Naba Nepal, USA, New York, NY (2026)

05/14/2026

बधाई साप् !

ललितपुर प्रहरी परिसरले प्रहरी हवल्दार र जवानलाई लक्षित गर्दै विशेष तालिम (घुम्ती प्रशिक्षण) सम्पन्न गरेको छ । वैशाख २१ गतेदेखि २८ गतेसम्म सञ्चालित तालिममा ललितपुर जिल्लाभित्रका विभिन्न इकाईका प्रहरी हवल्दार तथा जवानहरु सहभागी भएका थिए ।

करिब एक साता लामो ‘अपराध अनुसन्धान तथा नियन्त्रण विशेष अनुशिक्षण’ सम्बन्धी विशेष तालिममा सहभागी भएका प्रशिक्षार्थीहरुलाई जिल्ला प्रहरी परिसर ललितपुरका प्रमुख एवं एसएसपी होबिन्द्र बोगटीले प्रमाणपत्र प्रदान गरेका थिए ।

तालिमपछि परिसर मातहतमा रहेर कर्तव्य निर्वाह गरिरहेका प्रहरी कर्मचारीहरुले थप जिम्मेवार र सजग भई कर्तव्य निर्वाह गर्ने विश्वास एसएसपी बोगटीले राखेका थिए ।

05/14/2026

असई साब् बधाई !

नेपाल प्रहरीका असई सुरेन्द्र साउद वैशाख महिनाका लागि उत्कृष्ट प्रहरी घोषित भएका छन् ।

नेपाल प्रहरी प्रदेश कार्यालय महेन्द्रनगर कञ्चनपुरमा कार्यरत असई साउदलाई निजका कार्य सम्पादन, अनुशासन, आचरण र कर्तव्यनिष्ठ भई संगठनको साख अभिवृद्धि गर्नुका साथै आम जनतालाई शान्ति सुरक्षाको प्रत्याभूति गराउने कार्यमा उत्कृष्ट कार्य गरेबापत प्रदेश कार्यालयले उत्कृष्ट कर्मचारी घोषणा गरिएको हो । उनलाई कार्यालय प्रमुख एसएसपी दीपेन्द्र शाहीले प्रशंसापत्रसहित सम्मान गरेका थिए ।

असई साउदलाई हाम्रो तर्फबाट पनि धेरै धेरै बधाई अनि आगामी दिनमा संगठन र जनताका लागि थप स्मरणयोग्य कार्य सम्पादन होस् भन्ने शुभकामना !

05/14/2026

प्रहरी जवान भिमराज ओलीको नि*धन भएको छ ।

नेपाल प्रहरीमा आबद्ध भई आम नेपाली जनताको शान्ति सुरक्षाका लागि मैदानमा खटिइरहने संगठनका अनुशासित एवं कर्तव्यनिष्ठा प्रहरी कर्मचारीको नि*धनले संगठनमा अपूरणीय क्षति पुगेको छ ।

मृदुभाषी एवं अनुशासित प्रहरी जवान ओलीको नि*धनको यस दुःखद घडीमा दिवंगत आत्माको चीरशान्तिको कामना गर्दै हा*र्दिक श्रद्धा*ञ्जली र परिवाजनमा हा*र्दिक स*मवे*दना व्यक्त गर्दछौं ।

05/14/2026

सशस्त्र प्रहरीका जवान राजेश थारुको निधन भएको छ ।

बर्दिया घर भई हाल सशस्त्र प्रहरी बलमा कार्यरत थारुको निधन भएको उनका साथी सुरज थारुले सामाजिक सञ्जालमार्फत् जनाएका छन् ।

राजेशको निधनमा सुरज लेख्छन्, ‘हार्दिक श्रद्धञ्जली साथी 🥺🕊️🤍

बालापन देखि सँगै खेलेको स्कूलमा एउटै बेन्च मा बसेको साथी आज हामी माझ रहेनन्। तिमी जाहा भए पनि तिम्रो सम्झना सदैब हामि सँग रहने छ साथी। स्वर्गमा वास होस तिम्रो।’

दिवंगत थारुप्रति हाम्रो तर्फबाट श्रद्धाञ्जली अनि परिवारजनमा हार्दिक समवेदना!

05/13/2026

हवल्दार साप् शीघ्र स्वास्थ्यलाभको कामना !!

ललितपुरमा चितुवाको आक्रमणमा परी एकजना प्रहरी घाइते भएका छन् । आज बिहान पौने ९ बजे गस्तीमा रहेको प्रहरी टोलीमाथि चितुवाले आक्रमण गरेको हो ।

चितुवाको आक्रमणमा परी प्रहरी हवल्दार हेम बिक घाइते भएका प्रहरीले जानकारी दिएको छ । अहिले उनको उपचार भइरहेको प्रहरीले जानकारी दिएको छ । उनको मुख र दुवै हात र बायाँ हातको कुममा चोट लागेको छ ।

05/13/2026

चितुवाको आ*क्रमणमा प्रहरी हवल्दार विक घाइते

चितुवाको आ*क्रमणबाट ललितपुरमा एक प्रहरी हवल्दार प्रेम विक घा*इते भएका छन् ।

जिल्ला प्रहरी परिसर ललितपुरका एसपी गौतम मिश्रका अनुसार बुधबार बिहान महालक्ष्मी नगरपालिका लुभुमा चितुवाले आक्र*मण गर्न हवल्दार विक घाइ*ते भएका हुन् । मोटरसाइकलमा गस्तीमा गइरहेका बेला विकलाई गहुँबारीबाट निस्केको चितुवाले आ*क्रमण गरेको थियो ।

घा*इते हवल्दारको किस्ट अस्पतालमा उपचार गरिएको उनले बताए । प्रहरीलाई आ*क्रमण गरेपछि चितुवा त्यहाँबाट भागेको थियो ।

घाइते हवल्दार विकको शीघ्र स्वास्थ्यलाभको कामना !!

05/13/2026

बाँदर धपाउन सार्वजनिक बिदा र हेरालुको व्यवस्था !
तेह्रथुमको लालीगुराँस नगरपालिकाले बाँदरको आतंक नियन्त्रण गर्न आगामी जेठ १ गते नगरपालिकाभर सार्वजनिक बिदा दिने निर्णय गरेको छ।

कृषकले दुःख गरेर उत्पादन गरेको अन्नबाली र तरकारी बाँदरले नष्ट गर्न थालेपछि समस्या समाधानका लागि सामूहिक रूपमा बाँदर धपाउने अभियान सञ्चालन गर्न बिदा दिन लागिएको हो।

नगर प्रमुख अर्जुन माबोहाङद्वारा हस्ताक्षरित सूचनामा बाँदरका कारण कृषकले ठूलो आर्थिक क्षति व्यहोर्नुपरेको, रातदिन खेतबारी कुरेर बस्नुपर्ने अवस्था सिर्जना भएको तथा विद्यालय उमेरका बालबालिकासमेत पढाइ छाडेर बाली जोगाउन बाध्य भएको उल्लेख गरिएको छ।

'बाँदरको समस्या सतहमा सामान्य देखिए पनि यसले कृषक वर्गलाई गम्भीर असर पारेको छ,' सूचनामा भनिएको छ, 'कृषि उपज जोगाउन किसान रातभर खेतबारी कुरेर बस्नुपर्ने अवस्था छ। यसले किसानको आर्थिक अवस्था मात्र होइन, बालबालिकाको शिक्षा र परिवारको दैनिकीसमेत प्रभावित भएको छ।'

नगरपालिकाले जेठ १ र २ गते सामूहिक रूपमा बाँदर लखेटेर नगरपालिकाको सीमाना बाहिर पठाउने कार्यक्रम तय गरेको जनाएको छ। यसका लागि वडाले तोकेको समय र स्थानमा उपस्थित भई बाँदर धपाउने अभियानमा सहभागी हुन कृषक, जनप्रतिनिधि, कर्मचारी तथा सर्वसाधारणलाई सार्वजनिक रूपमा आह्वान गरिएको छ।

नगर प्रमुख माबोहाङले बाँदरको समस्या सामान्य देखिए पनि यसले ग्रामीण किसानको जीविकामै गम्भीर असर पारेको बताए। नगरपालिकाले बाँदर नियन्त्रणका लागि अस्थायी संरचना निर्माण गरी हेरालो खटाउने व्यवस्था पनि गरेको छ।

हाल वडा नम्बर ८ को मेघा पुछार, वडा नम्बर ६ र ८ को संगमस्थल नागेश्वरी तथा वडा नम्बर ५ को सिंहथाप पुछार क्षेत्रमा बाँदर रुँगालो राखिएको नगरपालिकाले जनाएको छ। अहिले विभिन्न स्थानमा नगरपालिकाले बाँदर धपाउन चार जना रुँगालो परिचालन गरेको छ।

माबोहाङले आफ्नो कार्यकालको सुरुमै बाँदर नियन्त्रणका लागि रुँगालोको व्यवस्था गर्दा धेरैले मजाक बनाएको स्मरण गर्दै अहिले भने समस्या विकराल बन्दै गएको बताए।

उनले केन्द्र सरकारले बाँदर समस्यालाई राष्ट्रिय समस्या मानेर दीर्घकालीन समाधानका कार्यक्रम ल्याउनुपर्ने माग समेत गरे।

05/11/2026

प्याब्सक अध्यक्षमा मिरा‍‍‍‍..
‍‍
विस्तृत कमेन्टको लिंकमा...

05/11/2026

हार्दिक श्रद्धाञ्जली !

प्रहरी सहायक हवल्दार विकास थारुको नि*धन भएको छ । कारागार सुरक्षा गार्ड पाल्पामा दरबन्दी भई निस्ती गाउँपालिका वडा नं. १ निस्दी अस्थायी प्रहरी पोष्ट बाकामलाङमा कार्यरत प्रहरी सहायक हवल्दार थारुको आइतबार ड्युटीका क्रममा अचानक बिरामी भई उपचारका लागि लुम्बिनी मेडिकल कलेज पाल्पा लगिएकोमा सोमबार नि*धन भएको जनाइएको छ ।

२०७० सालमा प्रहरी जवानको रुपमा सेवा प्रवेश गरेका इमान्दार, कर्तव्य निष्ठ र कुशल प्रहरी कर्मचारी थारुको नि*धनबाट संगठनले अपूरणीय क्षति ब्यहोरेको जनाउँदै करिब १३ वर्षसम्म उनले संगठनका लागि गरेको योगदानको स्मरण गर्दै जिल्ला प्रहरी कार्यालय पाल्पाले श्रद्धाञ्जली अर्पण गरेको छ ।

दिवंगत थारुप्रति हार्दिक श्रद्धाञ्जली तथा परिवारजनमा हार्दिक समवेदना !

05/11/2026

माध्यमिक शिक्षा परीक्षा एसईईको नतिजा सार्वजनिक गरिएको छ । परीक्षा नियन्त्रण कार्यालय सानोठिमीमा पत्रकार सम्मेलन राष्ट्रिष परीक्षा बोर्डले आज परीक्षा सकिएको २९औं दिनमा नतिजा सार्वजनिक गरेको हो । नतिजा अनुसार झण्डै ६६ प्रतिशत विद्यार्थी उत्तीर्ण भएका छन् ।

यसपटक परीक्षा केन्द्रमै उत्तरपुस्तिका परीक्षण गर्ने व्यवस्था मिलाइएको थियो । यस वर्ष नियमिततर्फ चार लाख ४१ हजार ५६६ जनाले र ग्रेड वृद्धितर्फ ७० हजार ८५५ जनाले परीक्षाका लागि फारम भरेका थिए ।

बोर्डका अनुसार यस वर्षको नियमित तथा ग्रेडवृद्धि दुवै परीक्षाको नतिजा एसएमएस (SMS), आईभीआर (IVR) र विभिन्न वेबसाइटहरू मार्फत हेर्न सकिने व्यवस्था मिलाइएको छ। प्रविधिको प्रयोग गर्दै परीक्षार्थीहरूले घरमै बसेर आफ्नो नतिजा र मार्कसिट प्राप्त गर्न सक्नेछन्।

एसएमएस र आईभीआर सेवा

एसएमएस र फोन कलमार्फत नतिजा थाहा पाउन चाहनेहरूका लागि विभिन्न सेवा प्रदायकहरू तोकिएका छन्। परीक्षार्थीले नेपाल टेलिकमको १६००मा डायल गरेर वा एसएमएस पठाएर नतिजा बुझ्न सक्नेछन्। त्यसैगरी, जानकी टेक्नोलोजीको ३५००१ र एम्बिसन गुरुको ३१०६९मा एसएमएस पठाएर पनि नतिजा प्राप्त गर्न सकिने जानकारी कार्यालयले दिएको छ।

वेबसाइटबाट मार्कसिट हेर्ने तरिका

विस्तृत विवरण र मार्कसिट डाउनलोड गर्नका लागि सरकारी तथा निजी क्षेत्रका १४ वटा वेबसाइटहरूलाई अनुमति दिइएको छ। परीक्षार्थीहरूले बोर्डको आधिकारिक वेबसाइटहरू www.see.gov.np र www.neb.gov.np मा गएर आफ्नो सिम्बोल नम्बर र जन्ममिति प्रविष्ट गरी नतिजा हेर्न सक्नेछन्।

यसका साथै नेपाल टेलिकमको वेबसाइट, कान्तिपुर पब्लिकेसन्स, इडियु सञ्जाल, खल्ती एप, निमा एजुकेशन, फोनिक्स एजुकेशन, एम्बिसन गुरु, मेरो स्टडी र इन्द्रेणी टाइम्सका पोर्टलहरूबाट पनि नतिजा उपलब्ध हुनेछ।

Naba Nepal

05/14/2026

05/14/2026

05/14/2026

05/14/2026

05/13/2026

05/13/2026

05/13/2026

05/11/2026

05/11/2026

05/11/2026

Address

Website

Alerts

Contact The Business

Shortcuts

Share