07/21/2025
ការទទួលបានចំណាត់ថ្នាក់ទាបជាងគេនៅ SEA V League 2025 និងការធ្លាក់ចំណាត់ថ្នាក់ក្នុងតារាងកីឡាបាល់ទះពិភពលោក FIVB គឺជារឿងសោកស្ដាយដែលមិនអាចចៀសផុតតែក្នុងនេះក៏យើងមានរឿងត្រូវអបអរដែរ។
អបអររឿងអី? មានអ្វីត្រូវអបអរ បើយើងចាញ់ហ្នឹង?
អ្វីដែលអបអរនោះគឺថា ក្រុមជម្រើសជាតិបាល់ទះកម្ពុជា មានឈ្មោះក្នុងបញ្ជីចំណាត់ថ្នាក់ FIVB Men’s Volleyball World Ranking ដែលជាការប៉ុនប៉ងរបស់សហព័ន្ធកីឡាបាល់ទះកម្ពុជា ក៏ដូចជាថ្នាក់ដឹកនាំរបស់សហព័ន្ធជាយូរមកហើយ។
ការមានឈ្មោះក្នុងបញ្ជីនេះមានន័យថាយើងមានក្រុមបាល់ទះមួយជាផ្លូវការដូចគេដូចឯង មានការប្រកួតលីគកម្រិតជាតិ មានការប្រកួតពានរង្វាន់កម្រិតអន្តរជាតិ មានការប្រកួត មានសកម្មភាព ដែលនេះជាអ្វីដែលសហព័ន្ធបាល់ទះពិភពលោកចង់បាន។
រឿងដែលត្រូវធ្វើបន្ត ប្រឹងហ្វឹកហាត់បន្ថែម បណ្ដុះយុវជនថ្នាល និងមានសកម្មភាពប្រកួតជាប្រចាំ។ លេងកាន់តែច្រើន ការរីកចម្រើនកាន់តែច្រើន។
កាលពី១០ឆ្នាំមុន គ្មានសកម្មភាពបាល់ទះដូចបច្ចុប្បន្ននេះទេ!!
អត្ថបទ៖ Oan Saonat -Sport Journalist
