Doc IG (2026)

14/09/2026

M sot tonbe sou yon videyo ki vrèman boulvèsan e ki montre yon nivo mechanste ki difisil pou konprann. Nan videyo a, yon fanm mare de timoun piti epi li ap bat yo ak yon manch pilon, pandan li ap frape yo nan tèt pou paran yo vin pran yo. Se yon sèn ki pa ka kite nou endiferan. Timoun sa yo bezwen pwoteksyon, yo bezwen èd, e sitiyasyon konsa mande pou yo aji avèk responsabilite pou mete yo an sekirite.

Lè yon timoun ap sibi vyolans, se pa yon bagay pou nou gade epi pase. Bat yon timoun, mare l, imilye l oswa fè l viv nan laperèz se maltretans epi sa ka kite gwo konsekans sou lavi li.

Timoun yo bezwen pwoteksyon, afeksyon, edikasyon ak disiplin ki pa baze sou vyolans. Yo pa gen kapasite pou yo defann tèt yo kont granmoun ki abize pouvwa yo.

Si yon timoun ap viv yon sitiyasyon konsa, pa rete endiferan. Chèche èd, avèti moun ki kapab pwoteje timoun nan epi pran mezi pou mete l an sekirite.

14/09/2026

Èske w te konnen gen yon ti kantite lò nan kò moun?

Wi, se pa yon lejand. Syantifik yo jwenn lò (Au) an kantite tras nan plizyè tisi ak ògàn nan kò imen an. Etid syantifik yo itilize plizyè teknik pou detekte epi mezire lò nan tisi imen.

Yon etid ki te analize plizyè ògàn nan kadav imen te montre prezans eleman tras, pami yo lò, nan diferan tisi. Lòt rechèch te menm mezire lò dirèkteman nan tisi tankou ren, fwa, larat, cheve ak zong.

Gen estimasyon ki mete kantite total lò nan kò yon moun nan kèk miligram sèlman. Sa vle di nou gen lò nan kò nou, men kantite a tèlman piti li pa gen okenn valè ekonomik pratik. Ou p ap rich si se pou lò sa😂

Men yon bagay enpòtan: lò pa konsidere kòm yon eleman nitritif esansyèl pou kò moun. Prezans li se sitou yon tras eleman nou ka jwenn nan anviwònman nou.

📚 Men Sous syantifik yo
• Yukawa M et al. Distribution of trace elements in the human body determined by neutron activation analysis. Archives of Environmental Health, 1980.
• Kamel H et al. Determination of gold in tissue by carbon-furnace atomic-absorption spectrometry. Talanta, 1977.
• Gold in medicine: a review. PMC/NCBI.

13/09/2026

1. Èni diskal (hernie discale)
Chak disk ant vètèb yo gen yon nwayo mou ki kouvri ak yon kouch fib ki pi di. Lè kouch sa a fann, nwayo a ka pouse deyò epi peze yon rasin nè. Sa bay yon doulè k ap irradye nan janm souvan yo rele l siyatik (sciatique) lè nè siyatik la konsène ansanm ak angoudi, pikotman, oswa feblès nan janm ak pye.

2. Enfeksyon oswa kalkil nan ren (pyè nan ren / pyelonefrit)
Ren yo chita nan rejyon lonbè a, dèyè, anba kòt yo. Yon enfeksyon ren bay doulè yon sèl bò, souvan ak lafyèv, frison, ak doulè lè w ap p**i. Yon kalkil renal(pyè nan ren) bay yon doulè brital ki tòde, ki ka desann nan pli lenn.

3. Atwoz lonbè (arthrose / spondylose lombaire)
Se lè jwenti ki fè katilaj ant vètèb yo fini, ize avèk tan. Sa bay yon doulè kwonik, rèd sitou apre repo nan maten oswa apre w chita lontan, ki amelyore yon ti kras lè w bouje.

4. Frakti konpresyon vètebral (fracture tassement vertébral)
Sitou lakay moun ki gen osteyopowoz (zo fèb), yon senp mouvman leve yon bagay, touse fò, oswa yon ti chit ka lakòz vètèb la tase. Sa bay yon doulè brital.

5. Pankreyatit (pancréatite)
Enflamasyon pankreya la bay yon doulè nan pati wo vant lan ki irradye dwat nan do, tankou yon sentiwon. Li souvan pi mal apre yon gwo repa gra oswa apre konsomasyon alkòl, e li ka vini ak vomisman.

6. Kondisyon jineyokolojik (endometriyoz, fibwòm)
Lakay fanm, endometriyoz oswa fibwòm nan matris la ka bay doulè nan ba do (rejyon sakre) ki gen tandans vin pi entans pandan règ, ansanm ak règ ki dire twòp tan oswa ki two abondan.

7. Metastaz kansè (métastase osseuse)
Sa pi ra, men kèk kansè (pwostat, tete, poumon, ren) ka gaye nan zo kolòn vètebral la. Doulè a gen karakteristik li pwogresif, li pa amelyore ak repo, e li konn pi rèd lannwit.

11/09/2026

Ou boule? MEN SA W DWE FÈ!

Nan peyi nou, lè yon moun boule, premye reflèks se kouri chèche dantifris, bè. Men mwen dwe di nou laverite sa yo ka fè sitiyasyon an vin pi grav, paske yo ka ogmante risk enfeksyon.

Men sa n dwe fè !
Premye bagay pou fè se mete zòn ki boule a anba dlo fre (pa dlo glase, tanpri) pandan 10 rive 20 minit. Se sa k ap ede kalme chalè a anndan po a e diminye domaj la. Pandan w ap fè sa, retire rad ak bijou ki toupre zòn nan anvan li kòmanse anfle yon fwa li anfle, l ap pi difisil pou retire yo.

Apre sa, kouvri boule a ak yon twal pwòp oswa yon gaz ki pa kole sou po a evite koton paske li ka kole nan blesi a.

Men atansyon, gen kèk sitiyasyon kote ou pa dwe ret tann lakay, ou dwe kouri lopital touswit:
Si boule a gwo (pi gran pase yon men) oswa li fon
Si li sou figi, men, pye, jwenti, oswa pati jenital
Si se yon timoun piti oswa yon moun aje ki boule
Si po a vin blan, mawon fonse, oswa nwa
Si gen lafyèv oswa pi k ap sòti apre kèk jou (siy enfeksyon)

Pou yon ti boule lejè po wouj, ti doulè, san zanpoul dlo fre ak yon pansman pwòp ka sifi. Men siveye l pandan 2-3 jou pou wè si l ap byen geri.

09/09/2026

7 MEZI OU DWE PRAN LÈ LORAJ AP TONBE

Loraj ak zèklè ka parèt inofansif, men yo kapab lakòz blesi grav, dife oswa menm lanmò. Lè ou tande loraj, sa vle di ou deja nan yon zòn kote zèklè ka frape.

Men 7 mezi enpòtan pou pwoteje tèt ou

1️⃣ Antre andedan yon bilding ki solid
Pa rete deyò ap tann lapli a fini. Chèche yon kay oswa yon lòt estrikti fèmen ki solid.

2️⃣ Pa rete anba pye bwa
Pye bwa pa yon bon abri kont zèklè. Zèklè ka frape pye bwa a epi transmèt kouran an bay moun ki toupre li.

3️⃣ Evite dlo
Pa benyen, pa pran douch epi pa rete nan pisin, rivyè oswa lanmè pandan loraj. Dlo fasil pou transmèt kouran.

4️⃣ Evite aparèy ak fil elektrik
Pa manyen priz, fil elektrik oswa aparèy ki konekte nan kouran pandan loraj. Si sa posib, dekonekte aparèy yo anvan loraj la rive.

5️⃣ Pa itilize telefòn ki konekte ak chajè
Ou ka itilize yon telefòn selilè ki pa konekte ak chajè, men evite sèvi ak aparèy ki konekte dirèkteman nan priz pandan loraj.

6️⃣ Si ou deyò epi ou pa jwenn abri, pa kouche atè
Kouri pou antre nan yon bilding oswa yon machin ki fèmen. Si pa gen okenn abri, bese kò ou pi ba posib epi diminye kontak ou ak tè a. Pa lonje kò ou atè.

7️⃣ Rete andedan apre dènye kout loraj la
Pa soti touswit lè lapli a sanble ap diminye. Yon bon règ se: tann omwen 30 minit apre dènye fwa ou tande loraj la anvan ou retounen deyò.

Si ou tande loraj, zèklè ka rive jwenn ou. Pi bon pwoteksyon an se antre nan yon bilding solid oswa yon machin ki fèmen epi rete la jiskaske tanpèt la fin pase.

Pataje enfòmasyon sa a. Yon ti mezi prekosyon ka sove yon lavi.

08/09/2026

Anpil moun kwè si chen an pa bave, li pa gen laraj. FO. Yon bèt ka enfekte san l pa montre okenn siy.
Se poutèt sa, si yon bèt mòde w oswa niche yon blesi ou genyen, men sa pou w fè touswit
Lave zòn nan ak dlo ak savon pandan 15 minit se etap ki pi enpòtan an. Apre sa, ale nan yon sant sante san w pa tann, menm si mòdisyon an sanble piti. Pa janm tann pou wè si bèt la malad vre lè w wè siy yo, li ka twò ta.
Bòn nouvèl: Ayiti fèk resevwa 10,000 dòz vaksen kont laraj nan men Brezil, pou ranfòse aksè nan tretman apre ekspozisyon. Men pi bon pwoteksyon an, se aji vit.

Pataje pòs sa a li ka sove lavi yon moun ou renmen. Epi tag yon zanmi ki gen chen lakay li.

07/09/2026

Li lakòz lanmò a prèske 100%, men yo ka evite l, Men sa pou w fè si yon bèt mòde w.

Pa janm mete kafe oubyen poud sou yon kote chen mòde w Men sa pou w fè vre!
Pataje videyo sa a pou w sove yon lavi jodi a!

07/09/2026

Pou yon espès ki genyen la rezon, lòm lan vrèman kapab fè bagay ki pi inimen ki egziste. Gen krim ki pa sèlman retire lavi yon moun yo retire yon pati nan konfyans nou genyen nan limanite.

07/09/2026

KANSÈ TESTIKIL, SA CHAK GASON TA DWE KONNEN

Premye bagay pou konnen: yon tès gwosès pa yon tès depistaj pou kansè testikil. Gen kèk kansè testikil ki ka pwodui yon òmòn ki rele β-hCG, yon òmòn tès gwosès yo ka detekte. Se poutèt sa, nan kèk ka, yon tès gwosès ka vin pozitif lakay yon gason ki gen yon timè testikil.

Men sa pa vle di yon tès gwosès ka sèvi pou chèche oswa elimine kansè testikil. Yon rezilta negatif pa vle di pa gen kansè.

Kansè testikil souvan manifeste kòm yon chanjman nan youn nan testikil yo, tankou:

Yon boul oswa yon mas ki parèt nan testikil la
Yon ogmantasyon nan gwosè testikil la
Yon chanjman nan fòm oswa konsistans testikil la
Yon sansasyon lou oswa peze nan eskrotòm nan
Yon doulè oswa malèz nan testikil oswa nan pati anba vant lan

Men tout boul oswa doulè nan testikil pa vle di se kansè. Gen plizyè lòt kòz posib. Se yon egzamen medikal k ap byen diferansye yo.

Kisa pou w fè si w remake yon chanjman?

Pa eseye fè dyagnostik tèt ou avèk yon tès gwosès oswa tann pou siy yo disparèt. Konsilte yon pwofesyonèl sante pou yon evalyasyon apwopriye.

Kansè testikil se yon kansè ki gen yon trè bon pwonostik lè li detekte epi trete bonè.

Yon tès gwosès pa depiste kansè testikil. Se yon chanjman ou remake nan testikil ou ki dwe pouse w chèche yon evalyasyon medikal.

Pran swen sante w. Konnen kò w, rekonèt chanjman yo, epi pa neglije yo.

07/09/2026

I'm Back
I'm Back

Doc IG

14/09/2026

14/09/2026

13/09/2026

11/09/2026

09/09/2026

08/09/2026

07/09/2026

07/09/2026

07/09/2026

07/09/2026

Address

Telephone

Website

Alerts

Contact The Business

Shortcuts

Share

Listing takedown request