Third Eye

07/29/2026

මාතර ගාලු පාරේ හරිස්චන්ද්‍ර ඉන්ධන පිරවුම්හල අසල ප්ලාස්ටික් බඩු අලවි සැලක ගින්නක්!

07/29/2026

කෝපය කියන්නේ ගින්නක්. ඒ ගින්න ඇවිළුණාම ලේ නෑකම්, ආදරය, සෙනෙහස මේ කිසිම දෙයක් පේන්නේ නැති තරමටම මිනිස්සුන්ගේ හිත් අන්ධ වෙනවා. ඒ විදිහට ක්ෂණික කෝපය නිසා තමන්ගේම පවුලක් විනාශ කරගත්ත ඉතාමත් සංවේදී වගේම ඛේදනීය පුවතක් ඊයේ (28) ගම්පොල, කීරපනේ ප්‍රදේශයෙන් අපට අහන්න ලැබුණා.

මේ අවාසනාවන්ත සිදුවීමෙන් අකාලයේ ජීවිතයෙන් සමුගෙන තියෙන්නේ ගම්පොල කීරපනේ ප්‍රදේශයේ පදිංචිවෙලා හිටපු අවුරුදු 52ක පුද්ගලයෙක්.

තමන්ගේම නිවස ඇතුළේදී තමයි මේ ශෝචනීය ඉරණමට ඔහුට මුහුණ දෙන්න සිද්ධ වෙලා තියෙන්නේ. සිද්ධිය ගැන පණිවිඩයක් ලැබුණු ගමන්ම ගම්පොල පොලිසිය එතැනට ගිහින් ලේ පෙරාගෙන වැටිලා හිටපු මේ තුවාලකරුව වහාම ගම්පොල රෝහලට අරගෙන ගිහින් තියෙනවා. ඒත් ඒ වෙද්දිත් ප්‍රමාද වැඩියි... ඒ ජීවිතය ඒ වෙද්දිත් සදහටම මේ ලෝකෙන් සමුගෙන ගිහින් ඉවරයි කියලා තමයි රෝහලේදී තහවුරු කරලා තියෙන්නේ.

මේ කතාවේ වඩාත්ම සංවේදී සහ කනගාටුදායක තැන තමයි මේ ඝාතනය කරලා තියෙන්නේ පිටස්තර සතුරෙක් නෙවෙයි, මියගිය පුද්ගලයාගේම සහෝදරියගේ පුතා (බෑනා) වීම.

පොලිසිය කියන විදිහට, මාමා සහ බෑනා අතර ඇතිවුණු යම්කිසි ආරවුලක් දුරදිග ගිහින් තමයි මේ ඛේදවාචකය සිද්ධවෙලා තියෙන්නේ. කෝපය පාලනය කරගන්න බැරි වුණු අවුරුදු 43ක් වයසැති මේ බෑනා, කිසිම අනුකම්පාවක් නැතුව තමන්ගේම ලේ නෑයා වෙන මාමාට මන්නා පිහියකින් අමානුෂික විදිහට පහර දීලා තියෙනවා.

මේ වෙද්දී මේ ඝාතනය සිදුකරපු සැකකාර බෑනාව ගම්පොල පොලිසිය විසින් අත්අඩංගුවට අරගෙන තියෙනවා. ඒ වගේම පොලිසිය මේ ගැන වැඩිදුර පරීක්ෂණත් දිගටම කරගෙන යනවා.

එක මොහොතක ආපු තරහක් නිසා අද එක පවුලක එක ජීවිතයක් සදහටම පස් යටට යනකොට, තවත් ජීවිතයක් යකඩ කූරු පිටිපස්සට යන්න සිද්ධ වෙලා. ලේ නෑකමට වඩා කෝපය බලවත් වුණු මේ වගේ අවාසනාවන්ත සිදුවීම් අපිට කියලා දෙන්නේ, තරහව කියන්නේ අපේ ජීවිත ක්ෂණයකින් කණපිට හරවන්න පුළුවන් කොච්චර දරුණු දෙයක්ද කියන පාඩම නේද?

07/28/2026

රටම උණුසුම් කල දෙවීනුවර කාවඩි ප්‍රශ්නය විසදයි...ඒකටත් කොටසකගේ විරෝධය...

දෙවිනුවර උත්පලවණ්ණ ශ්‍රී විෂ්ණු දේවාලයේ අද (28) පැවැත්වීමට නියමිත 06 වැනි පේලි පෙරහැරට පොලිස් පාලනයක් යටතේ සියලුම කාවඩි කණ්ඩායම් වලට යාමට අවසර ලබා දීමට තීරණය කල බව මහජන ආරක්ෂක අමාත්‍ය ආනන්ද විජේපාල මහතා අද (27) සවස මාතර දී පැවසීය.

ඒ අනුව ගිය වසරේ ගමන් කල සියලු කාවඩි කණ්ඩායම් වලට එම අවසරය හිමි වන බවද ඔහු කීවේය.

ඒ මහතාගේ ප්‍රධානත්වයෙන් පැවති දෙවිනුවර දේවාලයේ කාවඩි අර්බුදය පිළිබඳ සාකච්ඡාවෙන් අනතුරුව කැදවු මාධ්‍ය සාකච්ඡාවේ දී ඔහු ඒ බව කීය.

මෙම සාකච්ඡාව සඳහා මාතර දිස්ත්‍රික් පාර්ලිමේන්තු මන්ත්‍රී අජන්ත ගම්මැද්දගේ,මහජන ආරක්ෂක අමාත්‍යංශයේ ලේකම් රවී සෙනවිරත්න,පොලිස්පති ප්‍රියන්ත වීරසූරිය,දකුණු පලාත පලාත භාර ජේෂ්ඨ නියෝජ්‍ය පොලිස්පති කිත්සිරි ජයලත්,මාතර මහ දිසාපති චන්දන තිලකරත්න යන මහත්වරු ඇතුළු ආරක්ෂක ප්‍රධානීන් පිරිසක් හා කාවඩි කණ්ඩායම් නියෝජිතයින් පිරිසක් සහභාගී වූහ.

දෙවිනුවර මහා දේවාලයේ හා කතරගම මහ දේවාලයේ බස්නායක නිලමේ තිළිණ මධුශංක මහතා සූම් තාක්ෂණය ඔස්සේ ඊට සහභාගී වී සිටියේය.

එහිදී වැඩිදුරටත් අදහස් දැක් වු මහජන ආරක්ෂක අමාත්‍ය ආනන්ද විජේපාල මහතා මෙසේද කීය.

“බුද්ධි අංශ විසින් ලබා දී තිබු තොරතුරු පදනම් කර ගනිමින් කාවඩි කණ්ඩායම් අතර අභ්‍යන්තර ගැටුමක් හා මහජන පීඩාවක් සිදු විය හැකි දෙයක් සිදුවිය හැකි නිසා කාවඩි අංගය ඉවත් කිරීමට පොලීස්පතිතුමා මාතර මහ දීසාපතිතුමා වෙත නිර්දේශ කර තිබුණා.ඉන් අනතුරුව ඒ පිළිබඳව බස්නායක නිලමේතුමා ඇතුළු පාර්ශ්ව රැසකින් ඉල්ලීම් ලැබුණා යලිත් ඒ ගැන සාකච්ඡාවට ලක් කරන ලෙස.ඒ අනුවයි අපි මාතරට පැමිණ සියලු පාර්ශ්ව කැදවා සාකච්ඡා කොට අවසන් තීරණයක් ගනු ලැබුවේ.
අතිරේක පොලීස් බල ඇණි කැදවා විශේෂ ආරක්ෂක සැලැස්මකට අනුව සියලුම කාවඩි කණ්ඩායම් වලට අවස්ථාව සලසා දෙන්න එහිදී තීරණය කලා.අශෝභන ලෙස හැසිරෙන කණ්ඩායම් ඉවත් කිරීමටත් පොලිස් පාලනයකට යටත්ව දෙමාපියන් දරුවන් ඇතුළු සියලු දෙනාට නරඹන්න පුලුවන් ආකාරයට එම කාවඩි අංගය පවත්වන්නත් තීරණය කලා.

පෙර වර්ෂයේ පැවති ආකාරයට පෙරහැරේ පෞරාණික හෝ ගෞරවණීයත්වයට හානියක් සිදු නොවන ලෙස එය පවත්වන්නට තීරණය කලා.සියලු ආරක්ෂක විධි විධාන තර කර තිබෙනවා.ඒ නිසා ජනතාවට අනවශ්‍ය බියකින් තොරව පෙරහැර නැරඹීමට අවශ්‍ය අවස්ථාව සලසා දී තිබෙනවා.රටේ පවතින නීතිය මේ පෙරහැරටත් වලංගුයි.සියලු දෙනාට සුරක්ෂිත පෙරහැරක් පැවැත්වීමට පොලීසිය වග බලා ගෙන තිබෙනවා.”

මාතර ජේෂ්ඨ පොලිස් අධිකාරී වසන්ත ජයමිණි කුමාර,සහකාර පොලිස් අධිකාරී චන්දන විජේසේකර,ගන්දර පොලීසියේ ස්ථානාධිපති ජයලත් යන මහත්වරු ද පොලිස් විශේෂ කාර්ය බලකායේ අණදෙන නිලධාරීවරයා ඇතුළු පිරීසක් ද මෙම සාකච්ඡාවට සහභාගී වූහ.

දෙවිනුවර කාවඩි පෙරහැර සඳහා කණ්ඩායම් 25 ක් පමණක් එක් කර ගැනීමට එහි බස්නායක නිලමේ තිළිණ මධුශංක මහතා ඇතුළු පෙරහැර කමිටුව මීට පෙර තීරණය කර තිබුණි.

ඊට පක්ෂව හා විපක්ෂව විරෝධතා දෙකක් පසුව දෙවිනුවර නගරයේ දී පවත්වන ලදි.

ඉන් අනතුරුව මෙවර හය වැනි පේලි පෙරහැරට ගියවර සහභාගී වු සියලුම කණ්ඩායම් එක් කර ගන්නා ලෙසත් එසේ නොවුනහොත් බස්නායක නිලමේ තිළිණ මධුශංක මහතාගේ අවසන් පෙරහැර මෙය බවත් පාතාල කල්ලි නායක කංජිපානී ඉම්රාන් නැමැත්තා බව කියන පුද්ගලයෙකු හඩ පටයක් සමාජ මාධ්‍ය වෙත මුදා හැර තිබුණි.

පසුව දෙවිනුවර දෙහිබාලේ මල්ලී නැමැත්තා ඊට අභියෝග කරමින් වලවල් 10 ක් සූදානම් කර ගන්නා ලෙසට කංජිපානී ඉම්රාන් නැමැත්තාට අභියෝග කලේය.

එම අභියෝගයන් පසු දෙවිනුවර දේවාලය පිටුපස නිවසකට වෙඩි ප්‍රහාරයක් එල්ල විය.
එහි වගකීම දෙහිබාලේ මල්ලී නැමැත්තා භාර ගත් බවට හඩපටයක් සමාජ මාධ්‍ය වෙත එක් කර තිබුණි.

කංජිපානි ඉම්රාන් ,දෙහිබාලේ මල්ලී හා උණාකූරුවේ ශාන්ත යන පාතාල කල්ලි අතර ඇති වී තිබෙන ගැටුමක් සමග කාවඩි අංගය ඉවත් කිරීමට පොලිස්පතිවරයා පෙරේදා (26) නිර්දේශ කර තිබුණි.

පසුව එම තහනම පිළිබඳව රට තුල දැඩි කතාබහක් පැවති අතර ඉන් අනතුරුව මෙම සාකච්ඡාව පවත්වා සියලු කාවඩි කණ්ඩායම් වලට අවස්ථාව ලබා දීමට තීරණය විය.

එහෙත් එම තීරණයට කාවඩි සංසදයේ නියෝජිතයින් සිය විරෝධය හා අප්‍රසාදය පල කර සිටියේය.

07/26/2026

මව් සෙනෙහස කියන්නේ ලෝකයේ තියෙන උතුම්ම සම්පතක්. ඒ සෙනෙහස කැටි කරගෙන, තමන්ගේ දරුවන්ගේ අනාගතය වෙනුවෙන් විදෙස් ගතවෙලා දුක් මහන්සි වුණු අම්මා කෙනෙකුට, යළිත් ලංකාවට ඇවිත් දරුවනුත් එක්ක සතුටින් ඉන්න ලැබුණේ දවස් කිහිපයක් විතරයි. මුළු ප්‍රදේශයක්ම කඳුළක ගිල්වූ මේ ශෝචනීය කතාව ඇහෙන්නේ දඹුල්ල - මාතලේ ප්‍රධාන මාර්ගයේ කපුවත්ත ප්‍රදේශයෙන්.

මෙලෙස අවාසනාවන්ත ලෙස මියගොස් ඇත්තේ දඹුල්ල කපුවත්ත ප්‍රදේශයේ පදිංචි 46 හැවිරිදි ඩී.එම්. දිලානී අරෝෂා නමැති සිව්දරු මවක්. දරුවන් වෙනුවෙන් කුවේට් රාජ්‍යයේ ගෘහ සේවිකාවක් ලෙස සේවය කරලා, ඇය ලංකාවට ඇවිත් තිබුණේ පසුගිය 08 වැනිදා.

පවුලේ අය සූදානම් වෙලා හිටියේ ලොකු දරුවාට තියෙනවා කියන අපලයක් වෙනුවෙන් කතරගම ගිහින් භාරයක් ඔප්පු කරන්නයි. ඊයේ (25) පස්වරුවේ, රාත්‍රී කෑම එක හදාගන්න අවශ්‍ය කළමනා ගේන්නත් එක්ක, අම්මා දරුවන් දෙන්නත් එක්ක පාර අයිනේ රැඳී සිටියා. ඒ වෙළෙඳසැලට යන්න බලාපොරොත්තුවෙන්.

එහෙම ඉන්නකොට මාතලේ ඉඳන් දඹුල්ල පැත්තට අධික වේගයෙන් ආපු ටිපර් රථයක්, එකපාරටම රියදුරුට පාලනය කරගන්න බැරිව මාර්ගයෙන් ඉවතට පැනලා මේ අම්මාවයි දරුවන් දෙන්නවයි යට කරගෙන ගියා. කිසිම දෙයක් හිතාගන්නත් කලින් දරුවන්ගේ ඇස් ඉදිරිපිටම ඒ ආදරණීය අම්මා එතැනම අවසන් හුස්ම හෙළුවේ කාගෙත් හිත් කම්පනයට පත් කරමින්.

මේ බිහිසුණු අනතුරින් බරපතළ තුවාල ලැබූ දරුවන් දෙදෙනා දඹුල්ල මූලික රෝහලට ඇතුළත් කරලා තියෙනවා. ඉන් වැඩිමහල් දරුවා (මෙවර උසස් පෙළ විභාගයට මුහුණ දීමට සිටින දරුවා) දඹුල්ල රෝහලේ දැඩි සත්කාර ඒකකයේත්, 8 වැනි ශ්‍රේණියේ ඉගෙනුම ලබන අනෙක් දරුවා සාමාන්‍ය වාට්ටුවේත් මේ වන විට ප්‍රතිකාර ලබනවා.

අනතුර සිදුකළ ටිපර් රථයේ රියදුරුව මේ වන විට දඹුල්ල පොලීසිය විසින් අත්අඩංගුවට ගෙන ඇති අතර සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මකයි.

කතරගම ගිහින් දරුවාගේ අපලේ දුරු කරලා එන්න හිටපු මේ අම්මාට, කිසිම සමාවක් නැති මාරයා ටිපර් රථයක් විදිහට ඇවිත් ඒ දරුවන්ට අම්මා නැති කරලා ගියේ කාටත් නොසිතූ මොහොතකයි.

07/26/2026

පාසල් ගොස් නිවසට පැමිණි දරුවා, හදිසියේම ජීවන ගමනට සමුදෙයි කියා ඒ අම්මා අප්පච්චි සිහිනෙකින්වත් හිතන්නට නැතුව ඇති. නමුත් නොසිතූ මොහොතක කලවාන වැද්දාගල ප්‍රදේශයෙන් ඇසෙන්නේ මුළු ප්‍රදේශයක්ම කඳුළක ගිල්වූ අතිශය සංවේදී පුවතක්. ඒ, මිතුරෙකු සමඟ ගඟේ දිය නෑමට ගිය 16 හැවිරිදි පාසල් සිසුවෙකු අවාසනාවන්ත ලෙස දියේ ගිලී මියයාමේ ඛේදවාචකයයි.

ඊයේ (25) සවස කලවාන වැද්දාගල ගඟේ දිය නෑමට ගිය අවස්ථාවකයි මේ බිහිසුණු අනතුර සිදුවී තිබෙන්නේ. මෙලෙස අවාසනාවන්ත ලෙස මියගොස් ඇත්තේ එම ප්‍රදේශයේම පාසලක 11 වන ශ්‍රේණියේ අධ්‍යාපනය ලබමින් සිටි රාමචන්ද්‍රන් පුෂ්පකුමාර ගයාන් සදරුවන් නමැති 16 හැවිරිදි පාසල් සිසුවෙක්.

පොලිසිය පවසන ආකාරයට, මියගිය සිසුවා සිය මිතුරෙකු සමඟ වැද්දාගල ගඟේ දිය නෑමට ගොස් තිබෙනවා. ඒ අහිංසක දරුවන්ට ගඟේ ඇති අවදානම ගැන නිසි අවබෝධයක් නොතිබෙන්නට ඇති. ගඟෙහි ගැඹුරු ස්ථානයක දිය නාමින් සිටි ගයාන්, හදිසියේම දියේ ගිලෙන්නට පටන්ගෙන තිබෙන්නේ මිතුරාගේ ඇස් ඉදිරිපිටදීමයි.

සිය මිතුරා දිය යටට යනවා දුටු අනෙක් සිසුවාගේ කෑගැසීමට ප්‍රදේශවාසීන් වහාම එතැනට දිවවිත් තිබෙනවා. ඉන්පසු ප්‍රදේශවාසීන් වහාම මේ පිළිබඳව පොලිසිය දැනුවත් කර, දැඩි පරිශ්‍රමයක් යොදා දරුවා ගොඩගෙන කඩිනමින් කලවාන මූලික රෝහල වෙත ඇතුළත් කිරීමට පියවර ගත්තා.

එහෙත් ඒ වන විටත් ප්‍රමාද වැඩියි. රෝහල් ප්‍රකාශකයින් සඳහන් කළේ දරුවා රෝහලට ඇතුළත් කරන විටත් අවාසනාවන්ත ලෙස අවසන් හුස්ම හෙළා තිබූ බවයි.

මියගිය සිසුවා: රාමචන්ද්‍රන් පුෂ්පකුමාර ගයාන් සදරුවන් (වයස අවුරුදු 16)
අනතුර සිදුවූ ස්ථානය: කලවාන වැද්දාගල ගඟ
මරණ පරීක්ෂණය: අද (26) දින සිදු කිරීමට නියමිතයි.

මේ වන විට කලවාන පොලිස් ස්ථානාධිපති ප්‍රධාන පොලිස් පරීක්ෂක වසන්ත හේරත් මහතා ඇතුළු නිලධාරින් කණ්ඩායමක් මෙම සිද්ධිය සම්බන්ධයෙන් වැඩිදුර පරීක්ෂණ සිදුකරමින් පවතිනවා.

තවත් මාස කිහිපයකින් සාමාන්‍ය පෙළ විභාගයට මුහුණ දී, ජීවිතය ජයගන්නට හීන දැක්ක ඒ අහිංසක දරුවාගේ හදිසි වියෝව, දෙමව්පියන්ට කෙසේ නම් දරාගන්නද? නිවාඩු කාලයේ හෝ සවස් කාලයේ දරුවන් දිය නෑමට යන ස්ථාන ගැන දෙමාපියන් මීට වඩා අවධානයෙන් සිටීම කෙතරම් වැදගත්ද යන්න මෙම ඛේදවාචකය අපට නැවතත් මතක් කර දෙනවා.

07/25/2026

මිරිස්ස තල්අරඹ හෝටලයක ඊයේ (24) ඇති වූ ගින්න

07/25/2026

07/23/2026

"දුව පාසල් බසයට දී ගෙදර ආව අම්මා...
හොරු අරගෙන ගියා වගෙයි කඳුළු වාන් දැම්මා"..

ඇගේ නම වසන්තා කුමාරි දිසානායකය. දිනය ජුලි 17 දා සිකුරාදා ය. මාවතගම දුනුකේවත්තගම්මානයේ පදිංචි ඇය වෙනදා මෙන්ම දරු දෙදෙනාගේ කටයුතු ඉටු කළාය. පුතාත් දියණියත් රැක බලා ගත්තේ ඇය විසිනි. ඒ තම සැමියා විදේශගතව සිටි බැවිනි. 46 හැවිරිදි ඇය මාවතගම නගරයෙහි පාසලේ ඉගෙනුම ලබන තම දියණිය පාසල් බස් රථයට ගොඩ කර දියණියගෙන් සමුගෙන නිවස වෙත පැමිණීමට
පිටත් වූවාය. “දුවේ, තෙරුවන් සරණයි. පරිස්සමෙන් යන්න” ඒ ඇයගේ හඬයි. එහෙත් තම දියණියගෙන් එදා උදෑසන සමුගත්තේ සදහටම බව ඇය දැන සිටියේ නැත.

17 දා දුණුකේවත්ත මහාමාර්ගයට මදක් දුරින් ඇති ඇය ගමන්ගත් මාර්ගයේ ඇළක ඇය මුණින් අතට වැටී ජ #ලයේ ගි #ලීමෙන් මි #යගොස් සිටි බව ඉඟුරුවත්ත පොලිසිය පවසයි. කුරුණෑගල ශික්ෂණ රෝහලේ අධිකරණ වෛද්‍ය යූ.එල්.එම්.එස්. පෙරේරා මහතා විසින් පශ්චාත් ම #රණ පරීක්ෂණ සිදුකර තිබිණි. මෙම ම #රණය දියේ ගිලීමෙන් සිදු වූ ම #රණයක් බවට අධිකරණ වෛද්‍ය නිලධාරි විසින් නිගමනය කර තිබිණි.මෙම ම #රණය පිළිබඳ හදිසි මරණ පරීක්ෂණය පැවැත්වූ ගන්දහය කෝරළේ හදිසි මරණ පරීක්ෂක ඩී.බී.එච්. ප්‍රේම ශාන්ත මහතා මෙම ම #රණය දියේ ගිලීමෙන් සිදුවූ ම #රණයක් බව (අධිකරණ වෛද්‍ය වාර්තාද සැලකිල්ලට ගනිමින්) තීරණය කළේය. ඉඟුරුවත්ත පොලිස්

ස්ථානාධිපති පොලිස් පරීක්ෂක ධනුක බණ්ඩාර මහතාගේ මෙහෙයවීම යටතේ පොලිස් සැරයන් අනුර විජේවර්ධන මහතා (33498) මෙම ම #රණය පිළිබඳ පරීක්ෂණ පැවැත්වීය.

07/22/2026

හෝමාගම කර්මාන්තපුරයේ හෙල්මට් කර්මාන්තශාලාවක ඇති වූ ගින්න

07/22/2026

හෝමාගම කාර්මික කලාපයේ හෙල්මට් නිෂ්පාදනය කරනු ලබන කර්මාන්තශාලාවක ඊයේ(21) හට ගත් ගි|න්|නෙන් මි|ය ගිය ඔබ සියලු දෙනාට,ඉපදෙන කිසිම භවයක මෙවැනි අකල් මර|ණ නොමවේවා 🙏 .80 විතර වැඩ කරන මේ ෆැක්ට්‍රි එකේ 🔥 මුලින්ම පටන් අරන් තියෙන්නෙ දාලා තිබුන ෆෑන් එකක වයර් ශොර්ට් එකකින්. ඒකෙන් කොහොම හරි කර්මාන්ත ශාලාවම ගි|නි ගන්න ගිය පොඩි වෙලාවයි. මධ්‍යම පරිසර අධිකාරිය කියන විදියට 2024 පස්සෙ පරිසර ආරක්ෂණ බලපත්‍ර අලුත් කරලා නෑ. සේවකයින්ගෙ ජීවිත ආරක්ෂාව වෙනුවෙන් හදිසි අවස්ථාවක මුහුණ දීමේ කිසිම සැලැස්මක්වත් තිබිලා නෑ 😥. ඒ ගැන ගිය ජූලි 02 කර්මාන්ත ශාලාවේ පාලනාධිකාරියට කියලා තියෙනවා. කොළඹ, කොට්ටේ, දෙහිවල-ගල්කිස්ස,හොරණ , ගුවන් හමුදාව ගි|නි නිවන රථ අරගෙන ක්ෂණිකව ආවත් මේ ජීවිත බේරගන්න බැරිවුනා . මුදල්ම විතරක් නෙමේ සේවකයින්ගෙ ජීවිත ගැනත් හිතන්න . කොයිතරම් වේදනාවක් උම්බලා කට්ටිය විදින්න ඇත්ද බන්, විඩියෝ එකක් දැක්කා ඔයාලගෙ ජීවිත බේරා දෙන්න කියලා උදව් ඉල්ලල කෑ ග|හ|නවා. ඒක තාම අපේ හිත් වල දෝංකාර දෙනවා 😥. හ|තු|රෙ|ක්ටවත් එවැනි අ|න|තුරක් නොවේවා 🙏. නිවන් සුව ලැබේවා සියලු දෙනාට 💐