09/25/2025
افتخار احمد ملک کے مطابق پڑیال گاؤں بدل رہا ہے پہلے آر او پلانٹس صاف ستھرا ماحول گرین سرسبز ماحول دیگر تمام بنیادی سہولیات ایمبولینسز سروسز فاطمہ الزہرا زچہ و بچہ اسپتال اور اب پڑیال ویلفیئر کی مشترکہ کاوش سے ایک اور سنگ میل وعدوں سے تکمیل تک رپورٹ مرکزی مجلس عاملہ پڑیال ویلفئیر سوسائٹیپڑیال میں بائیو گیس پلانٹس کی تنصیب پڑیال کی تاریخ میں ترقی و خوشحالی کا ایک نیا باب رقم ہو رہا ہے۔وہ عہد جو اہلیانِ پڑیال سے کیا گیا تھا، آج حقیقت کا روپ دھار رہا ہے۔قرعہ اندازی کے ذریعے منتخب ہونے والے 15 خوش نصیب گھرانوں کو بائیو گیس پلانٹس فراہم کرنے کا عمل باضابطہ طور پر شروع ہو چکا ہے، اور یہ منصوبہ اب خواب سے نکل کر حقیقت کی دنیا میں داخل ہو رہا ہے۔پہلے مرحلے میں 3 بائیو گیس پلانٹس پڑیال پہنچ چکے ہیں اور ان کی تنصیب جاری ہے۔ یہ پلانٹس درج ذیل گھرانوں میں نصب کیے جا رہے ہیں:1. چوہدری جمیل لدھوال2. چوہدری عبد القیوم نمبردار3. چوہدری عامر للخنالان شاء اللہ اگلے ماہ تک باقی 12 پلانٹس بھی پہنچا دیے جائیں گے اور منصوبے کی تکمیل کے ساتھ مزید گھرانے اس سہولت سے فائدہ اٹھائیں گے۔ہر پلانٹ یومیہ دو سے تین گھروں کی گیس کی ضروریات پوری کرنے کی صلاحیت رکھتا ہے۔ یہ سہولت نہ صرف گھریلو اخراجات کم کرے گی بلکہ ماحول دوست توانائی کے فروغ میں بھی ایک سنگِ میل ثابت ہوگی۔یہ کامیابی پڑیال ویلفیئر سوسائٹی اور رورل ڈیولپمنٹ فاؤنڈیشن کی مشترکہ کاوشوں کا نتیجہ ہے۔ ان شاء اللہ یہ سفر یہیں نہیں رکے گا، بلکہ جلد ہی پڑیال کے مزید زمیندار گھرانے بھی اس سہولت سے مستفید ہوں گے۔پڑیال ویلفیئر سوسائٹی ہمیشہ سے اپنے گاؤں کے عوام کی فلاح و بہبود کے لیے کوشاں ہے۔ چاہے وہ صاف پانی کی فراہمی ہو، تعلیمی سہولیات و ہنرمندی کا فروغ، صحت کے کیمپس کا انعقاد ہو یا فلاحی منصوبے، سوسائٹی نے ہر موقع پر ثابت کیا ہے کہ یہ ادارہ صرف وعدے نہیں کرتا بلکہ ان وعدوں کو حقیقت میں ڈھالتا ہے۔یہ بائیو گیس منصوبہ بھی سوسائٹی کی اسی سنجیدہ محنت اور لگن کا روشن ثبوت ہے جو آنے والی نسلوں کے لیے ایک پائیدار اور ماحول دوست مستقبل کی بنیاد رکھتا ہے۔ایس اقبال چوہدری
