11/14/2025
Epizòd 45
Mon Rêve
✍🏽Ekri pa : Ing. Witchy
Andre chita poukont li nan salon an, sèlman limyè telefòn li klere figi l. foto Robert frè li, ap souri yon souri ki toujou kraze kè Andre chak fwa li gade l.
Li pase dwèt li dousman sou foto an.
Andre : (vwa ba, kase) “Pardon frè m… men jwèt la poko fini.” 😶🌫️
Li pran yon gran souf. Yon doulè fin vye granmoun retounen, yon chay li pote depi ane yo. Li leve, mache dousman al chita sou sofa a, epi kòmanse pale poukont li, tankou yon nonm ki bouke kache verite.
Andre : Robert… ou te pi bon pase mwen.
Ou te gen limyè, ou te gen lespwa… e moi je suis un rate”
Je l wouj. Li pa kriye, men dlo ap monte.
Andre : Si m te ka retounen nan tan… m ta chanje tout bagay.
M pa t vle w mouri non, frè m.
Li fèmen je l, imaj lanmò Robert reviv nan tèt li. Yon sèn li swete l te ka efase.
Andre : oufff, mon frere
Li frape tèt li dousman ak pla men l.
Andre : Si gen moun ki dwe mouri pou sa… se mwen, pa ou.
Men misyon mwen konnya se:
Pwoteje Lorenzo.
Kenbe l .
Li leve tèt li, gade foto Robert la ankò.
Andre : Mwen te vin tonton l… men an reyalite, travay mwen se veye l.
mwen vle konnen si lap grandi tankou ou…
si l ap fouye tou…
si l ap chèche verite a.”
Li sispann, poze telefòn nan sou jenou l.
Andre : Men Lo… Lo pa tankou mwen.
Lo se ou menm.
Li gen menm kè w, menm jistis ou, menm tèt di ou….” 😢
Li leve, mache al nan fenèt la, l ap gade lannwit la.
Andre :Jodi a, jou mwen preske rive men m dwe ale.
Li rale rido yo yon ti kras, se tankou li t ap kache tèt li anba fènwa.
Andre : Mwen swete m ka pwoteje Lorenzo anba sa k ap vini…
Men mwen pa ka rete nan mitan jwèt la ankò.
Se swa mwen fini travay yo ban mwen an…
Li retire chèn ki nan kou li yon vye meday Robert te konn pote.
Andre : Mwen bouke sèvi ak chaj sa.
Pou la pwemye fwa…
mwen pral aji pou tèt mwen.
Pou Lorenzo.” 💔
Li fè yon ti silans.
Andre : Frè m… si w tande m…
ede’m pa fè pi move erè a ankò.”
Li rale telefòn li, li ouvri yon konvèsasyon sekrè ki make
“Patron”.
Andre ekri :
“Nou bezwen pale, paske mwen panse akselere prosesus yo pi rapid
Li pa voye mesaj la touswit. Dwèt li rete anwo bouton “send” lan.
Andre :
“Frè m… gidem.
Paske nenpòt mouvman m fè la…
Li respire fon.
Li voye mesaj la.
Ping !
Yon sekond apre, li resevwa yon repons :
nou pa ka fe anyn nou dwe respekte dat ki te ekri nan kontra, epi ou dwe tounen vin reprann travay ou
Andre fèmen je l. Yon frison travèse kò l.
Andre : (anndan tèt li)
“Non… m pap fè sa.
M pap janm fè sa.
M pap pèdi pitit frè m tou.” 😤
Nan menm moman sa…
Lorenzo chita nan chanm li, ap gade foto papa l. Je l chaje ak kè sote, kolè, mande tèt li mil kesyon.
Li repete pou tèt li :
“M ap chèche verite a… menm si sa fè mal.”
Nwit te deja tonbe sou vil la, nan maten yon limyè lari yo klere dousman, pandan Lorenzo mete rad li yo byen anfòm. Li te pran tan chwazi sak li, mete chemiz li byen pliye, ak pantalon ki fè l santi l konfyans. Li te gade nan glas la yon dènye fwa:
Lorenzo (anndan tèt li): “Wi… m pare. Nouvo lekòl, nouvo kòmansman. Men m ap fè sa… ak fòs mwen.”
Li pran sak li, sòti nan kay la, ak yon souri trankil sou figi li. Lari yo te kalm, yon ti van frèt frape figi li, men li pa t santi frèt. Li t ap mache ak pas, konfyans nan chak mouvman.
Lè li rive devan lekòl la, pòt la ouvè deja pou kèk elèv ki t ap antre. Lorenzo te premye moun nan liy lan. Li gade anviwònman an: yon gwo lakou, nouvo klas, nouvo eksperyans. Tout bagay parèt nouvo, men li santi li pare.
Lorenzo (anndan tèt li): “Se premye jou… pa gen anyen pou pè. Fòk mwen montre sa m kapab.”
Li fè yon ti souri, men nan moman sa a, li kwaze je Farha, yon fi li poko janm rankontre anvan. Je yo rankontre pou yon ti segond, epi tan an sanble kanpe.
Farha rete kanpe yon ti moman, li fiks Lorenzo avèk yon ekspresyon etone, tankou li rekonèt yon bagay espesyal nan li. Li pa di anyen, men gade li dousman, kò li leve tankou li pèdi balans.
Lorenzo (anndan tèt li, chache konprann): “Ki moun sa ye? Poukisa li ap gade m konsa?”
Farha pa deplase, je l toujou sou li. Yon ti souri misterye parèt sou bouch li, men li rete silans.
Lorenzo: (panse) “Hmm… sa a… sa pral enteresan. Kiyès li ye? Sa ki pral rive jodi a? Tout bagay santi l diferan.” 😳
Soudèn ,Ludenie kouri, je l klere, li pa ka kache kontantman li:
Ludenie : “Lolo! 😍 Ou tounen! Mwen pa kwè w la vre!”
Lorenzo vire, li wè zanmi l depi lontan k ap kouri al jwenn li. Kè Lorenzo bat pi fò. Li pa t atann sa a konsa.
Lorenzo : (souri, etone) “Ludeniiiiiiiiiiiiiiiiiiiiiiiiiiiiiiiiiiiiiiiiiiiiie… ?”
Farha se yon jen fanm nan lekol la ki pa jwe ak anyn, depi gason bel li byn kanpe ou pa bezwen farah ap krazel, men paran li vremn gen moyen
Ludenie sote, li fè yon ti dans kontan, men li kenbe distans li.
Ludenie : “Wi! Wi! Mwen tèlman kontan wè w! Mwen pat ka tann we nan lekòl la… men mwen pa t kwè se jodi a m ap wè w!” 😄
Lorenzo : (ap souri dousman) “Mwen menm… m kontan wè w tou. noou pral kraze sa.”
Ludenie : (mache dousman bò kote li) “Men sa k fè m plis kontan… w parèt menm jan ak anvan, on dirait ke se nan moman nou te lekol ansanm , lè w te toujou ap ede youn lòt moun.”
Lorenzo santi yon chalè nan kè l. Li reflechi, li sonje tout moman li te pase ak Ludenie nan tan lontan, tout ri, tout pale, tout sipò.
Ludenie : (ap ri, li kenbe men li sou kè l) “Lolo, mwen pa ka kwè… w ap mache devan mwen konsa. Mwen swete jou sa a pap janm fini.”
Lorenzo : (anndan tèt li) “Wi… e mwen espere fwa sa nou fe plis tan
Pandan yo ap pale, Farha toujou kanpe nan yon distans. Je li sou Lorenzo, li kontinye souri, misterye.
Farha : (anndan tèt li) “Hmm… li diferan… Li gen yon fòs, yon kalite… mwen dwe swiv li.
Ludenie ap kontinye eksprime lajwa li pou wè Lorenzo. Li vire gade lòt elèv yo, men tout atansyon li konsantre sou Lorenzo.
Lorenie : “Lolo… ou konnen ou te manke m anpil?”
Lorenzo : (souri dous) “Mwen menm… menm jan. Men sa bèl… n ap kòmanse nouvo jou sa a ansanm.”
Pandan Lorenzo ap fè premye pa l nan lakou a, Ludenie kouri bò kote li, ap rale l nan yon ti dans kontan, je yo briye tankou de timoun k ap jwe ankò.
Nan menm moman sa a, yon mouvman nan kwen lakou a fè Farha fè yon ti pa avan. Li obsève Lorenzo, Ludenie, epi yon ti souri kontantman ak mistè parèt sou figi li.
Farha : (anndan tèt li) “Wi… jou sa a pral diferan. Mwen santi li… Li pral chanje tout bagay.” 😏
Lorenzo santi yon batman kè diferan. Li vire, li gade Farha, epi yon koneksyon silansye fèt ant yo. Yon ti tranbleman nan kè li, yon melanj de kiryozite ak eksitasyon.
Ludenie : “Lolo… pran men mwen! Nou pral fè premye jou sa a espesyal!” 😄
Lorenzo pran men li, epi ansanm yo mache nan direksyon klas yo. Tout bagay parèt nouvo, men li santi fòs ak kè kontan.
Lorenzo ak Ludenie mache nan direksyon klas la. Lekòl la plen bri ak ri elèv yo, men Lorenzo santi yon ti kè kalm nan kè l. Li pran yon gran souf, pare pou premye jou sa a.
Lè yo rive nan klas la, pwofesè a leve tèt li, li fè yon ti souri:
Ludenie: woyyy la pou chita wi, m pap dako ou ale lwen mwen
Lorenzo: mwen konnen, men plas sa deja gen moun
Ludenie: non m te gadel pou ou Lo
Lorenzo: ok, mwen met chita chef la
Ludenie: wi nou pral kraze sa
menm kote a prof la antre
Pwofesè : “Bonjou tout moun!
klass: bonjour Monsieur
Pwofesè: Nou gen yon nouvo elèv jodi a. Lorenzo, tanpri prezante tèt ou pou klas la.”
Lorenzo pran plas li devan klas la, je l klere ak yon ti souri. Li gade tout moun ak konfyans, li kòmanse pale:
Lorenzo : “Bonjou, mwen se Lorenzo. Mwen kontan anpil pou m ap kòmanse lekòl sa a ansanm avèk nou. Mwen espere nou pral pataje bon moman, ede youn lòt, epi aprann ansanm.” 😌
Tout klas la fè yon ti ri kontan, kèk moun bat men, lòt souri. Gen kèk elèv ki menm kanpe ti jan pou montre yo kontan resevwa l.
Ludenie : (ap gade l, ap souri) “Wi… Lolo, tout moun kontan wè w, menm jan mwen.” 😄
Pwofesè : “Mwen swete Lorenzo pral santi l byen nan klas la. Nou tout la pou ede w, men li klè… Lorenzo gen yon fòs espesyal, mwen ka wè sa.”
Lorenzo retounen nan plas li, kè l kontan, men li santi yon ti batman lè l remake Farha toujou ap gade li. Li chita, li pran yon ti tan pou reflechi:
Lorenzo (anndan tèt li) :
“Se kòmansman yon nouvo jou… nouvo eksperyans.
Tout klas la kontinye pale ak ri Nan yon lòt kwen nan lekòl la, Farha chita ak kèk zanmi li yo, Sandra ak Joahnne. Yo tou senpleman ap pale, san yo pa wè Lorenzo.
Farha : (ap souri dousman, men ak yon ti fyète) “Wi… jodi a mwen te wè yon ti grenn ki sanble anfòm, li gen yon kalite espesyal. Mwen wè li byen… e mwen pral byn pran sa pou m manje .” 😏
Sandra : (ri ti jan) “Ah ou toujou ap obsève moun wi Farha… men sa ou wè a… se vre li anfòm konsa?”
Farha : (klè, fè atansyon) “Mwen pa bezwen pale plis. Men mwen remake kèk bagay… se pa tout moun ki parèt menm jan ak sa yo ye. Lè m wè li jodi a, mwen te santi yon bagay diferan.”
Joahnne : “Hmm… ou toujou gen je byen, Farha. Men fè atansyon, pa fè bri, lòt moun ka remake ou ap gade.”
Farha : (gade nan fenèt la, reflechi) “Wi… m konnen. Mwen toujou fè sa nan lonbraj. Sa ki enterese m, se konpòtman l, fòs li… jan li prezante tèt li. Mwen pral swiv sa.”
Sandra : “Ou toujou misterye konsa… m swete sa pa mete w nan pwoblèm.”
Farha : (ri ti jan, ak yon souri misterye) “Non… pa gen pwoblèm. Sa sèlman ap fè m pi byen prepare pou sa k ap vini.”
Farha rale kaye li anba bra li, fèmen je li yon ti segond, epi yon ti van fè rido yo flote dousman. Yon sans de detèminasyon parèt nan je li.
Farha (anndan tèt li) :
“Wi… mwen pral swiv sa… e lè moman an rive… tout moun ap wè jan li diferan.” 😏
De èdtan te pase depi premye kou a. Lè rekreyasyon rive, Ludenie pran men Lorenzo epi yo ale nan kafeterya lekòl la. Yo chita sou yon tab nan kwen, manje ti goute yo te pote ak yon ti pale dous.
Ludenie : (ap ri) “Lolo, mwen pa ka kwè… ou toujou menm jan ak anvan! Ou toujou ap fè moun santi yo alèz.” 😄
Lorenzo : (souri) “Mwen menm… menm jan. Men sa bèl wè w kontan konsa. Nou pral fè jou sa a espesyal.”
Yo kontinye pale, ri ansanm, chak mouvman yo fè, je yo klere tankou de timoun ki gen yon sekrè. Lè Lorenzo ap rakonte yon ti istwa komik, yon silans kout rive nan kafeterya a. Tout moun gade yon ti mouvman nan pòt la.
Yon figi li te fè nwa nan distans, grandi ak prezans li tankou yon gwo soumoun… Farha parèt. Li gade Lorenzo dirèkteman, kanpe yon ti moman ak yon ti souri misterye. Tout mouvman li fè montre konfyans, ak yon prezans ki fè moun rete trankil.
Farha : (vwa klè, kalm, men avèk yon ti ton dous) “Salut, bo gos…” 😏
Lorenzo : (je l louvri gwo, etone) “…heuuu?
Li gade Ludenie , yon ti ri kache sou bouch li men je li klere ak sipriz.
Ludenie : (murmure, ti jan eksite) “Hmm… Lolo… kiyes sa.”
Aswiv
