06/05/2026
झापा — दमकमा बोराभित्र फेला परेकी २१ वर्षीया रोमा (रमा) तिवारीको हत्या प्रकरणमा प्रहरीले एक भारतीय नागरिकलाई पक्राउ गरेको छ।
गत जेठ १६ गते Damak नगरपालिका–१० स्थित रतुवा खोलाको पुलमुनि सेतो बोराभित्र पोको पारिएको अवस्थामा युवतीको शव फेला परेको थियो। मृतकको पहिचान उनका पिता नारायण तिवारीले गरेका थिए।
घटनाको अनुसन्धानका क्रममा प्रहरीले भारतको बिहार राज्य घर भई हाल दमकमा बस्दै आएका ३४ वर्षीय राकेशकुमार पण्डितलाई पक्राउ गरेको जनाएको छ। प्रहरीका अनुसार सीसीटीभी फुटेज, प्राविधिक विश्लेषण र निगरानीमार्फत आरोपीको पहिचान गरिएको थियो।
प्रारम्भिक सोधपुछमा पैसाको विषयमा भएको विवादपछि हत्या गरेको बयान दिएको प्रहरीले जनाएको छ। घटनासँग सम्बन्धित मोटरसाइकल, मोबाइल फोन, कपडा तथा अन्य सामग्रीसमेत बरामद गरिएको छ।
हाल आरोपीविरुद्ध ज्यानसम्बन्धी कसूर तथा जबरजस्ती करणीसम्बन्धी कसूरमा अनुसन्धान अघि बढाइएको प्रहरीले जनाएको छ।
