Lal Ro Mawii

08/18/2026

#ဆရာကြီးဦးတင်မောင်ထွန်းသုံးလေ့ရှိသောအဆိုအမိန့်များ #အဆုံးထိဖတ်ပါ

၁း။မေတ္တာဆိုတာ ကံသုံးပါးနှင့်ချုပ်တည်းမှရှင်သန်တယ်။
၂။ကရုဏာဆိုတာ သနားဖို့၊ သစ္စာကကျင့်ဖို့ မေတ္တာကချစ်ဖို့။
၃။မျိုးဆန်ကို စားမပစ်နဲ့ စိုက်ပါ၊ ဝမ်းဆန်ကိုလည်း မရောင်းနဲ့ ရောင်းဆန်ကျမှ ရောင်းပါ။
၄။လုံးဝမှားတာထက် နည်းနည်းမှန်နေတာပိုခက်။
၅။သမ္မာတရားဆိုတာ မှန်ရုံ၊ ကောင်းရုံနဲ့မပြီး မေတ္တာလည်းဆောင်းရမယ်။
၆။ထောက်ပံ့ကြေး မရှာနဲ့၊ ဘုရားနှင့်လျှောက်တတ်အောင်ပဲ
လေ့ကျင့်ပါ။
၇။ပေးကမ်းခြင်းဗဟိုမိတ်သဟယနဲ့ရပ်တည်တဲ့ မေတ္တာ သြဝါဒဟာ ဘယ်တော့မှ မပျက်စီးဘူး။
၈။မေတ္တာမိတ်သဟာယစည်းဝိုင်းထဲမှာ တောင်းစားသူ လုံးဝမရှိ။
၉။ဘာလုပ်တာထက်၊ ဘာကြောင့်လုပ်တာကိုပဲကြည့်ပါ။
၁၀။ကိုယ်မှန်နေပြီးလို့ထင်တဲ့အချိန်ဟာ အမှားဆုံးအချိန်။
၁၁။ကျွန်တော်ဟာ ဝတ္တရားနှစ်ပါးကြား ကြိုးတန်းကြား လျှောက်နေရသူပါ။
၁၂။ပေးတတ်သူက ပေးသီး၊ ယူတတ်သူကယူသီး၊ အစဉ်သီးတယ်။
၁၃။ခွင့်လွှတ်တာကိုယ့်အတွက်၊ တောင်းပန်တာ သူ့အတွက်။
၁၄။အမှုတော်ဆောင်မယ်ဆိုရင် ဘုရားသခင်ထံ ဘဏ်စာရင်းအရင်ဖွင့်ပါ။
၁၅။ဧဝံဂေလိတရားဆိုတာ ကိုယ့်အိတ်ထဲက အရင်မစိုက်ရင် ထုတ်သ၍ မအောင်မြင်ဘူး။
၁၆။အသင်းတော်ကို လူကထောင်ဖို့မဟုတ်ဘူး၊ ဘုရားထောင်ဖို့စောင့်ပါ။
၁၇။ဘုရားသခင် နှုတ်ကပတ်တော်ထဲက အလိုတော်ကို သဘော်တော်နှင့် ခံထား သေးတယ်။
၁၈။အတ္တဟိတ္တကနေပရဟိတ္တအကျိုးကို ဆောင်နိုင်တာ ကောင်းမကောင်းသိကျွမ်းရာရဲ့ အာနိသင်ကြောင့်၊ အများအကျိုးကနေ ကိုယ့်ကျိုးလည်းဖြစ်လာတာ စစ်မှန်တဲ့အောင်မြင်ခြင်း။
၁၉။ဧဝံဂေလိတရားမှာ နာခံခြင်းတာဝန်ရှိသေး၊ အာမခံသက်သေရပြီးမှ ထွက်ပါ။
၂၀။ကျေးဇူးမင်္ဂလာယုံဖို့၊ ကောင်းကြီးမင်္ဂလာ နာခံဖို့၊ ဆုမင်္ဂလာကြိုးစားဖို့ လိုတယ်။
၂၁။ဘုရားနာမည်နဲ့ရှုံးတာထက် စာတန်နဲ့စားသောက်ပြီးနေတာပိုကောင်းသေး။
၂၂။အမှန်တရားဆိုတာ သြသပ္ပကိုချိန်ပြီးခေါင်းက လာတယ်။ သမ္မာတရားဆိုတာ နှလုံးကိုချိန်ပြီး ဘုရားဆီက လာတယ်။
၂၃။များတာထက်နည်းပြီးကောင်းချီးများတာက ပိုကောင်းတယ်။
၂၄။အကျိုးခံစားသော ယုံကြည်ခြင်းသာမက တိုးတက်နေသော ယုံကြည်ခြင်းကနေ အကျိုးဖြစ်ထွန်းစေသောယုံကြည်ခြင်းဆီသို့ တက်လှမ်းပါ။
၂၅။ဘုရားသခင်ကမျက်နှာမလိုက်ဘူး နှလုံးရည်တော့လိုက်တတ်တယ်။
၂၆။အစေပဲခံပါ အခယူရင်နူတတ်တယ်။
၂၇။ဘုရားအပ်ထားတာကို အပိုင်မလုပ်ပါနဲ့၊ စေတီရွှေ ခွါတဲ့ သူခိုးထက်ဆိုးလိမ့်မယ်။
၂၈။ရှိရက်သားနဲ့မပေးတာထက် မရှိပဲနဲ့ပေးတာက ပိုဆိုးသေး။
၂၉။အံံ့သြဘွယ်ကိုကြော်ကြားဖို့လုပ်ရင် ထွက်ပြေးရလိမ့်မယ်။
၃၀။မလိုအပ်တာ အပိုဖြစ်လို့ လေးတတ်တယ်။
၃၁။''အသက်''အစား ''ပညာပေး'' ပေးလို့ အသင်းတော်တွေ အားနည်းတယ်။
၃၂။သူ့အားနည်းတာ ကိုယ့်အတွက် ကိုယ့်အားနည်းတာသူ့အတွက်
၃၃။ရွံ့ရထားရင် ''လောက်စာလုံး'' လုံးပေးလိုက်ပါ သူ့ဆီက လောက်လေးကွကိုတော့ မတောင်းပါနဲ့။
၃၄။သူများကိုမငြင်းပါနှင့် ကိုယ့်ကိုယ်ကိုပဲငြင်းပါ။
၃၅။ဘယ်သူ့ကိုမှကြိုးမကိုင်ဘူး၊ နိုင်ငံတော်ထဲမှာ လွတ်လပ်စွာ ရပ်တည်နိုင်အောင် ပုံသက်သေနှင့်လေ့ကျင့်ပေးပါတယ်။
၃၆။စီမံကိန်းနဲ့ ထလုပ်ရတာလွယ်သလောက် ဆန္ဒဆက်ကပ်သူ စောင့်ရတာကြာလွန်းတတ်ပါတယ်။
၃၇။စစ်မှန်တဲ့လုံခြုံမှုနဲ့ အာမခံချက်ဟာ ဘုရားသခင်ဆီမှာပဲရှိလို့ လုံလောက်တဲ့ပံပိုးမှုကို မပေးခဲ့တာပါ။

ဖိုးဖိုးလောကမှာ မရှိတော့ပေမဲ့ ဖိုးဖိုးစကားအမြဲရှင်သန်နေမှာပါ။

Credit to Original Writer&photo

08/14/2026

တက္ကသိုလ်တက်တုန်းက ပခုက္ကူမှာ မကြာခဏစားဖြစ်ခဲ့တဲ့ ရွှေမုဌော အသုပ် လေးကို ဒီနေ့တော့ ရုတ်တရက် သတိရမိတယ် 🥗❤️

အဲ့ဒီအချိန်က သူငယ်ချင်းတွေနဲ့ စားခဲ့တဲ့အချိန်တွေ၊ ရယ်မောခဲ့တာတွေ၊ ကျောင်းသားဘဝရဲ့ ရိုးရိုးရှင်းရှင်း ပျော်ရွှင်မှုလေးတွေက အခုချိန်ပြန်တွေးမိတော့ တကယ်လွမ်းစရာကောင်းလိုက်တာ…

အစားအစာတစ်ပွဲက အမှတ်တရတွေ အများကြီးကို ပြန်ယူလာနိုင်တယ်ဆိုတာ အခုမှ ပိုသိလာတယ်။

ပခုက္ကူရေ…
ရွှေမုဌော အသုပ်လေးရေ… တက္ကသိုလ်ကျောင်းသားဘဝလေးရေ… သတိရတယ် ❤️🥹

07/29/2026

Amen 🙏

05/23/2026

ပင်တေကုတ္တေနေ့ (Pentecost Sunday) သည် ခရစ်ယာန်ယုံကြည်သူများအတွက် အလွန်ထူးမြတ်၍ အရေးပါသောနေ့ရက်တစ်ရက် ဖြစ်ပါသည်။ ဤနေ့သည် ယေရှုခရစ်တော် ကောင်းကင်ဘုံသို့ တက်ကြွတော်မူပြီးနောက် (၁၀) ရက်အကြာတွင်၊ ကတိတော်အတိုင်း သန့်ရှင်းသောဝိညာဉ်တော်သည် တမန်တော်များနှင့် ယုံကြည်သူများအပေါ်သို့ သက်ရောက်တော်မူသည့်နေ့ ဖြစ်ပါသည်။ (တမန်တော်ဝတ္ထု အခန်းကြီး ၂)

ဤအဖြစ်အပျက်သည် အသင်းတော်သမိုင်း၏ အစပြုခြင်းကို အမှတ်အသားပြုပြီး ယုံကြည်သူတိုင်း၏ ဝိညာဉ်ရေးအသက်တာအတွက် အခြေခံအုတ်မြစ်တစ်ခုလည်း ဖြစ်ပါသည်။

၁။ ပင်တေကုတ္တေနေ့ဟူသည် အဘယ်နည်း။
"ပင်တေကုတ္တေ" ဟူသော ဝေါဟာရသည် "ငါးဆယ်မြောက်" ဟု အဓိပ္ပာယ်ရပါသည်။ ဂျူးလူမျိုးများအတွက်မူ ပင်တေကုတ္တေနေ့သည် အီဂျစ်ပြည်မှ ထွက်မြောက်လာပြီး ရက်ပေါင်း (၅၀) အကြာတွင် သိနာတောင်၌ မောရှေအား ပညတ်တော်များ ပေးအပ်ခြင်းခံရသည့် အထိမ်းအမှတ်နေ့ဖြစ်သော "သီတင်းပွဲ" (Feast of Weeks) နှင့်လည်း တိုက်ဆိုင်ပါသည်။ ဤပွဲတော်သည် ကောက်ဦးရိတ်သိမ်းခြင်းအတွက် ကျေးဇူးတော်ချီးမွမ်းရာ ပွဲတော်လည်း ဖြစ်ပါသည်။ (တရားဟောရာကျမ်း ၁၆:၉-၁၂)

ဓမ္မသစ်ကျမ်းတွင်မူ ပင်တေကုတ္တေနေ့သည် ယေရှုခရစ်တော် ကတိထားတော်မူခဲ့သည့်အတိုင်း သန့်ရှင်းသောဝိညာဉ်တော် သက်ရောက်သည့်နေ့ ဖြစ်ပါသည်။ တမန်တော်ဝတ္ထု အခန်းကြီး ၂ တွင် ဖော်ပြထားသည့်အတိုင်း၊ တပည့်တော်များသည် တစ်နေရာတည်း၌ စုဝေးဆုတောင်းနေကြစဉ်၊ လေပြင်းမုန်တိုင်းကဲ့သို့သောအသံ၊ မီးလျှံကဲ့သို့ ကွဲပြားသောလျှာများ ပေါ်လာပြီး သူတို့အပေါ်၌ တည်သည်ကို တွေ့ကြရသည်။

ထိုအခါ သူတို့ရှိသမျှသည် သန့်ရှင်းသောဝိညာဉ်တော်နှင့် ပြည့်ဝလျက်၊ ဝိညာဉ်တော်ပေးတော်မူသော စကားပြောဆိုနိုင်သောအခွင့်အတိုင်း အမျိုးမျိုးသောဘာသာစကားဖြင့် စတင်ပြောဆိုကြသည်။ (တမန်တော်ဝတ္ထု ၂:၁-၄)

၂။ ယုံကြည်သူများအတွက် ပင်တေကုတ္တေနေ့၏ အရေးပါပုံ။
ပင်တေကုတ္တေနေ့သည် ယုံကြည်သူများအတွက် များစွာသော နက်ရှိုင်းသည့်အဓိပ္ပာယ်များနှင့် ပြည့်နှက်နေပါသည်။

🕊️ သန့်ရှင်းသောဝိညာဉ်တော်၏ ကြွလာခြင်း။
သခင်ယေရှုသည် သူ၏တပည့်တော်များအား နှစ်သိမ့်ပေးမည့်သူ၊ သွန်သင်ပေးမည့်သူ၊ လမ်းပြပေးမည့်သူဖြစ်သော "ဥပဇ္ဈာယ်ဆရာ" (နှစ်သိမ့်စောင်မသောအရှင်) သန့်ရှင်းသောဝိညာဉ်တော်ကို စေလွှတ်မည်ဟု ကတိပေးခဲ့သည်။

'ခ​မည်း​တော်​သည် သ​မ္မာ​တ​ရား​ကို​ပြ​သော ဝိ​ညာဉ်​တော်​တည်း​ဟူ​သော တစ်​ပါး​သော​ဥ​ပ​ဇ္ဈာယ်​ဆ​ရာ​ကို သင်​တို့​နှင့်​အ​တူ အ​စဉ်​မ​ပြတ်​တည်​နေ​စေ​ခြင်း​ငှာ သင်​တို့​အား​ပေး​တော်​မူ​မည်။ ထို​ဝိ​ညာဉ်​တော်​ကို လော​ကီ​သား​တို့​သည် မ​သိ​မ​မြင်​သော​ကြောင့် မ​ခံ​မ​ယူ​နိုင်​ကြ။ ထို​ဝ​ညာဉ်​တော်​သည် သင်​တို့​နှင့်​အ​တူ​တည်​နေ၍၊ သင်​တို့၌ ရှိ​တော်​မူ​သော​ကြောင့် သင်​တို့​သိ​ရ​ကြ၏။' (ရှင်ယောဟန် ၁၄:၁၆-၁၇)

'ငါ​အ​မှန်​အ​ကန်​ဆို​သည်​ကား၊ ငါ​သွား​လျှင် သင်​တို့​အ​ကျိုး​ရှိ​လိမ့်​မည်။ အ​ကြောင်း​မူ​ကား၊ ငါ​မ​သွား​လျှင် ဥ​ပ​ဇ္ဈာယ်​ဆ​ရာ​သည် သင်​တို့​ဆီ​သို့​မ​လာ။ ငါ​သွား​လျှင် ထို​သူ​ကို သင်​တို့​ဆီ​သို့ ငါ​စေ​လွှတ်​မည်။

ဥ​ပ​ဇ္ဈာယ်​ဆ​ရာ​သည် ရောက်​လာ​လျှင်၊ ဒု​စ​ရိုက်​အ​ပြစ်​ကို​လည်း​ကောင်း၊ အ​ပြစ်​ကင်း​ခြင်း​ကို​လည်း​ကောင်း၊ အ​ပြစ်​စီ​ရင်​ခြင်း​ကို​လည်း​ကောင်း၊ လော​ကီ​သား​တို့​အား ထင်​ရှား​စွာ​ဖော်​ပြ​မည်။ ငါ့​ကို မ​ယုံ​ကြည်​ကြ​သော​ကြောင့် ဒု​စ​ရိုက်​အ​ပြစ်​ကို ဖော်​ပြ​မည်။ ငါ​သည် ခ​မည်း​တော်​ထံ​သို့ သွား​မည်​ဖြစ်၍၊ သင်​တို့​သည် နောက်​တစ်​ဖန် ငါ့​ကို​မ​တွေ့​မ​မြင်​ရ​သော​ကြောင့်၊ အ​ပြစ်​ကင်း​ခြင်း​ကို ဖော်​ပြ​မည်။ ဤ​လလောကကို အ​စိုး​ရ​သော​မင်း​သည် အ​ပြစ်​စီ​ရင်​ခြင်း​ကို​ခံ​ရ​သော​ကြောင့် အ​ပြစ်​စီ​ရင်​ခြင်း​ကို​ဖော်​ပြ​မည်။

သင်​တို့​အား ငါ​ပြော​စ​ရာ​စ​ကား အ​များ​ရှိ​သော်​လည်း၊ သင်​တို့​သည် ယ​ခု​မ​ခံ​နိုင်​ကြ။ သ​မ္မာ​တ​ရား​နှင့်​ပြည့်​စုံ​သော ထို​ဝ​ညာဉ်​တော်​သည် ရောက်​လာ​သော​အ​ခါ၊ သ​မ္မာ​တ​ရား​ကို သင်​တို့​အား အ​ကြွင်း​မဲ့ သွန်​သင်​ပြ​သလိမ့်​မည်။ ထို​ဝ​ညာဉ်​တော်​သည် ကိုယ်​အ​လို​အ​လျောက် ဟော​ပြော​မည်​မဟုတ်။ ကြား​သ​မျှ​တို့​ကို ဟော​ပြော​လိမ့်​မည်။ နောင်​လာ​လ​တ္တံ့​သော​အ​ရာ​တို့​ကို​လည်း သင်​တို့​အား ဖော်​ပြ​လိမ့်​မည်။

ထို​သူ​သည် ငါ့​ဘုန်း​ကို​ထင်​ရှား​စေ​လိမ့်​မည်။ အ​ကြောင်း​မူ​ကား၊ ငါ​နှင့်​စပ်​ဆိုင်​သော​အ​ရာ​ကို​ယူ၍ သင်​တို့​အား ဖော်​ပြ​လိမ့်​မည်။ ခ​မည်း​တော်​နှင့်​စပ်​ဆိုင်​သ​မျှ​သည် ငါ​နှင့်​စပ်​ဆိုင်၏။ ထို​ကြောင့် ငါ​နှင့်​စပ်​ဆိုင်​သော​အ​ရာ​ကို​ယူ၍ သင်​တို့​အား​ဖော်​ပြ​လိမ့်​မည်​ဟု ငါ​ပြော၏။' (ရှင်ယောဟန် ၁၆:၇-၁၅)

ပင်တေကုတ္တေနေ့တွင် ယေရှုခရစ်တော်၏ကတိတော် ပြည့်စုံလာခဲ့သည်။

💒 အသင်းတော်၏ မွေးဖွားခြင်း။
သန့်ရှင်းသောဝိညာဉ်တော် သက်ရောက်ပြီးနောက်၊ တမန်တော်ပေတရုသည် ရဲစွမ်းသတ္တိနှင့် ပြည့်စုံလျက် တရားဟောခဲ့ရာ၊ လူပေါင်းသုံးထောင်ခန့် နောင်တရပြီး နှစ်ခြင်းမင်္ဂလာခံယူကာ အသင်းတော်သို့ ဝင်ရောက်လာကြသည်။ (တမန်တော်ဝတ္ထု ၂:၁၄-၄၁) ဤသည်မှာ ယေရှုခရစ်တော်၏ ကိုယ်ခန္ဓာဖြစ်သော အသင်းတော် စတင်တည်ထောင်သည့် အခါသမယပင် ဖြစ်သည်။

🔥 သက်သေခံရန် တန်ခိုးပေးခြင်း။
ယေရှုခရစ်တော်က 'သန့်​ရှင်းသော​ဝိ​ညာဉ်​တော် ဆင်း​သက်သော​အ​ခါ သင်တို့​သည် တန်​ခိုး​ကို​ခံ​ရ၍ မြေ​ကြီး​စွန်း​တိုင်​အောင် ငါ၏​သက်သေ ဖြစ်​ကြ​လိမ့်​မည်' (တမန်တော် ၁:၈) ဟု မိန့်မှာခဲ့သည့်အတိုင်း၊ သန့်ရှင်းသောဝိညာဉ်တော်သည် ယုံကြည်သူများအား ဧဝံဂေလိတရားကို ရဲဝံ့စွာ ဝေငှရန် တန်ခိုးနှင့်ပြည့်စေပါသည်။

🕊️ ယုံကြည်သူများ၌ ဝိညာဉ်တော် ကိန်းဝပ်ခြင်း။
ပင်တေကုတ္တေနေ့မှစ၍၊ ယေရှုခရစ်တော်ကို ယုံကြည်လက်ခံသူတိုင်း၏နှလုံးသားထဲတွင် သန့်ရှင်းသောဝိညာဉ်တော်သည် အစဉ်ကိန်းဝပ်တော်မူသည်။ (၁ ကော ၃:၁၆၊ ၆:၁၉၊ ရောမ ၈:၉)

'သင်​တို့​သည် ဘု​ရား​သ​ခင်၏ ဗိ​မာန်​တော် ဖြစ်​ကြ​သည်​ကို​လည်း​ကောင်း၊ ဘု​ရား​သ​ခင်၏​ဝိ​ညာဉ်​တော်​သည် သင်​တို့​အ​ထဲ၌ ကျိန်း​ဝပ်​တော်​မူ​သည်​ကို​လည်း​ကောင်း မ​သိ​ကြ​သ​လော။' (၁ ကော ၃:၁၆)

'အ​ဘယ်​သို့​နည်း။ သင်​တို့​ကိုယ်​ခ​န္ဓာ​သည် ဘု​ရား​သ​ခင် ပေး​သ​နား​တော်​မူ​သော ဝ​ညာဉ်​တော်​တည်း​ဟူ​သော၊ သင်​တို့​အ​ထဲ၌ ကျိန်း​ဝပ်၍ သန့်​ရှင်း​သော ဝ​ညာဉ်​တော်၏ ဗိ​မာန်​ဖြစ်​ကြောင်း​ကို​လည်း​ကောင်း...' (၁ ကော ၆:၁၉)

'သို့​သော်​လည်း ဘု​ရား​သ​ခင်​၏ ဝ​ညာဉ်​တော်​သည် သင်​တို့​အ​ထဲ၌ ကျိန်း​ဝပ်​တော်​မူ​လျှင်၊ သင်​တို့​သည် ဇာ​တိ​ပ​က​တိ​ဘက်၌ ရှိ​ကြ​သည်​မ​ဟုတ်။ ဝ​ညာဉ်​ပ​က​တိ... ဘက်၌ ရှိ... ကြ၏...' (ရောမ ၈:၉)

ဤသည်မှာ ယုံကြည်သူတိုင်းအတွက် အံ့သြဖွယ်ကောင်းသော အခွင့်ထူးတစ်ခု ဖြစ်သည်။

🔥 လမ်းညွှန်မှုနှင့် သွန်သင်မှု။
သန့်ရှင်းသောဝိညာဉ်တော်သည် ယုံကြည်သူများအား သမ္မာတရားကို နားလည်စေရန်၊ ဘုရားသခင်၏အလိုတော်ကို သိရှိစေရန် သွန်သင်လမ်းပြတော်မူသည်။ (ယော ၁၄:၂၆၊ ၁၆:၁၃)

'ခ​မည်း​တော်​သည် ငါ့​အ​တွက်​ကြောင့် စေ​လွှတ်​တော်​မူ​သော ဥ​ပ​ဇ္ဈာယ်​ဆ​ရာ​တည်း​ဟူ​သော သန့်​ရှင်း... သော​ဝိ​ညာဉ်​တော်​သည် သင်​တို့... အား ခပ်​သိမ်း​သော​အ​ရာ​တို့​ကို ပြ​သ​သွန်​သင်​တော်​မူ၍...' (ယော ၁၄:၂၆)

'သ​မ္မာ​တ​ရား​နှင့်​ပြည့်​စုံ... သော ထို​ဝ​ညာဉ်​တော်​သည် ရောက်​လာ​သော... အ​ခါ၊ သ​မ္မာ... တ​ရား​ကို သင်​တို့​အား အ​ကြွင်း​မဲ့ သွန်​သင်​ပြ​သလိမ့်​မည်...' (ယော ၁၆:၁၃)

🔥 ဝိညာဉ်ဆုကျေးဇူးများ။
သန့်ရှင်းသောဝိညာဉ်တော်သည် အသင်းတော် တည်ဆောက်ရန်အလို့ငှာ ယုံကြည်သူအသီးသီးအား ဝိညာဉ်ဆုကျေးဇူးအမျိုးမျိုးကို ပေးသနားတော်မူသည်။ (၁ ကောရိန္သု ၁၂:၄-၁၁)

'ဆု​ကျေး​ဇူး​တော် အ​ထူး​ထူး​အ​ထွေ​ထွေ ရှိ​ငြား​သော်​လည်း ဝိ​ညာဉ်​တော်​တစ်​ပါး​တည်း ရှိ၏။- ဓ​မ္မ​ဆ​ရာ​အ​မှု အ​ထူး​ထူး​အ​ထွေ​ထွေ​ရှိ​ငြား​သော်​လည်း သ​ခင်​တစ်​ပါး​တည်း​ရှိ၏။- ပြု​ပြင်​ခြင်း​အ​မှု အ​ထူး​ထူး​အ​ထွေ​ထွေ ရှိ​ငြား​သော်​လည်း၊ ခပ်​သိမ်း​သော သူ​တို့၌ ပြု​ပြင်​သ​မျှ​ကို ပြု​ပြင်​တော်​မူ​သော ဘု​ရား​သ​ခင်​တစ်​ပါး​တည်း​ရှိ၏။- ကောင်း​သော​အ​ကျိုး​အ​လို​ငှာ​သာ ဝိ​ညာဉ်​တော်​ကို လူ​အ​သီး​အ​သီး​တို့​အား ထင်​ရှား​စွာ ပေး​တော်​မူ​လျက်​ရှိ၏။- အ​ဘယ်​သို့​နည်း​ဟူ​မူ​ကား၊ ဝိ​ညာဉ်​တော်​အား​ဖြင့် တစ်​ယောက်​သော​သူ​အား ပ​ညာ​တ​ရား​ကို ပေး​တော်​မူ၏။ ထို​ဝိ​ညာဉ်​တော်​အား​ဖြင့် တစ်​ယောက်​သော​သူ​အား ထိုး​ထွင်း​ခြင်း​တ​ရား​ကို ပေး​တော်​မူ၏။- ထို​ဝိ​ညာဉ်​တော်​အား​ဖြင့် တစ်​ယောက်​သော​သူ​အား ယုံ​ကြည်​ခြင်း​ကို ပေး​တော်​မူ၏။ ထို​ဝိ​ညာဉ်​တော်​အား​ဖြင့် တစ်​ယောက်​သော​သူ​အား အ​နာ​ရော​ဂါ​ကို ငြိမ်း​စေ​နိုင်​သော​အ​ခွင့်​ကို ပေး​တော်​မူ၏။- တစ်​ယောက်​သော​သူ​အား၊ တန်​ခိုး​ကို​ပြ​နိုင်​သော အ​ခွင့်​ကို​လည်း​ကောင်း၊ တစ်​ယောက်​သော​သူ​အား ပ​ရော​ဖက်​ပြု​နိုင်​သော အ​ခွင့်​ကို​လည်း​ကောင်း၊ တစ်​ယောက်​သော​သူ​အား စိတ်​ဝိ​ညာဉ်​တို့​ကို ပိုင်း​ခြား၍​သိ​နိုင်​သော အ​ခွင့်​ကို​လည်း​ကောင်း၊ တစ်​ယောက်​သော​သူ​အား အ​မျိုး​မျိုး​သော ဘာ​သာ​စ​ကား​ကို ပြော​နိုင်​သော အ​ခွင့်​ကို​လည်း​ကောင်း၊ တစ်​ယောက်​သော​သူ​အား ထို​ဘာ​သာ​စ​ကား၏​အ​နက်​ကို ဖော်​ပြ​နိုင်​သော အ​ခွင့်​ကို​လည်း​ကောင်း ပေး​တော်​မူ၏။- ဤ​အ​ခွင့်​ရှိ​သ​မျှ​တို့​ကို တစ်​ပါး​တည်း​သော ဝိ​ညာဉ်​တော်​သည် ပြု​ပြင်၍ လူ​အ​သီး​အ​သီး​တို့​အား အ​သီး​အ​သီး ခံ​ရ​သော​အ​ခွင့်​ကို အ​လို​တော်​ရှိ​သည်​အ​တိုင်း ဝေ​ငှ၍ ပေး​တော်​မူ၏။ ' (၁ ကော ၁၂:၄-၁၁)

ဤဆုကျေးဇူးများသည် တစ်ဦးနှင့်တစ်ဦး အပြန်အလှန်အစေခံရန်နှင့် အသင်းတော်ကြီးထွားရန်အတွက် ဖြစ်ပါသည်။

🍇 ဝိညာဉ်အသီးများ။
သန့်ရှင်းသောဝိညာဉ်တော်၏ အလုပ်လုပ်ဆောင်မှုကြောင့် ယုံကြည်သူများ၏အသက်တာတွင် ချစ်ခြင်း၊ ဝမ်းမြောက်ခြင်း၊ ငြိမ်သက်ခြင်း၊ သည်းခံခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာစောင့်သိခြင်း၊ နူးညံ့သိမ်မွေ့ခြင်း၊ မိမိကိုယ်ကိုချုပ်တည်းခြင်းတည်းဟူသော ဝိညာဉ်အသီးများ သီးပွင့်လာသည်။ (ဂလာတိ ၅:၂၂-၂၃)

'ဝိ​ညာဉ်​ပ​က​တိ၏​အ​ကျိုးမူ​ကား၊ ချစ်​ခြင်း၊ ဝမ်း​မြောက်​ခြင်း၊ ငြိမ်​သက်​ခြင်း၊ စိတ်​ရှည်​ခြင်း၊ ကျေး​ဇူးပြု​ခြင်း၊ ကောင်း​မြတ်​ခြင်း၊ သ​စ္စာ​စောင့်​ခြင်း၊ နူး​ညံ့​သိမ်​မွေ့​ခြင်း၊ ကာ​မ​ဂုဏ်​ချုပ်​တည်း​ခြင်း​ပေ​တည်း။ ထို​သို့​သော​အ​ကျင့်​ကို အ​ဘယ်​တ​ရားမျှ မ​မြစ်​တား။' (ဂလာတိ ၅:၂၂-၂၃)

၃။ နေ့စဉ်အသက်တာ၌ လက်တွေ့ကျင့်သုံးခြင်း။
ပင်တေကုတ္တေနေ့၏ အနှစ်သာရကို ကျွန်ုပ်တို့၏နေ့စဉ်အသက်တာတွင် အောက်ပါအတိုင်း လက်တွေ့ကျင့်သုံးနိုင်သည်။-

🔥 သန့်ရှင်းသောဝိညာဉ်တော်နှင့် ပြည့်ဝလျက်နေခြင်း။
ဧဖက်ဩဝါဒစာ ၅:၁၈ တွင် 'လွန်​ကျူး​စေ​တတ်​သော စ​ပျစ်​ရည်​နှင့် ယစ်မူး​ခြင်း​ကို​ရှောင်၍ ဝိ​ညာဉ်တော်​နှင့် ပြည့်​စုံ​လျက်​ရှိ​ကြ​လော့' ဟု ဆိုထားသည့်အတိုင်း၊ ကျွန်ုပ်တို့သည် သန့်ရှင်းသောဝိညာဉ်တော်၏ လွှမ်းမိုးချုပ်ကိုင်မှုအောက်၌ နေ့စဉ်အသက်ရှင်ရန် ဆက်ကပ်အပ်နှံရမည်။

၎င်းသည် တစ်ကြိမ်တည်းသော အတွေ့အကြုံမဟုတ်ဘဲ၊ ဆက်လက်ဖြစ်ပေါ်နေရမည့် အခြေအနေဖြစ်သည်။

🔥 ဝိညာဉ်တော်အားဖြင့် အသက်ရှင်ခြင်း။
ဂလာတိ ၅:၁၆ တွင် 'ငါ​ပ​ညတ်​သည်​ကား၊ ဝိ​ညာဉ်​ပ​က​တိ​အ​တိုင်း ကျင့်​ကြ​လော့' ဟု လည်းကောင်း၊ ဂလာတိ ၅:၂၅ တွင် 'သို့​ဖြစ်၍ ငါ​တို့​သည် ဝိညာဉ်​ပ​က​တိ​ကြောင့် အ​သက်​ရှင်​လျှင်၊ ဝိညာဉ်ပ​ကတိ​အ​တိုင်း ကျင့်​ကြ​ကုန်​အံ့' ဟု လည်းကောင်း ဖော်ပြထားသည်။

၎င်းမှာ ကျွန်ုပ်တို့၏ ဆုံးဖြတ်ချက်များ၊ လုပ်ဆောင်ချက်များနှင့် သဘောထားများအားလုံးကို သန့်ရှင်းသောဝိညာဉ်တော်ဘုရား၏ လမ်းညွှန်မှုအတိုင်း လိုက်လျှောက်ရှင်သန်ခြင်းဖြစ်သည်။

🙏 ဝိညာဉ်တော်၌ ဆုတောင်းခြင်း။
ဧဖက် ၆:၁၈ တွင် 'ကာ​လ​အ​စဉ် စိတ်​နှ​လုံး​ပါ​လျက် ဆု​တောင်း ပ​တ္ထ​နာ​ပြု​ခြင်း​အ​မျိုး​မျိုး​တို့​ဖြင့် ဆု​တောင်း​ကြ​လော့' ဟု လည်းကောင်း၊ ယုဒဩဝါဒစာ ၁:၂၀ တွင် 'သန့်​ရှင်း​သော​ဝိ​ညာဉ်​တော်​အား​ဖြင့် ဆု​တောင်း ပ​တ္ထ​နာ​ပြု​လျက်' ဟု လည်းကောင်း တိုက်တွန်းထားသည်။ ၎င်းသည် ဘုရားသခင်၏အလိုတော်နှင့်အညီ၊ ဝိညာဉ်တော်၏ တန်ခိုးတော်ဖြင့် ဆုတောင်းခြင်းဖြစ်သည်။

🕊️👂 ဝိညာဉ်တော်၏ စကားသံကို နားထောင်ခြင်း။
ရောမ ၈:၁၄ က "ဘုရားသခင်၏ဝိညာဉ်တော် ဆုံးမပဲ့ပြင်တော်မူသမျှသော သူတို့သည် ဘုရားသခင်၏သားဖြစ်ကြ၏။" ဟုဆိုသည်။ ကျွန်ုပ်တို့သည် နှုတ်ကပတ်တော်၊ ဆုတောင်းခြင်း၊ အခြားယုံကြည်သူများ၏ အကြံဉာဏ်များနှင့် အခြေအနေများအားဖြင့် ဘုရားသခင်၏ ဝိညာဉ်တော်ပြောဆိုသည်ကို နားထောင်ရန် အာရုံစိုက်ရမည်။

🔥 ဝိညာဉ်ဆုကျေးဇူးများကို အသုံးပြုခြင်း။
၁ ပေတရု ၄:၁၀ တွင် 'ဘု​ရား​သ​ခင်၏ အ​ထူး​ထူး အ​ပြား​ပြား​သော ကျေး​ဇူး​တော်​ဘ​ဏ္ဍာစိုး​ကောင်း​ကဲ့​သို့၊ အ​ချင်း​ချင်း ဝေ​ငှ​ပေး​ကမ်း​ကြလော့' ဟု ဖော်ပြထားသည်။ ဘုရားသခင်ပေးသနားသော ဆုကျေးဇူးများကို အသင်းတော်နှင့် အခြားသူများ၏ အကျိုးအတွက် အသုံးပြုရမည်။

🔥 ဝိညာဉ်အသီးများကို သီးပွင့်စေခြင်း။
ကျွန်ုပ်တို့၏ အကျင့်စရိုက်နှင့် အခြားသူများနှင့် ဆက်ဆံရာတွင် ဝိညာဉ်အသီးများ (ဂလာတိ ၅:၂၂-၂၃) ကို သီးပွင့်စေရန် ကြိုးစားအားထုတ်ရမည်။ ဤအသီးများသည် ဝိညာဉ်တော်နှင့် ပြည့်ဝသောအသက်တာ၏ အထောက်အထားဖြစ်သည်။

✝️ ဧဝံဂေလိတရားကို ရဲဝံ့စွာ ဝေငှခြင်း။
ပင်တေကုတ္တေနေ့တွင် တမန်တော်များကဲ့သို့ (တမန်တော်ဝတ္ထု ၄:၂၉-၃၁)၊ ကျွန်ုပ်တို့သည်လည်း သန့်ရှင်းသောဝိညာဉ်တော်၏ တန်ခိုးကို အမှီပြု၍ ခရစ်တော်၏ကယ်တင်ခြင်းသတင်းကောင်းကို အခြားသူများအား ရဲဝံ့စွာ ဝေငှရမည်။

🤝 ယုံကြည်သူချင်း မိတ်သဟာယဖွဲ့ခြင်း။
ကနဦးအသင်းတော်သည် 'ထို​သူ​များ​သည် တ​မန်​တော်​တို့၏ ဆုံး​မ​ဩ​ဝါ​ဒ​ကို​ခံ​ခြင်း၊ အ​ပေါင်း​အ​သင်း​ဖွဲ့​ခြင်း၊ မုန့်​ကို​ဖဲ့​ခြင်း၊ ပ​တ္ထ​နာပြု​ခြင်း​တို့​ကို အ​မြဲ​ဆောင်​ရွက်၍ နေ​ကြ၏' (တမန်တော် ၂:၄၂)။ ကျွန်ုပ်တို့သည်လည်း ယုံကြည်သူချင်းများနှင့် အတူတကွ ဝတ်ပြုကိုးကွယ်ခြင်း၊ ဆုတောင်းခြင်း၊ အားပေးခြင်းများ ပြုလုပ်ရမည်။

◼️နိဂုံး
ပင်တေကုတ္တေနေ့သည် သန့်ရှင်းသောဝိညာဉ်တော်၏ ကြွလာခြင်းနှင့် အသင်းတော်၏စတင်ခြင်းကို အမှတ်ရစေရုံသာမက၊ ယုံကြည်သူတိုင်းအား သန့်ရှင်းသောဝိညာဉ်တော်နှင့် ပြည့်ဝလျက်၊ တန်ခိုးနှင့်ပြည့်စုံလျက်၊ အသီးသီးပွင့်ကြလျက် အသက်ရှင်ရန် စိန်ခေါ်နေပါသည်။

ကျွန်ုပ်တို့၏နေ့စဉ်အသက်တာတွင် သန့်ရှင်းသောဝိညာဉ်တော်၏ ဦးဆောင်မှုနှင့် တန်ခိုးကို အပြည့်အဝလက်ခံ အသက်ရှင်ခြင်းအားဖြင့်၊ ဘုရားသခင်၏နိုင်ငံတော်ကို တည်ဆောက်ရာ၌ ထိရောက်စွာ အသုံးပြုခြင်းခံရသော သူများ ဖြစ်ကြပါစို့။

ပင်တေကုတ္တေနေ့၏ အနှစ်သာရသည် ကျွန်ုပ်တို့၏ ယုံကြည်ခြင်းအသက်တာ၏ အသက်သွေးကြောဖြစ်ပြီး၊ နေ့စဉ်အသက်တာ၌ လက်တွေ့ကျင့်သုံးခြင်းဖြင့်သာ ဘုရားသခင်၏ ဘုန်းတော်ထင်ရှားစေနိုင်မည် ဖြစ်ပါသည်။

ဘုရားသခင် ကောင်းချီးပေးပါစေ။

_The Wise Believers

05/14/2026

05/09/2026

❤️

05/08/2026

Artist: David LahSongwriter: Saw TarMusic: Phoe Thar HtooArrangement: Saw TarMixing& Mastering: Hsan Moe Htet Harmony: TracyDirector: Ko NyiAssit director: B...