10/27/2025
जेन जी का नाममा अपराध गरने चिनौ..!! प्रहरीको अनुसन्धानले देखायो — आन्दोलनमा संलग्न धेरै व्यक्ति ठगी, बैंकिङ कसुर र ज्यान मार्ने उद्योगमा पहिले नै मुद्दा भोगिरहेका थिए। अधिकांश उमेरले पनि जेनजी नभएका !
भदौ २३ र २४ गते भएको ‘जेन–जी आन्दोलन’ का क्रममा तोडफोड, आगजनी, लुटपाट र हत्या जस्ता घटनामा संलग्न पक्राउ परेकामध्ये करिब ८० प्रतिशत व्यक्तिको आपराधिक पृष्ठभूमि रहेको तथ्य खुलेको छ।
नेपाल प्रहरीका केन्द्रीय प्रवक्ता डीआईजी विनोद घिमिरेका अनुसार हालसम्म देशभरबाट २४६ जना पक्राउ परेका छन्। तीमध्ये १८९ जना काठमाडौं उपत्यकाबाट पक्राउ परेका हुन्। काठमाडौं परिसरका प्रवक्ता एसपी पवन भट्टराईका अनुसार पक्राउ परेकामध्ये अधिकांश व्यक्ति पहिले नै ठगी, बैंकिङ कसुर, ज्यान मार्ने उद्योग र संगठित अपराधमा मुद्दा खेपिरहेका थिए।
🔹 ठूला नामसहितका पक्राउ
आन्दोलनका क्रममा सरकारी अड्डा र प्रहरी कार्यालयमा तोडफोड र आगजनी गर्ने समूहका नेताहरू मध्ये अर्जुन शाही चर्चामा आए। उनी ‘हामी नेपाल’ नामक संस्थासँग जोडिएका र सरकारी कार्यालयमा हाकिमलाई धम्क्याउने भिडियो भाइरल भएपछि पक्राउ परेका हुन्। अनुसन्धानले उनलाई चेक बाउन्स र ठगीका आठ मुद्दामा फरार अभियुक्त देखाएको छ।
त्यस्तै राजु परियार भनिने ‘सम्राट’ आन्दोलनका क्रममा लुटिएको प्रहरी हतियारसहित अर्धनग्न अवस्थामा देखिएका थिए। उनी पनि ठगी, बैंकिङ कसुर र ज्यान मार्ने उद्योगका आठ मुद्दामा फरार रहेको खुलेको छ।
दोलखाका गौतम घिसिङ, जसले प्रहरीलाई बर्दी उतार्न लगाएर सडकमा हिँडाउनुभएको भिडियो भाइरल भएको थियो, पनि बैंकिङ कसुरका दुई मुद्दामा आरोपी रहेको पाइएको छ।
यस्तै, टिब्बटेन ओरिजिनल ब्लड (TOB) समूहका प्रमुख दावा तेन्जिङ लाई किर्ते नागरिकता बनाएर आन्दोलन भड्काएको आरोपमा पक्राउ गरिएको छ।
🔹 प्रहरी हत्या र आगजनीमा जेल चलान
प्रहरीले अहिलेसम्म ६ जनालाई पुर्पक्षका लागि जेल चलान गरेको जनाएको छ। तीमध्ये होमप्रसाद पौडेल, टीकाराम विक, बुद्धिलाल तामाङ, युवराज क्याप्छाकी प्रहरी हत्यामा संलग्न थिए।
त्यस्तै, रोहित सरावगी र नीरज पोद्दार जनसेवा प्रहरी वृत्तमा आगजनी गर्ने अभियुक्त हुन्।
अनुसन्धानका क्रममा पक्राउ परेकामध्ये २८ जनामाथि थप अनुसन्धान भइरहेको छ भने ७२ जनालाई हाजिर जमानीमा राखिएको छ।
🔹 १५ सय हतियारमध्ये चार सय अझै हराए
आन्दोलनका क्रममा प्रहरीका करिब १,५०० थान हतियार लुटिएका थिए। संयुक्त सुरक्षा अपरेसनपछि १,१०० हतियार बरामद गरिए पनि ४०० हतियार अझै हराएको प्रहरीले जनाएको छ।
प्रहरीका अनुसार केही हतियार जलेको अवस्थामा फेला परे पनि धेरै अझै खोजी सूचीमा छन्।
🔹 अनुसन्धान जारी, निजी सम्पत्तिको विवरण संकलन
काठमाडौँ परिसरले दैनिक करिब १५० जनासँग सोधपुछ गरिरहेको जनाएको छ, जसमा तीनदेखि पाँचजना नियमित रूपमा पक्राउ पर्छन्।
प्रहरीले अहिले हत्या, आगजनी, लुटपाट र हतियार लुटपाटका घटनामा प्राथमिकता दिँदै अनुसन्धान गरिरहेको छ।
निजी तथा सार्वजनिक सम्पत्तिमा भएको क्षतिको विवरण भने मुचुल्का संकलन गरेर पछि अनुसन्धान गर्ने तयारीमा छ।
🔹 प्रहरीको भनाइ
एसपी पवन भट्टराईका अनुसार,
“अहिले गर्नैपर्ने विषयमा अनुसन्धान भइरहेको छ। बाँकी घटनाको मुचुल्का तयार पारिएको छ। हरेक दिन १५० जनासँग सोधपुछ हुन्छ, तीमध्ये ८० प्रतिशत आपराधिक पृष्ठभूमिका देखिन्छन्।”
यो तथ्यले ‘जेन–जी आन्दोलन’ केवल राजनीतिक वा सामाजिक आन्दोलन नभई, आपराधिक तत्वहरूले घुसपैठ गरेको विद्रोहमा परिणत भएको प्रहरीको बुझाइलाई थप पुष्टि गरेको छ।
News Source:
असोजको अन्तिम साता सरकारी अड्डामा अर्जुन शाहीको आतंक छायो । उनी युट्युबरसँगै विनाअनुमति सरकारी अड्डा छिर्थे ।
