Mechid Tv is non profitable (community) Tv Channel with aim to entertain people of all ages which is running by Volunteers of SPASS (R) & HazaraCommunity
11/27/2020
نسیم جاوید
میں لفظ ہزارہ کا عدالتی کیس ہار گیا۔
جب امام بارگاہ ہزارہ کلاں، ہزارہ عیدگاہ اور ہزارہ قبرستان سے لفظ ”ہزارہ“ کو حذف کیا گیا تو مجھے بہت دکھ ہوا اور میں نے اس کے خلاف کچھ مضامین لکھے جس کا اثر یہ ہوا کہ دوستوں کا ایک گروپ بن گیا اور ہم نے اس کے خلاف احتجاج شروع کر دیا۔ احتجاج کے بعد میں نے عدالت میں لفظ ہزارہ کو حذف کرنے کے خلاف کیس دائر کر دیا۔ سول جج نے میرے حق میں فیصلہ دیا۔ سیشن کورٹ سے میرے خلاف فیصلہ ہوا اور یہ کیس ہائی کورٹ تک چلا گیا۔ کچھ ہی دن پہلے ہائی کورٹ نے بھی اس کیس کو خارج کر دیا۔ اس کیس کے دوران کچھ دوستوں نے میری مالی معاونت کی اور بعد میں انہی دوستوں میں سے چند ایک جن کا تعلق ایچ ڈی پی سے تھا میرے خلاف یہ پروپیگنڈا شروع کر دیا اور یہ الزام لگایا کہ میں نے اس کیس کے دوران لوگوں سے لاکھوں روپے جمع کیا اور ان پیسوں سے اپنا مکان بنوایا۔
لفظ ہزارہ کے حذف ہونے سے مجھے جو دکھ ہوا تھا وہ اس الزام سے کم تھا جو مجھ پر لگایا گیا۔ اب سوچتا ہوں کہ میں بھی کتنا سادہ تھا جو لفظ ہزارہ کے خلاف اپنا وقت اور اپنی توانائی برباد کی۔ ہزارہ ڈیموکریٹک پارٹی جو ہزارہ کے نام پر سیاست کرکے کروڑوں روپے چندہ جمع کرتی ہیں انہیں لفظ ہزارہ کے حذف کرنے سے کوئی سروکار نہیں تو میں کون ہوتا ہوں اس لفظ پر مر مٹنے والا۔ آج ہائی کورٹ سے میرا کیس خارج ہوگیا ہے اور جنہوں نے لفظ ہزارہ کو حذف کیا تھا وہ جیت گئے اور مجھے خوشی ہے کہ انہوں نے لفظ ہزارہ کو حذف کردیا تھا کیونکہ اس لفظ پر سیاست کرنے والے اور ہزارہ ہزارہ کہنے والے خود ہی اس لفظ سے لگاؤ نہیں رکھتے بلکہ جو اس لفظ پر جنگ کرتا رہا اسی پر الزام لگاتے رہے۔
انجمن اثناء عشریہ کے کابینہ اور شیعہ کانفرنس کے صدر کو کیس جیتنے پر مبارک ہو۔
لفظ ہزارہ قانونی طور پر اب ہمیشہ کے لئے امام بارگاہ، عید گاہ اور قبرستان سے حذف ہوگیا ہے اور میں ہار گیا ہوں اور ہزارہ ڈیموکریٹک پارٹی بھی یہی چاہتی تھی کہ میں ہار جاؤں سو میں اپنی ہار تسلیم کرتا ہوں۔
