Phoenix Myanmar News

Phoenix Myanmar News Myanmar National New and Knowledge Sharing

ချင်းတွင်းမြစ်အတွင်း မိုင်းခွဲတိုက်ခိုက်ခံရသော စစ်ကောင်စီရေယာဉ် ၁ စီး မဲဒင်ကျေးရွာအနီး ရေလယ်ကျွန်းခုံအနီး နစ်မြုပ်နေရန်က...
12/13/2021

ချင်းတွင်းမြစ်အတွင်း မိုင်းခွဲတိုက်ခိုက်ခံရသော စစ်ကောင်စီရေယာဉ် ၁ စီး မဲဒင်ကျေးရွာအနီး ရေလယ်ကျွန်းခုံအနီး နစ်မြုပ်နေ
ရန်ကုန်၊ ဒီဇင်ဘာ ၁၃
ဒေသကာကွယ်ရေးပူးပေါင်းတပ်ဖွဲ့များ၏ မိုင်းခွဲတိုက်ခိုက်ခြင်းခံခဲ့ရသော အကြမ်းဖက်စစ်ကောင်စီရေယာဉ် ၁ စီးသည် ယနေ့နံနက်ပိုင်းတွင် ကနီမြို့နယ်၊ မဲဒင်ရွာအနီး၊ ချင်းတွင်းမြစ်လယ် ကျွန်းခုံအနီးတွင် နစ်မြုပ်နေကြောင်း ကနီမြို့နယ်ပြည်သူ့ကာကွယ်ရေးတပ်ဖွဲ့ KPDF1 ထံမှ သိရှိရသည်။
"ဟုတ်ပါတယ်၊ မဲဒင်ရွာနားက ကျွန်းခုံအနီးမှာ စမြုပ်နေပြီ၊ လုံးဝ မြုပ်သွားမယ့် အခြေအနေပါ။ အခုမြုပ်နေတာက ကျောက်စိမ်းတွေ တင်လာတဲ့ သင်္ဘောအုပ်စုထဲက လုံခြုံရေးသင်္ဘောပါ။ လက်ရှိတိုက်ပွဲက ဖြစ်နေသေးတယ်၊ အခြေအနေက ပြောလို့မရသေးဘူးခင်ဗျ" ဟု KPDF1 မှ တာဝန်ရှိသူ ကိုဂျီက ရန်ကုန်ခေတ်သစ်သို့ ပြောဆိုသည်။
ယမန်နေ့ ဒီဇင်ဘာလ ၁၂ ရက်တွင် ကနီမြို့နယ်၊ ချင်းတွင်းမြစ်ဝှမ်းအောက်ပိုင်း၌ အကြမ်းဖက်စစ်ကောင်စီတပ်၏ ကျောက်စိမ်းများတင်ဆောင်လာသည်ဟု ယူဆရသော ၁၁ စီးပါ ရေယာဉ်အုပ်စုကို KPDF1၊ PDF (ကျောက်လုံးကြီး)၊ DRPA၊ M&K The Boysနှင့် နယ်မြေခံကာကွယ်ရေးတပ်ဖွဲ့များက ရေမြှုပ်မိုင်း ၂၀ ကျော်ဖြင့် ဖောက်ခွဲတိုက်ခိုက်ခဲ့ခြင်းဖြစ်သည်။
အဆိုပါ တိုက်ခိုက်မှုတွင် အကြမ်းဖက်စစ်ကောင်စီဘက်မှ ၂၀ ခန့် ထိခိုက်ကျဆုံးမှုရှိခဲ့ကြောင်း DRPA က ယမန်နေ့တွင် သတင်းထုတ်ပြန်ထားသည်။
ဓါတ်ပုံ - ယမန်နေ့တွင် မိုင်းခွဲတိုက်ခိုက်ခံရပြီး မီးလောင်နေသော စစ်ကောင်စီ သင်္ဘော ၁ စီး

စစ်အာဏာရှင် ဖြုတ်ချရေး ၃၀၉ ရက်မြောက် ကလေးမြို့ပင်မသပိတ်စစ်ကြောင်း ချီတက်ဆန္ဒပြရန်ကုန်၊ ဒီဇင်ဘာ ၁၃အကြမ်းဖက် ဖက်ဆစ် စစ်အာဏ...
12/13/2021

စစ်အာဏာရှင် ဖြုတ်ချရေး ၃၀၉ ရက်မြောက် ကလေးမြို့ပင်မသပိတ်စစ်ကြောင်း ချီတက်ဆန္ဒပြ
ရန်ကုန်၊ ဒီဇင်ဘာ ၁၃
အကြမ်းဖက် ဖက်ဆစ် စစ်အာဏာရှင် အမြစ်ပြတ်ကျဆုံးရေး စစ်ကိုင်းတိုင်း၊ ကလေးမြို့ရှိတော်လှန်ပြည်သူများသည် ဒီဇင်ဘာလ ၁၃ ရက်တွင် ၃၀၉ ရက်မြောက် သပိတ်စစ်ကြောင်းဖြင့် လှည့်လည်ချီတက်ဆန္ဒပြကြသည်။
#နွေဦးတော်လှန်ရေး
#သတင်းဦးသတင်းထူးများ



12/13/2021

ရေဦးတွင် မြို့မရဲစခန်းနှင့် အုပ်ချုပ်ရေးမှူးရုံးကို PDF က ဝင်တိုက်၊ တောင်သာတွင် စစ်တပ်တပ်စွဲနေရာကို PDF ဝင်ပစ်ပြီး စစ်သား ၄ ဦးသေဆုံး၊ မကွေးမြို့ပေါ် စည်ပင်နှင့်MPT ရုံးကို PDF က တိုက်ခိုက်
ရန်ကုန်၊ ဒီဇင်ဘာ ၁၃
စစစ်ကိုင်းတိုင်း၊ရေဦးမြို့နယ် မြို့မ ရဲစခန်း နှင့် အောင်ချမ်းသာ အုပ်ချုပ်ရေးမှူး ရုံးတို့ကို ဗုံး၊ သေနတ်တို့ဖြင့် ပစ်ခတ်တိုက်ခိုက်ကြောင်း ယနေ့ ဒီဇင်ဘာလ ၁၃ ရက်နေ့ မွန်းတည့်ချိန်တွင် ရေဦးမြို့နယ် ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
အဆိုပါတိုက်ခိုက်မှုကို မြို့နယ်ပြည်သူ့ကာကွယ်ရေးတပ်ဖွဲ့ ပကဖ နှင့် PDF များပူးပေါင်း တိုက်ခိုက်ခဲ့ခြင်းဖြစ်ပြီး ရဲစခန်းနှင့် အုပ်ချုပ်ရေးမှူးရုံးတို့ကို သွားရောက်တိုက်ခဲ့ကြောင်း၊ ပြည်သူ့ရဲဘော်များ ထိခိုက်မှုမရှိဘဲ လုံခြုံသည့်နေရာသို့ ပြန်ရောက်ရှိနေပြီဟု ရေဦးမြို့နယ် ပြည်သူ့ကာကွယ်ရေးတပ်ဖွဲ့က ဖော်ပြထားသည်။
"ရေဦး မြို့မစခန်း ဗုံး ၆ လုံးနဲ့ တိုက်ခိုက်ပါတယ်။ ရဲတွေ ရမ်းပစ်လို့ ၁၀ နှစ်အရွယ်မိန်းကလေးငယ်တစ်ဦး ဗိုက်ကို ကျည်ထိမှန်သေဆုံးပါတယ်" ဟု ရေဦးမြေပြင်ကင်းထောက်တစ်ဦးက သတင်းပေးပို့သည်။
ထို့အပြင် မြို့ပေါ်ပျောက်ကြားတိုက်စစ်စတင်နေပြီဖြစ်သောကြောင့် မြို့အဝင်အထွက်CCTVများဖြုတ်ပေးထားရန်City Hunter -ရေဦး ပ.က.ဖ က တောင်းဆိုထားသည်။
လက်ရှိတွင် ရေဦးမြို့ပေါ်တွင် စစ်တပ်နှင့်ရဲက ပိတ်ဆို့ပြီး စစ်ဆေးနေကြောင်း၊ ပြည်သူများကိုလည်း မိုက်ရိုင်းစွာ ဆဲဆိုအော်ဟစ် ရိုက်နှက်မှုများရှိနေကြောင်း သိရှိရသည်။
လက်ရှိ ရေဦးမြို့နယ်အဝင်အဝ တောကျောင်းတွင် အိမ် ၃ လုံးကို ဖျက်ဆီးထားပြီး ဆိုင်ကယ်များနှင့်ဆိုလာပြားများကို မီးပုံရှို့နေကြောင်း သိရှိရသည်။
အလားတူ မန္တလေးတိုင်း၊ တောင်သာမြို့ပေါ်တွင် ဒီဇင်ဘာလ ၁၂ ရက်နေ့ မွန်းလွဲ ၃ နာရီ အချိန်တွင် တောင်သာမြို့နယ်၊ မင်္ဂလာဦးရပ်ကွက် စာသင် ကျောင်းတပ်စွဲထားသော စစ်တပ်ကို မြေလတ်-PDF ၊27 Revolution Force၊ Natogyg Regionalforce၊ Seven PDF တို့က ပူးပေါင်း တိုက်ခိုက်ကြောင်း၊ စစ်သား ၄ ဦးသေဆုံးပြီး ဗိုလ်တစ်ဦး လက်ထိခိုက်ဒဏ်ရာရရှိကြောင်း သိရှိရသည်။
အလားတူ မကွေးတိုင်း၊ တောင်တွင်းကြီးမြို့ စည်ပင်ရုံးနှင့် MPT ရုံးကို ဒီဇင်ဘာလ ၁၃ ရက်နေ့ မွန်းတည့် ၁၂ နာရီတွင် MDA နဂါးတပ်ဖွဲ့နှင့် ဗဟာမိတ် ဗိဿနိုး PDF က ပူးပေါင်း ဗုံးခွဲတိုက်ခိုက်ခဲ့ကြောင်း သတင်းထုတ်ပြန်ထားသည်။
အသံတိတ်သပိတ်ပါဝင်မှုဖြင့် စျေးသည်များကို စျေးဆိုင်ပိတ်ခိုင်းသည့် စည်ပင်နှင့် စစ်တပ်အားပေး MPT ရုံးတို့ကို သတိပေး တိုက်ခိုက်ခြင်းဖြစ်သည်ဟု PDF များက ထုတ်ပြန်သည်။

ရှမ်းပြည်နယ်မှ ရဲတပ်ကြပ် ဦးနေလင်းအောင် ကရင်နီဒီမိုကရက်တစ်တပ်ဦး KDF နှင့်ပူးပေါင်းရန်ကုန်၊ ဒီဇင်ဘာ ၁၃ ရှမ်းပြည်နယ်၊ ရဲတပ်...
12/13/2021

ရှမ်းပြည်နယ်မှ ရဲတပ်ကြပ် ဦးနေလင်းအောင် ကရင်နီဒီမိုကရက်တစ်တပ်ဦး KDF နှင့်ပူးပေါင်း
ရန်ကုန်၊ ဒီဇင်ဘာ ၁၃
ရှမ်းပြည်နယ်၊ ရဲတပ်ဖွဲ့မှ ရဲတပ်ကြပ် ဦးနေအလင်းအောင် ( ကိုယ်ပိုင်အမှတ် လ-၁၅၉ ၂၉၈ ) သည် ဒီဇင်ဘာလ ၁၃ ရက်နေ့တွင် ကရင်နီဒီမိုကရက်တစ်တပ်ဦး KDF နှင့်ပူးပေါင်းလိုက်ကြောင်း KDF က တရားဝင် သတင်းထုတ်ပြန်သည်။
ဒီဇင်ဘာလ ၁၃ရက်နေ့ တွင်ကိုယ်ပိုင်အမှတ် လ - ၁၅၉၂၉၈ရဲတပ်ကြပ် ဦးနေလင်းအောင်သည် တာချီလိတ် ဝမ်ပုံရဲစခန်းမှတစ်ဆင့် (ရှမ်းပြည်နယ် ရဲတပ်ဖွဲ့သို့ တွဲဖက် ၂လ ဖြင့် တာဝန်ကျစဥ် စစ်အာဏာရှင် ပြုတ်ကျရေးနှင့် ဖက်ဒရယ် ဒီမိုကရေစီစနစ် ဖော်ဆောင်ရေးအတွက် ကရင်နီဒီမိုကရက်တစ်တပ်ဦး (KDF) နှင့်လာရောက်ပူပေါင်းခဲ့ကြောင်း KDF ၏ ထုတ်ပြန်ချက်တွင် ဖော်ပြထားသည်။
ရဲတပ်ကြပ် ဦးနေလင်းအောင်ကို KDF က ဝမ်းမြောက် ဂုဏ်ယူစွာ ကြိုဆိုလိုက်ပြီး ပြည်သူ့ရင်ခွင် ခို့လှုံနိုင်ရေး ဆက်လက်ဆောင်ရွက်သွားမည် ဖြစ်ကြောင်း၊ ပြည်သူနှင့်အတူ ပူပေါင်းပါဝင်လာမည့် တပ်မတော်သားများနှင့်ရဲဝန်ထမ်းများကို ကရင်နီဒီမိုကရက်တစ်တပ်ဦး (KDF) က ကြိုဆိုလျက်ရှိကြောင်း Karenni Democratic Front. KDF သတင်းနှင့်ပြန်ကြားရေးက သတင်းထုတ်ပြန်သည်။

အမေရော ခြေထောက် တစ်ဖက်ပါ ပေးဆပ်လိုက်ရတဲ့မင်းတပ်ကသမီးငယ် 😞😞သင်နဲမဆိုင်ဘူးထင်ရင်ကျော်သွားလိုက်ပါ 🖤🥀ဆိုင်တယ်ထင်ရင် ရှယ်လိုက...
12/12/2021

အမေရော ခြေထောက် တစ်ဖက်ပါ ပေးဆပ်လိုက်ရတဲ့
မင်းတပ်ကသမီးငယ် 😞😞သင်နဲမဆိုင်ဘူးထင်ရင်ကျော်သွားလိုက်ပါ 🖤🥀
ဆိုင်တယ်ထင်ရင် ရှယ်လိုက်ပါ😭😭😭

12/12/2021

သရက်မြို့တောင်ဘက် စစ်ကောင်စီစစ်ဆေးရေးဂိတ် ဗုံးခွဲတိုက်ခိုက်ခံရ
ဧရာဝတီတိုင်းမ်
ဒီဇင်ဘာ ၁၂ ရက်
မကွေးတိုင်း၊ သရက်မြို့နယ်၊ သရက်-ကမ္မလမ်းပိုင်း မြို့အဝင်တောင်ဘက် စစ်ဆေးရေးဂိတ်တွင် ယနေ့(ဒီဇင်ဘာ ၁၂ရက်) မနက်အစောပိုင်းက ဗုံးပေါက်ကွဲမှုဖြစ်ပွားခဲ့ကြောင်း ဒေသခံများထံကသိရသည်။
''ဒီနေ့မနက်အစောကြီး ၅နာရီလောက် ဗုံးကွဲတာလို့သိရတယ်။ အဲ့ဒီဂိတ်မှာက အဆောက်အဦ ၂ ခု ၃ ခုလောက် ရှိတယ်။ အရင်ကမြို့အဝင်ကိုဗစ်စစ်တဲ့နေရာ။ ခု စစ်တပ်ကတပ်စွဲထားတာ စစ် သားနဲ့ရဲ ၂၀ လောက်ရှိတယ်။'' ဟု သရက်မြို့ ဒေသခံတဦးက ဧရာဝတီတိုင်းမ်ကိုပြောသည်။
အဆိုပါ ဗုံးခွဲတိုက်ခိုက်မှုကို သရက်-ကံမ ပူးပေါင်းတော် လှန်ရေးအင်အားစုက အနီးကပ် ဗုံးခွဲတိုက်ခိုက်ခဲ့ခြင်းဖြစ် ကြောင်းသိရပြီး ထိခိုက်ပျက်စီးမှုနောက်ဆက်တွဲအခြေ အနေများကို အတည်ပြုဆဲဖြစ်သည်ဟု သတင်းထုတ်ပြန်ထားသည်။
အဆိုပါစစ်ဆေးရေးဂိတ်တွင် သရက်မြို့အခြေစိုက် အ မှတ်(၁၂)ကာကွယ်ရေးပစ္စည်းစက်ရုံ ကပစ(၁၂)မှစစ်ကောင်စီတပ်သားများနှင့်နယ်မြေခံရဲများတပ်စွဲထားခြင်းဖြစ်ပြီး လက်ရှိတွင်ပိတ်ဆို့စစ်ဆေးခြင်းများလုပ်ဆောင်နေကြောင်း ဒေသခံများကဆိုသည်။
#သရက် #​စစ်ဆေးရေးဂိတ် #ဗုံးခွဲတိုက်ခိုက်ခံရ

လှိုင်မြို့နယ်အတွင်းရှိ စစ်အုပ်စုထောက်တိုင် မြတ်မေတ္တာမွန် (MMTM)ဆီဆိုင်က ဆီပန့်များကို STAအဖွဲ့က သေနတ်ဖြင့် ပစ်ခတ်ဖျက်ဆ...
12/12/2021

လှိုင်မြို့နယ်အတွင်းရှိ စစ်အုပ်စုထောက်တိုင် မြတ်မေတ္တာမွန် (MMTM)ဆီဆိုင်က ဆီပန့်များကို STAအဖွဲ့က သေနတ်ဖြင့် ပစ်ခတ်ဖျက်ဆီး
ဟိန်းစံ/ဧရာဝတီတိုင်းမ်
ဒီဇင်ဘာ ၁၂ ရက်
ရန်ကုန်မြို့၊ လှိုင်မြို့နယ်၊ ရွာမကွေ့ရှိ မြတ်မေတ္တာမွန်ဆီဆိုင်က ဆီပန့်များကို ယနေ့(ဒီဇင်ဘာ ၁၂ ရက်)မနက်စောပိုင်း ၄ နာရီဝန်းကျင် က သေနတ်ဖြင့်ပစ်ခတ်ဖျက်ဆီးခဲ့ကြောင်း Special Task Agency of Burma (STA)အဖွဲ့ကထုတ်ပြန်လိုက်သည်။
စစ်အုပ်စုထောက်တိုင်အဖြစ်ရပ်တည်နေသည့် အဆိုပါ စက်သုံးဆီဆိုင်၏ဝန်ထမ်းများကို ဘေးလွတ်ရာသို့ရွှေ့ ပြောင်းနိုင်ရေး သတိပေးပစ်ခတ်ပြီးနောက် ဆီပန့်များကိုသေနတ်ဖြင့်ပစ်ခတ်ပြီး မီးရှို့ဖျက်ဆီးခဲ့ခြင်းဖြစ်ကြောင်း ထုတ်ပြန်ထားသည်။
''သေနတ်ပစ်သံတွေတော့အများကြီးကြားရတယ်။ မီး နည်းနည်းလောင်တယ်လို့​တော့သိရတယ်။ မီးသတ်ကားလာတာမျိုးတော့ မကြားဘူး။''ဟု လှိုင်မြို့နယ်ဒေသခံတဦးက ဧရာဝတီတိုင်းမ်ကိုပြောသည်။
မြတ်မေတ္တာမွန်ဆီဆိုင်သည် စစ်အုပ်စုယာဥ်များသုံးစွဲရန် စက်သုံးဆီများကိုအခမဲ့ဖြန်ဝေပေးနေပြီး စစ်အုပ်စုထောက်တိုင်အဖြစ်ရပ်တည်လုပ် ဆောင်နေကြောင်း မြန် မာရေနံလုပ်ငန်း(MPE)အသိုင်း အဝိုင်းထံကသိရသည်။
'' မြတ်မေတ္တာမွန်(MMTM) ၊PTT ၊ Denko ဒီဆီဆိုင်ကုမ္ပဏီတွေက စစ်ကောင်စီကားတွေနဲ့တခြားလုပ်ငန်းတွေမှာ သုံးဖို့အတွက်ကို အချိုးကျခွဲတမ်းနဲ့သက်သက်ဆီပို့ပေးနေတာ။''ဟု မြန်မာ့ရေနံလုပ်ငန်း(MPE)မှဝန်ထမ်းတဦးက ဧရာဝတီတိုင်းမ်ကိုပြောသည်။
ပြီးခဲ့သည့် မတ်လအတွင်း မန္တလေးမြို့ပေါ်ရှိ Denko ဆီဆိုင်နှင့် မေလအတွင်းက မြောက်ဥက္ကလာမြို့ Denko ဆီဆိုင်တို့တွင် ဗုံးပေါက်ကွဲမှုဖြစ်ပွားခဲ့ပြီး ဆီပန့်ကိုင်သည့် အမျိုးသမီးဝန် ထမ်းတဦး ဒဏ်ရာရရှိခဲ့ကြောင်း သိရသည်။
#လှိုင် #ပစ်ခတ်ခံရ
Photo - မြတ်မေတ္တာမွန်(MMTM)ကုမ္ပဏီ၏ စက်သုံးဆီအရောင်းဆိုင်ခွဲတခု
#သတင်းဦးသတင်းထူးများ



12/12/2021

ရေစကြို၊ ရွှေလှံကျေးရွာတွင် စစ်ကောင်စီ တပ်ဖွဲ့နှင့် အပြန်အလှန်တိုက်ခိုက်မှု ဖြစ်ပွားပြီး စစ်ကောင်စီ တပ်သား ၈ ဦး သေဆုံး ၊ PDF ၃ ဦးကို ဖမ်းမိပြီးနောက် ဦးခေါင်းတေ့၍ ပစ်သတ်
ရန်ကုန်၊ ဒီဇင်ဘာ ၁၁
မကွေးတိုင်း ရေစကြိုမြို့နယ် ရွှေလှံကျေးရွာနှင့် ရေစကြိုနယ်မှ မြောင်မြို့နယ်သို့ အကူးတွင် အကြမ်းဖက် စစ်ကောင်စီ တပ်ဖွဲ့များကို ပြည်သူ့တပ်မတော်(မြောင်)-MUA၊ မြောင်မြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့-CDSOM၊ PDF-Taloke ၊ နှလုံးလှလူမိုက်ကြီများအဖွဲ့၊ Burmese Guerrilla Force –BGF၊ MGN TIGER၊ MGN RAINGER ၊ ဗိုလ်တောက်ထွန်းအဖွဲ့၊ မြင်းမူလျှပ်စီးပြောက်ကျားအဖွဲ့ နှင့် 11 Brothers Revolution Forces တို့ ပူးပေါင်းတိုက်ခိုက်ရာ အကြမ်းဖက် စစ်ကောင်စီတပ်ဖွဲ့ဝင် ၈ ဦး သေဆုံးကြောင်း မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ့မှ သတင်းထုတ်ပြန်သည်။
ရွှေလှံကျေးရွာတွင် ဒီဇင်ဘာ ၁၁ ရက်နေ့ နံနက် ၁၁ နာရီခွဲအချိန်တွင် နှစ်ဖက်အပြန်အလှန်ပစ်ခတ်ရာမှ အကြမ်းဖက် စစ်ကောင်စီ တပ်သား ၆ ဦးသေဆုံးကာ နှစ်ဦး ထိခိုက်ဒဏ်ရာရရှိခဲ့ကြောင်း၊ စစ်ကောင်စီတပ်များမှ ရေစကြိုနယ်မှ မြောင်အကူး နေ့လယ် ၁ နာရီအချိန်တွင် ထပ်မံတိုက်ပွဲဖြစ်ပွားပြီး အကြမ်းဖက် တပ်သား ၂ ဦး သေဆုံးကာ ၁ ဦး ထိခိုက်ဒဏ်ရာရခဲ့ကြောင်း၊ စုစုပေါင်း အကြမ်းဖက်တပ်သား ၈ ဦး သေဆုံးခဲ့ခြင်းဖြစ်ကြောင်း ထုတ်ပြန်ချက်တွင် ပါရှိသည်။
အဆိုပါ တိုက်ခိုက်မှုတွင် အကြမ်းဖက် စစ်ကောင်စီမှ လက်နက်ကြီးများနှင့် အချက်ရေ ၁၅ ချက်ခန့် တိုက်ခိုက်ခဲ့သည့်အပြင် စနိုက်ပါများသုံး၍ ဒေသခံပြည်သူ့ကာကွယ်ရေးတပ်များကို တိုက်ခိုက်ခဲ့ခြင်းဖြစ်သည်။
လက်နက်အင်အား မမျှခြင်းကို အခွင့်ကောင်းယူကာ ရွှေလှံကျေးရွာတိုက်ခိုက်မှုတွင် အကြမ်းဖက် စစ်ကောင်စီ တပ်များက ဒေသခံပြည်သူ့ကာကွယ်ရေးတပ်ဖွဲ့ CDSOM မှ တပ်ဖွဲ့ဝင် သုံးဦးကို ဖမ်းဆီးကာ ဦးခေါင်းကို တေ့ပစ်သတ်ခဲ့ကြောင်းနှင့် တပ်ဖွဲ့ဝင် ၃ ဦး ဒဏ်ရာများ ရရှိခဲ့ကြောင်း ထုတ်ပြန်ချက်တွင် ပါရှိသည်။
#နွေဦးတော်လှန်ရေး
#သတင်းဦးသတင်းထူးများ



လှိုင်သာယာရဲတပ်ရင်း ၉ နှင့် စစ်တပ် တပ်စွဲထားသည့်နေရာတချို့ ပစ်ခတ်ခံရ၊ ညသန်းခေါင် အရေးပေါ် လူနာတင်ကားများသွားနေ ၊ မင်္ဂလာ...
12/12/2021

လှိုင်သာယာရဲတပ်ရင်း ၉ နှင့် စစ်တပ် တပ်စွဲထားသည့်နေရာတချို့ ပစ်ခတ်ခံရ၊ ညသန်းခေါင် အရေးပေါ် လူနာတင်ကားများသွားနေ ၊ မင်္ဂလာဒုံတွင်လည်း ပစ်ခတ်သံများကြားရ
ရန်ကုန်၊ ဒီဇင်ဘာ ၁၁
ရန်ကုန်တိုင်း၊ လှိုင်သာယာမြို့နယ်တွင် ရဲတပ်ရင်းနှင့် စစ်တပ်တပ်စွဲထားသော နေရာတချို့ ပစ်ခတ်ခံရကြောင်း ဒေသသတင်းရင်းမြစ် HTY Information နှင့်ဒေသခံများထံမှ သိရှိရသည်။
"ပစ်ခတ်မှု အသံတွေကြားတယ်။ ပေါက်ကွဲသံတွေလည်းကြား။ အသံတော့ကျယ်တယ်။ ညမှောင်တော့ ကျနော်တို့လည်း မထွက်ရဲဘူး။ ပစ်ခတ်သံတွေ ကြားပါတယ်။ နေရာစုံက ကြားရတာ" ဟု လှိုင်သာယာ၊ သမကုန်းအနီးနေထိုင်သူ ဒေသခံတစ်ဦးကပြောသည်။
လှိုင်သာယာဒေသသတင်းရင်းမြစ် HTY Information ကမူ လှိုင်သာယာမြို့နယ်တွင်း ဗျူဟာမှူးတပ်စွဲထားသော အနော်ရထာဝင်းနှင့် ရဲတပ်ရင်း (၉) စခန်း အနီးတွင် ယနေ့ ည ၇ နာရီ နှင့် ည ၈ နာရီ ဝန်းကျင်ခန့်အချိန် ဗုံးပစ်လောင်ချာဖြင့်ပစ်ခတ်ခံရပြီး စစ်ကောင်စီယာဉ်တန်းတစ်ခုလည်း ဗုံးခွဲတိုက်ခိုက်ခံရကြောင်း သတင်းဖော်ပြသည်။
စစ်တပ် တပ်စွဲထားသော အနော်ရထာဝင်းအတွင်းသို့ ဒီဇင်ဘာလ ၁၁ ရက် ည ၇ နာရီဝန်းကျင်ခန့်က ဗုံးပစ်လောင်ချာဖြင့် (၆)ကြိမ်ပစ်ခတ်ခံရပြီး ရန်ကုန်-ပုသိမ်လမ်းမကြီးပေါ်က ရဲတပ်ရင်း(၉) စခန်းအနီးကိုလည်း (၂)ကြိမ် ပစ်ခတ်ခံရကြောင်း၊ လှည့်ကင်းစစ်ယာဉ်တန်းလည်း ဗုံးခွဲခံရကြောင်း HTY Information က ဆိုသည်။
"ကျနော်တို့ကြားတာက ရဲနဲ့တပ် တပ်စွဲထားတဲ့နေရာ ၂ ခုကို လာပစ်သွားတယ်လို့ ကြားတာ။ အခုက သေနတ်သံတွေရော ပေါက်ကွဲသံတွေရော ကြားရတာ။ အသေအပျောက်ရှိလား မရှိလား မနက်မှပဲ မေးကြည့်မှ သိမယ်။ အခုကတော့ မသိနိုင်ဘူး။ ပစ်ခတ်သံတွေကြားရတာ နှစ်ကြိမ်။ ည ၇ နာရီနဲ့ ၈ နာရီခွဲမှာ နှစ်ကြိမ်ပါ" ဟုဒေသခံတစ်ဦးက ဆိုသည်။
အလားတူ အခြားဒေသခံတစ်ဦးကလည်း "လှိုင်သာယာ သမကုန်းမှာ ခုပိတ်ဆို့ပြီးရပ်ကွက်ထဲ ခွေးတွေက လမ်းတွေထဲအထိ ပတ်နေတယ်။ အင်အားများတယ်။ ရပ်ကွက်တွေထဲ ဝင်ထွက်သွားလာတာတွေရှိနေပါတယ်။ လှိုင်သာယာ သမကုန်း မီးပွိုင့်အနီးနဲ့ အနော်ရထာလမ်းတစ်လျှောက်ပဲ" ဟု ရန်ကုန်ခေတ် သစ်သို့ပြောဆိုသည်။
ည ၁၁ နာရီ ၄၅ မိနစ်အချိန် လှိုင်သာယာ သမကုန်းအနီးတွင် အရေးပေါ် လူနာတင်ကားသံများကြားရကြောင်း ဒေသခံများက ဆိုကြသည်။
"သူတို့တွေအထိအခိုက်များတယ်ကြားတယ် အရေးအပေါ်ကားတွေ ၁၁ နာရီ ၄၅ မိနစ်လောက်မှာ ဆူဆူညံညံကြားရတယ်။ အခုထက်ပြီး လူနာတင်ကားတွေ စနေမ နားကို တက်သွားနေကြတယ်" ဟု‌ ဒေသခံတစ်ဦးက ပြောဆိုသည်။
အလားတူ မဂ်လာဒုံမြို့နယ်တွင်လည်း ယနေ့ ည ၁၀ နာရီခွဲအချိန် သေနတ်ပစ်သံများကြားရကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုကြသည်။
ဓာတ်ပုံ- ယနေ့ည ပစ်ခတ်ခံရသော လှိုင်သာယာ ရဲတပ်ရင်း ၉ ။

ဒေါက်တာအောင်မိုးညိုကို တရားစွဲဆိုသူရဲ့စားသောက်ဆိုင် ဗုံးဖောက်ခွဲခံရ မကွေး၊ ဒီဇင်ဘာ ၁၁၊ ၂၀၂၁။မကွေးတိုင်း၀န်ကြီးချုပ် ဒေါက...
12/12/2021

ဒေါက်တာအောင်မိုးညိုကို တရားစွဲဆိုသူရဲ့စားသောက်ဆိုင် ဗုံးဖောက်ခွဲခံရ
မကွေး၊ ဒီဇင်ဘာ ၁၁၊ ၂၀၂၁။
မကွေးတိုင်း၀န်ကြီးချုပ် ဒေါက်တာအောင်မိုးညိုကို တရားစွဲဆိုခဲ့သူရဲ့ စားသောက်ဆိုင်ကို ဒီနေ့ညနေ ၃ နာရီလောက်မှာ ဗုံးဖောက်ခွဲသတိပေးခဲ့တယ်လို့ MDA-နဂါးတပ်ဖွဲ့ဆီက သိရပါတယ်။
မကွေးမြို့၊ ဈေးလယ်စိုးရပ်ကွက်၊ ကမ်းနားလမ်းရှိ
Heart Cafe စားသောက်ဆိုင်က ကိုအောင်မင်းခန့်ဖြစ်ပြီး စစ်ကောင်စီကို သတင်းပေးတိုင်ကြားတာတွေအပြင် စစ်တပ်နဲ့ပက်သက်ဆက်နွယ်တဲ့ လုပ်ငန်းတွေကိုလည်း လုပ်ကိုင်နေတာကြောင့် ခုလိုသတိပေးခဲ့တာဖြစ်တယ်လို့ MDA-နဂါးတပ်ဖွဲ့ရဲ့တာဝန်ခံ ဆရာနှင်းမောင်က ပြောပါတယ်။
“၃ နာရီလောက်က ဗုံးပစ်ပြီး ဖောက်ခွဲခဲ့တာပါ၊ သေဆုံးမှူရှိတယ်တော့ မကြားမိဘူး၊ သူ့ဆိုင်က စစ်သားတွေကင်းချထားတဲ့ နေရာနဲ့က ပေ ၂၀၀ လောက်ဘဲ ဝေးတာ၊” လို့ သူကဆက်ပြောပါတယ်။
ဒီသတိပေးဖောက်ခွဲမှုကို MDA-နဂါးတပ်ဖွဲ့နဲ့ ဗိဿနိုး PDF တို့ကပူးပေါင်းလုပ်‌ဆောင်ခဲ့တာဖြစ်ပြီး မကွေးတိုင်းအတွင်းမှာကျန်ရှိနေတဲ့ စစ်ကောင်စီလက်အောက်ခံဆောက်လုပ်ရေးကုမ္မဏီတွေနဲ့ လုပ်ငန်းရှင်တွေကိုလည်း ပြည်သူ့ဘက်ကို မရပ်တည်ရင် ဆက်လက်ပြီး တိုက်ခိုက်မှုတွေလုပ်ဆောင်သွားမှာဖြစ်တယ်လို့ MDA-နဂါးတပ်ဖွဲ့က သတိပေး ထုတ်ပြန်ထားပါတယ်။
#မြေလတ်အသံ
#နွေဦးတော်လှန်ရေး
#သတင်းဦးသတင်းထူးများ



12/12/2021

ပုသိမ်ကြီးမြို့နယ်က ဒလံဆိုသူတဦး သေနတ်နဲ့ အနီးကပ်ပစ်ခံရပြီး သေဆုံး
ပုသိမ်ကြီး၊ ဒီဇင်ဘာ ၁၁၊ ၂၀၂၁။
မန္တလေးတိုင်း ပုသိမ်ကြီးမြို့နယ်၊ ရှင်တော်ကုန်းရပ်ကွက်က ကြေးစားဒလံဆိုသူ ဦးမောင်စီကို ဒီနေ့ ညနေ ၄နာရီခွဲအချိန်မှာ သေနတ်နဲ့ အနီးကပ် ပစ်ခံရလို့ ‌ပွဲချင်းပြီး သေဆုံးသွားခဲ့တယ်လို့ ‌ဒေသခံတွေဆီက သိရပါတယ်။
ပုသိမ်ကြီးမြို့နယ် တော်လှန်ရေးအင်အားစု PRF က ဦးမောင်စီကို အကြိမ်ကြိမ်သတိပေးခဲ့ပေမယ့် မီတာအတင်းကောက်တာတွေ မီတာတပ်ဆင်ခ ပိုတောင်းတာတွေကို ဆက်တိုက်လုပ်ဆောင်နေလို့ သေနတ်နဲ့ ပစ်ခဲ့တာဖြစ်တယ်လို့ PRF က တာဝန်ခံတဦးက ပြောပါတယ်။
" အသေပဲ အဲ့နားတင် တချက်ထဲ ပစ်လိုက်တာ ၊ လမ်းခင်းဖို့ ဆိုပြီးကောက်ထားတဲ့ ငွေတွေကိုလည်း ဘုန်း(ခိုး) တယ်၊ အခုလည်း သူလမ်းကျောက်ချနေတဲ့ အချိန် ဝင်ပစ်ခဲ့တာ" လို့ PRF က ပြောပါတယ်။
သေနတ်နဲ့ ပစ်ခံရပြီး သေဆုံးသွားသူ ဦးမောင်စီဟာ ရပ်ကွက်အတွင်းက လူတွေကို ခြိမ်းခြောက်သလို စစ်တပ်နဲ့ ရဲကို ပေါင်းပြီး လုပ်စားနေသူ တယောက်ဖြစ်တယ်လို့ ပြောပါတယ်။
#မြေလတ်အသံ
#နွေဦးတော်လှန်ရေး
#သတင်းဦးသတင်းထူးများ



ရခိုင့်တပ်တော်-AAကသတိပေးထုတ်ပြန်ပြီးနောက် ဘုရားတောင်တက်လမ်းပြင်ပြီးလျှင် ပြန်မည်ဟု စစ်ကောင်စီပြောဧရာဝတီတိုင်းမ်ဒီဇင်ဘာ ...
12/12/2021

ရခိုင့်တပ်တော်-AAကသတိပေးထုတ်ပြန်ပြီးနောက် ဘုရားတောင်တက်လမ်းပြင်ပြီးလျှင် ပြန်မည်ဟု စစ်ကောင်စီပြော
ဧရာဝတီတိုင်းမ်
ဒီဇင်ဘာ ၁၁ ရက်
ရခိုင်အမျိုးသားအဖွဲ့ချုပ်-ULA က စစ်ကောင်စီတပ်နှင့်ရခိုင့်တပ်တော်-AAတို့အကြား တိုက်ပွဲများအချိန်မရွေးဖြစ် ပွားလာနိုင်သဖြင့် ရခိုင် ပြည်နယ်၊ ပေါက်တောမြို့နယ် အတွင်းရှိ ဆံတော်ရှင်ဘုရားပွဲသို့လာရောက်မည့် ဒေသခံများအနေဖြင့်ဆင်ခြင်သုံးသပ်ကြရန် ယမန်နေ့ (ဒီ ဇင် ဘာ ၁၀ ရက်နေ့က သတိပေးထုတ်ပြန်ခဲ့ကြောင်း သိရသည်။
စစ်​ကောင်စီတပ်ဖွဲ့ဝင်များအနေဖြင့် ဘုရားပွဲကျင်းပမည့် ပျက်စီးနေသည့်ဆံတော်ရှင်ဘု ရား၏တောင်တက်လမ်းအား ဘုရားပွဲမတိုင်မီအပြီးပြုပြင်ရန်ဟုဆိုကာ အကြောင်းပြချက်များဖြင့် ၄င်းတို့၏တပ်ဖွဲ့ ဝင်အင်အားအများအပြား တိုးချဲ့လာပြီးနောက်ရခိုင်ပြည်နယ်အတွင်း ကျေးရွာများအတွင်း စစ်ရေးလှုပ်ရှားမှုများပြုလုပ်နေကြောင်း သတိပေးဖော်ပြထားသည်။
စစ်ကောင်စီအနေဖြင့် စစ်ရေးတိုးချဲ့ခြင်းမဟုတ်ဘဲ ဘု ရားတောင်တက်လမ်းပြုပြင်ဆောင်ရွက်ခြင်းသာဖြစ်ပြီး လမ်းလုပ်ငန်းပြီးစီးပါက ပြန်လည်ထွက်ခွာမည်ဟု စစ်ကောင်စီဘက်မှ ဒေသတွင်းသတင်းဌာနတခုဖြစ်သည့် နိရဉ္ဇရာသတင်းဌာနကို ပြောကြားခဲ့ကြောင်းသိရသည်။
''အခုဆိုရင် ကျွန်တော်တို့ တောင်ကျော်ပြီးတော့ တောင်အဆင်းဘက်ကိုရောက်သွားပြီဗျ။ လမ်းကပြီးတော့မယ်။ လမ်းပြီးရင်ပြန်မှာပါ။ ကျွန် တော်တို့တပ်က စစ်ဆေးတာလည်းမရှိဘူး။ဒီတိုင်းဘဲလုပ်အားပေးနေတာပါ'' ဟု စစ်ကောင်စီလက်အောက်ခံ ရခိုင်ပြည်နယ်လုံခြုံရေး နှင့်နယ် စပ်ရေးရာဝန်ကြီး ဗိုလ်မှူးကြီး ကျော်သူရ က နိရဉ္ဇရာသတင်းဌာနသို့ ဖြေကြားခဲ့သည်။
အဆိုပါ အခြေအနေများကြောင့် ဒေသခံများနှင့် ဘုရား ဖူးများအကြားစိုးရိမ်မှုများမြင့်တက်နေပြီး စစ်ကောင်စီဘက်မှ မကြာခင်လမ်းလုပ်ငန်းများပြီးစီးလျှင်ပြန်တော့မည်ဖြစ်၍ဒေသခံများနှင့် ဘုရားသွားဖူးမည့်ခရီးသည်များအနေဖြင့် မစိုးရိမ်ကြရန်လည်းပြောဆိုခဲ့ကြောင်း သိရသည်။
စစ်ကောင်စီတပ်နှင့်ရခိုင့်တပ်တော်-AAတို့ အကြား ပြီးခဲ့သည့် အထွေထွေရွေးကောက်ပွဲမတိုင်မီကာလ ၂၀၂၀ ခုနှစ်၊ နိုဝင်ဘာလကစ၍ လက်ရှိအချိန်ထိ ၁ နှစ်ကျော်အကြာ တိုက်ပွဲများရပ်နား ထားခဲ့ပြီး ပြီးခဲ့သည့်နိုဝင်ဘာလအတွင်းက ရခိုင် ပြည်နယ်၊ မောင်တောမြို့နယ်အတွင်း စစ်ကောင် စီတပ်နှင့်ရခိုင့်တပ်တော်တို့အကြားတိုက်ပွဲ ၂ ကြိမ်ဖြစ်ပွားခဲ့သော်လည်း စစ်ကောင်စီဘက်မှ AA နှင့်ဖြစ်ပွားခြင်းမဟုတ်ဘဲ ARSAတပ်ဖွဲ့နှင့်ဖြစ်ပွားခြင်းဖြစ် သည်ဟု ငြင်းဆိုထားကြောင်းသိရသည်။
ဓာတ်ပုံ- ရခိုင်နေ့စဥ်
#တိုက်ပွဲအခြေအနေသတိပေ

Address

Dallas, TX

Telephone

+14695650572

Website

Alerts

Be the first to know and let us send you an email when Phoenix Myanmar News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category