Wananchi Forum

Wananchi Forum Wananchi Forum- For the people by the people

12/25/2025

Askofu wa Kanisa la Uamsho la Moravian Tanzania, Emmaus Mwamakula, amesema kuwa kumsh*taki Katibu Mkuu wa Baraza la Maaskofu Katoliki Tanzania (TEC), Padri Charles Kitima, kwa Papa ni sawa na kuwash*taki Maaskofu Katoliki wote wa Tanzania.

Askofu Mwamakula ametoa kauli hiyo katika mahojiano maalumu na Jambo TV jijini Dar es Salaam, akisisitiza kuwa Padri Kitima anatekeleza majukumu yake k**a Katibu Mkuu aliyeteuliwa na Baraza la Maaskofu, hivyo maoni na kauli zake ni kwa niaba ya TEC nzima.

Ameeleza kuwa wito wa baadhi ya watu wanaodai Papa achunguze utendaji wa Padri Kitima kimsingi ni sawa na kumtaka Papa aunde k**ati ya kuwachunguza Maaskofu wote wa TEC, wakiwemo Kardinali Polycarp Pengo, Kardinali Protase Rugambwa na viongozi wengine wa Kanisa Katoliki nchini.

Kwa mujibu wa Askofu Mwamakula, hoja hiyo inaonyesha kutoielewa vizuri mfumo wa uongozi wa Kanisa Katoliki, ambapo Katibu Mkuu hafanyi kazi binafsi bali chini ya maamuzi na mwelekeo wa Baraza la Maaskofu.

12/03/2025

Mtoto wa miaka 14 kutoka kijiji cha Arusha ameripotiwa kujinyonga baada ya madai ya kuingiliwa kinyume na maumbile na askari waliomchukua Oktoba 29.

Kwa mujibu wa mmoja wa wanafamilia, kijana huyo alipatikana tarehe 4 akiwa ameumizwa vibaya, mwili ukiwa na makovu na kuvimba. Hali yake iliwatia hofu zaidi pale alipolalamika kushindwa kukaa, na baada ya uchunguzi wakabaini alikuwa amelawitiwa.

Siku chache baadaye, alisikika akisema anaenda shambani kutafuta masago ya ng’ombe. Hata hivyo, hakurudi nyumbani—baadaye alipatikana akiwa amejinyonga.

12/03/2025

Baada ya kuachiwa huru, vijana hawa wawili maarufu Tanzania na .niffer._ wametoa neno la shukurani haswa kwa Mwenyezi Mungu na Watanzania waliowapigania hadi wakapewa haki yao ya kuwa huru.

Hotuba ya Rais Samia wakati akizungumza na Wazee wa Dar es Salaam Desemba 2, 2025 na kuwataka kutoingilia serikali yake ...
12/03/2025

Hotuba ya Rais Samia wakati akizungumza na Wazee wa Dar es Salaam Desemba 2, 2025 na kuwataka kutoingilia serikali yake imeibua mjadala kuhusu nafasi ya viongozi wa dini katika jamii ambapo Askofu wa KKKT Karagwe, Dkt. Benson Bagonza ameamua kusema kwa kauli hiyo ya Rais basi “Kazi ya viongozi wa dini ni kuombea mvua, mengine tunajipendekeza.”

Ujumbe wa Askofu Bagonza unaendelea kuchochea mjadala wa kitaifa kuhusu hali ya uhuru wa maoni nchini, wajibu wa viongozi wa dini, na namna ya kujenga mazingira yenye uwazi kati ya Serikali na taasisi za kidini.

Dar es Salaam — Mahak**a ya Hakimu Mkazi Kisutu imewaachilia huru mfanyabiashara Jennifer Jovin, anayefahamika zaidi k**...
12/03/2025

Dar es Salaam — Mahak**a ya Hakimu Mkazi Kisutu imewaachilia huru mfanyabiashara Jennifer Jovin, anayefahamika zaidi k**a Niffer (26), pamoja na Mika Chavala (32), baada ya Mkurugenzi wa Mashtaka (DPP) kusitisha mashtaka dhidi yao.

Uamuzi huo umetolewa leo Jumatano, Desemba 3, 2025, mbele ya Hakimu Mkazi Mkuu Aaron Lyamuya, mara baada ya DPP kuwasilisha hati maalum ya kisheria iitwayo Nolle Prosequi, taarifa rasmi ya kutokuwa na nia ya kuendelea na mashtaka.

Hati hiyo imewasilishwa kwa mujibu wa kifungu cha 92(1) cha Sheria ya Mwenendo wa Mashauri ya Jinai (marejeo ya 2023), kinachompa mamlaka DPP kusitisha mash*taka wakati wowote kabla ya hukumu kutolewa.

Kwa hatua hiyo, Niffer na Chavala wameungana na wenzao 20 waliokuwa wakikabiliwa na mashtaka hayo pamoja, ambao tayari walishapewa ruhusu ya kuondoka na kesi kutupwa.

Hatua hii inahitimisha rasmi kesi hiyo na kuifanya mahak**a kuwaachia huru washtakiwa wote.

‎Kauli za Samia k**a kiongozi mkuu wa nchi haziko sawa kidiplomasia. Hakuna taifa lililompangia cha kufanya; alichofanyi...
12/03/2025

‎Kauli za Samia k**a kiongozi mkuu wa nchi haziko sawa kidiplomasia. Hakuna taifa lililompangia cha kufanya; alichofanyiwa ni kushauriwa kwa misingi ya demokrasia.
‎
‎Bunge la Ulaya si mara ya kwanza kutoa ushauri au maagizo kwa nchi zinazokiuka haki za binadamu. Katika matamshi yake mwenyewe, Samia alikiri wazi kuwa watu waliouawa tarehe 29 Oktoba waliuawa kwa sababu “walitaka kumpindua.” Kauli k**a hiyo ni ushahidi wa ukiukaji mkubwa wa misingi ya kibinadamu na kisheria, hivyo ni wajibu wa jumuiya ya kimataifa, mashirika ya haki za binadamu na mataifa mbalimbali kukemea bila kuyumbishwa.
‎
‎Lakini badala ya kujibu hoja hizo kwa mantiki ya kidiplomasia, ameamua kuwaita wazungu “wakoloni” na kuwadhalilisha kwa kauli za kejeli k**a “who are you?” Lugha k**a hiyo inakiuka misingi ya diplomasia, inavunja heshima ya mikataba ya kimataifa na inaweza kuathiri mahusiano ya nchi kimataifa.
‎
‎Kwa “who are you?” jibu ni rahisi: Tanzania imetangaza kuwa na deni la takriban trilioni 107, deni lililotokana pia na taasisi na mataifa anayewadharau leo. Aidha, misaada aliyoidharau kuwa ni “hela ndogo” ndiyo imesaidia maeneo mengi ya maendeleo hapa nchini. Kuibeza misaada hiyo hadharani kunaharibu taswira ya nchi na siyo tabia ya uongozi unaopaswa kulinda maslahi ya Watanzania.
‎
‎"Who are you"... Wao ndio alihangaika kuigiza Royal Tour ili waje kutalii nchi yake, au labda hajui k**a kauli yake inaweza kufunga milango ya utalii?.

12/03/2025

Katika tamasha lililofanyika KICC jijini Nairobi mwishoni mwa wiki, mashabiki walikataa kusikiliza wimbo “Pawa” wa msanii Mbosso.

Hatua hiyo ilitokana na hisia za umma kuhusu ukimya wa wasanii wa Tanzania mbele ya mateso na ukandamizaji wa vijana baada ya uchaguzi.

Mashabiki walitoa sauti ya pamoja wakimtaka DJ kusitisha wimbo huo, na muziki ukabadilishwa mara moja.

Chanzo: Plugmedia Kenya

Mwanasiasa na mwanaharakati Godbless Lema ametoa ujumbe mrefu wa kutafakari na kuwatia moyo Watanzania akisema hotuba ya...
12/02/2025

Mwanasiasa na mwanaharakati Godbless Lema ametoa ujumbe mrefu wa kutafakari na kuwatia moyo Watanzania akisema hotuba ya Rais Samia imebeba ishara ya uwepo na msaada wa Mwenyezi Mungu kwa Taifa.

Kupitia ukurasa wake wa mtandaoni, Lema ameandika kuwa k**a Mungu alivyowaongoza Waisraeli kutoka Misri na kumwacha Farao kuwa na moyo mgumu ili ajitukuze mbele ya watu wake, ndivyo pia utukufu wa Mungu unaonekana sasa nchini Tanzania kupitia changamoto zinazoendelea.

Lema amesema kuwa matukio magumu yanayopitia taifa ni alama ya nyakati na uthibitisho kuwa safari ya kudai haki haijaachwa bila ulinzi wa Mungu. Ameongeza kuwa pamoja na udhaifu wake binafsi, anatambua uwezo wa Mungu usio na kifani na kwamba leo imekuwa siku ya ishara kubwa kwa Watanzania.

Aidha, Lema amewataka wananchi waache kufikiria mabaya juu ya mtu yeyote na waendelee kutenda wema bila kuchoka, akisema kila mmoja “atavuta pasipo kutarajia.” Amehimiza Watanzania wasizimie moyo, wabaki watulivu na waendelee kuamini kuwa nchi itavuka salama.

Jeshi la Polisi Mkoa wa Morogoro limemk**ata Mhadhiri wa Chuo Kikuu cha Sokoine (SUA), Profesa Rasel Madaha, kwa tuhuma ...
12/02/2025

Jeshi la Polisi Mkoa wa Morogoro limemk**ata Mhadhiri wa Chuo Kikuu cha Sokoine (SUA), Profesa Rasel Madaha, kwa tuhuma za uchochezi. Taarifa zinaeleza kuwa tuhuma hizo zinahusiana na jukwaa la WhatsApp analoliongoza k**a Admin Mkuu.

Profesa Madaha amenyimwa dhamana na kwa sasa anashikiliwa katika Kituo Kikuu cha Polisi Morogoro. Tukio hili limeibua mijadala kuhusu uhuru wa kujieleza na nafasi ya wasomi katika mijadala ya kijamii na kisiasa nchini.

12/02/2025

Kwa mujibu wa taarifa kutoka CNN, Samia Suluhu Hassan amekiri mauaji ya waandamanaji yaliyofanywa na polisi, akidai kuwa maandamano hayo yalikuwa jaribio la kupindua serikali.

Katika hotuba kwa wazee wa Dar es Salaam, alieleza kuwa vijana walilipwa ili kuanzisha vurugu kwa lengo la kuiangusha serikali yake.

CNN imeeleza kuwa kauli hiyo ni sehemu ya “uhalisia mbadala” anaouendeleza Samia, ikionyesha mtazamo tofauti na hali halisi ya kisiasa nchini.

Address

Los Angeles, CA

Telephone

+14245373057

Website

Alerts

Be the first to know and let us send you an email when Wananchi Forum posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Wananchi Forum:

Shortcuts

Share

Category