સર્જાયો હતો. ઉમેદવારના સમર્થનમાં કાર્યકરો દ્વારા વિશ્વાસ વ્યક્ત કરવામાં આવ્યો હતો.
જે પ્રસંગે ભાજપના અગ્રણીઓએ જણાવ્યું હતું કે પક્ષ દ્વારા પસંદ કરાયેલા ઉમેદવારો વહીવટ અને વિકાસને કેન્દ્રમાં રાખીને કાર્ય કરશે અને વિસ્તારના સર્વાંગી વિકાસ માટે પ્રતિબદ્ધ રહેશે. તેમણે કાર્યકરોને સંઘટિત રહી ચૂંટણીમાં સક્રિય ભાગ લેવા અને પક્ષના ઉમેદવારને વિજયી બનાવવા હાકલ કરી હતી.
ઉમેદવારી નોંધણી બાદ આરતીબેન અમૃતભાઈ ઠાકોરે એ પોતાના સંબોધનમાં જણાવ્યું હતું કે તેઓ વિસ્તારના વિકાસના મૂળભૂત સુવિધાઓના વિસ્તરણ અને જનહિતના પ્રશ્નોના ઉકેલ માટે પ્રતિબદ્ધ રહેશે. તેમણે મતદારોનો વિશ્વાસ જીતવાનો આશાવાદ વ્યક્ત કર્યો હતો.
ઉલ્લેખનીય છે કે સ્થાનિક સ્વરાજની ચૂંટણી નજીક આવતા રાજકીય પક્ષો દ્વારા પ્રચાર-પ્રસારની ગતિવિધિઓમાં તેજી થઈ રહી છે. વિવિધ પક્ષોના ઉમેદવારો દ્વારા લોકો સુધી પહોંચીને સમર્થન મેળવવાના પ્રયત્નો શરૂ થઈ ગયા છે, જેના કારણે ચૂંટણી વધુ રસપ્રદ અને સ્પર્ધાત્મક બનવાની સંભાવનાઓ વ્યક્ત થઈ રહી છે.
