Lajme Javore

Lajme Javore Official Fanpage of magazine - Lajme Javore

Në vitin 1867, gjatë një qëndrimi pune në Rusçuk (Bullgari), Ismail Qemali u dashurua me Kleoniqi Surmelin, vajzën e Ant...
01/22/2026

Në vitin 1867, gjatë një qëndrimi pune në Rusçuk (Bullgari), Ismail Qemali u dashurua me Kleoniqi Surmelin, vajzën e Anton Surmelit, një fisnik grek nga Edirneja, që vinte nga një familje e njohur dhe me lidhje të forta me oborrin osman. Ajo ishte gjithashtu pasardhëse e Vezirit të Madh Ali Pasha Surmeli.

Por kjo dashuri nuk ishte aspak e lehtë.

Familja e vajzës, veçanërisht njerka e saj, ishte kategorikisht kundër kësaj martese, kryesisht për shkak të ndryshimit të fesë. Pengesat u shtuan, refuzimet u bënë të prerë dhe rruga drejt martesës dukej e pamundur.

Atëherë, Ismail Qemali mori një vendim të pazakontë për kohën: me ndihmën e njerëzve të tij të besuar, ai e rrëmbeu Kleoniqin dhe, po atë ditë, në prani të dëshmitarëve, u nënshkrua “kontrata e martesës”, e cila nga pikëpamja islame e bënte lidhjen të pakthyeshme dhe nuk linte hapësirë për një martesë tjetër.

Vetë Ismail Qemali do të shkruante më vonë:

“Martesa ime, me gjithë zhurmën që kishte shkaktuar, më dha shumë prova simpatie nga ana e miqve të mi.”

Me Kleoniqin, ai do të ndërtonte një familje të madhe dhe të lumtur. Ata patën 10 fëmijë:

Gjashtë djem:
Mahmud bej Vlora (1871–1920)
Tahir bej Vlora (1875–1932)
Et’hem bej Vlora (1885–1937)
Xhevdet bej Vlora (1888–1910)
Qazim bej Vlora (1893–1953)
Qamil bej Vlora (1895–1950)

Katër vajza:
Mevedet (1873–1954)
Alije (–1955)
Ylvije (–1934)
Një vajzë vdiq pak pas lindjes.

Kjo histori tregon një anë më pak të njohur të Ismail Qemalit – jo vetëm si burrë shteti dhe figurë historike, por edhe si njeri që sfidoi zakonet, familjet dhe rrethanat për dashurinë.

E kemi lexuar në libra, e kemi parë në filma, por rrallëherë ndodh në jetën reale. Dashuritë e mëdha, herët a vonë, gjit...
01/22/2026

E kemi lexuar në libra, e kemi parë në filma, por rrallëherë ndodh në jetën reale. Dashuritë e mëdha, herët a vonë, gjithmonë e gjejnë rrugën për t’u kthyer te njëra-tjetra. Dhe historia e Ramadan Rush*tit dhe Anne Van Esse është prova më e bukur se ndjenjat e vërteta nuk vdesin kurrë.

Ramadani ishte vetëm 13 vjeç kur u dashurua për herë të parë. Një dashuri e pastër, e sinqertë, adoleshente… Por ishte e ndaluar. Anne, vajza belge që i rrëmbeu zemrën, kishte një baba që nuk pranonte në asnjë mënyrë lidhjen e saj me një të huaj.

Për dy vite ata e jetuan dashurinë e tyre në fshehtësi, mes emocioneve të forta, shikimeve dhe premtimeve që vetëm zemrat e reja dinë të bëjnë. Por një ditë gjithçka u shemb. Babai i Annës i ndau me forcë, duke thyer zemrat e dy adoleshentëve që nuk e dinin ende se ajo që po jetonin ishte dashuria e jetës së tyre.

Më pas, koha bëri të vetën…

Secili mori rrugën e vet. Të dy u martuan me njerëz të tjerë, ndërtuan familje, patën fëmijë, por jeta nuk ishte ajo që kishin ëndërruar. Të dy u divorcuan. Dhe në zemrat e tyre, diku thellë, kishte mbetur një kujtim që nuk ishte shuar kurrë.

Pas plot 35 vitesh, fati vendosi të ndërhynte.

Një shok i Ramadanit e gjeti Annen në Facebook dhe ia tregoi. Ramadani nuk hezitoi asnjë sekondë. E kontaktoi. Filluan të flisnin. Fillimisht me kujdes, pastaj me emocion, më pas me mall… derisa kuptuan se ndjenjat nuk kishin ikur kurrë.

Sot ata janë sërish bashkë.

Madje Ramadani ka shkuar dhe i ka kërkuar dorën babait të Annës, atij që dikur i ndau. Dhe në maj të vitit 2024, në Krujë, ata do të kurorëzojnë dashurinë e tyre – një dashuri që as koha, as distanca dhe as ndarjet nuk arritën ta shuajnë.

Sepse disa histori nuk janë thjesht dashuri…
Janë destin. ❤️

Avokati Kujtim Cakrani ka bërë deklarata të forta dhe polemike lidhur me ngjarjet e 21 Janarit, duke hedhur akuza të dre...
01/22/2026

Avokati Kujtim Cakrani ka bërë deklarata të forta dhe polemike lidhur me ngjarjet e 21 Janarit, duke hedhur akuza të drejtpërdrejta ndaj Edi Ramës dhe duke vënë në dyshim statusin e një prej viktimave të asaj proteste, Ziver Veizit.

I ftuar në A2, Cakrani deklaroi se Veizi kishte precedentë penalë në Greqi dhe se nuk jetonte prej vitesh në Shqipëri, pasi ishte dënuar nga drejtësia shqiptare. Sipas tij, ai ishte dënuar për vjedhje dhe vendimi ishte dhënë nga gjyqtari Gramoz Levanai, gjatë kohës që ushtronte detyrën në Gjirokastër.

“Ishte një kryengritje e armatosur për të rrëzuar rendin kushtetues. Donin një ’97 të dytë. Ziver Veizi kishte 20 vite që nuk vinte në Shqipëri. Erdhi enkas nga Greqia vetëm për protestën. Unë mbaj përgjegjësi për ato që them”, u shpreh Cakrani.

Ai shtoi se, sipas tij, bëhej fjalë për “krim shtetëror”, pasi opozita e asaj kohe ishte pjesë e pushtetit dhe se duhet të hetohet gjithçka nga fillimi.

Cakrani hodhi dyshime edhe mbi autorësinë e vrasjeve, duke thënë se nuk është e qartë nëse viktimat u vranë nga Garda e Republikës apo nga ajo që ai e quajti “partia që kërkonte heronj”.

“PS është parti që do heronj. I nxori në pritë Edi Rama dhe Taulant Balla”, deklaroi ai.

Avokati zbuloi gjithashtu se Ilir Meta ka dëshmuar për rreth një orë në SPAK, ku ka dhënë versionin e tij për ngjarjet e 21 Janarit. Sipas Cakranit, shërbimet e huaja kishin paralajmëruar se do të kishte viktima dhe se Meta kishte dërguar një letër para ngjarjes ku parashikohej skenari.

Shqipëria pritet të përballet me një përkeqësim të ndjeshëm të kushteve të motit pas dy ditësh, si pasojë e një qendre t...
01/22/2026

Shqipëria pritet të përballet me një përkeqësim të ndjeshëm të kushteve të motit pas dy ditësh, si pasojë e një qendre të re ciklonare që po fuqizohet mbi Italinë qendrore dhe që gradualisht do të përfshijë gjithë Ballkanin.

Lajmi është konfirmuar nga meteorologia Tanja Porja, e cila tha se aktualisht një qendër ciklonare është e pozicionuar në Italinë jugore, kryesisht mbi Sicili, por kjo stuhi nuk do të prekë drejtpërdrejt vendin tonë.

“Një tjetër sistem ciklonar po fuqizohet në Mesdheun perëndimor dhe ky do të na prekë edhe ne, duke prodhuar reshje me intensitet të paktën mesatar në të gjithë territorin shqiptar”, u shpreh ajo në emisionin “Dita Jonë”.

Sipas Porjas, për momentin vendi ndodhet në kushte relativisht të qëndrueshme, me reshje të pakta dhe lokale, ndërsa temperaturat kanë shënuar rritje, duke arritur deri në 15°C në zonat jugperëndimore.

Por kjo situatë do të ndryshojë ndjeshëm gjatë fundjavës.

“Të dielën dhe të hënën, sistemi ciklonar do të sjellë vranësira dhe reshje shiu me intensitet mesatar në të gjithë territorin shqiptar”, shtoi ajo.

Në disa zona të Ballkanit priten reshje dëbore, ndërsa në Shqipëri do të dominojë shiu. Megjithatë, në zonat e thella malore nuk përjashtohet mundësia e reshjeve të dëborës, për shkak të temperaturave minimale që do të qëndrojnë rreth zeros ose lehtësisht negative.

“Pjesa më e madhe e territorit do të ketë reshje shiu, ndërsa dëbora do të shfaqet vetëm në zonat më të thella malore”, përfundoi meteorologia.

Mbrëmjen e djeshme, dyshja Ina dhe Keijsi kanë dhënë puthjen e tyre të parë në shtëpinë e Big Brother VIP Albania, duke ...
01/22/2026

Mbrëmjen e djeshme, dyshja Ina dhe Keijsi kanë dhënë puthjen e tyre të parë në shtëpinë e Big Brother VIP Albania, duke u kthyer menjëherë në qendër të vëmendjes.

Pas një sërë dinamikash dhe tensioneve mes tyre, të dy pranuan se kanë ndjenja për njëri-tjetrin. Puthja erdhi pikërisht pas një debati të fortë, ku Ina i kërkoi Keijsit distancim për shkak të mungesës së besimit.

Në Dhomën e Rrëfimit, ata folën hapur për emocionet që përjetuan.

“Më e bukura e puthjes ishte se ndodhi pas një debati shumë të madh”, u shpreh Keijsi.

Ndërsa Ina tha:
“Nëse do të thoja se deri tani kisha përjetuar emocione të forta, mesa duket paskam gënjyer, sepse ky ishte emocioni më i fortë që kam kaluar deri tani. E ndjeva dhe e bëra shumë thjeshtë!”

Në fund, Ina i kërkoi Keijsit që kjo gjë të mbetej sekret për banorët e tjerë.

Kujtojmë se më herët, pas publikimit të një klipi ku u panë duke u puthur në klub, të dy e mohuan që mes tyre të kishte diçka më shumë se shoqëri. Po ashtu, Keijsi kishte deklaruar se ishte në një lidhje me banoren tjetër, Stelinën, para kësaj situate.

Një histori prekëse ribashkimi u transmetua në rubrikën “Ka Një Mesazh Për Ty” nga “E Diela Shqiptare” në Tv Klan, ku pa...
01/22/2026

Një histori prekëse ribashkimi u transmetua në rubrikën “Ka Një Mesazh Për Ty” nga “E Diela Shqiptare” në Tv Klan, ku pas 53 vitesh u përmbush amaneti i një nëne të ndjerë.

Dy motra dhe vëllai i tyre i madh, ekzistencën e të cilit e kishin mësuar vetëm 8 vite më parë, u takuan për herë të parë në jetë. Babai i tyre u kishte zbuluar amanetin e nënës: të mos reshtnin kurrë së kërkuari një djalë të lindur rreth viteve ’70 me emrin Fitim ose Kujtim.

Pas një kërkimi të gjatë, rubrika arriti të gjente Fitim Zakollin, i cili ishte i pranishëm në studio.

Ashtu si motrat e tij, edhe Fitimi kishte mësuar vetëm 8 vite më parë se ishte i birësuar. Që nga ajo kohë, ai kishte jetuar me dëshirën e madhe për të njohur familjen biologjike. Përballë fotos së nënës së tij, ai nuk e fshehu emocionin dhe keqardhjen që nuk arriti ta takonte kurrë.

Kur mësoi se ishin pikërisht motrat që e kishin kërkuar për të përmbushur amanetin e nënës dhe për të qenë bashkë, Fitimi u shpreh se kjo ishte një nga ditët më të lumtura të jetës së tij.

“Unë ndiej gëzim të madh për dy motrat e mia. Një gëzim që pas 53 vjetësh arrita t’i njoh. Kam qenë i vetëm,” tha ai mes emocionesh.

Momenti kulmor erdhi kur motrat e tij u lidhën drejtpërdrejt dhe i folën për herë të parë. Mes fjalëve të dridhura dhe lotëve, ato i treguan se prej vitit 2016 nuk kishin reshtur kurrë së kërkuari vëllain e tyre.

Dhe më në fund, pas më shumë se gjysmë shekulli, ndodhi përqafimi i parë mes motrave dhe vëllait, duke përmbushur një amanet që kishte pritur 53 vite për t’u realizuar.

Në panteonin e bukurisë femërore të shekullit XX, disa emra kanë mbetur të pavdekshëm. Por sipas shumë dëshmive të kohës...
01/22/2026

Në panteonin e bukurisë femërore të shekullit XX, disa emra kanë mbetur të pavdekshëm. Por sipas shumë dëshmive të kohës, një grua që i tejkaloi të gjitha ishte një princeshë egjiptiane, e cila nuk ishte aktore, as modele, por një figurë mbretërore me një bukuri që tronditi botën. Emri i saj ishte Fevzia Fuat Ali dhe, çuditërisht për shumëkënd, ajo kishte origjinë shqiptare nga Korça.

Fevzia ishte vajza e mbretit Fuat I të Egjiptit dhe motra e mbretit Faruk. Familja e saj mbretërore rridhte nga dinastia e themeluar nga Mehmet Ali Pasha, shqiptari nga Zëmblaku i Korçës, i cili ngriti themelet e Egjiptit modern në fillim të shekullit XIX.

Që në moshë shumë të re, bukuria e Fevzias u bë legjendë. Ajo u përshkrua si “gruaja më e bukur në botë”, “bukuri shokuese”, “princesha që rrëzon zemrat me një shikim”. Gazetat e kohës e përmendnin njësoj si yjet e Hollivudit, ndërsa fotografi i famshëm Sir Cecil Beaton e krahasoi me një Afërditë të rilindur.

Me sy blu, flokë gështenjë të errët dhe tipare të përsosura, Fevzia mishëronte një elegancë që i tejkalonte kufijtë e modës dhe kohës. Ajo ishte simbol i hijeshisë, finesës dhe aristokracisë, një figurë që trondiste oborret mbretërore evropiane.

Por përtej bukurisë, Fevzia mbartte edhe një trashëgimi të pasur shqiptare. Familja e saj, edhe pse sundonte në Egjipt, ruante me krenari origjinën e vet. Vetë mbreti Fuat fliste shqip dhe ishte i orientuar drejt Perëndimit, duke i dhënë Egjiptit një frymë modernizimi.

Fevzia u martua me Shahun e Iranit, duke u bërë Mbretëreshë e Persisë, por martesa e saj nuk ishte e lumtur. Pavarësisht pasurisë, famës dhe pushtetit, ajo jetoi një jetë të mbushur me sfida emocionale, duke u kthyer më pas në Egjipt dhe duke zgjedhur një jetë më të qetë.

Sot, historia e saj mbetet një nga më të pazakontat: gruaja që u shpall më e bukura në botë, një princeshë egjiptiane, por me rrënjë nga Korça shqiptare.

Historia e Mrikës, një grua shqiptare nga Malësia, është një nga rastet më të rralla dhe më tronditëse të dokumentuara n...
01/22/2026

Historia e Mrikës, një grua shqiptare nga Malësia, është një nga rastet më të rralla dhe më tronditëse të dokumentuara në traditën e gjakmarrjes. Ajo nuk u bë pjesë e legjendave popullore, por u fiksua në një libër të botuar në Londër në fillim të shekullit XX, duke u kthyer në një rrëfim që ka mbijetuar për më shumë se një shekull.

Ngjarja është rrëfyer nga shkrimtari britanik William Le Queux në librin e tij “An Observer in the Near East”, botuar në vitin 1907, një vepër që përshkruan zakone, figura dhe histori të pazakonta nga Ballkani dhe Lindja e Afërt.

Sipas autorit, Mrika ishte një nga vajzat më të bukura të fisit të saj dhe kishte shumë kërkesa për martesë. Ajo zgjodhi Lecin, një djalë të ri nga zona e Pulatit. Por vetëm një muaj pas martesës, burri i saj u vra pabesisht nga i vëllai, i cili ishte dashuruar marrëzisht pas nuses së re.

Lajmi e shkatërroi emocionalisht Mrikën. Fillimisht u mbyll në dhimbje, por më pas vendosi të marrë vetë hakun e burrit. Pa pasur asnjë mashkull në familje që të vepronte në emër të saj, ajo mori një vendim të rrallë për kohën: ta kryente vetë gjakmarrjen.

Për gati një vit, ajo ndoqi hap pas hapi vrasësin e burrit në qytete të ndryshme: Ohër, Shkup, Prizren dhe më pas Shkodër. Dhe pikërisht në Shkodër, në mes të rrugës, ajo nxori armën e të shoqit dhe e vrau.

Por historia nuk mbaron këtu. Sipas rrëfimit të shkrimtarit, Mrika shkoi më pas në shtëpinë e prindërve të vrasësit dhe i vrau edhe ata, duke e konsideruar hakmarrjen të plotë.

Ky akt, edhe pse ekstrem, ishte i lidhur me kodin e nderit që sundonte atëherë në shoqërinë shqiptare, i njohur si Kanuni i Lekë Dukagjinit. Në këtë kod, nderi ishte mbi gjithçka dhe ruajtja e tij justifikonte edhe sakrificën e jetës.

Rasti i Mrikës mbetet një nga shembujt më të rrallë të një gruaje që mori mbi vete barrën e hakmarrjes, duke thyer rolet tradicionale gjinore të kohës. Pikërisht kjo e bëri historinë e saj aq të veçantë, sa të përfshihej në një libër që u lexua gjerësisht në Europë.

Fotografia e saj, e botuar në atë vëllim, e paraqet me veshje tradicionale shqiptare, me një vështrim të ashpër dhe dinjitoz, si simbol i një gruaje që sfidoi frikën, zakonet dhe fatin.

Kirurgu estetik Panajot Papa ka qenë i ftuar në emisionin “Wake Up”, ku ka folur për ndërhyrjet estetike në Shqipëri dhe...
01/22/2026

Kirurgu estetik Panajot Papa ka qenë i ftuar në emisionin “Wake Up”, ku ka folur për ndërhyrjet estetike në Shqipëri dhe për faktin se gjithnjë e më shumë edhe meshkujt po i drejtohen kirurgjisë estetike.

Ai ndau një rast real që, sipas tij, duket si një barsoletë, por ka ndodhur vërtet. Bëhet fjalë për një burrë që kishte kërkuar të kryente një ndërhyrje për zmadhim, i shoqëruar nga bashkëshortja e tij. Ndërhyrja ishte kryer pas rekomandimit nga një psikiatër, i cili kishte konfirmuar se pacienti ishte në gjendje të mirë mendore.

Megjithatë, pas një viti, çifti u rikthye në klinikë, këtë herë me një kërkesë të pazakontë: gruaja kërkoi që burri të kthehej në gjendjen e mëparshme, pasi sipas saj, kishin nisur probleme në jetën intime.

Sipas kirurgut, rikthimi në gjendjen fillestare ishte i pamundur, pasi gjatë operacionit ishte vendosur një protezë dhe ishte kryer një ndërhyrje në një muskul specifik, e cila ndryshon përfundimisht strukturën anatomike.

Panajot Papa theksoi se shumë ndërhyrje estetike nuk kanë “kthim mbrapa” dhe se pacientët duhet të informohen mirë përpara se të marrin një vendim.

“Është shumë e rëndësishme që pacienti të kuptojë saktë çfarë po bën dhe çfarë pasojash mund të ketë ndërhyrja. Shumë herë krijohen inde fibrotike dhe ndryshime që nuk mund të rikthehen më në gjendjen fillestare,” u shpreh ai.

Mjeku këshilloi që çdo vendim për ndërhyrje kirurgjikale të merret me kujdes, pas konsultave të shumta dhe jo thjesht për arsye estetike.

Pas më shumë se 300 vitesh larg trojeve të të parëve, shqiptarët e Ukrainës vijojnë të ruajnë me fanatizëm gjuhën, zakon...
01/22/2026

Pas më shumë se 300 vitesh larg trojeve të të parëve, shqiptarët e Ukrainës vijojnë të ruajnë me fanatizëm gjuhën, zakonet dhe identitetin e tyre kombëtar. Në fshatin Karakurt, në jug të Ukrainës, jeton një komunitet i tërë shqiptarësh që, pavarësisht distancës dhe kohës, e ndjejnë Shqipërinë si shtëpinë e tyre.

Tetiana Siupiur, e njohur edhe si Mirabelle Supure, është një nga pasardhëset e këtij komuniteti. Ajo tregon se është rritur me shpirtin shqiptar dhe se lidhja me atdheun e stërgjyshërve të saj është shumë e fortë. Udhëtimi i saj i parë në Shqipëri në vitin 2007 ishte një përjetim i paharrueshëm, ku ndjeu se gjuha dhe kultura i bashkon edhe pas kaq shumë vitesh.

Fëmijët e Karakurtit mësojnë shqipen bashkëkohore në shkollë dhe njihen me historinë e Shqipërisë, por shumica prej tyre nuk kanë pasur kurrë mundësinë të shkelin në tokën shqiptare. Për këtë arsye, komuniteti ka nisur një projekt për të realizuar një udhëtim veror në Shqipëri për 12 fëmijë dhe 4 kujdestarë, që do të zgjasë 12 ditë.

Udhëtimi do të përfshijë vizita në qytete historike si Tirana, Kruja, Berati, Apollonia, Vlora dhe pushime në bregdet. Qëllimi është që këta fëmijë të njohin nga afër vendin për të cilin kanë dëgjuar vetëm nga librat dhe rrëfimet e të moshuarve.

Komuniteti shqiptar në Ukrainë u shpërngul fillimisht nga zonat e Korçës dhe Pogradecit për shkak të përndjekjeve osmane, më pas jetoi për rreth 200 vjet në Bullgari dhe përfundoi në Ukrainë. Sot, rreth 50 mijë shqiptarë jetojnë atje, duke ruajtur gjuhën dhe traditat.

Apeli i tyre është i thjeshtë, por prekës: të ndihmohen këta fëmijë që ëndrra e tyre për të vizituar Shqipërinë të bëhet realitet.

Selin dhe Greta kanë pasur debatin e parë mes tyre në shtëpinë e “Big Brother VIP 5”. Gjithçka nisi pas zgjedhjes së Gre...
01/22/2026

Selin dhe Greta kanë pasur debatin e parë mes tyre në shtëpinë e “Big Brother VIP 5”. Gjithçka nisi pas zgjedhjes së Gretës si lidere e shtëpisë, ku ajo ndau detyrat dhe vendosi që Selin dhe Mateo të merreshin me lavanderinë.

Situata u tensionua edhe më shumë për faktin se gjatë zinxhirit të mbrëmshëm, Greta nuk e shpëtoi Selin, por zgjodhi të përmendte emrin e Kristit.

Ndërsa Greta po fliste me Mirin, ajo përmendi edhe Selin, e cila ndodhej pranë dhe reagoi menjëherë:

“Unë personalisht, edhe mbrëmë kur po flisnim për zinxhirin, i thashë se nëse do niste zinxhiri tek unë, para Gretës nuk do të të shpëtoja ty. Nëse do të flasësh për lojën time, hajde fol me mua. Nëse do të flasësh me Mirin, fol me Mirin për Mirin”, u shpreh Selin.

Ajo i kujtoi gjithashtu Gretës se e la në lavanderi me Mateon, pavarësisht klipit të transmetuar gjatë Prime-it, gjë që sipas Gretës nuk ishte aspak problem, pasi bëhej fjalë vetëm për punë të zakonshme.

Debati vijoi me replika të drejtpërdrejta mes tyre, ku Selin i kërkoi Gretës të mos e përmendte emrin e saj nëse çështja ishte personale.

“Unë e kam personale”, tha Greta, ndërsa Selin iu përgjigj: “Atëherë mos e përmend emrin tim”.

Greta u shpreh se nuk e kishte ulur kurrë Selin, por kishte bërë thjesht zgjedhjet e saj si lidere.

Kryeministri Edi Rama ka firmosur një leje të re zhvillimi për kompaninë “Orion”, e cila është në pronësi të Ardian Nelo...
01/22/2026

Kryeministri Edi Rama ka firmosur një leje të re zhvillimi për kompaninë “Orion”, e cila është në pronësi të Ardian Nelos, bashkëshortit të moderatores Alketa Vejsiu.

Bëhet fjalë për një projekt të përmasave të mëdha në zonën e Gjilekës, Dhërmi, buzë detit Jon, një nga zonat më elitare të Rivierës Shqiptare. Sipas dokumenteve të zbardhura, projekti parashikon ndërtimin e një kompleksi turistik dhe rezidencial në një sipërfaqe prej rreth 140 mijë metrash katrorë.

Leja është miratuar nga Këshilli Kombëtar i Territorit dhe Ujit më 25 shtator 2025 dhe është firmosur zyrtarisht më 31 dhjetor 2025, ndërsa së fundmi është bërë publike nga Agjencia e Zhvillimit të Territorit.

Në dokumente thuhet se kompleksi do të përfshijë vila, apartamente, struktura hoteliere, ambiente shërbimi dhe një hotel luksoz me 5 yje. Projekti synon të shndërrohet në një resort elitar, i orientuar drejt turizmit të nivelit të lartë.

Kompania “Orion” rezulton të ketë si pronar kryesor Ardian Nelon me 97.20% të aksioneve dhe Niazi Nelon me 2.80%. Sipas bilanceve të publikuara për vitin 2024, fitimi neto i kompanisë ka qenë mbi 68 milionë lekë.

Vendimi ka ngjallur diskutime dhe pikëpyetje për mënyrën e dhënies së lejeve në zonat bregdetare, sidomos në një nga territoret më të lakmuara të turizmit shqiptar.

Address

Las Vegas, NV

Telephone

+17252417394

Website

Alerts

Be the first to know and let us send you an email when Lajme Javore posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lajme Javore:

Shortcuts

Share

Category