08/03/2025
عمران خان ڈیل نہیں کرتا، ورنہ ایک گھنٹے میں رہا ہو سکتا ہے: اسد قیصر
پاکستان تحریکِ انصاف (پی ٹی آئی) کے سینئر رہنما اور سابق اسپیکر قومی اسمبلی اسد قیصر نے کہا ہے کہ چیئرمین پی ٹی آئی عمران خان کسی بھی قسم کی ڈیل کرنے کو تیار نہیں ہیں، اگر وہ چاہتے تو ایک گھنٹے کے اندر رہا ہو سکتے تھے۔
انہوں نے مزید کہا کہ عمران خان اپنے مؤقف پر مضبوطی سے قائم ہیں اور ملک میں قانون کی بالادستی اور آئینی حکمرانی کے لیے جدوجہد کر رہے ہیں۔ اسد قیصر نے یہ بیان میڈیا سے گفتگو کے دوران دیا، جہاں انہوں نے موجودہ سیاسی صورتحال اور عمران خان کی گرفتاری پر بھی تبصرہ کیا۔
