Prelude

09/28/2025

ကျော်ဟိန်း | အဓိပ္ပါယ်ရှိ​သောလူ
Greatest Reels Part 3 (Final)

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ Greatest Reels အပိုင်း ၃ အဖြစ် တင်ဆက်လိုက်ရပါတယ်။

အနုပညာ မှော်အောင်ထားတဲ့မင်းသားကြီး ဦး‌ကျော်ဟိန်း ရဲ့ တင်ဆင်ပြသမှု သရုပ်ဆောင်မှုများ အပြင် သူ့ရဲ့ အောင်မြင်ကျော်ကြားတဲ့ တေးသီချင်း များ ကို ပါ ခံစားနားဆင်ရမှာဖြစ်ပြီး တစ်ခါတစ်ခါက ဆန်းသစ်တဲ့ ဖန်းတီး မှုများ ပါ၀င်တဲ့ MV များကိုလည်း ကြည့်ရှု ရမှာဖြစ်ပါတယ်။

မူရင်း ဦးကျော်ဟိန်း ရဲ့ You Tube Channel ကိုလည်း Credit ပေးပါတယ်။ပရိတ်သတ်များ အားလုံးလည်း
မင်းသားကြီးဦး‌ကျော် ဟိန်း အားအလွမ်းပြေတင်ဆက်ပေးထားသောကြောင့် ဆက်လက်စောင့်ကြည့်လိုပါက
နောက်ဆက်တွဲ အပိုင်းများကိုလည်း ဆက်လက် စောင့်မျှော်ကြည့်ရှူ့ပေးကြပြီး Prelude Universe Official You Tube Channel ကို Like and Subscribe please !
အားပေးတဲ့ ပရိတ်သတ်များ
ကျေးဇူးအရမ်းတင်ပါတယ်

#ကျော်ဟိန်း
#အဓိပ္ပါယ်ရှိသောလူ









universe

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ Greatest Reels အပိုင်း ၃ အဖြစ် တင်ဆက်လ.....

09/26/2025

ကရင်ခေါ်ကိုကြွက်နီကွယ်လွန်ခြင်းကို တေးရေး The Ants အဖွဲ့မှ ကိုမောင်မောင်ဇော်လတ် မှ အလွမ်းအမှတ်တရ

‘’၁၉၈၉ ၉၀ လောက် ထင်တာပဲ
ကိုရွှေ( ရွှေဂျော်ဂျော် ) နဲ့ ရန်ကုန်ကိုပထမဆုံး အကြိမ် သွားတော့
ရန်ကင်းလေးလုံးတန်း က ကိုငှက် ဆီမှာနေကြတယ်
အဲဒီတုန်း က ကိုငှက်ရယ် ကိုရဲသွင်ရယ် နှင်းဆီလှိုင်း ကိုဇော်သစ်ရယ် က စုနေကြတာ
ကျွန်တော်တို့ သွားတဲ့အချိန် ကိုကြွက် ကလည်း ကိုငှက်နဲ့ အတူနေနေကြတာ
၁၀ ပေ ၁၅ ပေ အခန်းထဲ ကိုငှက်ရယ် ကိုကြွက်ရယ် ကိုရွှေရယ် ကျွန်တော်ရယ် ၄ ယောက်သားနေကြတာ ကြပ်ညှပ်သပ်နေရော
ကိုကြွက်နီကို အဲမှာစသိတာပဲ
ပုပုလုံးလုံး နဲ့ ဆံပင်ကောက်ကောက် နဲ့ စကားပြောရင် နဲနဲထစ်တယ်
ကိုငှက်ကသူ့ကို ကရင်လို့ခေါ်ပြီး သူက ကိုငှက်ကို ဘိုးတော်လို့ခေါ်တတ်တယ်
သူတို့၂ ယောက် ကို ကိုရွှေက Tom and Jerry နဲ့တူသတဲ့ အမြဲရန်ဖြစ်နေကြတာ
ဒါပေမယ့် ကိုကြွက်နီကခံဘက်ချည်းဘဲ (အဲဒါတော့ Tom and Jerry နဲ့မတူဘူးဗျ )
ကိုကြွက်ကို ကိုငှက်က သိပ်နိုင်တာ မခံချင်အောင်ပြော စတာစတာ ဆိုတာ ကိုကြွက်သိမ်းထားတဲ့ သူ့ငယ်ရီးစားဓါတ်ပုံကို မီးနဲ့ရှို့တော့ ကိုကြွက်ခမျာ ငိုတာမျက်ရည်တွေပိုးပိုးပေါက်ပေါက်နဲ့ ကျ
နောက်ကြားထဲ မန်းလေး ကျွန်တော်နေတဲ့ အောင်ဆန်းဆောင်ကို ပေါက်ချလာသေးတယ် အဲဒီမှာတော့ သူက စာပေသိုင်းသမားဖြစ်နေပြီ ခုပ်မယ်ထစ်မယ်ပါးပါးလှိးမယ်ဆိုတဲ့ အထာတွေနဲ့ပေါ့။ ဒါပေမယ့် သူ့ပင်ကိုယ် ဟန်ကတော့ အရင်အတိုင်းဘဲ
နောက်ဆံုးတခေါက်တွေ့တာတော့ ကိုငှက်နာရေးမှာပဲ ကျမ်းမာရေးတော့ သိပ်မကောင်းပေမယ့်အဆိုးကြီးမဟုတ်သေးဘူး
ပြီးခဲ့တဲ့နှစ်တွေကတော့ လေဖြတ်တယ်လို့ သတင်းသဲ့သဲ့ကြားတာပဲ
ပြီးခဲ့တဲ့အပတ်က သူ့ကို သတိရလို့ ကျုပ်တို့လင်မယား၂ ယောက် သူ့အကြောင်းပြောဖြစ်သေးတယ် ရန်ကုန်ကလူတွေဆီ မေးပြီးသူ့ကို ဆက်သွယ်ဉီးမှဘဲလို့ တွေးထားတာ အခုမနက် သတင်းတက်လာတော့ ကိုကြွက်ဆုံးပြီတဲ့
သံသရာတကွေ့မှာ ဆံုခဲ့ကြတာပေါ့ ငြိမ်းချမ်းပါစေ ကိုကြွက်ရေ
တမလွန်မှာ ခင်ဗျားတို့၂ ယောက် ငြင်းခုံနေကြဉိးမှာလား ကိုကြွက်နဲ့ကိုငှက်’’ လို့အမှတ်တရ သူ့ အကောင့်မှာ ဝမ်းနည်းကြောင်းရေးသားထားပါတယ်။



#မောင်မောင်ဇော်လတ်
#ကိုကြွက်(ခ)ကရင်
#ကွယ်လွန်
#အလွမ်းအမှတ်တရများ
#၂၅စက်တင်ဘာ

09/25/2025

စတီရီယိုခေတ်ဦး တေးသံရှင် ဗစ်တာခင်ညို
ကွယ်လွန်



စတီရီယိုခေတ်တွင် ထင်ရှားသည့်အဆိုတော်တဦးဖြစ်သော တေးသံရှင် ဗစ်တာခင်ညို (အသက် ၈၀) သည် ယနေ့နံနက် အစောပိုင်း၌ ကွယ်လွန်သွားကြောင်း ညီဖြစ်သူ အဆိုတော် တူးတူးက အသိပေးထားသည်။

တေးသံရှင် ဗစ်တာခင်ညိုသည် တေးရေး ချိုချို၊ အဆိုတော်တူးတူးတို့၏ အစ်ကိုလည်း ဖြစ်သည်။

၎င်း၏သီချင်းအများစုကို ညီဖြစ်သူ တေးရေးချိုချိုက ရေးသားပေးခဲ့ပြီး တကိုယ်တော် တေးစီးရီးများဖြစ်သော အကောင်းတကာ့ အကောင်းဆုံးတေးများ၊ ဒီဇင်ဘာ နံနက်ခင်း၊ အမြူတေတေးစု ၁၊ လမ်းမှာ လူမတင်နဲ့၊ ရန်ကုန်သူ၊ ထပ်ခေါ်မယ်လိုက်ခဲ့တော့ အစရှိတို့အပြင် စုံတွဲတေးစီးရီး၊ တေးသံရှင်စုံဖြင့် သီဆိုထားသော တေးစီးရီးများလည်း ထုတ်ဝေခဲ့သည်။

အောင်မြင်ကျော်ကြားသည့် တေးစီးရီးများစွာထုတ်ခဲ့သလို သူသီဆိုခဲ့သည့် နွေ၊ မြခွာညို၊ အလွမ်းသီချင်း၊ နွေသာဆိုရင်မှာပြာ၊ ကျူရှင်လှေကားရင်း စသည့် သီချင်းများမှာ လက်ရှိအချိန်ထိ ရေပန်းစားသည်။

၂၀၁၄ ခုနှစ်တွင် ဗစ်တာခင်ညို၏ တေးဂီတသက်တမ်း ၄၅ နှစ်ပြည့် အထိမ်းအမှတ်အဖြစ် တေးသံရှင်များစွာ ပါဝင်သော ဖျော်ဖြေပွဲကို ကျင်းပခဲ့သည်။

ဗစ်တာခင်ညို၏ အနုပညာအစသည် မြန်မာ့အသံမှ ထင်ရှားသည့် အစီအစဉ်တခုဖြစ်သည့် Local Talents အစီအစဉ်မှ စတင်ခဲ့ကာ ဘိုဘိုဟန်၊ နွဲ့ယဉ်ဝင်း၊ တင်မိုးခိုင် အစရှိသူတို့နှင့်အတူ ပါဝင်ခဲ့သည်။

စတီရီယိုခေတ်မတိုင်မီ တေးဂီတ Band များဖြစ်သည့် The SHADES အဖွဲ့တွင်လည်း ပါဝင်ခဲ့သလို နောက်ပိုင်း မြန်မာပြည်သိန်းတန်က L.P.J တီးဝိုင်း တည်ထောင်စဉ်
ဗစ်တာခင်ညိုလည်း ပါဝင်ခဲ့သည်။




#ကွယ်လွန်
#၂၅စက်တင်ဘာ

09/19/2025

ကျော်ဟိန်း | အဓိပ္ပါယ်ရှိ​သောလူ
(Greatest Reels Part 2)

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ Greatest Reels အပိုင်း ၂ အဖြစ် တင်ဆက်လိုက်ရပါတယ်။

အနုပညာ မှော်အောင်ထားတဲ့မင်းသားကြီး ဦး‌ကျော်ဟိန်း ရဲ့ တင်ဆင်ပြသမှု သရုပ်ဆောင်မှုများ အပြင် သူ့ရဲ့ အောင်မြင်ကျော်ကြားတဲ့ တေးသီချင်း များ ကို ပါ ခံစားနားဆင်ရမှာဖြစ်ပြီး တစ်ခါတစ်ခါက ဆန်းသစ်တဲ့ ဖန်းတီး မှုများ ပါ၀င်တဲ့ MV များကိုလည်း ကြည့်ရှု ရမှာဖြစ်ပါတယ်။

မူရင်း ဦးကျော်ဟိန်း ရဲ့ You Tube Channel ကိုလည်း Credit ပေးပါတယ်။နောက်ဆက်တွဲ အပိုင်းများ ကိုလည်း တစ်ပတ်တစ်ခါ ဆက်လက်တင်ဆက်ခွင့်ပြုပါ
ခင်ဗျာ၊၊ပရိတ်သတ်များ အားလုံးလည်း မင်းသားကြီးဦး‌ကျော် ဟိန်း အားအလွမ်းပြေတင်ဆက်ပေးထားသောကြောင့် ဆက်လက်စောင့်ကြည့်လိုပါက
နောက်ဆက်တွဲ အပိုင်းများကိုလည်း ဆက်လက် စောင့်မျှော်ကြည့်ရှူ့ပေးကြပြီး Prelude Universe Official You Tube Channel ကို Like and Subscribe please !
အားပေးတဲ့ ပရိတ်သတ်များ ကျေးဇူးအရမ်းတင်ပါတယ်။

#ကျော်ဟိန်း
#အဓိပ္ပါယ်ရှိသောလူ

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ Greatest Reels အပိုင်း ၂ အဖြစ် တင်ဆက်လ.....

09/14/2025

ဦးထီး ပြောသော မောင့်လပြည့်ဝန်း

————————————————-


ကျွန်တော့်ရဲ့ Masterpiece လို့ မေးတော့ ဖြေရမှာ တော်တော် အကြံအိုက်ပါတယ်။ အမည်တပ်ပြီး ဒက်ခနဲ မပြောနိုင်ဘူး။ ဂီတရေစီးကြောင်းက အမြဲစီးနေတာဆိုတော့ ပုံစံဟောင်းထဲကသူတွေကိုလည်း တစ်ခါတလေ ပြောင်းလဲစေပါတယ်။ ကျွန်တော်တို့ကလည်း သီချင်းတွေနောက်ကိုလိုက်ရင်းနဲ့ အကြိုက်လေးတွေ ပြောင်းလဲလာပါတယ်။ တချို့သီချင်းလေးတွေဟာ အရင်က အထူးကြိုက်နှစ်သက်စရာ ဖြစ်ခဲ့ပေမယ့် နောက်ပိုင်းမှာ အသစ်ကို တောင့်တတဲ့ ခံစားချက်မျိုး ကျွန်တော့်မှာ ဖြစ်တတ်ပါတယ်။

သီချင်းတွေကိုတော့ သိသလောက်၊ တတ်သလောက် အစွမ်းအစနဲ့ ကြိုးစားပြီး အမြဲဆိုတာပါပဲ။ ဒါပေမယ့် အားမရတာတွေလည်း ရှိခဲ့ပါတယ်။ အဲဒါကြောင့် တစ်ခါတလေ ပြန်ဆိုတာတွေမှာ အပြောင်းအလဲလေးတွေ နည်းနည်းရှိတတ်ပါတယ်။ အခု နည်းနည်းအတွေ့အကြုံများလာတော့ အရင်တုန်းက မသိခဲ့တာတွေကို ဖြည့်ဆိုတာမျိုးလည်း ရှိပါတယ်။ ကျွန်တော် နည်းနည်းအားရတယ်လို့ ပြောလို့ရတဲ့ သီချင်းကတော့ ရွှေဟင်္သာ သီချင်းတွေပါ။ အချစ်အတွက် တစ်ဖန်မွေးဖွားခြင်း သီချင်းကိုလည်း အားရပါတယ်။ အပေးအယူ၊ ခြင်္သေ့လည်ပြန် စတဲ့ သီချင်းတွေကလည်း ကျွန်တော့် မှတ်တမ်းမှာ စွဲကျန်ခဲ့တဲ့ သီချင်းတွေပါ။ နွေနံနက်ခင်းလို သီချင်းမျိုးကျတော့ ဒီ့ထက် ပါးပါးနပ်နပ် ဆိုတတ်တဲ့သူ ဆိုရင် ပိုကောင်းနိုင်တယ်လို့ ထင်တယ်။ ကျွန်တော်က ဒါတွေကို ကျွန်တော့်ရဲ့ ပြောင်မြောက်တဲ့ Masterpiece လို့ မပြောရဲပါဘူး။ ကျွန်တော်တို့
ခက်ခက်ခဲခဲ ကြိုးစားလေ့ကျင့်ပြီးတော့ သီဆိုရတယ်
လို့ပဲ မှတ်ထားလိုက်ပါတယ်။

ပရိသတ်အများဆုံး နှစ်သက်တာကတော့
မောင့်လပြည့်ဝန်း သီချင်းပဲ။ ဒါ သူတို့က အသိမှတ်ပြုတယ်လို့ ကျွန်တော် ယူဆတယ်လေ။

ကျွန်တော်ကအကောင်းဆုံးလို့သတ်မှတ်ထားတာနဲ့ပရိသတ်ကအကောင်းဆုံးလို့သတ်မှတ်ထားတာတွေက တစ်ခါတလေ သိပ်ကိုက်ညီမှု မရှိပါဘူး။ကျွန်တော်တို့ကတော့အနုပညာခံစားမှုသီချင်းတွေကိုပိုကြိုက်နှစ်သက်မိတယ်။ကိုယ့်ရဲအကြိုက်ဆုံးသီချင်းလေးတွေကိုပြန်ဆိုတဲ့အခါ သရုပ်ပိုပါသွားတာမျိုးလည်း ရှိပါတယ်။ အဆွဲ၊ အတက်လေးတွေ ပြောင်းသွားတာတို့၊ နည်းနည်းလေးလေးနက်နက်ပိုပြီးဆိုနိုင်တာ
လေးတွေတော့ ရှိပါတယ်။

မောင့်လပြည့်ဝန်း သီချင်းကို ကိုနေဝင်းက မန္တလေးတက္ကသိုလ်မှာ သူ့ရဲ့ ညီအစ်ကို သူငယ်ချင်းတွေကို သင်ပေးရင်းနဲ့ ဆိုကြတာ။ ဆိုရင်းနဲ့ သံစဉ်မှားတာ၊ မှန်တာ၊ မူကွဲတာလည်း ရှိတာပေါ့။ ကွှနတြောတြို့က ဒီလိုပဲ ဆိုနေကြတာပဲ။ ဒါပေမယ့် ကိုနေဝင်း ကိုယ်တိုင်က ကျွန်တော့်ကို သူ့ရဲ့ အသံနေအသံထားနဲ့ သူဆိုချင်တဲ့အတိုင်း ကျွန်တော် အသံသွင်းခါနီးမှာ အကုန်လုံး သင်ပေးပါတယ်။ အဲဒီအချိန်တုန်းက မြူးမြူးကြွကြွ သီချင်းတွေ ပေါက်နေတဲ့အချိန် ကျွန်တော့်သီချင်းတွေက အေးအေးလေးတွေဖြစ်တာကြောင့် ပရိသတ်က နားစွဲသွားတာ ဖြစ်ပါလိမ့်မယ်။ တကယ်တော့ အဲဒီသီချင်းက အသံမသွင်းခင်ကတည်းက နာမည်ကြီးနေတာ။ မန္တလေးတက္ကသိုလ်မှာ တော်တော် ရေပန်းစားခဲ့တယ်။ အဆောင်သူတွေကလည်း မောင့်လပြည့်ဝန်း သီချင်းကို ဆိုပေးပါဆိုပြီး တောင်းဆိုကြပါတယ်။

ကျွန်တော့်ကို ဦးတည်မေးလာတဲ့မေခွန်း Masterpiece ကိစ္စပြောရရင် Masterpiece ကို သတ်မှတ်တာ အနုပညာရှင်ကိုယ်တိုင်လား၊ ပရိသတ်က အသိအမှတ်ပြုတာလားဆိုတာ ကျွန်တော်ကိုယ်တိုင် စဉ်းစားတွေးခေါ်ဖူးခြင်း၊ အသိမိတ်ဆွေတွေနဲ့ ဆွေးနွေးလေ့လာ သုံးသပ်ပြောဆိုခြင်းတွေ မရှိသလောက် နည်းပါးတဲ့အတွက် တိတိပပ မပြောတတ်ပါ။ နောက်ပြီး ကျွန်တော့်အတွေးအခေါ်အရ Masterpiece အဖြစ် ဆုံးဖြတ်သတ်မှတ်နိုင်သူဟာ အနုပညာကို မူရင်းဖန်တီးသူ၊ အစကနေ အဆုံး ပုံဖော်သူ တေးသီချင်းရဲ့ စွဲလမ်းဖွယ်ရာ တေးစာသားတွေနဲ့ သံစဉ်ကို လှလှပပ သပ်သပ်ရပ်ရပ် ပေါင်းစည်းရေးသားသီကုံးသူနဲ့ပဲ သက်ဆိုင်တယ်လို့ ထင်ပါတယ်။ ဒါကတော့ ကျွန်တော့် ယူဆချက်ပါ။ အနုပညာလက်ရာပြောင်မြောက်တဲ့ တေးသီချင်းတစ်ပုဒ် ဖြစ်တယ်ဆိုတာ ပရိသတ်ကပဲ ဆုံးဖြတ် အသိအမှတ်ပြုရမယ်ဆိုရင်တော့ ဘယ်သီချင်း၊ ဘယ်အပုဒ်ကမှ အကောင်းဆုံးပါလို့ ကျွန်တော် ညွှန်းပြစရာ အကြောင်း မရှိတော့ပါ။

အဆိုတော် လို့ ခေါ်တဲ့ တေးသံရှင်တွေဟာ တေးရေးသူက စေတနာ၊ ဝါသနာ အပြည့်အဝနဲ့ ပုံဖော်ပေးသမျှပရိသတ်အသိအမှတ်ပြုလက်ခံပြီး နှစ်သက်မြတ်နိုးစေဖို့ တတ်သိသမျှ၊ လေ့လာမှတ်သားလိုက်စားထားသမျှနဲ့ ဆိုရတာပါ။ ဘယ်အပုဒ်ကိုတော့ လျှော့ဆိုမယ်၊ ခိုလိုက်မယ် ဆိုတဲ့ စိတ်မျိုး မထားဖူးပါဘူး။ သီချင်းတိုင်းကို
မြတ်မြတ်နိုးနိုးနဲ့သီချင်းကောင်းပဲဖြစ်အောင် စေတနာထားပြီး ဆိုခဲ့တာ များပါတယ်။ အားမရစရာတွေ၊ မပြည့်ဝတာတွေ ပါခဲ့ရင်တော့ ကိုယ့်ရဲ့ ပညာပိုင်းဆိုင်ရာ ချို့တဲ့ လစ်ဟင်းမှုကြောင့်သာဖြစ်တယ်လို့ပဲရိုးရိုးသားသား ဝန်ခံပါရစေ။

မောင့်လပြည့်ဝန်း

ကိုနေဝင်း
စိုင်းထီးဆိုင်


ဒီတစ်ညမှာ မြင်ရခဲ့တဲ့ မောင့်လပြည့်ဝန်း
သာလွန်းတဲ့ အရင်တစ်ညက မောင့်လပြည့်ဝန်း
အမှောင်ညကို စွန့်သွားခဲ့ မောင့်လပြည့်ဝန်း

ကွယ်လွန်ခြင်း ကမ္ဘာတစ်ဖက်မှာ ကျန်ရစ်သူ မျက်ဝန်းမှ မျက်ရည်လည် အမှောင်ဆုံးညတွေ ဘယ်မှာဆုံးမလဲ
မတွေးဝံ့တော့ဘူး မတွေးတတ်တော့ဘူး

ချစ်၍စွန့်သွားတဲ့ မင်းကို သြော် စွန့်၍ချစ်သွားမယ်လေ ဒီလူသားသစ္စာ ကမ္ဘာတည်သရွေ့လေ ဝဋ်မှာအမြဲ ငရဲမှာအပ ဆိုသည်ကြောင့်လည်း ဒီဝဋ်ကြွေးမကုန်ခန်းသရွှေ့လေ လည်စင်းခံဆပ်မယ်မေ သို့လေသော်လည်း ဒီလူနဲ့တူသောအကျိုးမျိုး မင်းတစ်ယောက်ကင်းလွတ်ဝေးပါစေ

ဒီတစ်ညမှာ မြင်ရခဲ့တဲ့ မောင့်လပြည့်ဝန်း
သာလွန်းတဲ့ အရင်တစ်ညက မောင့်လပြည့်ဝန်း
အမှောင်ညကို စွန့်သွားခဲ့ မောင့်လပြည့်ဝန်း

အလည်လွန်ခြင်း ကမ္ဘာတစ်ဖက်ကို ထွက်သွားသူ
တဖက်စွန်းမှ တစ်သက်နေလည်း အချိုဆုံးစကားတွေ ဘယ်မှာဆုံးမလဲ မမေးဝံ့တော့ဘူး သြော်..မမေးတတ်တော့ဘူး

ချစ်၍စွန့်သွားတဲ့ မင်းကို ဪ စွန့်၍ချစ်သွားမယ်လေ
ဒီလူသားသစ္စာ ကမ္ဘာတည်သရွေ့လေ ဝဋ်မှာအမြဲ
ငရဲမှာအပ ဆိုသည်ကြောင့်လည်း ဒီဝဋ်ကြွေးမကုန်ခန်းသရွှေ့လေ လည်စင်းခံဆပ်မယ်မေ သို့လေသော်လည်း ဒီလူနဲ့တူသော အကျိုးမျိုး
ဘဝဆက်တိုင်းမှာ မင်းတစ်ယောက်ကင်းလွတ်ဝေးပါစေ သြော်

နယ်ကျွံခြင်း ကမ္ဘာအပျက်မှာ တဖက်သားလူ ခက်လွန်းမက အခက်ပွေလည်း အငိုဆုံးမှလေ ပြန်လာဦးမလား
မပြောတတ်တော့ဘူး ဪ မပြောအပ်တော့ဘူး

ချစ်၍စွန့်သွားတဲ့ မင်းကို ဪ စွန့်၍ချစ်သွားမယ်လေ
ဒီလူသားသစ္စာ ကမ္ဘာတည်သရွေ့လေ

ဒီလူသားသစ္စာ
ကမ္ဘာတည်သရွေ့ပါပဲ

#စိုင်းထီးဆိုငိ
#ကိုနေဝင်း
#မောင့်လပြည့်ဝန်း
#ဖန်တီးမှု
#အနုပညာရှင်အစစ်များ
#စာစု


Style Magazine Feb, 2008

09/12/2025

ကျော်ဟိန်း
အဓိပ္ပါယ်ရှိ​သောလူ (Greatest Reels Part 1)

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ
Greatest Reels Part 1 အနေနဲ့ တင်ဆက်လိုက်ရပါတယ်။ နောက်ဆက်တွဲ အပိုင်းများကိုလည်း ဆက်လက် စောင့်မျှော်ကြည့်ရှူ့ပေးကြပြီး Prelude Channel ကို like and follow ပြုလုပ်ပေးသွားကြမယ်ဆိုရင် ကျေးဇူးအရမ်းတင်ပါတယ်။

#ကျော်ဟိန်း
#အဓိပ္ပါယ်ရှိသောလူ

#ဇာတ်ကားကောင်းများ

စွယ်စုံရ တကယ့် အနုပညာရှင်ကြီး မင်းသားကြီး ဦး‌ကျော်ဟိန်း ရဲ့ အဓိပ္ပါယ်ရှိသောလူ Greatest Reels အပိုင်း ၁ အဖြစ် တင်ဆက်လ.....

09/02/2025

AI Next Level Video Creation by Prelude

08/15/2025

ကိုငှက် အမှတ်တရများ သို့

‘’အဲဒီ ကိုငှက်နဲ့ကလေ တခါတွေ့ တခါက
တကယ့် မှတ်မှတ်သားသားတွေချည်းပဲ ၊
တခါလည်းလေ

ကျနော် ကျော်ရဲအောင် လွင်မိုးတို့နဲ့ ရိုက်ထားတဲ့ တောင်တန်းနဲ့တူသောယောင်္ကျားများ ရုပ်ရှင်ကားအတွက် ဇာတ်ဝင်သီချင်းကို သူက ဆိုပေးတယ် ၊ ရေးတာက ကိုညီသွင် ၊ လင်းစတူရီယိုမှာ အသံသွင်းတော့ ကျနော်ပါ အစအဆုံးထိုင်တာ ၊ သူလည်း စိတ်ကြိုက် ဆို ပဲ ၊ သီချင်းလေးက အရမ်းကောင်းတယ်ဗျာ ၊ ကျနော်လည်း အရမ်းကြိုက် - အိုကေပေါ့ ၊
အဲ - အဲ့ကားလည်း အားလုံးပြီးလို့ အထူးပွဲပြမဲ့ ရက် ကျတော့ - သူ့ကိုလဲ ကြည့်စေချင်တယ်ဗျ ၊ သူက ဒီလို ရုပ်ရှင်တွေ ဘာတွေလည်း မကြည့်ဖူးဘူးလေ ၊ နောက် .. အဓိက ကတော့ ကျနော် စိတ်တိုင်းကျတဲ့ သူ့သီချင်းလေးကို ဇာတ်ကားထဲမှာလည်း တန်ဖိုးရှိရှိ ထည့်သုံးထားတာလေး ခံစားစေချင်တယ်ဗျာ ၊ အဲ့ဒါနဲ့ သူရှိတဲ့နေရာ ကျနော် ကိုယ်တိုင် သွားဖိတ်တာပေါ့ ၊ နက်ဖြန် ပြမှာလို့ ခင်ဗျား မလာမဖြစ်လို့ - အဲ့မှာသူက အိုအေစစ်မှာ အသံသွင်းနေတာဗျ - ပထမတော့ အိ အ ဂျိ ဂျ လုပ်နေသေးတယ် ၊ နောက်ဆုံး ကျနော်လည်း ရာဇသံပေါ့ဗျာ - ခင်ဗျား မလာလို့ လုံးဝ မဖြစ်ဘူးဗျာ - ကျနော် မင်းသား မင်းသမီးတွေပါ အကုန်ပြောထားပြီးပြီ - ဆိုတော့မှ - နဲနဲလေး တွေသွားပြီး - အေးဗျာ တဲ့ - အဲ့မှ ကျနော်လည်း ပြန်ပေါ့ ၊ ( သူက ကျနော့်ကိုတော့ ကတိမပျက်ဘူးလေ )
အဲဒါနဲ့ နောက်နေ့မနက် အထူးပွဲ ပြမဲ့အချိန်ပေါ့ - ဧည့်သည်တွေ မင်းသား မင်းသမီးတွေက တဖွဲဖွဲ လာနေပြီ - ကျနော်က သူပဲ မျှော်နေရတာ - သူက ဒီအသိုင်းအဝိုင်းက မဟုတ်တော့လေ - ပြီးတော့ ရုပ်ရှင်ရုံလည်း တခါမှ ရောက်ဖူးတာ မဟုတ်တော့ ကြောင်တိကြောင်တက် ဖြစ်မှာစိုးလို့ - မျှော်ရတာပေါ့ - အဲ့မှာ .. မျှော်.. မျှော်.. မျှော်ရင်းက ပွဲပြချိန်သာ ရောက်တယ် ဘဲက ပေါ်မလာဘူးဗျာ ၊ နောက်ဆုံးတော့.. ကျနော်လည်း ကဲ နေပစေတော့ဆို စိတ်ဖြတ်ပြီး အထဲဝင် - ကားကြည့်ကြပြီပေါ့ - စိတ်ထဲတော့ တင်းတာပေါ့ - သေချာကတိပေးပြီးမှ မလာတာကိုး - နောက် တွေ့ရင်တော့ ဖဲ့ပြီပေါ့ဗျာ ၊ ထား လိုက် တော့ ၊
အဲဒါနဲ့ ကားပြလို့လဲ ပြီးသွားရော -
ကျနော်ပဲ ဦးစီးဦးဆောင်ပြီး မင်းသားမင်းသမီးတွေနဲ့ ထိပ်ဆုံးက ထွက်လဲ ထွက်ချလာရော -
လှေကားအဆင်း တဝက်တန်းလန်းမှာ ဘဲတဗွေ လက်ရမ်းတန်းကို မှီပြီး အိပ်နေတာဗျာ - လမ်းခုလပ် လှေကားအရှင်းမှာ သူက ထင်းထင်းကြီး ဖြစ်နေတာလေ - နောက်မှာလည်း ဧည့်သည်တွေက ဆင်းလာပြီ - အဲ့တော့ ထိပ်ဆုံးက ကျနော်ကပဲ လှုပ်-နှိုး ပြီး ဖယ်ခိုင်းမယ်ဆို ကြည့်လိုက်တော့ - မှ - ဟာ ))))
#ထူးအိမ်သင် ဗျာ -
လူသွားလမ်း ခြေနင်းဘတ်ကြီးမှာ အိပ်ပျော်နေတာ ၊
ဟာ - ကျနော်လည်း အမြန်လှုပ်နှိုးပြီး
ခင်ဗျား ဘယ်လိုဖြစ်တာလဲဗျာ ဆို မေးတော့မှ -
အသံသွင်းတာ မိုးလင်းသွားတယ် တဲ့ -
ဒီမလာလဲ ကျနော်စိတ်ဆိုးမှာ စိုးတာရယ် -
အားလုံးနဲ့လည်း မျက်နှာမပျက်ရအောင်
အရောက်လာခဲ့ရင်းက
အ ခု လို -
သေ ဗျာ ဗျီ ဗျာ -
ကျနော် မျက်နှာ မပျက်ရအောင် လာ ဒါ ဒဲ့ -
ကြည့် ကြ ပါ အူးးး ‘’

ဒါရိုက်တာမိုက်တီး နဲ့ ကိုငှက် အမှတ်တရ ကို
ယခုလိုပဲ ဖော်ပြလိုက်ရပါတယ်။

( ကိုငှက် အမှတ်တရ - မိုက်တီး )
မိုက်တီး
#ထူးအိမ်သင်
#ကွယ်လွန်ခြင်း
#၂၁ပြည့်အမှတ်တရ
#ကိုငှက်
#ဝေးသွားတဲ့အခါ
#အနုပညာရှင်အစစ်များ

08/12/2025

UNDP: Peace of Mind Epi -2

Week 6

When disaster strikes, it’s people who bring hope back to life.
Our incredible UNDP volunteers are standing shoulder to shoulder with local communities, helping rebuild vital infrastructure and offer comprehensive support.

When disaster strikes, it’s people who bring hope back to life.Our incredible UNDP volunteers are standing shoulder to shoulder with local communities, helpi...

08/10/2025

အကျပ်အတည်းမှသည် သတ္တိသို့ ...........

------------------------------------------------

၂၀၂၅ မြန်မာပြည် ငလျင်ကြီး တွင် ဆုံးရှုံးမှုကိုရင်ဆိုင်ရသောအခါတွင် လူမှုအသိုင်းအဝိုင်းများသည် သတ္တိရှိပြီး ဂရုစိုက်မှုဖြင့် တိုးလာကြသည်။
UNDP စေတနာ့ဝန်ထမ်း များသည် ကျောင်းများ ပြုပြင်ခြင်း၊ ဆေးခန်းများ ပြန်လည်တည်ဆောက်ခြင်းနှင့် ဒေသခံများ၏ အနာဂတ်ကို ပြန်လည်ရရှိရန် စွမ်းဆောင်နိုင်စေရန် လမ်းပြကူညီပေးလျက်ရှိသည်။

မိမိတို့ တတ်နိုင်တဲ့ အပိုင်းက အခါအားလျော်စွာ မည်မျှပင် သေးငယ်သော လုပ်ရပ်တိုင်းသည် ကြီးမားသော အကျိုးသက်ရောက်မှုကို တိုးစေသည်။

ထို့ ကဲ့သို့ သော သင်ရဲ့စာနာမှုအင်အားကြောင့်
တောင်တွေကိုပင် ရွေ့သွားနိုင်တယ်။
လှုပ်ရှားမှုတွင်ပါဝင်ပါ။
လူအများစု အတွက် အသက်ကို မြှင့်တင်ပေးသော အထောက်အကူဖြစ်ပါစေ။

In the face of loss, communities rise with courage and care.
UNDP volunteers are helping lead the way—repairing schools, rebuilding clinics, and empowering locals to reclaim their future.
Every small act adds up to a big impact.
Your empathy can move mountains.
Join the movement. Be the helping hand that uplifts lives.

08/09/2025

တေးမြုံငှက် တေးသံရှင် ခိုင်ထူး(ကွယ်လွန်ခြင်း ၈နှစ်အထိမ်းအမှတ် အမှတ်တရ)

တေးမြုံငှက် တေးသံရှင်ခိုင်ထူး အတွက် လေးစားမှု နမြောခြင်းများစွာဖြင့် ရည်ရွယ်ပြီး သူ့ရဲ့ ရှားပါး သီချင်း "စဥ်းစား အသင်လူသား " သီချင်းဖြင့် အသက်ရှင်စဥ် နောက်ဆုံးအချိန်က မေးမြန်းခဲ့သော Bios of Legend Documentary မှ အကောင်းဆုံးသော ပုံရပ်များ ကို အမှတ်တရ ခြင်းများစွာ ဖြင့် တင်ဆက်ပေးထား ခြင်းဖြစ်ပါတယ်၊၊

တေးသံရှင် ခိုင်ထူး ပရိတ်သတ်များ အလွမ်း‌ပြေ စေရန် ရည်ရွယ်ထားပြီး အောက်မေ့ သတိတရ တန်ဖိုးထားမယ် လို့ ယုံကြည်မိပါတယ်၊၊

တေးသံရှင် ခိုင်ထူးအား သတိရသောအားဖြင့် အစဆုံး
နားဆင်ကြည့်ရှု့ပေးကြပါခင်ဗျာ။

#ခိုင်ထူး
#တေးမြုံငှက်
#ကွယ်လွန်ခြင်း
#၈နှစ်ပြည့်အမှတ်တရ
#တေးသံရှင်အစစ်များ
#အနုပညာရှင်အစစ်များ

တေးမြုံငှက် တေးသံရှင်ခိုင်ထူး အတွက် လေးစားမှု နမြောခြင်းများစွာဖြင့် ရည်ရွယ်ပြီး သူ့ရဲ့ ရှားပါး သီချင်း "စ.....

08/05/2025

" အဆိုတော်ကြီး ခင်ဝမ်း အကြောင်း သိကောင်းစရာ

ခင်ဝမ်းကို ၁၉၄၇ ခုနှစ်၊ နိုဝင်ဘာ (၂၄) ရက်၊ တနင်္လာနေ့တွင် ပဲခူးတိုင်း၊ ပြည်မြို့၌ အဖဦးအောင်ခ၊ အမိ ဒေါ်သိန်းတင် တို့က မွေးဖွားခဲ့သည်။ (ဖခင်သည် ဒုတိယ ကမ်ဘာစစ်အတွင်း မြန်မာနိုင်ငံသို့ တာဝန်ထမ်းဆောင်ရန် ရောက်ရှိလာခဲ့သော ဂျပန်လူမျိုး အင်ဂျင်နီယာဖြစ်၍ ဂျပန်အမည် "ယောရှီအိုကာ နိုရိုခိ" ဖြစ်သည်။ ခင်ဝမ်း၏ ဂျပန်အမည်မှာ "ယောရှိ အိုကာ ဆာချိအော့"ဖြစ်သည်။ အကြီးဆုံးသား ဖြစ်သည်။ ညီမ်ားမွာ (ဦးခင်တူး)+ဒေါ်ခင်မာချို(ယခု-ပြည်မြို့)၊ ဦးဝင်းထွန်း (ယခု-အိုဆာကာ) တို့ ဖြစ်ကြသည်။

၁၉၅၃- ခုနှစ်တွင် ကမေ်ဘာဇရိပ်သာကျောင်း (ယခု အလက-၁ ပြည်မြို့)တွင် ပညာ စတင်သင်ယူပြီး၊ အလယ်တန်းတွင် A.B.M မြန်မာနှစ်ခြင်း ခရစ်ယာန်ကျောင်း (ယခု-အ.ထ.က-၃ ပြည်မြို့) တွင် ပညာသင်ယူခဲ့သည်။ ငယ်စဉ်ကတည်းကပင် ပန်းချီ၊ ဂီတ၊ ကဗ်ာ၊ စာပေတို့ကို စိတ်ဝင်စားခဲ့သည်။ ၁၉၆၂ ခုနှစ်တွင် (၉) တန်းတွင် ရန်ကုန်မြို့ U.C.H.S (ယခု အ.ထ.က ၄ အလုံ) တွင် ကျောင်းအိပ် ကျောင်းစားဘဝဖြင့် ပညာသင်ခဲ့သည်။၁၉၆၅ ခုနှစ်တွင် ပြည်မြို့ အမှတ် (၁) ကျောင်းမှ (၁၀) တန်း အောင်မြင်ခဲ့သည်။ ၁၉၆၅-၆၆ ပညာသင်နှစ်တွင် ရန်ကုန် တက္ကသိုလ်၌ သတ္တဗေဒ အဓိကဖြင့် ပညာသင်ယူပြီး ရွှေဘိုဆောင်၌ အဆောင်ကျောင်းသားအဖြစ် နေထိုင်ပြီး စာဖတ်၊ စာရေး၊ ဂစ္တာတီး၊ သီချင်းဆို၊ ပန်းချီဆွဲရင်း ပျော်ရွှင်စွာ ဖြတ်သန်းခဲ့သည်။ ပီယာနိုဆရာမ်ားမွာ ဦးကြည်သာနှင့် စန္ဒရား ဦးထွန်းညွှန့်တို့ ဖြစ်ကြသည်။

၁၉၆၆-၆၇ တွင် ရန်ကုန် တက္ကသိုလ် နှစ်ပတ်လည် စာစောင်၌ "ကျွန်တော် လူဆိုးခင်ဝမ်း" ဝတၳုတိုကို ရေးသားခဲ့သည်။

၁၉၆၉ ခုနှစ် ဇူလိုင်လ ကျောင်းပန်းချီပြပွဲတွင် သူ၏ ပန်းချီကားများစတင် ပြသခဲ့သည်။ ၁၉၆၉ စက်တင်ဘာလ တတိယနှစ်တွင် ဒေါ်ခင်လေးမြင့်နှင့် လက်ထပ်ခဲ့သည်။ ယင်းနောက် ပန်းချီဆရာဘဝဖြင့် နေထိုင်ခဲ့သည်။ ၁၉၇၀ တွင်သမီးကြီး "ပွင့်ဖြူသီ" ကို မွေးဖွားခဲ့သည်။ ၁၉၇၁ ဇွန်လတွင် ဒုတိယ သမီး"ပွင့်မှုန်သီ" ကို မွေးဖွားခဲ့သည်။

သရုပ်ဖော်ရေးသားခဲ့သောဝတ္တုများ
၁၉၇၁ ခုနှစ်၊ ဇန္နဝါရီလ၌ "စိတ္တဇပန်းချီ" စာအုပ်ကိုရေးသားထုတ်ဝေခဲ့သည်။ ဇွန်လတွင် "မိုးဝေ" မဂ္ဂဇင်းတွင် တရုတ်စာရေးဆရာ မောထွန်း၏ "Episode" ဝတၳုကို "ဘဝကြေးမုံ" အမည်ဖြင့် ဘာသာ ပြန်ခဲ့သည်။ ဝတၳုသရုပ်ဖော်ပုံကို ကိုယ်တိုင်ရေးဆွဲခဲ့ပြီး "စံကြည်ကြော့"ကလောင်အမည်ဖြင့် ပြန်ဆိုခဲ့ခြင်း ဖြစ်သည်။ ဇူလိုင်လတွင် မိုးဝေမဂ္ဂဇင်းတွင် ယင်းကလောင် အမည်ဖြင့်ပင် အဲလ္ဘတ္ကမူး၏ "The Guest"ဝတၳုကို "ဧည့်သည်ကြီး" ဟု အမည်ပေးကာ ကိုယ်တိုင် သရုပ်ဖော်ရေးသား ပြန်ဆိုခဲ့သည်။ ၁၉၇၂ ခု မတ်လတွင် ပြည်သူ့ကြယ် ဂျာနယ်၌ "အော်တိုမက်တစ် စီးဇင်း"ပန်းချီဆောင်းပါး ရေးသားခဲ့သည်။ ဧပြီလတွင် ဖြူ၊ နီ၊ ညို၊ ပြာ မဂ္ဂဇင်းတွင်"စာရေးဆရာတစ်ယောက်နှင့် ပန်းချီကားများ အကြောင်း" အမည်ဖြင့် အမေရိကန်စာရေးဆရာမ "ဂါးထရု စတိန်း" အကြောင်း ရေးသားခဲ့သည်။

ပန်းချီအနုပညာလှုပ်ရှားမှု
ဩဂုတ္လ (၆) ရက်တွင်"မျက်နှာစိမ်း တကိုယ်တော် ပန်းချီပြပွဲ"ကို သိမ်ဖြူလမ်း ဆရာဝန်များအသင်းတိုက်၊ ရန်ကုန်တွင် ပြသခဲ့သည်။ ၁၉၇၃ ဇူလိုင်လတွင် တတိယသမီး "ဇူလိုင်သီ" ကို မွေးဖွားခဲ့သည်။"မြားဘုရင်" တစ်ကိုယ်တော် ပန်းချီပြပွဲကို ရန်ကုန်မြို့ "လောကနတ်" ပန်းချီပြခန်းတွင် ပြသခဲ့ပြီး မော်ဒန်အတ်နှင့် ပတ်သတ်သောစာတမ်းများကိုလည်း ရန်ကုန်မြို့ ဂျူဗလီဟောလ်တွင် ဖတ်ကြားခဲ့ဖူးသည်။ ၁၉၇၃-၇၄ ခုနှစ်တွင် "ပဉ္စမဇင်္ဂမီ" စုပေါင်းပန်းချီပြပွဲတွင် ပါဝင်ပြသခဲ့သည်။ ၁၉၇၃-၇၅ တွင် "အရှေ့ရွာ"ဂယ္လာရီကို ဦးကြည်တွဲနှင့် အတူစတင် တည်ထောင်ခဲ့သည်။ ရန်ကုန်မြို့ ၃၃ လမ်းတွင်လည်း အနုပညာသင်တန်း တစ်ခုဖွင့်လှစ်ခဲ့ပြီး ကျောင်းအုပ်မှာ ဦးစိန်ခင်မောင်ရီ၊ ဂီတသင်တန်းဆရာမှာ စောင်းကိုသိန်းဖေ၊ ပန်းချီသင်တန်းဆရာအဖြစ် ခင်ဝမ်းက သင်ကြားပေးခဲ့သည်။

လေ့လာရေးခရီးနှင့်ထုတ်ဝေခဲ့သောတေးစီးရီးများ
၁၉၇၅ ခုနှစ်တွင် ပန်းချီပညာ လေ့လာရန် ရည်ရွယ်ချက်ဖြင့် ဂျပန်နိုင်ငံသို့ ထွက်ခွာခဲ့သည်။ ၁၉၇၆ ခုနှစ်တွင် စတုတၳသမီး "မြင့်ခိုင်သီ" ကို မွေးဖွားခဲ့သည်။ ၁၉၇၇ ခု၊ နိုဝင်ဘာလတွင် မန္တလေးမြို့ ပန်တျာကျောင်း၌ "ယဉ်ကျေးမှုနှင့်အနုပညာအကြောင်း" ဟောပြောခဲ့သည်။၁၉၇၈ ခုနှစ်တွင် "နှင်းဆီဖြူရဲ့ အေဝးက လူတစ်ယောက်" တေးစီးရီးကိုကိုယ်တိုင်ရေးသား သီဆိုထုတ်ဝေခဲ့သည်။ ပြည်မြို့မှ "သက္တံတံတား"တီးဝိုင်းဖြင့် တီးခတ်ခဲ့ပြီး တိတ်ခွေကာဗာကိုလည်း ကိုယ်တိုင်ရေးဆွဲခဲ့သည်။

၁၉၇၉ ခုနှစ်တွင် "လောကနတ်" ဂယ္လာရီ(ရန်ကုန်)၌ "ဒြပ်မဲ့ တစ်ကိုယ်တော်ပန်းချီပြပွဲ" ကို ပြသခဲ့သည်။ "ပြည်မှာဆောင်း" စီးရီးကိုလည်းကိုယ်တိုင်ရေးသား သီဆိုထုတ်ဝေခဲ့သည်။ သူ့ဇနီး ဒေါ်ခင်လေးမြင့်၏ "သမုဒ္ဒရာတေးထုတ်လုပ်ရေး" အမှတ် (၁၀)၊ တတိယ သွမ်မဆင်ရိပ်သာ (ရန်ကုန်) မှထုတ်ဝေခြင်းဖြစ်သည်။

၁၉၈၁ တွင် "ပန်းနုရောင် ခံစားချက်များ" တေးစီးရီးကို ကိုယ်တိုင်ရေးသားသီဆိုထုတ်ဝေခဲ့သည်။ ကိုနေဝင်းနဲ့ စောဂျက်ဆင် ရေးသားသော " မ ငိုမိတယ်" နှင့် ကိုမောင်မောင် (အဉ္ဇလီ မောင်မောင်)ရေးသားသော "မရွိခဏ" သီချင်းများ ပါဝင်သည်။ ၁၉၈၂ ခုနှစ်တွင် ကဗ်ာ၊ စာပေ၊ ပန်းချီ၊ ဂီတ သမားများနေထိုင်ရာ ရန်ကုန်တက္ကသိုလ်အနီး ခရမ်းပြာအဆောင်တွင် နေထိုင်ခဲ့ပြီး "ည" စီးရီးကို ကိုယ်တိုင် ရေးသား သီဆိုထုတ်ဝေခဲ့သည်။

၁၉၈၄ တွင်လည်း "လိပ်ပြာလွင်ပြင်" တေးစီးရီးကို ကိုယ်တိုင်ရေးသား သီဆို ထုတ်ဝေခဲ့ပြန်သည်။ Teelh အဖွဲ့တီးဝိုင်းဖြင့် တီးခတ်ခဲ့ကာ တိတ်ခွေကာဗာကို ကိုယ်တိုင်ရေးဆွဲခဲ့သည်။ ထိုနှစ်မှာပင် "တဖန်ပြန်လည် ဖြတ်သန်းခြင်း"စီးရီးကိုသီဆိုထုတ်ဝေခဲ့သည်။ သီချင်းဟောင်းများကို ပြန်လည် တီးခတ်သီဆိုခဲ့ခြင်း ဖြစ်သည်။ ၁၉၈၅ တွင် "ကစားမလား နားမလား" စီးရီးကို ကိုယ်တိုင်ရေးသား သီဆိုထုတ်ဝေ ခဲ့သည်။ (Teelh တီးဝိုင်းအဖွဲ့ဖြင့် တီးခတ္ကာ ကလပ္စစ္ကယ္ဂစ္တာ- ကိုနေဝင်း၊ ကိုမောင်မောင်၊ ဘေ့စ်ဂစ်တာ-ကိုရဲလွင်တို့က ကူညီတီးခတ်ခဲ့သည်။) ထိုနှစ်မှာပင် "ပန်းခရမ်းပြာ" စီးရီးကိုသီဆိုထုတ်ဝေခဲ့သည်။ (မဇ္ဈိမလှိုင်း တီးဝိုင်းဖြင့် တီးခတ်ခဲ့ပြီး ကိုနေဝင်း၊ ကိုရဲလွင်၊ မောင်သစ်မင်းတို့၏ သီချင်းများကို သီဆိုခဲ့သည်။ ၁၉၈၆ တွင် "ခင်ဝမ်းလက်ရွေးစင်" တေးစီးရီးကို သီဆိုထုတ်ဝေခဲ့သည်။

ဆောင်းပါးများနှင့်ဘာသာပြန်ကဗျာများ
၁၉၈၇ စက်တင်ဘာတွင် "စပယ်ဖြူ" မဂ္ဂဇင်းတွင် "ဂီတနှင့် သူရဿတီ" ဆောင်းပါးကိုရေးသားခဲ့သည်။ ၁၉၈၈ ဇြန္လ "နွေဦးကဗျာ" မဂ္ဂဇင်းတွင် "မဟာသံခ ဂန္ဓာရီ" ကဗ်ာကို ပါဠိဘာသာဖြင့် ရေးသားပြီး မြန်မာဘာသာ ပြန်ဆိုခဲ့သည်။ ၁၉၉၁ တွင် "အမှောင်ကို ထွန်းညှိမယ့် မီးအိမ်" စီးရီးကို သီဆိုထုတ်ဝေခဲ့သည်။ (ကိုနေဝင်း တစ်ကိုယ်တော် ရေးသားသော သီချင်း ၁၂ ပုဒ်ပါဝင်ကာ မဇ္ဈိမလှိုင်း တီးဝိုင်းဖြင့် တီးခတ်ခဲ့သည်။) ၁၉၉၂ စက်တင်ဘာ "စံပယ်ဖြူ" မဂ္ဂဇင်းတွင် "ဂီတ"ဟူသော ဆောင်းပါးကို ရေးသားခဲ့သည်။ ၁၉၉၃ "ပင်လယ်" စာပေနှင့် အနုပညာ မဂ္ဂဇင်း အမှတ် (၂) တွင် "အော်တိုမက်တစ်စီးဇင်း"ပန်းချီဆောင်းပါးကိုပြန်လည်ဖော်ပြခဲ့သည်။ ၁၉၉၄ တွင် "လိုတရအကြည့်" တေးစီးရီးကို ကိုယ်တိုင်ရေးသား သီဆိုထုတ်ဝေခဲ့သည်။ (မဇ္ဈိမလှိုင်း တီးဝိုင်းဖြင့် တီးခတ္ကာ "ဘယ်ဆီဘယ်ဝယ်" "မြစ်" နှင့် "သိနှင့်တော့" ၃ ပုဒ်မှ လြဲ၍ သီချင်းသစ်များ ဖြစ်သည်။) (၈) နှစ်ကြာအချိန်ယူခဲ့သော စီးရီးဖြစ်သည်။ ထိုနှစ် ဖေဖော်ဝါရီလတွင် "ထောင့်မှန်မီးအိမ်" ပန်းချီပြပွဲ (ဒုတိယအကြိမ်) ကို မန္တလေးမြို့၌ အခြားပန်းချီဆရာများနှင့်အတူ ပါဝင်ပြသ ခဲ့သည်။ ထိုနှစ် အောက်တိုဘာ "သရဖူ" မဂ္ဂဇင်းတွင် "ကျောင်းသွားချိန်" ကဗ်ာကို ရေးသားခဲ့သည်။ ၁၉၉၅ တွင် "စိတ်ကြိုက်ပြန်ဆိုတေး" စီးရီးကို ထုတ်ဝေခဲ့သည်။ ကိုနေဝင်းရေးသည့် "လွမ်းရတဲ့ညတွေလွန်ပါစေ"၊ ကိုရဲလွင် ရေးသားသော "ပန်းခရမ်းပြာ"၊ "နဒီမင်္ဂလာ" နှင့် သူ၏ ကျော်ကြားသော တေးများပါဝင်ပြီး မဇ္ဈိမလှိုင်း တီးဝိုင်းဖြင့် တီးခတ်ခဲ့သည်။ ထိုနှစ်တွင်ပင်ကိုကျော်စိုးနှင့်အတူ "Dans La Rue" ကဗ်ာကို ပြင်သစ်ဘာသာဖြင့် ရေးဖွဲ့ပြီး "လမ်းပေါ်မှာ" အမည်ဖြင့် မြန်မာပြန်ခဲ့သည်။ မေလ၊ ဇြန္လ၊ ဇူလိုင်လ နှင့် စက်တင်ဘာလတို့တွင် "ရွက်နုဝေ" မဂ္ဂဇင်း၌ "ဗဂျီအောင်စိုး၏ ရိုးရာမွ ခေတ်သစ်သို့ (ပြန်လည်ဆန်းသစ်ခြင်း)" ဆောင်းပါးရှည်ကိုရေးသားခဲ့သည်။ ၁၉၉၇ တွင် "မင်းလျှောက်တဲ့လမ်း" တေးစီးရီးကို ကိုယ်တိုင်ရေးသား သီဆိုထုတ်ဝေခဲ့သည်။ မဇ္ဈိမလှိုင်း တီးဝိုင်းဖြင့် တီးခေတ်ပြီး သီချင်းသစ် ၄ ပုဒ်ပါဝင်သည်။) ထိုနှစ် မေလတွင် ရန်ကုန်မြို့ IVY ဂယ္လာရီ၌ "Metallurgy" တစ်ကိုယ်တော် ပန်းချီပြပွဲကို ပြသခဲ့သည်။ ဂျပန်မိတ်ဆွေ "Tazoe Kazuo" ဂျပန်ဘာသာဖြင့် ရေးသားထားသော ကဗ်ာကို "My Mind" အမည်ဖြင့် အင်္ဂလိပ်ဘာသာသို့ ပြန်ဆိုခဲ့သည်။

ကွယ်လွန်ချိန်
၂၀၀၀ ပြည့်နှစ် ဖေဖော်ဝါရီလ (၃) ရက်၊ ကြာသပတေးနေ့တွင် ရန်ကုန်မြို့၌ ကွယ်လွန်ခဲ့ပြီး ဇနီး ဒေါ်ခင်လေးမြင့်၊ သမီး-ပွင့်ဖြူသီ၊ ပွင့်မှုန်သီ၊ ဇူလိုင်သီ၊ မြင့်ခိုင်သီနှင့် မြေး-အောင်မြင့်ထွန်းတို့ ကျန်ရစ်ခဲ့သည်။

ထင်ရှားကျော်ကြားသောသီချင်းများ
နှင်းဆီဖြူရဲ့ အဝေးကလူတစ်ယောက်
ပြည်မှာဆောင်း (၁၉၇၉)
အိပ်မက်
စိတ်ကြိုက်ပြန်ဆိုတေး
ပန်းခရမ်းပြာ
အမှောင်ကို ထွန်းညှိမယ့်မီးအိမ်
လိုတရ အကြည့်
မင်းလျှောက်ခဲ့တဲ့လမ်း
ခင်ဝမ်း အကောင်းဆုံးသီချင်းများ
ခင်ဝမ်း လက်ရွေးစင်
ခင်ဝမ်း လက်ရွေးစင်(၂)
တဖန်ပြန်လည်၍ ဖြတ်သန်းခြင်း
သူ၏ သီချင်းများအနက် - နှင်း ၊ ဧရာဝတီ၊ နှုတ်ဆက်ခဲ့ပါတယ်၊ အေမ၊ ပြည်မှာဆောင်း၊ ဆယ်လ်မွန်ငါးတို့အပြန်၊ မြားဘုရင်၊ ခုနစ်ပြည်ထောင်၊ မျှော်တလင့်လင့်၊ ပန်းခရမ်းပြာ (ကိုရဲလွင်)၊ နဒီမင်္ဂလာ (ကိုရဲလွင်)၊ လွမ်းရတဲ့ညတွေ လွန်ပါစေ(ကိုနေဝင်း) တို့မွာ ကျော်ကြားသည်။

သူ၏ အနှစ်သက်ဆုံးတေးသီချင်းများမှာ- နှင်း၊ ပြည်မှာဆောင်း၊ သက္ထား၊ မြစ်တို့ဖြစ်ကြသည်။ သူ၏ စံပြဂီတသမား (၂)ဦးမွာ စန္ဒရား ကိုသန်းလှိုင် နှင့် ဘလူးစ္ဂစ္တာ သမား ဘီဘီကင်း တို့ဖြစ်သည်။ သူ၏ ဂစ်တာလက်ဦးဆရာမှာ ဂျွန်စတီးဖြစ်ပြီး သူ၏ လက်ရွေးစင်အခွေများမှာ "ခင်ဝမ်းလက်ရွေးစင် (၂)" နှင့် " နှုတ်ဆက်ခဲ့ပါတယ် ဧရာဝတီ" တို့ ဖြစ်သည်။


#ခင်ဝမ်း

#တေးသံရှင်
#အနုပညာရှင်အစစ်များ



#