AZM عزم

12/24/2025

قاضی شہر سراے میر مفتی اشفاق احمد اعظمی کا لکھنؤ سفر اور وقف بورڈ کے اہم ذمہ داران سے ملاقات ۔۔۔۔
جمعیت علماء اترپردیش کے نائب صدر مفتی اشفاق احمد اعظمی نے وقف سے متعلق اہم تجاویز اور کچھ امور کے سلسلے میں لکھنؤ کا سفر کیا اور وقف بورڈ کے اعلی ذمہ داران سے ملاقات کی الحمدللہ ملاقات کافی سود مند رہی مفتی صاحب نے امید پورٹل پر اندراج کے بعد بچے ہوئے اوقاف کے متعلق بات رکھی کہ اگر اسکی لسٹ مل جائے تو کام کرنے میں کافی آسانی ہو جائے گی وقف بورڈ کے ذمہ داروں نے اس پر کام کرنے اور جلد ہی لسٹ فراہم کرنے کا وعدہ کیا وقف بورڈ کے ذمہ داروں نے امید پورٹل پر اپلوڈ کرنے میں ہوئی کوتاہیوں کے دور کرنے کے طریقہ کار پر بھی تبادلہ خیال کیا اور بہت سے اہم مشورے جو متولیان کے حق میں سود مند ہے دیے انشاء اللہ جلد ہی سرائےمیر کیمپ میں ایک میٹنگ بلائی جائے گی اور تمام اہم امور پر تبادلہ خیال کیا جائے گا مفتی صاحب نے جمعیت علماء اترپردیش لیگل سیل کے اہم ذمہ دارجناب سعد صدیقی صاحب سے انکی رہائش گاہ پر ملاقات کی اور وقف کے سلسلے میں تبادلہ خیال کیا لکھنؤ کے اس سفر میں مفتی صاحب کے ساتھ مولانا محمد فیصل اعظمی مولانا محمد اظفر اعظمی مولانا محمد انظر اعظمی بھی موجود رہے ۔۔۔۔

12/21/2025

12/18/2025

*रेलवे संघर्ष समिति की मांग पर सांसद श्री दरोगा प्रसाद सरोज जी ने 17 दिसंबर को रेलमंत्री भारत सरकार माननीय श्री अश्वनी वैष्णव जी से मिलकर सरायमीर रेलवे स्टेशन पर मऊ-मुम्बई 15181/82 एवं ताप्ती गंगा एक्सप्रेस 19045/46 के ठहराव के लिये मांग पत्र सौंपा*

12/17/2025

تقریب اعزاز

12/15/2025

*اللہ کی ملکیت کا اسی طرح تحفظ کریں جس طرح اپنی ملکیت کا تحفظ کرتے ہیں : مفتی اشفاق احمد اعظمی*
*تقریب اعزاز بموقعہ امید سینٹرل پورٹل اپلوڈنگ اوقاف کا انعقاد*
واضح ہوکہ محمود ہال واقع کھریواں موڑ سراۓمیر اعظم گڈھ میں ایک باوقار تقریب اعزاز کا انعقاد مفتی اشفاق احمد اعظمی کی سرپرستی میں کیا گیا جس میں علاقہ کے معزز حضرات اور امید پورٹل پر اپلوڈ کرنیوالی شخصیات اور بہی خواہان و دردمندانہ ملت نے شرکت فرمائی اعزازی تقریب سے خطاب کرتے ہوئے مفتی اشفاق احمد اعظمی نے حاضرین کا دل کی گہرائیوں سے استقبال وخیر مقدم کیا اور شکریہ ادا کیا اس عظیم الشان تقریب کے انعقاد پر مولانا محمد فیصل اعظمی اور مولانا محمد انظر اعظمی کو مبارکباد اور دعاؤں سے نوازا انہوں نے وقت کی اہمیت پر روشنی ڈالتے ہوئے کہاکہ وقف خالص مذہبی ودینی معاملہ ہے مسلمانوں کی شرعی ودینی ذمے داری بنتی ہے کہ اللہ کی ملکیت کا اسی طرح تحفظ کریں جس طرح اپنی ملکیت کا تحفظ کرتے ہیں اور جیسی اپنی مملوکہ دوکان وکھیت وغیرہ کو نفع بخش بناتے ہے اسی طرح اللہ کی ملکیت والے کھیت مکان دوکان وغیرہ کو بھی نفع بخش بنائیں انہوں نے کہا کہ جمعیۃ ودیگر کی کوششوں سے چھ ماہ کا وقت بڑھ گیا ہے ابھی تک ہم نے کام کو سیکھا ہے اب ہمیں کام کرنا ہے انہوں نے کہا کہ مسجد قبرستان کے سلسلے میں ہمیں زیادہ پریشان ہونے کی ضرورت نہیں صرف ملکیت کا کاغذ تیار کرلیں اور کمیٹی بنالیں جب نیا وقف رجسٹریشن ہوگا اندراج ہوجائے گا انہوں نے کہا کیمپ آفس چھ ماہ تک معمول کے مطابق ان شاء اللہ رہنمائی کرتا رہے گا انہوں نے بتایا اصل مسئلہ وقف علی الخیر اور وقف علی الاولاد کا ہے حکومت کی نظر اسی پر ہے ہمیں اس کے تحفظ پر زیادہ توجہ دینا ہے اگر کاغذ میں ایک مسلمان کا وقف کی ملکیت پر اندراج ہے تو اس کو وہ اپنی ملکیت نہ سمجھے وہ اللہ کی ملکیت ہے اس کو فروخت نہیں کرسکتے غریب اور مسکین لوگوں کا جو حق وقف نامہ میں ہے مدرسہ مسجد کا جو حق ہے اس کو ادا کریں اپنی غفلت و کوتاہی پر اللہ سے معافی طلب کریں اور آئندہ وقف کے حقوق کو ادا کریں اور اگر وقف نامہ کے مطابق وقف کو چھوڑنا پڑجاۓ تو اس کے لئے بھی تیار ہوں ،مولانا انور داؤدی صاحب نے تقریب اعزاز کو بروقت قدم بتاتے ہوئے ستائش کی اور اپلوڈنگ کے عمل میں دلچسپی لینے والوں کی ستائش کی اور شکریہ ادا کیا ،چیرمین سراۓمیر وسیم احمد عرف پپو پیجر صاحب نے وقف کے سلسلے میں لوگوں کی خدمات کو سراہتے ہوئے تقریب کے متعلق خوشی کا اظہار کیا اور آئیندہ چھ ماہ میں مزید سرگرمی پر توجہ دلائ کیمپ کے ذمے داروں اور جمعیۃ علماء کا شکریہ ادا کیا ،جناب ابو الکلام صاحب صدر سراۓ میر ویلفیئر سوسائٹی نے کیمپ کی کارکردگی پر اطمینان کا اظہار کیا اور‌ مسلمانوں کو وقف املاک کے سلسلے میں غفلت کی طرف توجہ دلائی اور کہا پچاس فیصد مسلمان خود وقف املاک کا غلط استعمال کررہا ہے ،مولانا انظر اعظمی نے کیمپ آفس کی کارکردگی پر مشتمل رپورٹ پیش کی اور مستقبل کے لیے پانچ نکاتی پروگرام پر مشتمل لائحہ عمل پیش کیا اور بتایا کہ کیمپ ان شاء اللہ چھ ماہ تک کام کرتا رہے گا اور ہر ماہ جائزہ میٹنگ کا انعقاد ہوگا جناب محمد اسعد صاحب ،شاداب نعیم شیروانی صاحب ،بلال ارشد صاحب ،مولانا انظر اعظمی ،مولانا کلیم صاحب ،عثمان اشرف ،ضیاء الرحمن ،محمد‌ امان اللہ کو شال اوڑھا کر اور معزز حضرات کے ہاتھوں مومنٹو کیساتھ اعزاز واکرام کیا گیا ،لال گنج تحصل سے ماسٹر شاداب احمد صاحب کے تین افراد گھر پر شادی کی وجہ سے شریک نہ ہوسکے جنہیں بعد میں دیا جاۓ گا تقریباً ایک بجے مولانا پیر ذوالفقار صاحب نقشبندی کے انتقال پر اظہار تعزیت کی گئی اور ایصال ثواب گیا گیا مفتی اشفاق احمد اعظمی کی دعا پر مجلس کا اختتام ہوا نظامت کے فرائض مولانا محمد فیصل اعظمی نے انجام دیا ،پروگرام میں مولانا ابو الخیر صاحب صدر جمعیۃ علماء پھولپور ،مولانا شاہد القاسمی جنرل سکریٹری جمعیۃ علماء اعظم گڈھ ،حاجی افتخار احمد عرف نرہو ،حاجی شوکت پھریہا ،حافظ شمیم صاحب ،عبداللہ شمیم صاحب ،مولانا محمد افضل اعظمی ابو الکلام صاحب ،مولانا ابو العاص صاحب صدر جمعیۃ علماء نظام آباد، ،مولانا محمد بلال سجنی ،حافظ‌ محمد عدنان کوٹلہ ،حاجی شاہ عالم ،شاہد سبھا سد ،اسلم سبھا سد ، مولانا عبد العظیم اصلاحی ، مولانا افتخار توحید التجا،مولانا ناصر، مولانا مسعود، مولانا اعجاز،عمران احمد شیروانی، حافظ شمیم، ذہین اختر ،محمد وامق شیروانی وغیرہ نے شرکت کی

12/15/2025

تقریب اعزاز 15.12.25

12/11/2025

مرکزی وزیر برائے اقلیتی امور سے آل انڈیا مسلم پرسنل لا بورڈ کے مؤقر وفد کی ملاقات

ملاقات میں مسلمانوں کو درپیش متعدد امور زیر بحث آئے

---------------------------------------------
نئی دہلی: 11/ دسمبر 2025
آج مرکزی وزیر برائے اقلیتی امور شری کرن رجیجو سے آل انڈیا مسلم پرسنل لا بورڈ کے ایک نمائندہ وفد کی ملاقات ہوئی۔ وفد نے متعدد مطالبات پر مبنی ایک میمورںڈم بھی وزیر موصوف کو پیش کیا۔
وفد نے زبانی گفتگو میں ان مشکلات اور تکنیکی مسائل کا تفصیل سے ذکر کیا جو امید پورٹل پر وقف کے رجسٹرڈ املاک کو اپلوڈ کرتے وقت پیش آئی تھیں، جس کے نتیجے میں لاکھوں املاک رجسٹرڈ نہیں ہوسکیں۔ وفد نے کہا کہ ویسے بھی جو املاک پہلے سے وقف بورڈ میں رجسٹرڈ ہیں ان کی اپلوڈنگ کی ذمہ داری وقف بورڈوں کی ہی ہونی چاہئے تھی اور اس کے لئے کم از کم دوسال کا وقت دیا جانا چاہئے تھا۔ لہذا ہمارا مطالبہ ہے جو املاک رجسٹرڈ ہونے سے رہ گئی ہیں ان کے اپلوڈنگ کی مدت میں کم از کم ایک سال کی توسیع کردی جائے۔
آل انڈیامسلم پرسنل لا بورڈ کے وفد نے وزیر موصوف سے کہا ⁠وقف ایکٹ/ UMEED ایکٹ میں ترمیم اور UMEED پورٹل پر سیکشن 3B کے مطابق تفصیلات اپ لوڈ کرنے کو لازمی قرار دینے نے پوری مسلم کمیونٹی کو شدید دباؤ اور مشکلات میں مبتلا کردیا ہے۔ سب سے پہلے یہ بتانا چاہتے ہیں کہ چھ ماہ میں تمام رجسٹرڈ وقف املاک کواپ لوڈ کرنے کی مدت بہت کم تھی۔
دوم، پورٹل پر اپلوڈنگ کرتے وقت کئی تکنیکی مسائل اور خرابیوں کا سامنا کرنا پڑا۔ لہٰذا تمام املاک کو اپ لوڈ کرنا انتہائی مشکل اور ناممکن تھا۔ لہذاآج تک پنجاب وقف بورڈ، مدھیہ پردیش وقف بورڈ، گجرات وقف بورڈ اور راجستھان وقف بورڈ نے وقت میں توسیع کے لیے ٹریبونل سے رجوع کیا ہے اور ٹریبونل نے وقت بڑھا دیا ہے۔ جس سے یہ واضح ہے کہ وقف بورڈ کو بھی چھ ماہ کی ٹائم لائن کی تعمیل کرنا مشکل ہو رہا تھا اور انہوں نے توسیع کی درخواست کی۔ چنانچہ درخواست ہے کہ متولیوں کی مشکلات کو غور کرکے اپلوڈنگ کے لئے مزید ایک سال کی مدت دی جائے۔
وفد نے مزید کہا کہ قانون میں مذکور مدت اور پورٹل جاری کئے جانے کے بعد کی مدت میں بھی فرق ہے۔ مزید برآں، UMEED کے قوانین کو صرف 03/07/2025 کو ہی مطلع کیا گیا تھا اور اس کے ذریعے اپ لوڈ کرنے کے لئے ضروری طریقہ کار اور تفصیلات 03/07/2025 کو بتائی گئیں۔ یہ بتانا اور ذکر کرنا بھی ضروری ہے کہ متولی اور وقف بورڈ کے چیف ایگزیکٹیو آفیسر کے ذریعہ اعلانیہ فارم پہلی بار 03/07/2025 کو UMEED قواعد کے ذریعہ مطلع کیا گیا تھا۔ لہذا، پورٹل کے آغاز کی تاریخ یعنی 06/06/2025، جو کہ ایکٹ کے آغاز کے لیے ایکٹ میں مذکور تاریخ نہیں ہے، کو ایکٹ کے آغاز کی تاریخ کے طور پر نہیں لیا جا سکتا۔
مذکورہ بالا مسائل و مشکلات کی بنیاد پر ہم درخواست کرتے ہیں کہ ابتدائی چھ ماہ کا وقت جیسا کہ ایکٹ میں دیا گیا ہے کم از کم ایک سال کی مزید مدت کے لئے بڑھایا جانا چاہئے اور پھر اگر ضرورت ہو تو متعلقہ درخواست گزار مزید توسیع کے لئے ٹریبونل سے رجوع کر سکتا ہے۔
وفد نے مزید کہا کہ یقینا ہم سب مستعدی اور سچائی کے ساتھ پورٹل پر اپ لوڈ کرنے کے عمل کو مکمل کرنے کی کوشش کر رہے ہیں، ہمیں یقین ہے کہ اگر ابتدائی مدت میں ایک سال کی توسیع کردی جاتی ہے تو پھر مزید توسیع کے لئے ٹریبونل جانے کی ضرورت بھی نہیں پڑے گی اور صرف غیر معمولی صورتوں میں ہی ایسی ضرورت پیش آ سکتی ہے۔
آخر میں ہم یہ بتانا بھی مناسب سمجھتے ہیں کہ وقف ایکٹ/ UMEED ایکٹ، 1995 اور اس کا سیکشن 113 مرکزی حکومت کو یہ اختیار فراہم کرتا ہے کہ وہ وقف ایکٹ/ UMEED ایکٹ، 1995 کی دفعات کو نافذ کرنے میں مشکلات کو دور کرنے کا حکم بھی جاری کرسکتی ہے۔
وزیر موصوف نے وفد کی باتوں کو بہت سنجیدگی اور غور سے سنا اور وعدہ کیا کہ وہ بہت جلد ان مشکلات و مسائل کا حل نکالیں گے۔
وفد میں بورڈ کے نائب صدر، جناب سید سعادت اللہ حسینی، جنرل سکریٹری مولانا محمد فضل الرحیم مجددی، ایگزیکٹیو ممبر و ممبر پارلیمنٹ جناب بیرسٹر اسد الدین اویسی، جناب محمد ادیب (سابق ایم پی) ممبر بورڈ، جمعیت علمائے ہند کے جنرل سکریٹری مولانا محمد حکیم الدین قاسمی، جنرل سکریٹری جمعیت علمائے ہند، دہلی مفتی عبدالرازق ، آل انڈیا مسلم پرسنل لا بورڈ کے ممبران جناب فضیل احمد ایوبی ایڈووکیٹ، جناب حکیم محمد طاہر ایڈووکیٹ اور محترمہ نبیلہ جمیل ایڈووکیٹ شامل تھیں۔

✍️ جاری کردہ
ڈاکٹر محمد وقار الدین لطیفی
جنرل سکریٹری

12/10/2025

: UP में UMEED पोर्टल पर रजिस्ट्रेशन की तारीख़ 6 महीने तक बढ़ाई गई