Amora509

29/07/2025

FEYTON

YON LANMOU KI PAT DWE EGZISTE ( EPIZÒD 33 )

3 jou aprè Josué reflechi anpil sou sa Elvia te dil yo li di" gen bagay menmke se manmanm vre mw paka pran tout desizyon yo san Madeline" Josué leve vre li ale lakay Madeline, Josué rive li salye tout moun epi li di

Josué : mw gen yon bagay enpòtan poum pale avèk ou wi babe

Madeline : Ebyen ok babe nap tou pale sa la

Josué : wi babe, manmanm ap plede mandem poum kitel depanse nan maryaj nou an kisaw panse?

Madeline : Eske mwayen paw paka kouvri tout depans yo?

Josué : wi sinon mw pa tap bezwen marye

Madeline : mw pa bezwen fè gran panpan sa ki enpòtan an nou marye

Josué : mw konprann saw di an men ou konnen mw se sèl pitit manmanm ak papam ou panse yap janm akseptem fè yon maryaj konsa

Madeline : Nou pap viv pou moun babe, e oumenm kisaw panse?

Josué : tout saw vle se li mw vle tou babe, map oblije refizel men sa pap anpeche nou fè yon bèl maryaj babe

Madeline : malerezman mw pa ta dwe enplike nan koze oumenm ak manmanw non, men nan ka sa a Hummmm manmanw fè nou twòp

Josué : Pa enkyetew boo, ann bliye sa yo, epi ou konnen nou pap ka wè twò souvan ankò non babe, paske mw gen anpil aranjman poum fè

Madeline : mw konprann cheri, epi tou mw gen yon bagay poum diw tou wi babe

Josué : kisa ankò cheri

Madeline : ou pa oblije ale affermer lòt kay aprè maryaj la non, nou bon konsa

Josué : sa vle di apre maryaj la ou di se la poum rete

Madeline : wi, kay la pa gen anyen, tatim gen chanm pal, nou gen chanm pa nou, tatim pa yon moun ki difisil menm mw panse si nou viv ansanm li tap pi bon, e ou abitye avèk li deja

Josué : Huummm ok depi se saw vle babe

Epi Josué vire poul ale fè kèk vire won paske jou yo ap kouri sou li

Elvia li menm deside retounen kay Sia

Sia : mw te toujou konn di sa, lè pou nou wè souvan an anyen pap anpeche sa

Elvia : Sia pitit mw kouche mw paka menm dòmi, tèlman map domine

Sia : kisa ki gen ankò la menm

Elvia : tout janm jwe mw poko ka jwenn padon Josué non ouuufff, mw santim about

Sia : ebyen cheri si li pa ouvri pou ou antre ak fòs

Elvia : kòmansa

Sia : Si misye pa vle koubel anbaw, gen yon jan ou ka voye yon siyal ba li

Elvia : Ou konnen se madan pastè mw ye gen bagay mw paka fè klè

Sia : men gen moun ki la pou sa otomatikman ou peye yo

Elvia : Hummmm ok mw konprann

Sia : Oumenm kisaw vle fè menm

Elvia : maryaj la pa dwe fèt

Sia : ebyen ou fin pale wi

Sia se manman baz okontrè se mariguana lap vann men Elvia pat konnsa, Sia nan tout baz tout blòk li konn tout moun kiyès ki kiyès li di Elvia :

Sia : mw pap ka vire avèk ou paske ou konnen gen anpil moun ki rekonèt ou kòm madan pastè, ou mèt ale map relew nan jounen an poum diw sak fèt

Elvia : pa gen pwoblèm map tann apèl ou Sia

James ki gen yon bon bout tan li pa kraze, paske li pa gen menaj li rele ex li te kwaze nan garaj la

James : Hey sa kap fèt?

Ex : poze e pou ou

James : mw pozem, eske nou ka wè jodia

Ex : mw pa rete kotew te konnen an lontan sa non James

James : ebyen voye adrès la pou mw, paskem anvi wèw

Ex : Ahhh James kotem rete an zòn sa a pap bon pou ou

James : sim vini yap tirem? gen mal kap rivem

Ex : siw pa nwi moun okenn mal pap rivew men.....

James : men kisa.... map kite machin lan map pran moto

Ex: Ebyen ok banm voye adrès la baw, mw anvi wèw tou wi James

James : Depiw dim ou anvi wèm ou kite yon bagay pou mw

Ex : Ebyen ou kite pou mw tou paskew dim sa avan ( li ri )

James : Ok babe banm degajem vini an

Elvia vin parèt li kwaze bap pou bap ak Josué nan lakou an

Elvia : apaw pa janm banm repons sou sa mw te pale avèk ou an, mw pa manmanw ankò! paske kounya ou prèske pa pale avèk mw nan kay la, ou pa manje ni bwè dlo, tout abitid kite genyen nan kay la chanje

Josué : se pa paskew pa manmanm, e mw toujou respektew men twòp move bagay pase yo kite anpil move souvni nan tèt mw, mw oblije rete nan silans mw

Elvia : Hummmm ok, sa pwouvem ou pa konn padone

Josué : mw pa janm repete sa la non

Elvia : men aksyonw di sa

Josué : Si se saw panse, pou repons koze maryaj la a se non map kouvri tout depans maryaj mw an, ou se sèlman yon envite

Elvia : Ebyen ok

Elvia antre li wè li pèdi konba a vre li di " bon mw pa gen anyen poum krent la ankò, janl pasel pase"

James rive nan ghetto an lap bay respè sant marijàn ap pete anba nen James, Ex li an dil

Ex : Ou jennen la wi James

James : Ah non! mw abitye ak sa yo ( James pa demontre li mal alèz lap pran pòz Gee gason poul ka mete Ex li an alèz )

Pandan James ap pale ak demwazèl la, Sia vin parèt li bay demwazèl la yon bèl akolad yo pale yo ri li di

Sia : Yow ou gen nouvo menaj ou pa dim anyen ou se yon zanmi trèt ( li ri)

Ex : Hummm li pa nouvo, nan moman mw avèk li an se pa toujou nan moman sa a pou nou kwaze

James : Hello madame! mw se James ( li bay Sia yon lanmen )

Sia : Slt James, antouka banm kite nou pale, kote Vèkèlè an mw vini

Ex : Ebyen e pa Vèkèlè chita atè an devan pòt la, genlè ou pat wèl

Sia : men tenten, mw pat wèl non, ou konnen laj kòmanse antre

Epi mesye dam yo kontinye ap pale

Sia : Yow sa kap fèt Vèkèlè

Vèkèlè : Poze wi Sia e pou ou, sak cho menm paske depim wèw la a gen espwa

Sia : Yah, se yon misyon mw genyen pou ou, yon maryaj ki gen pou fèt nan jou yo la map peyew pou maryaj sa kraze, ou konn tout saw dwe fè

James tande pawòl la, lap fè lespril travay paske nan kèk jou maryaj Josué ak Madeline lan, li di " eske se de maryaj mw konnen an kòm Elvia deja pa vle wè relasyon sa a" Demwazèl la ap pale ak James li pa menm pote atansyon ak sa kap di an

Vèkèlè : mw menm depi pam lan nan menm li te mèt te yon prezidan anyen pap pase non

Sia : se sam ta di tou

Vèkèlè : dayè siw pat konn kijanm frape ou pa tap vin la, ok kisaw vlem fè menm

Sia : se swa ou tiye oubyen kidnape fanm lan oubyen nèg la depi youn pala maryaj pap posib

Vèkèlè : Ebyen sib ki pi fasil pou mw an se li map pran

Sia : Avant menm banm rele mèt koze an poul dim ki chwa pouw fè

Vèkèlè : pa gen pwoblèm nap banm adrès tout antre soti moun lan epim pase leve li san pwoblèm ( Vèkèlè gen yon dope anraje nan tèt li )

James vin santi li sou presyon paske twò gwo pawòl ap pale ( paske ni Sia ni Vèkèlè pran James pou menm baz la, paske depiw la ou paka snitch ) James pa sou kraze ankò paske li pa santil asire kotel ye an, James di ex li an

James : Ou rekonèt dam sa a ak mesye sa a

Ex : Wi dam se se yon dealer li ye depil bezwen sèvis li pwente nan baz la, se moun tout moun li ye

James : mw espere ou pa nan baz nan yon seri bagay ki wrong non

Ex : youn nan rezon kifèm pat twò anviw vin la a mw pat swetew pran nou tout pou menm, si omwen mw te gen mwayen peye yon chanm kay mw tap kite la, Vèkèlè se kouzenm timoun ki leve nan menm, men li pa abite menm kote avèk mw ankò, se yon danje fini

James : Hein!!! saw dim

Ex : Ou pa bezwen pè li pa gen anyen avèk ou

James : Ebyen ok, mw gen yon randevou avèk yon moun map kitew na pale apre tande ( James vin pè, li bay ex li an yon monnen epi li ale )

Sia rele Elvia li dil

Sia : Kiyès ki dwe disparèt fanm oubyen gason

Elvia : à ton avis!!! gason an se pitit mw, se jèn fanm lan ki dwe pa egziste

Sia : voye adrès li ak yon foto li epi lajan an

Elvia : Mw pa gen foto manzè men mw bezwen fè yon moun pou fè yon travay detektif pou mw paskem pa gen foto manzè

Sia : Ebyen kisa kap fèt au juste kilè

Elvia : pita menm map pase pranw

Sia: Pa gen pwoblèm

Elvia : men kondisyon pam se 50% map peye lè travay la fini map fin peyel

Sia : ebyen ou pa fèm konfyans

Elvia : mw pa di sa non ebyen ok Sia voye enfo poum fè tranzaksyon an pou ou

James pa fè lòt bagay li kouri sou vant vin lakay Josué, li frape

James : ! Tok! Tok! Tok!

Josué : Ohoh sak mennen nèg sa la a menm

James : kijanw di nèg sa a se parenn pouw relem

Josue : ransè, sak pase menm frèm

James : mw sot nan yon ghetto la, mw wè yon dam parèt li mande yon nèg mw tande ki rele Vèkèlè poul kraze yon maryaj, anpil gwo pawòl ap pale, moun yo pa gen okenn enkyetid pou pale konsa an prezans mw

Josué : e ki rapò sa genyen avèk mw, e si se te yon bagay tout bon ou panse yo tap pale sa an prezans ou

James : dezole sim diw sa nan lavi ou pa janm konnen

Josué : kòmansa, eskew rekonèt dam oubyen patnè ki tap pale an

James : non premye fwa mw wè yo

Josué : Epiiii....

James : antouka ann kite sa, sèlman pridan di Madeline sa tou, mw pa rete na pale freo

Josué : ebyen ok zanmim mèsi pou ti vizit lan

James vire ale lakay li

Elvia rele pastè poul anonsel yon nouvèl

Elvia : pastè nan 2 jou mw gen poum monte etazini al fè yon semèn ( Elvia ap retire kò li pou zak ki pral fèt la pou nom li pa site oubyen sispèk li )

Pastè : sa ap enposib Elvia kòmansa, ou bliye si Josué ap marye se yon obligasyon kòm paran fòk ou la

Elvia : À quoi bon! si Josué pa vle resevwa menm yon pyas nan menm se yon wont wi

Pastè : antouka mw pa wè kisam ta dwe di, ou di Josué sa

Elvia : mw panse absans mw ap fè Josué pi byen ke prezans mw, pa enkyetew pastè

Pastè : Hummm antouka se ou ki lakoz

Elvia soti li pase pran Sia epi yo pran direksyon lakay Madeline, Sia kanpe yon kote poul ka pran foto Madeline epi Elvia frape baryè an

Elvia : Tòk! Tòk! Tòk!

Madeline : Bonjou madan past

Elvia : Bonjou pitit fim, mw pase diw malerezman mw pap ka prezan nan maryaj nou, sa ap kite yon gou amè nan bouch mw sitou se yon sèl pitit mw genyen

Madeline : kisa ki lakoz sa?

Elvia : Josué refize pale avèk mw, li refize pran kob nan menm pou maryaj li, epi li pa manje nan kay la, mw panse deplase kite kay la, ap ede lesprim an pè

Madeline : mw paka di plis non nan sa paske se manman ak pitit

Elvia : Wi mw dakòz antouka mw swete nou bòn chans

Madeline : Mèsi madan past

Kè Madeline touchel pou sa madan pastè sot dil yo li esplike Soimène sa a li di lap rele Josué poul ka pi cool, Soimène dil

Soimène : Pitit poze sanw tande paske sanw twò dou, ou pa menm konnen si se pa yon plan lap manniganse, se pa pou moun sa yo ou gen kè sansib la

Madeline : Mw dakò wi tatie

2 jou aprè Elvia kite peyi an li al fè yon semèn kay tonton sam

À suivre.......

Pataje, abòne, like ak kòmante pou epizòd swivan an🙏🏾

27/07/2025

Siw se yon selibatè ekri kote wap swiv page la depi yon moun like kòmantè w lan just inbox li

26/07/2025

Ki rezon ki koz sa a menm ti mesye??

25/07/2025

FEYTON

YON LANMOU KI PAT DWE EGZISTE ( EPIZÒD 32 )

Nan demen maten pastè Richard di Josué

Pastè : map sonje poum mandew sa kèk jou, chak maten ou leve al nan terapi se ki kote

Josué : Ou ta renmen konnen papa

Pastè : bien sûr, sitou mw wè ou fè gwo efò ou pa nan chèz woulant ankò menmke mache an baw ti doulè men ou miyò

Josué : siw pa okipe mw ka mennenw

Pastè : mw tap byen kontan sitou sa fè kèk tan sa nou pa soti ansanm, e kote sa a moun lan konn trè byen kijan terapi an fonksyone

Josué : wi papa mw pa regrèt se la mw te ale fè terapi an

Epi yo deplase pou ale

James mennen machin li nan garaj epi li kwaze ak yon ansyen menaj li epi yap fè ti pale paske yo pa ni pale ni rankontre lontan, epi Elvia kap pase nan zòn lan li wè James li parèt

Elvia : Bonswa James! kijanw ye?

James : Bonswa madan pastè mw anfom e oumenm

James eskize ex li an epi ex lan dil li pap rete yon lòt fwa li ale

Elvia : mw anfòm wi

James : Sa wap fè nan zòn sa a menm

Elvia : Ou konnen zanmiw gen poul marye nan jou yo la gen kèk aranjman map fè

James : Han misye pa lwen marye ou dim ( James ap jwel )

Elvia : sa vle di ou pa konn sa James?

James : wi mw konnen Josué gen poul marye vre men mw pat panse rapid konsa

Elvia : Oh nèg la gen yon mache prese nan kò li, li pa wè li pa tande

James : bon mw panse misye gen ase matirite li konn byen li konn mal

Elvia : Ebyen ok James mw te kontan wèw

Elvia pran yon taxi li ale

Josué ak pastè Richard rive, Josué frape pòt la, Madeline vin ouvri

Madeline : Oh bonjou pastè! Josué ou tap vin la ak pastè ou pa dim anyen

Pastè : Bonjou sè Madeline, mw panse kounya mw ka kòmanse relew pitit fim

Madeline : Ah wi pastè

Josué : maten an papam te deside fè yon ti mache avèk mw, sa fè anpil tan depi nou pa mache ansanm

Pastè : Ah wi mw te byen bezwen sa, kote sè Soimène

Soimène : Mw panse ou pa tap mande pou mw wi

Pastè : Oh poukisa menm, antouka Madeline ak Josué konsèy mw ka ba nou, nou jèn youn renmen lòt mw espere maryaj la se pa yon foli, paske mw pa vle tande okenn move nouvèl aprè maryaj la

Josué : ou mèt konte sou mw, maryaj la pa yon foli se kèm ak kè Madeline ki vlel epi tou nou pa vle tonbe nan peche

Madeline : mw menm pastè se premye fwa mw renmen anplis se Josué ki aprann mw sak rele lanmou mw soufri anpil pou li menmjan li soufri pou mw tou, Pitit ou an se kèm

Pastè : mw kontan tande sa, antouka mw pa gen plis poum di paskem pat menm konnen sim tap pase la, Josué nou paka rete ann ale kote wap fè terapi an non

Josué : Papa se la wi se Madeline ki fè terapi avèk mw chak maten yo wi

Pastè : saw dim, kijanw fè konn bagay sa yo pitit fim

Madeline : gen yon kouzenm ki te konn fèl mw aprann, se sak fè jodia mw ka ede Josué

Pastè : Oh mw sezi wi bèl bagay wi, mezanmi kenbe konsa mw menm map kontan wè nap eksplwate anpil bèl bagay nan vi nou

Yo pale anpil pawòl pastè an evite pale de Elvia ak sa li konnen Elvia fè yo pou pa kontrarye jounen an, pastè Richard menm manje nan kay la e li te etone goute yon manje Madeline te fè tèlman li te bon, pastè an ale epi Josué li menm jan li te pwomèt Madeline lan li mennenl kote yo ka lwe robe de mariage la nan menm shop sa a gen kostim pou le marié, Josué tèlman eksite li menm ak Madeline abiye kanpe nan shop la tankou se moun kap antre legliz

Elvia ale lakay yon zanmi li depi nan jèn fanm ki rele Sia, paske Elvia bezwen defoule li, soti tout sak nan tèt li

Sia : Han ou sonje egzistans mw toujou, mezanmi Elvia konsa ou lagem

Elvia : Ah pa di sa Sia, menmke nou pa wè souvan men amitye nou pap chanje

Sia : apre tout monte desann wap fè etazini yo mw panse ou tou rete wi

Elvia : Non men nan jou yo la mw gen poum fè yon rive etazini al regle yon bagay

Sia : apresa, sak gen de nouvo menm, fanmiw yo byen

Elvia : Ah kòlè map fè

Sia : Kòmansa menm

Elvia : ti gasonm lan ki vle touyem

Sia : kijan pitit ou vle touyew lan, Elvia pale bon pawòl tande se pa yon sèl pitit ou genyen

Elvia : wi, nan jou yo la misye pral marye

Sia : Ou ta dwe kontan pou li

Elvia : maryaj se bèl bagay men se ak moun li pral marye an, yon fi ki tèlman pòv kote lap dòmi an menm chyen pap rete la, kounya misye affermer gwo kay bal dòmi mw gen enpresyon menm yon kilòt poul mete nan boudal se Josué ki pou ht li pou li

Sia : mw konprann fistrasyonw, okenn paran sitou pou yon manman pap aksepte sa

Elvia : imajinew mizè mw pase ak Josué sa a pou fè edikasyon li lè sa a bagay yo potko twò bon nan men nou

Sia : mw konprann ebyen nan ka sa dil non ou pa vle maryaj la

Elvia : mw dil non, mw aji Josué pa gade dèyè, men se nan maji manzè pran pitit mw an wi

Sia : si saw di an se vre ou paka kite sa pase konsa, ou dwe aji vit, eskew gen bon lien ak ni pitit ou an ni demwazèl la

Elvia : non, demwazèl la li menm depim wèl mw anvi vomi

Sia : Non ou pa dwe konsa siw vle kraze maryaj la fòk ou antre anba yo pou yo lage kò yo baw pou yo fèw konfyans epi se la ou pral bon sou yo

Elvia : mw dakò wi ebyen kisam dwe fè nan ka sa

Sia : siw te fè erè mande yo padon pou yo kwè nan ou

Elvia : mw te fè erè mw mande padon mw refè erè menmjan ankò, mw pa kwè yap kwèm ankò

Sia : li posib jwe tout zèl kat ou nèt, pran numerom depi sa mache relem map fèw kraze maryaj sa a san okenn moun pa sispèk ou

Josué antre lakay li ak yon kè kontan lap chante epi Elvia frape pòt la

Elvia : Tòk! Tòk! Tòk!

Josué : antre non

Elvia : mw reflechi anpil sou tout sak pase yo mw pa mandew padonem men mw vle yon chans poum ka rachte mw

Josué : Kòmansa mw menm mw pa gen anyen avèk ou paskem konprann poukisa tout pwoblèm sa yo

Elvia : Ok Josué janm te diw lan mw kontan pou desizyon wap pran an pouw marye an, men siw pèmèt mw, mw ka anchaje mwatye nan depans maryaj la tankou robe de mariage la, resepsyon an, hein pitit mw kisaw di

Josué : map baw repons men pou kounya mw paka diw anyen

Elvia : si se poum ale lakay Madeline mw pa gen pwoblèm

Josué : Heeeyyy pa lapèn tout saw gen pouw di se avèk mw sèlman mw pap foure Madeline nan istwa nou ankò

Elvia : poukisaw di avèk mw konsa, ou gentan bliye tout souvni yo Josué, gade manmanw lan ki te potew 9mwa a nan vant ki pase anpil mizè avèk ou an, mw admèt erè mw fè yo ireparab men omwen banm yon chans

Elvia ap eseye antre anndan tèt Josué jan Sia mandel fè sa a

À suivre.......

Pataje, like, kòmante epi abòne svp🙏🏾

25/07/2025

Pou yon moun map mande svp

25/07/2025

24/07/2025

FEYTON

YON LANMOU KI PAT DWE EGZISTE ( EPIZÒD 31 )

Pastè Richard vin jwenn Elvia ki chita sou balcon kay la

Pastè : Poukisa tout chanjman sa yo lakay ou

Elvia : Chanjman kisa menm

Pastè : mw paka konprann ou menm, epi apa kounya se 2 tlf ou genyen, ou gen biznis kounya

Elvia : gen yon lwa ki di moun paka gen 2 tlf epi mw granmoun tou

Pastè : Hummm mw just mande bondye poukisa se mw, kijanm fè rive nan pwen sa a

Elvia : Ou ka fè sa ki senp lan ( paske Elvia just pa menm moun lan ankò, li vin tankou yon moun ki transfòme )

Pastè : antouka granmoun yo toujou di, tout sa ki cho gen pou frèt

Elvia : Mw paka tandew la, li tap pi bon siw deplase bò kotem lan

Pastè : pa gen pwoblèm depi kèk mwa map chache apwochew oumenm wap repousem, Elvia mw te konnen an pa egziste depi kèk mwa

Elvia : Hummmm ( avèk yon rega meprizan

Madeline, Josué ak James rive nan zòn kote Alex rete an tout moun an sispan yo paka konprann kijan Alex fè rive nan pwen sa a, Madeline apwoche yon demwazèl li mandel kote Alex rete nan zòn lan demwazèl la montrel

Madeline : Onè wi

Enkoni : Respè se kiyès sa svp

Madeline : se mw Madeline wi

Enkoni : antre non moun lan

Enkoni an se yon ti kouzen Alex ki tap viv nan kay la avèk li

Madeline : toutes mes cordoléances

Enkoni : mèsi

Madeline : mw panse petèt Alex te ka site nom mw nan kay la pandan li te vivan an

Enkoni : wi mw abitye tande lap site nom an vrèman men se premye fwa mw wèw

Madeline : nou leve andeyò ansanm se te yon bon zanmi pou mw, mw vrèman dezole pou sak rive Alex la sitou nan kondisyon sa rive an, mw pat konnen Alex te move moun

Enkoni : mw grandi ak Alex mw pat janm wè move atitid nan li poum ta menm doute Hummmm

Madeline : men kisaw konprann oubyen tande de lanmò Alex lan

Enkoni : mw pa tande anyen sofke yo dim li mouri lopital la

Josué : eskew konn tande lap pale ak yon moun yon pawòl ki biza oubyen mw pa konnen

Enkoni : poukisa tout kesyon sa yo mw pa nan moman poum ap pale jan de istwa sa yo ohoh

Madeline : Heyy gadem!!! Alex grandi ansanm avèk mw li konn fanmim byen, mw twouve gen yon bagay ki pa kòrèk nan lanmò Alex la nou just ap chache kèk endis si se yon moun ki ta koz lanmò Alex la poul ka jwenn jistis li

Enkoni : si se yon moun ki ta enplike Alex nan bagay sa a kifèl mouri an, prizon pa ta dwe ase pou moun sa a

James : wi ou gen rezon

Enkoni : mw te tande Alex ap di li gen poul desann andeyò al ht plizyè kabrit paske li gen yon kòb la li pral fè yon travay depi yo fin peyel lap desann andeyò

Josué : kijan de travay Alex fè konsa

Alex : Bon, Alex pa vrèman gen yon travay fiks li fè, li fè tout kalite travay

James : Hummmm, kote tlf Alex tap sèvi an

Enkoni : li anndan an

Josué : pran li pou nou svp

Kouzen an antre li pran tlf Alex la li soti avèk li pote bay moun yo, men majorite numero sou tlf Alex pa anrejistre ak nom, James di Josué

James : ou pa bezwen ap fè titato non mw panse wap konn numero wap chache an li nan tèt ou

Josué : ann gade pou nou wè, paske mw pa wè nimewo li an la, ni nan apèl entrant et sortant

Madeline : Nou rive nan yon pwen nou vle pèdi tèt nou wi, antouka remèt tlf lan ann ale

Josué : Hummm nou rive lwen vre wi

James : mèsi baz

yo remèt kouzen Alex la tlf lan yo vire ale Josué di

Josué : Madeline mw pap pase lakay ou an ankò non map antre lakay mw

Madeline : Ebyen ok, James mennenl dirèk lakay li pou mw svp ( li ri )

James : à vos ordres la madame

Yo chak la pran direksyon pa yo, Madeline rive lakay li Soimène dil

Soimène : sak pase menm pitit fim

Madeline : Ah tatie nou kòmanse rive twò lwen nou ka pèdi tèt nou, nap kite lanati aji

Soimène : Kòmansa

Madeline : paske mw pa wè ki rapò Alex ta dwe genyen ak Elvia pou yo ta menm konn pale nan tlf

Soimène : saw di an mw konprann men pou fè mechanste ayisyen an prè poul desann nan labou an wi

Madeline : Tatie ann kite pawòl sa yo, nou gen anpil bagay pou nou jere

Soimène : Hummmmm ok

Josué rive lakay li, li rele papal poul fè ti pale avèk li, men Elvia ki wè Josué rele papal li gentan konnen se yon bagay enpòtan Josué pral esplike papal, Elvia mache sou pwent pye, li kache dèyè pòt chanm Josué an poul tande

Josué : papa map diw yon bagay se byen malere janm ta dwe fèl la se pa konsam fèl men se pa fòt mw tou

Pastè : de kisa wap pale la menm

Josué : Bientot mw gen poum marye ak Madeline

Pastè : bòn nouvèl pitit mw, ou gen laj ou gen matirite epi biznis ou ap baw lajan ou pa manke anyen, men ou pa di manmanw sa?

Josué : Hummm mw pa gen entansyon dil sa paske mw konn repons li deja

Elvia boude, lap krake tout dwèt li dèyè pòt la paske li santil ta mache pran Josué

Pastè : mw konprann ou pitit mw paske denye mwa sa yo manmanw debòde, imajinew mw se maril nap viv menm kote, li gen 2 tlf poutan lòt tlf lan mw pa menm konn numero an

Josué : Hummmm li gen 2 tlf, tèt chaje

Pastè : Wi antouka nenpòt jan an dil sa, sofke ou gentan gen benediksyon pam lan deja

Josué : mèsi papa

2 semèn aprè

Josué toujou kenbe pratik chak maten pou ale lakay Madeline pou fè terapi an jan li te mandel lan, Josué kite chèz woulant lan li mache ak yon baton menmke li paka mache rapid

Pastè Richard ki bezwen kay la retounen jan li te ye oparavan an rele Elvia

Pastè : Elvia menmke dènye moman sa yo ou chanje men map pozew yon kesyon, eskew pa kontan lè yon moun ere

Elvia : se sa tout moun ap chache pou yo ere nan vi an

Pastè : Ou pa janm konstate kijan kè Josué kontan nan kay la, poukisa ou pa kitel respire kitel ak chwa li an, ou gen vi paw li gen vi pa li tou, dayè se sa ki fèw chanje konsa nan kay la

Elvia : mw konprann tout saw di yo, mw menm etanke eksperimante, gen malè mw wè pou Josué li menm li pap janm wè yo

Pastè : ki malè sa, ou te aksepte Sofiana pou Josué, ou konn kote Sofiana ye pou kounya? ou konn kisal fè kifè li kotel ye an?

Elvia : nenpòt moun ka ale nan prizon, konbyen fwa ou tande yo arete yon chyen

Pastè : se pa kesyon nenpòt moun ka ale nan prizon an non, men se kisa ki mennen moun sa a nan prizon an, mw pale avèk ou twòp mw bouke se dènye fwa map pale avèk ou dayè se granmoun ou ye

Elvia : mw pat janm mandew fèm la morale tou pastè, mèsi pou konpreyansyonw

Josué sot fè terapi an li pase nan klinik James lan

Josué : monchè semenn pase an mw anonse papam bientot map marye an men mw pat vle di manmanm sa papam egzijem fòk mw dil sa

James : frèm mw konprann wi papaw ka toujou diw sa, men apre tout sa nou konnen e sispèk se ap yon movèz ide di Elvia sa a paskem pa fèl konfyans menm, e mw pata menm vle li konnen se mw ki parrain avan maryaj la, maryaj la ta dwe fèt sekrè paske Elvia gen kou anba men li ou mèt kwèm

Josué : Mw tandew wi bro pam antouka..... se tout bagay sa yo ki pwoblèm lan, manmanm ki fèm lan mw pa ka fè konfyans, map reflechi sou saw dim lan ekip

James : ok patizan

Soimène ap fè ti pale ak Madeline li dil

Soimène : mw kòmanse santim bouke chak jou leve chita e ou konnen depi nan jenès mw chak jou mw leve pran lari

Madeline : mw konprann ou wi tatie, men gen laj ou rive kòw mande repo, men tout bagay gen pou pran plas yo paske menm mw menm mw paka rete fè vim ap dòmi leve sou kont Josué

Soimène : Hummm ebyen ok

Pandan yap pale an Josué vin parèt

Josué : Salut babe!

Madeline : Slt amou! kijanw ye?

Josué : mw anfòm e oumenm

Madeline : mw anfòm ti babem

Josué : Tatie Soimène kijanw ye

Soimène : mw la map lite pitit gasonm

Josué : bon cheri mw tap fin fè kèk aranjman poum anonsew dat maryaj la

Madeline : Kèm cho babe mw paka tann jou sa a poum di wi devan bondye ak lèzòm

Josué : maryaj la se nan 1 mwa ankò

Madeline : Awwww babe mw kontan anpil, ebyen e pou robe la

Josué : demen sdv map mennenw ale chwazi robe ou renmen an

Madeline : se vre babe! se kòmsi map reve, sèlsam vlew pwomèt mw, difikilte lavi, pwoblèm fanmi pap fèw chanje avèk mw

Josué : Mw poko janm jwenn yon fanm mw renmen konsa, ou se mwatyem san ou mw paka viv cheri donk mw pwomèt ou sa ti amou

Madeline : Ou se mwatyem tou babe, men eskew di paranw yo sa

Josué : Onètman mw gentan di papam sa men mw poko wè kijan mw pral di manmanm sa

Madeline : mw konprann saw di an, men nenpòt jan sa ye an ou dwe di manmanw sa ( ak yon vwa tris ) menmke mw konnen li pral rayim plis

Josué : ou se yon moun ki gen bon kè mw pa regrèt mw te fè chwaw

Madeline : mèsi babe men poukisa ou dim sa

Josué : paske gen fanm ki pa tap vlem pale sa ak manmanm

Madeline : men nenpòt jan sa ye Elvia deja manmanw anyen paka chanje sa

Josué gade Madeline li souri epi li kite lakay Madeline lan li antre lakay li, lè li rive li jwenn manman li Elvia kap fè yon labouyi li apwochel

Josué : manman mw gen yon bagay poum diw wi menmke mw konnen sa pral rann ou fache kont mw )

Pandan Elvia li menm te gentan konn nouvèl la deja

Elvia : map tandew wi Josué

Josué : nan 1 mwa mw menm ak Madeline ap marye wi

Elvia : Oh mw kontan antouka bòn chans pitit gasonm ( anba dan )

Josué : mèsi manman ( Josué wè ipokrizi an li fè ipokrizi an tou, li fè kòmsi li pa konprann )

Elvia vin tankou yon jako repèt lap repete, Josué pral marye ak Madeline, Josué pral marye ak Madeline, antouka mw bal bèl devan

À suivre.....

Abòne, pataje, like ak kòmante🙏🙏🙏

24/07/2025

Ou bezwen yon epis ki byen prepare pa ezite rele oubyen whatsapp nou nan numero sa a +509 4173-4552
EPIS PAM se #1 sou mache an, Adrès la #11 Vilaj Jerizalèm Odikap

24/07/2025

Kite yon kòmantè pou dam lan👇🏾

24/07/2025

FEYTON

YON LANMOU KI PAT DWE EGZISTE ( EPIZÒD 30 )

Elvia rive lopital la, 2 zye Alex fèmen, li nan oksijèn li paka pale, Elvia rele Alex! Alex! Alex pa reponn li pa menm ka ouvri zye li paske li pèdi twòp san li fèb, Elvia manyen pòch Alex poul wè si tlf Alex la sou li, li pa jwenn li, li parèt devan pòt la li rele yon enfimyè li dil

Elvia : yon kriminèl konsa poukisa nou oblije bal tout atansyon sa a, se yon kriminèl notwa wi nap bere konsa, ou pa fè nouvèl

Enfimyè : mw pa konprann de kisa wap pale an non madam

Elvia : mesye sa ki kouche anndan an, ou imajinew 1h nan maten li gen manchèt nan men li ak kagoul, ou gen ide konbyen moun li tiye deja

Enfimyè : saw di an mw konprann men djob mw se sove vi

Elvia : sa ka rive li potko tiye yon fanmiw, yon zanmiw oubyen oumenm men ou pa konn konbyen fanmi li fè kriye deja

Enfimyè : saw di an se verite men lapolis deja aretel, kisaw vle menm

Elvia : Lapolis aretel jodi, demen li lage poul kontinye ak krim sa yo ankò, map baw 30 000 goud wap just enjekte yon bagay nan kò li epi fini ak sa, dayè pa gen okenn ankèt ki pral fèt

Elvia konvenk enfimyè an, li byen jwe nan mind li

Enfimyè : saw di yo ou gen rezon sosyete an pa mande jan de moun sa yo

Enfimyè an pran kòb la nan men Elvia li fè sa Elvia mande an, nan kèk minit souf Alex koupe li mouri

Elvia ap soti kalmeman epi se menm moman an James ap parèt poul vin kote yon doktè nan lopital la, chans pou James li wè Elvia avan li kache pou Elvia pa wè li, li di " Sa Elvia pèdi nan lopital lan la menm" epi Elvia pran yon moto li ale

Josué ki bezwen anonse James byento li pral marye epi montrel nouvèl kay kote Madeline ap viv lan li rele James

Josué : Bro sa kap fèt?

James : Poze wi kotew ye la menm

Josué : mw lakay la e oumenm

James : mw nan klinik lan

Josué : siw pa okipe map pase pranw paskem gen anpil bagay poum diw epi montrew kote Madeline abite kounya

James : pa gen pwoblèm baz mw, map tann ou

Josué pran yon taxi li pase tcheke James nan klinik lan

Polisye kite tire Alex la parèt devan baryè kay Madeline li frape

Polisye : Tok! Tòk! Tòk!

Madeline : se kiyès svp

Polisye : se mw menm polisye an

Madeline : pouse baryè an li ouvri

Soimène : men kisa polisye an pèdi la menm

Madeline : bon mw pa konnen tatie

Polisye : Bonswa! kijan nou ye?

Madeline : mw anfòm e pou ou kòmandan

Polisye : mw anfòm wi, mw sot lopital la mw aprann Alex mouri

Soimène : Saw dim la kòmandan

Madeline : Ebyen li pat jwenn swen nan lopital la

Polisye : Li te jwenn swen poutan doktè yo te dim misye ap sove kote li pran bal la pa twò grav

Madeline : men eske pat gen yon moun kap voye zye sou li

Polisye : te gen 1 polisye men misye te di li te ale ht yon manje lè li parèt li jwenn anpil flèm nan bouch misye li mouri

Soimène : anpil flèm, hummmm ok

Polisye : antouka mw pa rete, etandone demwazèl la te di li rekonèt li se sak fèm te pase anonse nou sa

Madeline : mèsi anpil kòmandan

Polisye an vire li ale, Soimène di

Soimène : sa se yon move siy si Alex ap pran swen nòmal, epi doktè an te di lap sove kijanl fè mouri konsa

Madeline : sispann fè lespriw travay tatie, mw te wè nan ki eta li ye li bay anpil san asireman li pa gen ase san ki koz li mouri an ( podyab Madeline ki naïve )

Soimène : saw di an ka ladann vre wi, antouka li menm ak bondyel ki konnen sèlman

Pandan yo 2 an ap pale an James ak Josué rive devan kay la

James : sa vle di se nan kay sa a Madeline abite kounya

Josué : Wi e poukisa

James : se pa pou anyen non men sanm pa vle ofansew, kotem te wè yap viv oparavan an moun yo paka peye kay sa non Josué

Josué : sèl oumenm mw paka fè sekrè sa a, wi se mw ki peyel pou yo

James : Bon bagay bro

Josué : ah ann antre nap gen kont tan nou pou nou pale de sa, men sa ki pi enpòtan an, sipriz la se pou anndan an

James : ou konnenm pa renmen sipriz pa dim Madeline ansent

Josué : Ou konnen se sèvitè bondye mw ye gen erè ki pap rivem

James : nan 21e syèk sa a ou pap chanje oumenm, sa vle di se lèw marye wap s***e yon mant janm wè Madeline byen anfòm sa a ( li ri )

Josué : mond lan chanje men pawòl bondye pa chanje, pa vin mete vye entansyon nan lesprim la tande ransè ( Josué ri )

Nèg yo antre nan kay la, yo salye tout moun, James di

James : trè bèl mezon wi

Madeline : mèsi, sa fè kèk jou wi James mw pa kwazew

James : Ou konnen depi mesye an pa vini avèk mw li pap fasil pou mw

Madeline : mw konprann James

Josué : James zanmim, frèm mw mennenw vin la a poum anonsew yon nouvèl

James : poukisa tout chema sa yo dim sa bagay la ye an ( se yon ransè )

Josué : mw menm ak Madeline ap pran angajman pa twò lontan non

James : angajman kisa, kòm se moun legliz mw paka di devan djab ( James tèlman renmen ranse )

Josué : James kilè wap serye nan viw menm, ou betize twòp tande

James : e oumenm kilè wap fè yon minit deserye nan viw ( James ri )

Josué : mw menm ak Madeline ap marye pa twò lontan epi se ou ki parenn lan

James : bonne nouvelle, mw kontan aprann sa men etandone ou dim parenn mw pa gen yon pyas la non moman sa yo difisil pou mw, men se ap yon plezi poum parenn maryaj nou

Josué : depi lèm konnenw wap travay men James pa janm gen yon pyas men si se te yon fanm ki te diw sa lajan tap gentan dekese

James : wap blazem devan fiyèl mw ( Madeline gentan fiyèl James )

Josué : okontrè se pou fiyèl ou an kòmanse konnen li paka konte sou parenn sa a nan koze lajan ( Josué ri )

James : Ou vle fèm fache, mw pap okipew

Madeline : eskize sim enteronp nou wi, Josué ou tande Alex mouri lopital la

Josué : saw dim la, kiyès ki diw sa

Madeline : polisye an

James : Kisa moun nan te genyen menm, nan ki lopital li mouri an menm

Josué : Se yon zanmi Madeline ki rele Alex ki pran yon bal a 1hr du matin devan baryè kay la yo te mennen li nan lopital piblik la ( lopital leta )

James : kòman se devan baryè an li pran bal la menm epi 1h nan maten ankò sa moun sa pèdi devan baryè nou an, byenke mw pa konn de kiyès nap pale an men jodia pandanm ap antre nan lopital nap pale an mw kwaze Elvia kap soti lopital la

Josué : kisa!!!! Elvia ou dim wi, manmanm wi, mw te kitel lakay la, pandan Madeline relem lap esplikem Alex pran bal mw wè Elvia te curieuse, lap mandem sak pase, ou kwè li an konivans ak Alex

Madeline : Hummm James mw paka di anyen sofke lèm te nan prizon an Alex ap pote manje pou mw sou pretèks map renmen avèk li, e sa yo fèl rayi nou dayè se sak fè li te fè yon derespektan pandan Josué te vin nan kay anba a

Soimène : men sa ki parèt biza a, Alex lopital la, Elvia curieuse poul konnen sak pase an, epi James kwazel kap soti lopital la, non sa paka yon aza, gen yon bagay ki louch

Josué : Menmke se manmanm li ye vre depil ta enplike nan bagay sa a li dwe pran prizon menmjan ak Sofiana, men Kote polisye a abite

Madeline : nan zòn lan, mw pa konn kay li men si nou mande enfòmasyon nap jwenn li

Josué : Ann soti ale tcheke paske omwen gen yon bagay ki ka sèvi nou kòm endis

Josué, James, Madeline yo soti yo mande kote kay polisye an ye epi moun zòn lan montre yo, yo rive yo frape

Madeline : Onè, pa gen moun

Polisye : wi antre

Josue : Bonjou mesye

Polisye : Bonjou! kijanm ka ede nou

Josué : mw se yon medsen mw se fiyanse demwazèl sa a kote aksyon an te pase an

Polisye : Ok

Josué : Eske Alex pat gen tlf sou li

Polisye : avan mw reponn kesyon an, ou se medsen ou paka bay jistis, nenpòt repons mw baw la pap itil anyen

Josué : rezon kifèm diw sa a, sak rive an pa yon aza, sak pase devan baryè fiyansem lan mw pranl trè oserye, li posib gen yon men ki kache dèyè sak fèt la

Polisye : Alex pat gen tlf, ni pyès idantite paske lèl tonbe atè an mw parèt mw fouyel mw pa jwenn anyen sou li

Josué : Dk mèsi kòmandan

Yo vire yo ale, pandan yo nan wout la, Josué di

Josué : Madeline eskew konn kote Alex te abite

Madeline : Ah cheri ann kite sa Alex mouri deja

James : Madeline, Josué gen rezonl wi, paske pa gen anyen ki diw se pa pou nou misyon an te ye

Madeline : mw dakò wi, nap ale nan zòn kote Alex te rete an mw panse nou ta dwe jwenn lakay lan

À suivre.......

Pataje, like, kòmante ak abòne🙏🙏🙏