Up about now

06/22/2016

صهيب صديق الصفحة الاقتصاد بالدارجة - l'économie b darija جاب 17 تبارك الله .. قولو ليه مبروووووك :)
fier de toi Sohayb Lamlih

06/22/2016

à vos claviers ... :)
ana j'ai eu mon bac en 2012 science éco et vous ?

06/22/2016

مبرووووك للناس اللي شدو الباك :D والله يسهل على اللي ماكتابش ليه :)

06/06/2016

#علاش #الأسعار #تاترتافع #فرمضان ؟
كيف العادة، وقتما قرب شهر رمضان المبارك، تاتبومبا الأثمنة وتاتطلع لواحد المستوى خيالي وخاصة أسعار الفواكه والخضروات ومنتجات الحليب ومشتقاته و القطنيات : بحال الطماطم و العدس و الحمص و الجبن وداكشي ..بشكل عام داكشي اللي تايستهلكوا الناس فرمضان بزاف .
ولكن الاشكال هو علاش تايتزادو الأسعار ؟
أول حاجة خاص الواحد يعرف باللي هاد الارتفاع ماتنعتابروهش أنفلاسيون (تضخم) حيت كيفما كنت قلت فواحد الموضوع باللي التضخم هو ارتفاع جينيغاليزي وديغابل فالأسعار يعني خاصو يكون دائم ماشي هير موسمي وبالتالي هنا شحال من واحد تايوقع فلبس فهاد المسألة (ممكن ترجعو للموضوع تاع التضخم هاتلقاوه هنا )
دابا أنشوفوا علاش تايتزادو الأسعار ؟ الجواب اللي لقيت واللي على طرف لسان أي وشخص عادي هو الطمع ديال البياعة و تايستغلوا الفرصة باش يربحو أكثر .. وي سي فغي البياعة تايبغيو يربحو وتايستغلو ضعف المواطن حيت هو لابد ليه من ديك المادة أو المنتوج وخاصو يشريه بأي ثمن .. ولكن السؤال علاش تاجيو تال رمضاان بالضبط عاد تايزيدو على المواطن الضعيف مالهوم مايزيدو قبل وايام أخرى ؟ اللي فيه الطمع و الجشع أه غادي يكون فيه طوال العام ماشي حتى يكون صايم و مبتعد على المحرمات , وبالتالي احتمالية الطمع والرغبة باش يربح أكثر ماشي مبرر لزيادة الأسعار و تاتبقى عندها نسبية ضئيلة .

اللي خاص يعرف الواحد هو أن الاقتصاد فيه فروع ومن بين الفروع كاين الاقتصاد الجزئي (Micro) اللي تايعني
تحليل ودراسة تصرفات المستهلك والشركة في ظل كمية الموارد المحدودة في العالم . وسطرو على ' في ظل كمية الموارد المحدودة في العالم ' وهادشي علاش علم الاقتصاد كاين هير باش يوازن بين الموارد اللي قلال والرغبات ديال الناس (هادشي كاين فأول منشور درت فالصفحة) .
فالاقتصاد الجزئي تاندرسو الاستهلاك و كذلك الطلب والعرض فالسوق .. ويلا دوينا علا هاد الجوج فأكيد نقارنوهوم بالسعر وكيفاش تايكون والقاعدة العامة تاتقول باللي وقتما كان الطلب كبير والعرض فالسوق قليل فالثمن تايكون مرتفع , والعكس فاش تايكون الطلب قليل و العرض كبير فالثمن تايكون منخفض .. داكشي علاش خاصنا نوازنو بين الطلب والعرض باش الأثمنة تاتكون معقولة و هادي قاعدة عامة على الطلب والعرض الا فحالة وحدة اللي هي لي بخودوي دوليكس ..
دبا استنتجنا باللي التمن سوا الا طلع ولا هبط راه السبب الاول هو الطلب والعرض .. فمثلا فرمضان تانستهلكو ماطيشة باش ندريرو الحريرة ديك ماطيشة .. المشكل ماشي فماطيشة ولا فالسعر , راه فالمستهلك اللي تايدير بحايلا غادي تسالا السلعة من البلاد وتايمشي يشري 20 كيلو ويلا جا كل واحد شرا بزاف أش غادي يبقا فالسوق ؟ أكيد قزبور ومعدنوس .. وغادي يوصل النص فرمضان وغاتقادا من البلاد حيت كاينة أصلا هاد العام زمة فالزراعة ولا تولي قليلة وغادي تشريها ب 20 درهم للكيلو .دونك المستهلك اللي هوا حنا هو اللي بيديه الامر تايرفع وتايخفض حيت هو اللي تايدير القيمة لشي حاجة ..هاد المثل ديال مطيشة سائر على جميع المواد الغدائية اللي ماعليهاش الدعم ولا رقابة من الدولة .. أه وعلاش الحليب ماتايتزادش ؟ أه سؤال مهم حيت الدولة دايرة خدمتها ومقننة اللاسعار ولكن لاحضو اش تايطرا فرمضان الطلب على الحليب كثر من العرض وبالتالي سير سول شي مول الحانوت على الحليب مع الستة وشوف أش غادي يقول ليك .
باختصار زيادة الاسعار فالمناسبات ماشي غير فرمضان راه مشكل كاين فجميع الدول حيت المستهلك هو اللي دار هاد المشكل حيت فرمضان تايستهلك زيادة كثر من النصف تاع داكشي اللي كان تايستهلك فالايام العادية تاتوصل حتال 3 أضعاف (هادو دراسات ماشي من راسي ) راه المواد الغدائية موجودة والحمد لله .وكون ماكانش الدعم على السكر والدقيق والزيت كون راه تاهوما تزادو .. هادشي قلناه هير باش نعرفو السبب الحقيقي علاش تايتزاذو الأثمنة فرمضان .. رمضان مبارك وكل عام وأنتم مستهلكون ..
--------------------------------------------------------------------------
شي اضافة ولا استفسار مرحبا واقتاصدوا شوية فالماكلة هههه وأعتذر للناس اللي تايصيفتو ميساجات وتانجاوب معطل راه حيت ماتاتوصلش النوتيفيكاسيون واللي بغا يسول علا شي حاجة فنطاق ليكونومي مرحبا يصيف ليا ديركت فالكونط Benbakka Saad (أعيد ليكونومي فقط والمدراس وداكشي )

06/05/2016

ليكونومي ماشي غير مادة أو شعبة فقط .. ليكونومي شي حاجة أكثر , فحاياتنا العادية وفخدمتنا.. معانا فينما مشينا ♥

05/30/2016

عدلت الحكومة عن توقعها بخصوص نسبة النمو الاقتصادي لهاذ العام .. حيث أعلن السيد محمد بوسعيد اللي هو وزير الاقتصاد و المالية نهار 23 ماي فالرباط باللي المعدل تاع الكخواصونص ايكونميك غادي يكون قل من 2% وهادشي حيت القيمة المضافة تاع الزراعة منخافظة حيث ماكانتش الشتا وكانو خسائر وداكشي ...مع العلم أنهم كانو متوقعين فقانون المالية أن المعدل غادي يكون كثر من 3 فالمية المهم هادشي تايبققا هي توقعات يقدر يكون صحيح ولا خطأ ..

05/28/2016

مؤخرا واحد البنت دارت البوز فالويب المغربي ديك اللي تاتبكي اللي دوات على ضعف شبكة الاتصال بالمغرب وعلى تاخر مواعيد القطار ..هاد البنت لقات تفاعل كبير و تفاعلوا المغاربة .. اكيد يتفاعلو معاها حيت كاملين تانعانيو من نفس المشكل وحتا هي عرفات علاش تدوي , من بعد بدات تاتدير دعاية لشي مشروع ديالها .. من اللخر عرفات كيفاش تدير التسويق لراسها وتشهر حيت هضرات على داكشي اللي بغاو الناس . .
ندويو شويا على الماركوتينغ اللي هو واحد العملية إدارية اجتماعية باش نعرفو بموجبها الناس والمجموعات أشنو خاصهوم وأشنو بغاو، ومن بعد تايتم تحقيق داكشي اللي بغاو من خلال إنتاج وتبادل المنتجات ذات قيمة مع الناس لخرين
شحال من واحد تايسحابو باللي التسويق هو البيع ولا الاعلان والاشهارات لكن التسويق تايبدا قبل وقبل من حتى تصاوب داك المنتوج ..تايبدا فاش تاتخرج للزنقة وتبدا تسول الناس اشنو خاصهوم و كيف بغاو داك المنتوج و شحال يمكن يعطيو فيه , الهمم تاتدرس داك المارشي و تاتعرف اش خصو و تاتدير تجرئة السوق وتاتختار السيبل اللي غادي تصاوب ليها المنتج يعني واش هاد البخودي واش للدراري الصغار ولا الشباب ولا اللي مزوجين ... عاد نصاوبو المنتوج و نحددو التمن وداكشي لاخور هنا تاتهضرو على الماركوتينغ ميكس اللي فيها Les 4P اللي هما produit prix promotion place
( المهم هادشي نهضرو عليه من بعد و نشرحوه مرحلة بمرحلة ) .
نرجعو لموضوع اتصالات المغرب و التران .. واللي سولتيه علاش ماتبدلش غادي يقوليك ماكاينش البديل ... سي فغي ماكاين البديل وهادشي اللي تايخلي هاد الشركات يديرو مابغاو هير كور وعطي للعور والغريب تايديرو أثمنة خيالية ماشي بجودة الخدمة اللي تايقدمو .. هادشي سميتو الاحتكار يعني محتاكرين السوق حيت ماكاينينش منافسين هاد الوضعية سميتها Monopole .
, نرجعو بالزمن اللور ونتفكرو الاتصالات فاش كانت بوحدها فالسوق بشحال كانت الدقيقة تاع المكالمات .كانت ب 10 دراهم ومن تما تدخلات مديتيل ونقص التمن و دابا منين ولاو 3 تاع ليزوبيغاتوغ واشتد المنافسة بيناتهوم الدقيقة ولا بجوج فرانك (2 فرانك تاع الشعب ماشي تالوزارة ) .
أجي دابا نشوفو الا جات شي شركة وبغات تقدم خدمة ديال الكونيكسيون غادي تدوز على جميع المراحل تاع الماركوتينغ حتى توصل للسعر وهنا هانشوفوا كيفاش الشركات تاتحدد السعر تاع المنتوج ديالها :
* المعيار الاول هو كلفة الانتاجle cout : يعني بشحال طاح عليه هاد المنتوج ولا الخدمة وتابزبد عليها هامش الربح
(la Marge bénéficiaires ) مثلا طايح عليه ب 100 درهم وهوا داير لا ماغج هي 20 فالمئة يعني المستهلك غادي يشريه ب 120 درهم
* المعيار التاني هو على حسب المنافسين و هنا الشركة تاتختار الاستراتجية اللي مسلكاها ... كاينين 3 تاع الاختيارات ولا الاستراتجيات .
رقم واحد : تدير تمن قل من الشركات لخرين هاد لاستخاتيجي سميتها la stratégie de pe*******on
رقم جوج : تدير تمن كتر من الشركات لخرين هاد لاستخاتيجي سميتها la stratégie d‘écrémage
رقم تلاتة : تدير تمن بحال الشركات لخرين هاد لاستخاتيجي سميتها la stratégie d’alignement
هنا هانكون سالليت عارفت الموضوع مخربق شوية حيت خاص كل حاجة تهضرو عليها بوحدها ونتعمقو فيها حيت الماركتينغ بحر وهادشي هير شرنا لشحال من حاجة باش نوضحو الصورة شوية .. تانتمى تكون وصلات شي فكرة ولا معلومة تهلاو بون جوغني

05/26/2016

السلاااام ليكونوميست المغاربة كيف الحال ؟
جيت نقول ليكوم بااللي ليكونومي بالدارجة باقية و تتمدد و ماغاديش نحبسو .. سي فري تاتنضيع وقت و شحال باش نحط و نشارك المعلومة مع الناس اللي تاتبغي تستافد و فاللخر ماتانلقاش تفاعل الا من رحم ربي .. لذلك ماغاديش نحبس على ود هاد الناس اللي بغاو يستافدو وكيفما كانت الفكرة نهار اللول هي نشارك المعلومات اللي عندي كيفما شاركوها معايا الناس حيت ماتزاديتش فاهم هادشي و بالتالي هاندير جهدي كامل وةلهلا بحشمنا ..
بخصوق الناس اللي تايجيها هادشي لا علاقة يمكن ليهوم يديرو الغاء الاعجاب دابا نيت و الا كانو تايقلبو على الترولات و الضحك و قصص الحلوى فراهوم غالطين فالعنوان #تدت .. اللهم عشرة فاهمينك ومعاك فالخط ولا ألف مدوخين .
المهم تانشكر الناس اللي ديما مفاعلين و شجعوني باش مانحبسش و خصوصا فالمنشور اللي قبل من هدا و شكرا للدري ayman اللي كومونطا بهاد الصورة.
ماتزاپيوش يقدر الا شاط شي وقت نديرو شي موضوع .. :)

05/24/2016

ذات مومنت فاش تاتكون فشي امتحان و الأجوبة مشابهين ماتاتعرف من الصحيح من الخطأ :p

05/24/2016

الواحد هو اللي يتأكد :) :p

05/21/2016

·

أولا أشنو التعريف تاع الفلوس أو النقود
هوما واحد الحاجة معينة اتفق الناس جميعهم على قبوله وتداوله كمقابل لمبيعاتهم أو نظير أعمالهم اللي كايقدموها. في الماضي كان الدهب و الفضة من أكثر أنواع النقود شيوعًا، أما اليوما فنجد النقود تتكون أساسًا من الأوراق النقدية والعملات المصنَّعة من مختلف المعادن والودائع (أو الحسابات) فالبانكات.
للنقود ثلاثة تاع وظائف أساسية: أولاها وأكثرها أهمية هي أنها وسيلة تبادل،حيت الا ماكانوش الفلوس هايخصنا نعطيو شي حاجة مقابل ديك الخدمة وهنا تاتولي المقايضة ,يعني تايخص شحال تالوقت باش تلقا لمن بغيتي تبيع أو من عند من تشري . فلا يمكن لأية دولة متقدمة أن تتقدم وتزدهر بدون وسيلة للتبادل.
والوظيفة الثانية تاعها هي تانستخدموها كوحدة حسابية. تانحددو بها أسعار السلع والخدمات ، فالمغرب ـ مثلاً ـ تنستخدموا الدرهم لتحديد السعر(100 درهم , 50 درهم)، بحال فاش تنستعملو الكيلو مترات(KM) لقياس المسافة.
والوظيفة الثالثة هي أن تُسْتخدم ثروة،تايخبيوها الناس باش يتمكَّنوا من بعديشريو .
والكن كيفاش كايتصاوبو الفلوس ؟و شكون المكلف بالصنع ؟ وأشناهوما المعايير اللي تايعتامدو عليها؟ و شحال المبلغ اللي تايتصاوب سنويا ؟
كل هاد التساؤلات كاين الجواب فهاد الفيديو
https://www.youtube.com/watch?v=TBEB819ZjLg
___________________________
بارطاجيو مع صحابكم لتعم الفائدة

دار السكة - بنك المغرب

05/20/2016

:
فنظركوم شكون أحسن واش الأبناك الإسلامية ولا الكلاسيكية العادية ؟ وعلاش

05/19/2016

فهاد الأيام الأخيرة كلشي بدا تايدوي على دوك الشركات الوهمية اللي تاتبيع الوهم للمنخرطين فيها و تاتوهمهوم بالثراء الفاحش بحال " Learn & earn ".. كاين اللي تايقول باللي هادوك هير نصابة وكاين اللي تايقول باللي تايربح وكلشي بيخير وكاين اللي دوا على واش حلال ولا حرام ؟ .. وحنا فليكونومي بالدارجة ماغاديش ندويو على هادشي حيت ماسوقناش فيه ولكن خاصنا نفهمو السيستيم اللي خدامة بيه هاد الشركات .. تيرارارا اليوم غادي نهضروا على سيستيم ديال بونزي (مخطط بونزي) "Système de ponzi "
شكون بعدا هاد السي بونزي ؟ بونزي هو أكبر محتال فالتاريخ ديال المريكان وهو مهاجر إيطالي, تزاد في 1882
كان خدام فاللول فالبريد , من بعد هاجر لأمريكا- بوسطن بالضبط سنة 1903 ديك الساعة كيفما صرح كان فجيبو تقريبا شي 20 درهم ديالنا .. حيث الباطو اللي كان جاي فيه كان فيه كازينو وهوا مع طماع ريح يقمر ومشاو ليه فلوسو كاملين .. المهم بونزي ولا كارلو (الاسم ديالو) دوز السنوات الأولى فبوسطن خدم تايغسل الماعن من بعد ولا سرباي من بعد جراو عليه حيت كان تايشفر الكليان .. من بعد 4 سنين فالميريكان مشا لمونتريال فكندا تما خدم مساعد صراف فواحد البنك ايطالي كاين تماك , ودغيا ولا مدير تاع البنك . من هنا السي بونزي تعلم و خدا الدروس حيت مول البنك كان داير للناس اللي بغاو يحطو فلوسهوم انتيري ديال 6 فالمئة و الأبناك لخرين دايرين هير 3 فالمئة .. من تما اكتشف بونزي البلان , باللي البنك ماتايدير لا اسثتمارات لا تاوزة هير تايخلص الناس بفلوس ناس خرين اللي جاو جداد وضايرة الحركة نتا واكل خبييز و لاخور واكل خبييز و البنك واكل خبييزة حتا يتقادا الدقيق .. فعلنا طاحت البنكة ودارت فاييت ومول البنك هرب للمكسيك وكيف العادة السي بونزي يستغل أنصاف الفرص و كتب لراسو شيك وزور التوقيع تاع شي واحد من المديرين وخرج الفلوس.. فاللخر قبطوه وحكمو عليه بتهمة التزوير مشا فيها 3 سنين .
دازت 3 سنين وخرج بونزي ومشا ديريكت للميريكان وبدا تايهرب الطاليانيين من الحدود وقبطوه صحاب الحال تاني وضربوه بعاماين فالحبس ديال أتلانتا ..فالحبس تلاقا بواحد رجل اعمال مشهور تشارلز مورس واللي كان أحد رجال الأعمال الأغنياء، وكان يلقب بملك الثلج في نيويورك، حيث كان يحتكر صناعته، من غير أنشطته المالية المكثفة سواء في البنوك واللي كان تايسيطر على 10 منها على الأقل، أو في سوق المال، حيث كان مضاربا كبيرا فبورصة وول ستريت. من هنا تعلم بونزي التخلويض وداكشي
السيهوم بونزي خرج وتزوج (مبروووك ههه بكثرت ماتانعاود عليه ولا من العائلة) المهم تزوج وحل واحد الحانوت تاع تابقالت تايبيع العطرية وداكشي دار عقلو زعما شوي بشوي طاحت عليه فكرة أنه دير شركة ديال الاعلانات فلي كاطالوغ بحال الشكل تاع الباج جون Yellow pages ماصدقش ليه البلان ومانجحش ليه داكشي .. بعد سيمانة صيفتات ليه واحد الشركة اسبانية على ود الكاتالوغ و مع الرسالة كان كوبون اللي ماعرفش اشناهو كوبون هو واحد الكود ولا شي جالوقة صغيرة يمكن ليك تقبط مقابلها فلوس او خدمة ولا تتنقص ليك من الثمن , تاتكون عندها قيمة .. غادي يستعملو فبلاصت التامبر ولا لي فخي اللي غايخلص فاش يبي يصيفت الرسالة .. وهنا بونزي لاحظ باللي الكوبون تاتختلف قيمتو من بلاد لبلاد هيا هاديك مشا شراهوم من الطاليان رخاص وبدا تايبدل فيهوم بالطوابع البريدية وبدا يبيع فيهوم ربح زبالة تالفلوس يعني بزاااف وصل الربح حتال 400 فالمئة والناس اللي فاهمين فليكونومي غادي يعرفوا باللي هاد الارباح خيالية , من بعد قالها صحابو والعائلة تاعو وبغاو يدخلو معاه شركة وبداو بصيفتو ليه الفلوس وهوا تايستتمرهوم فاديك الهمزة اللي طاح عليها وواعدهوم باللي بعد 90 يوم ياخدو الارباح ديالهوم بالفعل داروا اللعاقة وواحد تايقولها لواحد : ( تايقولو اه الشركة الفلان الفلانية ها أش دايرا واربحت معاها أعشيري ..) المهم واحد يوصل لواحد وتشهرات القضية حتى ولاو مسثتمرين معاه الألاف الناس تاتبيع ديورها باش تربح كثرة وتشري فيلا من بعد (هههه واخ هانتا تاتسكن فيها) وحيت السيستيم تبونزي مامبنيش على عملية استتمارية داكشي هير الخوا الخاوي بدات تاتأزم الوضعية ورجع السي بونزي للقضية اللي كان تايدير مول البنك تايخلص الناس بفلوس الناس الجداد ... من بعد رجال الاقتصاد والصحافة بداو يشكو فالدخل ديالو , منين جاوه الفلوس كاملين .. ومعا ضوسيه موسخ زاد كثر الشك و عاقوا بفعايلوا الاحتيالية وكيفاش تاينصب على الناس وتاهوما ماعطلوهش و صيفطوه 13 عام تالحبس
كيفاش تايخدم هاد المخطط ؟
السيستيم كيفما شرت فالاول بكل بساطة واحد تايجيب فلوسو باش يستتمرهوم وفاللخر تالشهر غادي يقبط الارباح اللس بونزي تايقبط دوك الفلوس تايخشيهوم فجيبو وفاش تايجي اللي هذاك اللي استتمر فلوسو ياخد الارباح تايعطيه من فلوس مسثتمر جديد ودايرة الحركة ... غادي يجي واحد من هاد الشركات اللي قلنا وغادي يقول ليك لا بونزي كان هير تايقبط الفلوس حنا تانستتمرو فواحد المنتوج تانبيعو مثلا الغاسول .. أه مزيان ومنين تايبيعو الغاسول مالهوم مايحطوه ديريكت فالسوق لاش تايبعوه بهاد الطريقة , الجواب باين حيت البرودوي حشيا و دايرينو هير باش يغطيو ويبان داكشي قانوني و تايبيعوه للمنخرطين صحة وبالتالي هما ماتايتباعش ليهوم وتايبقا حاصل فيهوم .
من اللخر بونزي تايعتامد على عناصر وهمية بحال استتمار ساهل ماهل تايقول ليك شري دار بثمن الكرا وربح ارا 100 درهم وربح 200 درهم (بيناتنا كاين شي واحد دابا فالباج نعطيه 100 درهم ويرجعها ب 200)
كذلك السمية تاع الشركة تاتكون فشكل تاتجبد بنادم وهاتدشي داخل فالتسويق كيفاش تدير شي سمية تدوخ بيها بنادم بحال السعد ولا الفائز ولا نيت learn & earn زعما قرا وكسب نتام احدك تاتقرا تاتربح فليسات ..فلوس المنحة سير عطيهوم ليهوم
في الأخير راه شحال من بونزي داز فالعالم وانهار وماتاتدوز فترة قليلة حتى يبان بونزي أخر ولا نيت هو بسمية خرى ..
par : Saad benbaka
------------
شكرل على صبركم واكمال المقال و تفاعلو وخليو التعليقات ديالكم باش نكملو المواضيع و الشروحات ولا نحبس (y)

05/19/2016

بونصوااغ لي كونوميست المغاربة ..كيف الحال ؟
المهم جاي فالطريق واحد الموضوغ زوين زوين بزاف و شيق ومفيد .. المشكل هو طويل شوية وماعرفتش واش نلوحوا ديريكت كامل ولا نقسموا على جوج ؟ حبيت نسولكم نتوما .أش تاتقتارحوا ؟ جاوبوا وديرو UP UP UP باش يشوفو بزاف تاع الناس .. ♥

05/18/2016

Gâteau Plan Comptable
اهداء لجميع ليكونوميست و لي جيستيونيغ ومحاسبين الصفحة ♥ ♥

05/02/2016

البورصة هي واحد المارشي خاص تايدير علمات خاصة و فبلايص خاصة تايكونو فيها ناس وسطاء هما اللي تايتكلفو بهاد العمليات , وهي مؤسسـة ناتنضم المعاملات سوا من تقنيا أو عمليا و تاتدير الترتيبات اللازمة لعمليات التداول على القيم المنقلة اللي هما الأسهم , هادشي هير باش تسهل التعــــــــاملات بين وسطاء البورصــة , هاد البورصة الهدف من الانشاء ديالها هو باش يخليو المؤسسات سوا تاع "Secteur Public" أو "Secteur Privé" اللي تاتعتابر من الشركات ذات أسهم بفتح رؤوس أموالها للجمهور . بمعنى أن أي شخص يمكن يدخل كشريك فديك الشركة من خلال شراءه لدوك الأسهم و بذلك غادي يساهم ف الراس مال .. هذا من جهة , الهدف لاخور هوا باش نفالوغيزيو دوك الشركات يعني نديرو ليهوم تقييم باش نشوفو بلاصتهوم فالسوق...
أغلبية الناس فاش تايسمعو لا بوخص مباشرة تايفكرو فالأسهم و الفلوس و داكشي .. لكن هنا تايتشكل الغلط , حيت كاينين 3 أنواع تاع البورصات اللي هوما :
1 - بورصة العمل :وهي مكان تايلتاقي فيه العمال ف إجتماعات تقترح فيها عليهم خدمات متنوعة .
2 - بورصة السلع : تانقولو ليها كذلك بـورصة التجارة , وهي مـكان تتباع فيه المـواد و السـلع الإستـراتيجيـة اللي هي المنتـوجـات الأسـاسية بحال ( القطن , القمح , السكر..........إلخ) بالجمـلة .
3 - بورصة القيم المنقولة ( الأسهم والسندات ) :وهـي اللي معروفة حالياً , وتاتمثـل معظم السـوق المـالي فـي العـالم , وهي البلاصة الذي تحدث فيه المعاملات على الأسهم والسندات والذهب و العملات الصعبة عن طريق الوسطاء . وكل بورصــة عندها مــؤشر خــاص بهـا تاتقيسو به المعاملات دياولها وكل مؤشر عندو طريقة ديالو ف الحساب , مثلا : (فاش تانسمعو فالنشرة الاقتصادية أو نشرة البورصة اللي تاتدوز فالدوزيم , مؤشر مازي و ماديكس ...) .... شفنا البورصة و الأهداف تاوعها ة الأنواع .. لكن شكون أهم البورصات اللي معروفة فالعالم ؟
فالحقيقة كاينين بزاف اللي معروفين نظـراً لـحجم التعامل فيها وكذا تأثيرها علـى الإقتصـاد والتجـارة بحال بورصة طوكيو و هون كونج و بورصة القاهرة اللي تاتحتل المرتبة الأولى عربيا .. لكن البورصة اللي معروفة عند الجميع سوا الايكونوميست أو أي واحد و كانت سبب فالازمة العالمية عام 1929 هي وول ستريت أو بورصة نيويورك وهي أكبر سوق لتبادل الأوراق المالية في الولايات المتحدة الأمريكية من حيث تعاملاتها (بالدولار وثاني أكبر بورصة من حيث عدد الشركات المدرجة, ولكن القيمة السوقية للشركات المدرجة أو ما يعرف بالرسملة السوقية فهي أكبر بخمس أضعاف عن الشركات المدرجة ف اي سوق أخور .
حيث تضم بورصة نيويورك أسهم لـ 2,764 شركة ، وقيمة سوقية إجمالية لأسهم الشركات فيها بنحو 25 تريليون دولار بنهاية 2006.
تحوي بورصة نيويورك على عدة مؤشرات لقراءة القطاعات الاقتصادية كمؤشر الداو جونز الصناعي لأكبر 30 شركة صناعية أمريكية ومؤشر S&P 500 أو ستاندرد اند بورز لأكبر 500 شركة مالية أمريكية... هاد المؤشر تاع الداو جونز هوا اللي كان السبب تاع الازمة العالمية سنة 1929, انهار وتسبب في دخول الاقتصاد الأمريكي إلى اعظم كساد في تاريخة بعدما كان تاتعرف انتعاش اقتصادي

10/04/2015

Les Entretiens au Maroc (y)

05/14/2015

السلام .. أشنو هما المواضيع اللي تبغيو نهضرو عليها ؟؟

05/12/2015

شحال من واحد باغي نكملو المواضيع كيفما كان قبل ؟؟

05/12/2015

:D

05/10/2015

واش فراسكم بلي القيلولة ترفع مستوى التركيز و تقوي الذاكرة و القيلولة المثلى تكون لمدة 20 دقيقة لإعادة شحن الدماغ بالطاقة .
ماشي القيلولة ديالنا حنا من الجوج تال الستة

05/10/2015

واش معانا اللي عندهوم الباك هاد العام ؟؟

05/10/2015

ليكونوميست vous Allez Bien ?
كاينين شي امتحانات ولا والو ؟

03/26/2015

سؤال : واش ماتايعجبوكومش مواضيع اللي تانطرحوا ؟ غير نوقفو نشاط الصفحة ؟