SBC Somali Online

10/16/2026

Madaxweynihii h**e ee Soomaaliya, Shariif Sheekh Axmed, ayaa si adag uga horyimid jadwalka doorashooyinka ee uu shaaciyay Guddiga Madaxa-bannaan ee Doorashooyinka Qaranka iyo Soohdimaha, isaga oo ku tilmaamay tallaabo hal dhinac ah oo aan loo marin habraacyada sharciga ah.

Shariif Sheekh Axmed ayaa sheegay in go’aanka guddigu uu dhaliyay walaac la xiriira hannaanka doorashooyinka dalka, isaga oo su’aal geliyay sharciyadda jadwalka la shaaciyay iyo habraacyadii loo maray. Wuxuu ku adkeystay in arrimaha doorashooyinka iyo wax-ka-beddelka Dastuurka KMG ah ay u baahan yihiin hannaan sharci ah oo waafaqsan dastuurka dalka.

Khilaafkan ayaa kusoo aadaya xilli ay sii xoogeysanayaan doodaha siyaasadeed ee ku saabsan nooca doorasho ee Soomaaliya yeelan doonto iyo sida loo xaqiijin karo heshiis siyaasadeed oo ay dhinacyada kala duwan ku wada qanacsan yihiin. Mowqifka Shariif ayaa sidoo kale muujinaya kala aragti duwanaanshaha ka dhex jira hoggaanka siyaasadeed ee dalka ee ku aaddan hannaanka doorashooyinka soo socda.

10/16/2026

10/15/2026

Maxkamadda Sare ee Sacuudi Carabiya ayaa laashay xukun dil ah oo lagu riday Anojan Sivarasa, oo ah shaqaale muhaajir ah oo u dhashay Sri Lanka, kaddib markii lagu helay faallo uu barta Facebook kaga qoray arrin la xiriirtay diinta Islaamka iyo Nebi Muxammad (NNKH).

Sivarasa ayaa la xiray bishii Luulyo 2026, kaddib markii uu Facebook ku qoray faallo dhalisay muran diimeed. Inkasta oo uu markii dambe tirtiray faallada, isla markaana uu soo saaray muuqaal uu raalli-gelin kaga bixinayo, haddana waxaa lagu soo oogay dacwad la xiriirta meel ka dhac diimeed.

Maxkamad ku taalla magaalada Al-Ahsa ayaa markii h**e ku xukuntay shan sano oo xabsi ah iyo ganaax dhan saddex milyan oo riyaal Sacuudi ah, oo u dhiganta ku dhowaad 800,000 oo doollar. Hase yeeshee, maxkamadda racfaanka ayaa bishii Sebtembar xukunkaas u beddeshay dil, taas oo dhalisay walaac xooggan iyo dadaallo diblomaasiyadeed oo ay dowladda Sri Lanka ku dooneysay in naftiisa la badbaadiyo.

Go’aanka cusub ee Maxkamadda Sare ayaa la sheegay inuu soo baxay 13-kii Oktoobar, kaddib dadaallo sharci iyo diblomaasiyadeed oo ay sameeyeen mas’uuliyiinta Sri Lanka. Si kastaba ha ahaatee, weli ma cadda in Sivarasa laga cafin doono xukunkii h**e ee xabsiga iyo ganaaxa, ama inuu sii wajihi doono dacwado kale.

10/14/2026

Wararka laga helayo ilo maxalli ah oo ku sugan magaalada Boosaaso ayaa sheegaya in ciidamo daacad u ah madaxweynaha Puntland, Siciid Cabdullaahi Deni, iyo madaxweynaha Somaliland, Cabdiraxmaan Maxamed Cabdillaahi (Cirro), kuwaas oo Imaaraadka Carabtu u qaaday tababar la xiriira adeegsiga diyaaradaha aan duuliyaha lahayn (drones), loo wareejiyay Israa’iil.
Sida ay sheegayaan isla wararkaas, ciidamada ayaa loo diyaarinayaa guluf militari oo mustaqbalka lagu qaado maamulka Waqooyi Bari Soomaaliya. Hawlgalkan ayaa la sheegay in ay si wadajir ah u fulin doonaan Cirro iyo Deni.
Wararka ayaa intaas ku daraya in qorshaha hawlgalkan uu ka mid noqon karo weerarro loo adeegsanayo diyaaradaha aan duuliyaha lahayn (drones), inkasta oo aan weli si madax-bannaan loo xaqiijin sheegashooyinkan.