HamamTimes

HamamTimes Satirik xəbər kanalı

11/07/2025

🚁🇦🇿 Hələ bir şəxsi istifadə üçün də…

🎥 Milli Məclisin deputatı Fazil Mustafa “AzTV” sədri Rövşən Məmmədovun çəkiliş üçün helikopter almaq istəyi ilə bağlı yayılan xəbərlərə münasibət bildirib.

🗣️ Deputat “Facebook” hesabında belə yazıb:

“AzTV üçün çəkiliş helikopterinin alınması hansısa qəzəblə qarşılanacaq təklif deyil”.

🤝 O əlavə edib ki, hətta “AzTV” və “İTV” üçün ortaq helikopter ideyası da mümkündür:

“Bu, şəxsi istifadə üçün deyil. Təbii fəlakət, fövqəladə vəziyyət və ya böyük tədbirlər zamanı havadan çəkiliş vacib ola bilər”.

🔥 Fazil Mustafa qeyd edib ki, hadisə yerlərinə operativ çatmaq çox vaxt çətin olur və belə hallarda helikopter real ehtiyacdır.

📢 Son günlər hökumətyönlü mediada “AzTV” sədrinin dövlət hesabına helikopter almaq istəyi və buna görə “qara siyahıya düşməsi” barədə iddialar tirajlanır.

🤔 Sizcə, AzTV-nin helikopterə ehtiyacı var?

11/07/2025

🇺🇸😂🇨🇳 Tramp Çin deleqasiyası barədə danışıb

😂 “Bu qədər canından qorxan adam görməmişdim”

🇺🇸🇨🇳 ABŞ prezidenti Donald Tramp Çin prezidenti Si Cinpinlə ötən həftə keçirdiyi görüş barədə təəssüratlarını bölüşüb.

🏛 Ağ Evdə keçirilən bir tədbirdə danışan Tramp Çin deleqasiyasının davranışı ilə zarafatlaşmaqla yanaşı, Si Cinpini “sərt və ağıllı lider” adlandırıb.

Prezident Qəşəm Nəcəfzadəyə yeni vəzifə veribKəramət Böyükçölün atası, şair Qəşəm Nəcəfzadə Respublika Audiovizual Şuras...
11/07/2025

Prezident Qəşəm Nəcəfzadəyə yeni vəzifə verib

Kəramət Böyükçölün atası, şair Qəşəm Nəcəfzadə Respublika Audiovizual Şurasının üzvü təyin edilib.

Bu, onun eyni vaxtda işləyəcəyi 7-ci vəzifədir.

Şairin digər 6 vəzifəsi aşağıdakılardır:

1) Azərbaycan Yazıçılar Birliyinin İdarə Heyətinin üzvü
2) Azərbaycan Yazıçılar Birliyi “Uşaq ədəbiyyatı” şöbəsinin rəhbəri
3) “Azərbaycan” jurnalının poeziya şöbəsinin müdiri
4) Azərbaycan Respublikası Audiovizual Şurasında ekspert
5) Azərbaycan Dövlət televiziyasında redaktor və aparıcı
6) Azərbaycan Teleradio Akademiyasında müəllim

Bundan əlavə, Qəşəm Nəcəfzadə 2018-ci ildə “Azərbaycan Respublikasının əməkdar mədəniyyət işçisi” adına layiq görülüb.

🇦🇿💫 Müğənni Səmra Rəhimli (Samra) homofobiya qurbanı olmuş Rüzgarla bağlı paylaşım edib. 🗣️ “Bir gəncin həyatı nifrətin ...
11/07/2025

🇦🇿💫 Müğənni Səmra Rəhimli (Samra) homofobiya qurbanı olmuş Rüzgarla bağlı paylaşım edib.

🗣️ “Bir gəncin həyatı nifrətin qurbanı oldu… 19 yaşında bir insan sadəcə özü olduğu üçün həyatını itirdi. Heç kim özü olduğu üçün ölməməlidir. Ruhun şah olsun, Rüzgar”.

🔥 Samra 2016-cı ildə Azərbaycanı 61-ci Avroviziya Mahnı Müsabiqəsində “Miracle” mahnısı ilə təmsil edib.

🥀 LGBT+ icmasında Rüzgar adı ilə tanınan gənc Bakının mərkəzində, Bəşir Səfəroğlu küçəsində çoxsaylı bıçaq xəsarətləri alıb və yerindəcə keçinib. Noyabrın 4-də baş verən hadisədə onun əmisi şübhəli bilinib.

11/07/2025

🎤 “EPİ” ləqəbi ilə tanınan repçi Əkbər Novruzlu saxlanılıb

🚔 Bu barədə Daxili İşlər Nazirliyi məlumat yayıb.

👮‍♂️ Açıqlamada qanunsuz qumar və mərc oyunlarını öz səhifələrində reklam edən 17 nəfərin kiberpolis tərəfindən saxlanıldığı bildirilir. Saxlanılanlar arasında tanınmış tiktokerlər var.

💊 Xatırladaq ki, “EPİ” bu ilin yayında da həbs edilmişdi. O, xırda xuliqanlıq və narkotik ilə ittiham olunurdu.

“EPİ” pərəstişkarları isə, onun rəqibi “Paster” ilə deyişmə zamanı istifadə elədiyi sözlərə görə həbs olunduğunu deyirdilər:

“Sənin də var idi radikal vaxtın.
Vaxtında PashaBank-a diss atıb,
Otur qucağına Kapital Bankın”.

11/06/2025

⛽️ 💸 🚙 Yanacağa görə yol vergisi kəskin artırılır

🔺Gələn ildən Azərbaycanda benzin, dizel və maye qaz üçün yol vergisi 3,5 dəfə artırılır.

💸 İndi hər litr üçün 2 qəpik olan vergi 7 qəpiyə qalxacaq.

📃 Bu, Milli Məclisə təqdim olunan Vergi Məcəlləsinə təklif edilən dəyişikliklər layihəsində əksini tapıb.

🚸 Rəsmilər bu artımı “yolların saxlanması və tikintisinə əlavə vəsait toplamaq”la əsaslandırır.

11/06/2025

🐶 💕🤣 Küçə itini körpə uşaq kimi bələyib, əzizlədilər.

“Bağla dana, qoy canında qalsın istilik”

🏟️🇦🇿Gəncə stadionunu tikən işçilər maaşlarını ala bilmirlər🪧 Stadionun tikintisində podratçı kimi iştirak edən “Green Se...
11/06/2025

🏟️🇦🇿Gəncə stadionunu tikən işçilər maaşlarını ala bilmirlər

🪧 Stadionun tikintisində podratçı kimi iştirak edən “Green Service LTD” şirkətinin əməkdaşları şikayət edirlər.

⏳ Aylarla stadionun tikintisində çalışan işçilər maaşlarının hər dəfə müxtəlif bəhanələrlə yubadıldığını deyirlər.

❌ Bildirirlər ki, şirkətin maliyyə məsələlərinə cavabdeh Mirhüseyn Seyidli adlı nümayəndəsi əməkhaqqı tələbinə hər dəfə müxtəlif vədlərlə cavab verir.

11/06/2025

🧳 Çamadan rəqsi

⚽️ Dünən keçirilən Qarabağ 2-2 Çelsi qarşılaşması böyük marağa səbəb olub.

🇦🇿 Qarabağ azarkeşləri oyunun ardından sevinc dolu anlar yaşayıb.

🪩 Sosial şəbəkələrdə yayılan videolarda azarkeşlərin rəqs edərək, bayram etdiyi görünür.

11/06/2025

🇲🇽 Prezidenti küçədə əlləyiblər

🚶‍♀️ Meksika prezidenti Klaudiya Şeynbaum paytaxt Mexiko küçələrində vətəndaşlarla söhbətləşərkən, sərxoş olduğu görünən bir kişi ona yaxınlaşaraq, əlləməyə və öpməyə çalışıb.

⚡️ Ötən gün baş verən hadisə ictimaiyyətin kəskin qəzəbinə səbəb olub və qadınların ictimai həyatda təhlükəsizliyi, eləcə də gender zorakılığı mövzusunda müzakirələri yenidən qızışdırıb.

👩‍⚖️ Meksikanın ilk qadın prezidenti olan Klaudiya Şeynbaum həmin şəxsi şikayət edəcəyini bildirib.

🗣 “Bu, bir qadın kimi mənim və ölkəmizdəki bütün qadınların məruz qaldığı bir şeydir,” — deyə Şeynbaum bildirib.

🔒 Hadisə həmçinin rəsmilərin tez-tez hədəfə alındığı Meksikada prezidentin təhlükəsizliyi ilə bağlı suallar doğurub.

💬 Meksikalı jurnalist Katalina Ruiz-Navarro isə qadınlar adından vurğulayıb ki, “Prezident olsanız belə, istənilən kişi sizə toxunmaq hüququna malik olduğuna inanır”.

🇦🇿🏳️‍🌈 Bakıda g*y vətəndaş qətlə yetirilib🔪 Rüzgar adı ilə tanınan gənc noyabrın 4-də Bakının mərkəzində, Bəşir Səfəroğl...
11/06/2025

🇦🇿🏳️‍🌈 Bakıda g*y vətəndaş qətlə yetirilib

🔪 Rüzgar adı ilə tanınan gənc noyabrın 4-də Bakının mərkəzində, Bəşir Səfəroğlu küçəsində bıçaqlanaraq öldürülüb.

🥸 “Meydan TV”-nin məlumatına görə, hadisəni Rüzgarın əmisi törədib. O, çoxsaylı bıçaq zərbələri alıb və hadisə yerindəcə keçinib.

👁️‍🗨️ Şahidlərin sözlərinə görə, ətrafdakı insanlar müdaxilə etməyib, polis isə yalnız qətli törədən şəxs özü zəng etdikdən sonra hadisə yerinə gəlib.

🚑 İddialara əsasən, təcili yardım da yaralıya lazımi tibbi dəstəyi göstərməyib.

🇹🇷 Məlumata görə, Rüzgarın ailəsi Şamaxıdandır, amma özü uzun müddət Türkiyədə yaşayıb. O, yaşayış icazəsi bitdiyi üçün Azərbaycana qayıdıb.

☠️ Bildirilir ki, o, Türkiyədə olduğu vaxtdan əmisi oğlu tərəfindən ölümlə hədələnirmiş.

⛓️‍💥 Qətli törədən şəxsin məhkumluğu olduğu da bildirilir.

👮‍♂️ Daxili İşlər Nazirliyi hadisə ilə bağlı hələ rəsmi açıqlama yaymayıb.

Address

Las Vegas, NV

Alerts

Be the first to know and let us send you an email when HamamTimes posts news and promotions. Your email address will not be used for any other purpose, and you can unsubscribe at any time.

Contact The Business

Send a message to HamamTimes:

Share