12/18/2025
បើខ្មែរមិនខ្លាំង ម្លោះខ្មែរបាត់ប្រទេសសូន្យឈឹងដូចចម្ប៉ាទៅហើយ នៅពេលដែលប្រទេសខ្មែរយើងក្លាយជា «សាច់ស្រស់» មួយដុំចន្លោះសត្វក្រពើ ខ្លា និងចចក ហើយថែមទាំងមានសត្វឥន្ទ្រីយ៍ហើរពីឆ្ងាយមកចាំតែរកឱកាសឆក់លេបជាចំណីដែរនោះ!
ដូចនេះខ្មែរយើងត្រូវខ្លាំងតទៅទៀត! ខ្លាំងលើកនេះគឺជាកម្លាំងមហាសាមគ្គីទឹកចុងក្រោយហើយដែលដើម្បីប្រែក្លាយខ្លួនយើងឲ្យទៅ «រាជសី» ដែលពួកក្រពើ ខ្លា និងចចកលែងហ៊ានមើលងាយ យើង… ហើយធ្វើឲ្យសត្វឥន្ទ្រីយ៍មួយក្បាលនោះវាលែងហ៊ានហើររំលងក្បាលយើង ម្តងទៅទំលើក្រពើ ម្តងទៅទំលើខ្លា រួចជុះអាចម៍ដាក់ក្បាលយើងទៀត! ។
ជាង ៥០០ឆ្នាំកន្លងមក មិនមែនកម្លាំងយើងមិនខ្លាំងទេ តែយើងខ្វះមេដឹកនាំដែលខ្លាំង! តែពេលនេះយើងមានមេដឹកនាំខ្លាំងពិតប្រាកដកំពុងដឹកនាំយើងទាំងយុទ្ធសាស្ត្រ ទាំងទស្សនៈវិជ្ជា និងពុទ្ធិវិជ្ជាដើម្បីសង់គ្រឹះនៃខឿនការពារជាតិរបស់យើងឲ្យរឹងមាំរាប់រយឆ្នាំទៅមុខ… ដូច្នោះការអត់ធ្មត់ដើម្បីស្វែងយល់ពីកម្លាំងសត្រូវ ពីសព្វាវុធរបស់សត្រូវ និងពីយុទ្ធសាស្ត្រប្រយុទ្ធរបស់សត្រូវ គឺយើងពិតជារងនូវការខូចខាតខ្លះ ចំណាយខ្លះ តែយើងអាចទប់ស្កាត់ការខូចខាតធ្ងន់ជាងនេះបាន នោះប្រសិនបើយើងឆេវឆាវឆ្លើយតប វាយបកដោយកំហឹងខ្វះភាពអត់ធ្មត់! ។
ក្រពើធ្វើជាដេកដូចមិនដឹងរឿង ចចកថ្ងូរយ៉ាងថ្នមសំឡេង ក្នុងពេលដែលសត្វខ្លាវាសំដែងឬទ្ធិ ក្រោយពេលវាដឹងថា ឥន្ទ្រីយ៍ជាមេវា គឺមិនបានក្រញ៉ាំក្បាលវានោះទេ តែផ្ទុយទីវិញគឺបានកំពុងផ្លុំគូថអង្អែលកន្ទុយវាឲ្យលោតមកខាំយើងទាំងកំរោល ហើយធ្វើជាអើតក្បាលសំឡឹងមកយើងកាច់កម្តងទៅឆ្វេង ម្តងទៅស្តាំ ហួចបួចមាត់ធ្វើដូចជាណិតយើង.. តែដែលការពិតវាកំពុងផ្លុំចាក់គូថខ្លាឲ្យខាំយើង។
ដំណាក់កាលនេះខ្មែរយើងមិនត្រូវខ្លាចខ្លា ខ្លាចក្រពើ ឬខ្លាចចកទេ! គឺត្រូវតែហ៊ានរស់នៅជាមួយប្រឈមជាមួយសត្វសាហាវទាំង ៣នេះ ហើយមិនត្រូវសង្ឃឹមថា ឥន្ទ្រីយ៍ វាចុះណីក្បាលខ្លា ចុះពីក្បាលក្រពើមក ជួយយើងដែរ…ល្គឹកណាទាល់តែយើងខ្លាំង! យើងអាចកាត់កន្ទុយខ្លានិងវ៉ៃខ្លាឲ្យរង្គើរធ្មេញ ទើបឥន្ទ្រីយ៍ពីនាយសមុទ្រនោះក្រញាំក្បាលខ្លារួចបញ្ជាខ្លាឲ្យចូលទ្រុង! ពេលនោះហើយដែលពិភពសត្វលើលោកភ្ញាក់ពីដំណេកដែលមិនមែនដេកលក់នោះ ចេញមុខសុំចងមិត្តរាប់រកយើង.. ហើយនាំគ្នាស្រែកថ្កោលទោសខ្លាចង្រៃមួយក្បាលនេះ ៕
