06/04/2025
Kun Khmer-សហព័ន្ធកីឡាប្រដាល់គុនខ្មែររុស្ស៊ី ស្នើសុំចូលជាសមាជិកពេញសិទ្ធិគុនខ្មែរ និងល្បុក្កតោអន្ដរជាតិ
កម្ពុជា-រុស្ស៊ី បានចុះហត្ថលេខាលើអនុស្សរណៈនៃការយោគយល់គ្នា(MOU) ស្តីពីសំណើសុំឱ្យកម្ពុជា ទទួលស្គាល់សហព័ន្ធកីឡាប្រដាល់គុនខ្មែររុស្សី ជាសមាជិកគុនខ្មែរ និងល្បុក្កតោអន្ដរជាតិ សំដៅអភិវឌ្ឍគុនខ្មែរឲ្យកាន់តែខ្លាំង នៅប្រទេសរុស្ស៊ី។ ពិធីចុះហត្ថលេខា ត្រូវបានធ្វើឡើងនៅថ្ងៃទី៤ ខែមិថុនា រវាង លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជារដ្ឋលេខាធិការក្រសួងអប់រំ យុវជន និងកីឡា និងលោក Konstantin Artyomov ជាអនុប្រធានសហព័ន្ធកីឡាប្រដាល់គុនខ្មែររុស្ស៊ី។ ក្នុងពិធីចុះហត្ថលេខា លោក Konstantin Artyomov បានបង្ហើបពីគម្រោង រៀបចំព្រឹត្តិការណ៍ប្រកួតគុនខ្មែរ នៅប្រទេសខ្លួន បន្ទាប់ពីមានការគាំទ្រពីក្រសួងកីឡារុស្ស៊ី ជុំវិញគម្រោងរៀបចំការប្រកួតនានានៅរុស្ស៊ីលោក វ៉ាត់ ចំរើន បានបញ្ជាក់ថា កម្ពុជា នឹងជួយរុស្ស៊ី ក្នុងការអភិវឌ្ឍគុនខ្មែរ ក៏ដូចជាគាំទ្រផ្នែកបច្ចេកទេសក្នុងការរៀបចំការប្រកួត៕
ប្រភព: Thmey
