01/11/2026
🛑 THERIEL THELUS PA FÈ FOT NAN AKÒ PATISIP PASE A !
Règ la di konsa : " Vèb la dwe toujou akòde ak sijè a si patisip pase a anplwaye ak oksilyè " être " ( Gen kèk eksepsyon lè se vèb pwonominal ). Egz : Des femmes sont aperçues à l'entrée du bureau. ( Patisip pase a " aperçu " akòde ak sijè a " des femmes " ki feminen pliryèl )
Men, si patisip pase a anplwaye ak oksilyè " avoir ", pa dwe janm gen akò ak sijè a. Poutan, si konpleman objè dirèk la plase anvan patisip pase a, patisip pase a ap akòde ak konpleman objè dirèk la. Egz : Il les a mangés. ( Il a mangé quoi? R: Les ananas ( pwonon pèsonèl " les ", ki ranplase " ananas " e ki se yon non maskilen pliryèl se konpleman objè dirèk vèb la " a mangés ". Se sa k fè akò a fèt nan maskilen pliryèl ).
An n poze kesyon pou n jwenn konpleman objè dirèk la, kounye a, nan fraz Theriel la piske se yon patisip pase ki anplwaye ak oksilyè " avoir " :
Il a quitté qui ? Rep: nous. Kidonk, "nous" se konpleman objè dirèk vèb la ( a quitté ) e li plase anvan patisip pase a ( quitté). Sa vle di dwe gen akò ( quittés ).
Akò a fèt nan maskilen pliryèl paske pwonon pèsonèl "nous" fè referans a ni gason ni fanm nan kontèks li itilize l la.
Si pwonon pèsonèl " nous " te fè referans ak fanm sèlman, fraz la t ap ekri konsa: " Il nous a quittées."
Tout moun ki panse fraz la te dwe ekri konsa " Il nous a quitté ", yo fè fot paske yo fè patisip pase a akòde avèk sijè a " il ". Règ la di non lè se yon patisip pase ki anplwaye ak oksilyè " avoir ".
Yon lòt bò, Theriel ta ka fè fot nan ponktyasyon an. Nou ta kapab di li te dwe ekri " Il nous a quittés. Merci ! " olye de " Il nous a quittés, merci ! "
Sof sa sèlman. Sepandan, yo itilize vigil la tou. Sa vle di fraz li a bon.
Pou fini, an reyalite, vrè fraz ki gen fot la se fraz kreyòl ki ekri anba mesaj Theriel la ki ta dwe ekri konsa pito: " Daprè anpil moun, fraz TT a gen erè. Sa w panse ? "
