The Kismayo Post

06/17/2026

Abdullahi Dheere Ganacsadaha ku caan baxay xatooyada shacabka rer Kismayo ee Jubaland ayaa labo il oo daqli xaaraan ah waxa uu ka sameeya Magaalada Kismayo.

1. Qaadka miraaga ah ee laga keeno Kenya waxa loo xiray Abdullahi Dheere waxaana u dhameeyay ina adeerkis Axmed Madoobe Madaxwaynaha Jubaland, mudo 10 ilaa 8 sano ayuu u xiran yahay ninkaan qaadka miraaga.

2. Dhaca boosaska banaan hadii uu yahay subarlooga iyo hadii uu yahay obasiib waa iskugu mid waxaana jira rag si gaar ah ula shaqeeyo oo uso ogaado dhulalka mustaqbalka leh ee banaan intaas ka dibna waxa uu keenaya ciidan madaxtooyada ah, qofka leh dhulka si loogu hanjabo oo u cararo ka dibna waxa uu ka iibinaya rag ilma adeer ay yihiin oo aan kala aqoon sharci iyo sharci daro.

Maxkamad iyo sharci ninkaan waxba loogama qaadi karo meelkasta oo sharci ah hadii aad ka dacweesid wuxuu bixinaya lacag, intaa ka dib mar kale kiiskaga lama furaayo waxa sidaas sameenayo waa rag ay ilma adeer yihiin.

Abdullahi dheere qaadka Magaalada Kismayo taga waxa uu ka sameeyaa lacag faro badan 30 kun oo dollar ayuu ka helaa maalintii 10.kun oo dollar Maamulka jubaland ayaa iska leh 20. Kun so haray isaga leh, lacagaha dhamaan 30 maalmood waa 600,000 kun oo dollar haaf milyan ayay kor u dhaafaya.

Intaas waxa u dheer boobka dhulalka dad shacabka ah, Abdullahi Dheere diin celiso malaha qof celiyana malaha Magaalada Kismayo qaati ayaa laga taagan yahay.

Warbixintaan warbixinta xigta waxa ku so gudbin doonaa ganacsiyada uu ka furtay lacagahaan xaaraanta iyo meelaha ay ku yalaan ee ha moogaan.

06/15/2026

06/15/2026

Abdullahi Dheere oo ah nin rer Jubaland qaraabo hoose ay wadagaan Madaxwaynaha Jubaland Ahmed Maxamed Islaam ayaa mudo 10 sano gudahood waxa uu noqday Milyineer ka macaashay hanti ay leeyihiin muwaadinin rer jubaland ah gaar ahaan kuwa ree Kismayo ah.

Abdullahi Dheere oo isticmaalayo islamrkaana kaga faaiidaysanayo magacaga Axmed Madoobe ayaa dhacay 270 boos oo waqooyiga Magaalada Kismayo ku yaalo, Abdullahi Dheere ayaa adeegsaday Askar uu ku daadiyay dhulkaas madaama uu ahaa dhul beero ah oo ay leeyihiin dad shacab ah.

Abdullahi Dheere waa ganacsade waxaana u xiran leenka qaadka ka imada kenya ee yimaado Magaalada kismayo, Abdullahi Dheere waxa uu 12 sano ka hor ahaa sarifle isku badalo lacagaha Evc iyo M-Pesa iyo sido kale sarifka doolarka iyo shilin Soomaaliga.

Ninkaan ayaa markii danbe fursad ka dhex arkay arimaha dhulalka waxaana uu bilaabay askarta ay isku h**b yihiin in ay dhulalka ay boobaan uu ka iibsado isago siinayo lacago yar oo qayilaad ah ka dibna mashruuc wuu sii balaariyay.

Dhulkaan waqooyiga Kismayo ku yaalo ee 270 boos ah waxa uu ku daadiyay askar isagoo bixinayo qayilaadooda maalin laha ah ka dibna waxa uu bilaabay inu ka iibiyo rag ay isku beelo yihiin oo aragti sax ah aan ka haysan dhulkaan beeraha ah oo ay leeyihiin dad shacab ah.

Dhulalkaan ayaa maray heerarka dacwada dagmada, maxkamada sare iyo mida racfaanka oo dhamaan ay jogaan rag Abdullahi Dheere ay qaraabo yihiin kuwaas oo uu siiyay laaluusha ka dibna ay u xukumeen.

Ninkaan Abdullahi ah waxa ay jifo hoose isla yihiin Axmed Madoobe wuxuuna adeegsanaya awood isago aan laga hor imaan karin madaama Madaxwaynaha xigta yihiin.

Dadka dhulka leh qaar ka mid ah oo lacago badan laga qaaday islamrkaana loogu sheekeyay inay dib u helayaan hantidooda ayaa mudo la iska daba wareejiyay ugu danbayn wexe ogadeen in mar kale la dhacay oo lacagahooda aanu dib u heleenin waxayna ka hareen kiiska.

Ninkaan Abdullahi Dheere ah ayaa kiiskiisa dhowr jeer la gaarsiiyay Madaxwayne Axmed madoobe waxaana loo sheegay Abdullahi arinta inu ka tunaasulo boobka ah waxa uuna balan qaaday inu joojinayo balse halkiisa ayuu kasi waday dhaca.

Abdullahi Dheere lacagaha faraha badan uu ka dhacay shacabka rer jubaland waxa uu ku iibsaday guryo iyo ganacsiyo qaali ah Magaalooyinka Kismayo iyo Nairobi.

270-ka boos ee uu dhacay Abdullahi halkii boos waxa uu joogaa 18$-kun oo doolar dhamaan lacagahaan waxa uu ku shubtay akoon uu leeyahay. Total-ka waa 4.8600,00$ .Four million eight hundred sixty thousand dollars. Afar milyan iyo sideed boqol oo kun oo dollar-ka Maraykanka ah.

Ilaa iyo hada majirto wax wada hadal ah oo uu ogolaado si hantidaan xooga leh qaar ka mid xita uu dib u celiyo taas badalkeeda waxa uu isticmalaya goodin dil ah iyo cidii kaso daba hadasho inu u isticmaalo.

Madaxweyne Axmed Islaam ayaa loogu baaqay in ninkaan si gaar ah ula xisaabtamo madaama ay isku jilib hoose yihiin waxaana shacabka codsadeen in ninkaan Abdullahi dheere uu isticmaalayo shaatiga Madaxwaynaha taasna dhaawac culus ay ku tahay Axmed Madoobe oo markii la daala dhacayay xalin iyo isku so dhaweenta beelaha rer Jubaland.

06/15/2026

Tan iyo markii magaalada Kismayo laga hirgeliyay mashruucyo waaweyn oo waddooyin ah, waxaa soo baxay cabashooyin la xiriira habsami-u-socodka biyo-mareenada, gaar ahaan kadib roobabkii da’ay. Roobabkaas ayaa sababay in biyuhu ku haraan qaybo ka mid ah magaalada, taasoo keentay in waddooyin qaar ay xirmaan.

Roobabkii ugu dambeeyay kadib, biyo-mareenadii loogu talagalay inay biyaha ka saaraan magaalada ayaa si buuxda u shaqeyn waayay. Taasi waxay keentay in biyuhu ku ururaan waddooyinka, halka qaarkoodna lagu qasbay in matooro lagu saaro si looga hortago fatahaado iyo faafidda cudurrada.

Arrintan waxaa ka dhalatay dood ku saabsan cidda mas’uulka ka ah:

Qandaraaslayaasha mashruuca Waxaa lagu eedeeyay in biyo-mareenada aan si sax ah loo qorsheyn ama loo dhisin, taasoo sababtay in aysan si hufan u shaqeyn.

Dowladda hoose Waxay sheegtay inay si weyn u maalgelisay iyo kormeer u sameysay dhismaha waddooyinka, balse ay walaac ka qabto tayada iyo shaqada biyo-mareenada.

Shacabka Qayb ka mid ah bulshada ayaa iyagana lagu dhaliilayaa inay qashinka ku daadiyaan waddooyinka, taasoo xannibta biyo-mareenada oo sii xumeysa xaaladda.

Inkasta oo waddooyinka magaalada ay guud ahaan yihiin kuwo horumar leh, haddana biyo-mareenada aan si habboon u shaqeynin ayaa noqday dhibaato muuqata. Arrintan waxay muujinaysaa baahida loo qabo biyo-mareeno wanaagsan in la helo.

Dhibaatada biyaha ku hara waddooyinka Kismayo ma aha mid hal dhinac ka timid, balse waa isku darka qorshe-dhismeed, fulin mashruuc, iyo dabeecadda bulshada.

Xalka waara si loo helo wuxuu u baahan yahay iskaashi u dhexeeya dowladda, qandaraaslayaasha, iyo shacabka si loo hubiyo in biyo-mareenadu si sax ah u shaqeeyaan mustaqbalka.