DDS Media Network

DDS Media Network Contact information, map and directions, contact form, opening hours, services, ratings, photos, videos and announcements from DDS Media Network, Digital creator, New York, NY.
(1)

DDS Media Network is all about Historical Places, Walled City History, Youth Representation, Trends, Stars Interviews, Public Issues, Funny Interviews, Celebrity Talks, and Road Shows.

05/19/2026

مکھن کھا کھا کر پلا ہوا ڈان بکرا جس نے پورے پاکستان میں دھوم مچادی

پاکستان نے ڈیجیٹل صلاحیتوں میں 70 سے زائد ممالک کو پیچھے چھوڑ دیا۔ اسپیشل کمیونیکیشن آرگنائزیشن سافٹ ویئر ٹیکنالوجی پارک...
05/06/2026

پاکستان نے ڈیجیٹل صلاحیتوں میں 70 سے زائد ممالک کو پیچھے چھوڑ دیا۔ اسپیشل کمیونیکیشن آرگنائزیشن سافٹ ویئر ٹیکنالوجی پارک میرپور اور سیسکو اکیڈمی نے عالمی سطح پر سِسکو ای ایم ای اے نیٹ اکیڈ کپ 2026 میں شاندار جیت سمیت لی۔

ایس سی او سافٹ ویئر ٹیکنالوجی پارک میرپور اور سیسکو اکیڈمی نے 70 سے زائد ممالک میں پہلی پوزیشن حاصل کی۔ پاکستان نے یورپ، مشرقِ وسطیٰ اور افریقہ کی 500 سے زائد بین الاقوامی آئی ٹی اکیڈمیز میں پہلی پوزیشن حاصل کی۔

ایس سی او نے آزاد کشمیر اور گلگت بلتستان میں 100 آئی ٹی سیٹ اپس کے قیام سے عالمی سطح پر پہلی پوزیشن کا سفر کامیابی سے طے کیا ہے۔ سِسکو ای ایم ای اے نیٹ اکیڈ کپ 2026 میں تاریخی فتح پاکستان کے روشن ڈیجیٹل مستقبل کی مضبوط ضمانت ہے۔

پاکستان نے ڈیجیٹل صلاحیتوں میں 70 سے زائد ممالک کو پیچھے چھوڑ دیا۔ اسپیشل کمیونیکیشن آرگنائزیشن سافٹ ویئر ٹیکنالوجی پارک...
05/06/2026

پاکستان نے ڈیجیٹل صلاحیتوں میں 70 سے زائد ممالک کو پیچھے چھوڑ دیا۔ اسپیشل کمیونیکیشن آرگنائزیشن سافٹ ویئر ٹیکنالوجی پارک میرپور اور سیسکو اکیڈمی نے عالمی سطح پر سِسکو ای ایم ای اے نیٹ اکیڈ کپ 2026 میں شاندار جیت سمیت لی۔

ایس سی او سافٹ ویئر ٹیکنالوجی پارک میرپور اور سیسکو اکیڈمی نے 70 سے زائد ممالک میں پہلی پوزیشن حاصل کی۔ پاکستان نے یورپ، مشرقِ وسطیٰ اور افریقہ کی 500 سے زائد بین الاقوامی آئی ٹی اکیڈمیز میں پہلی پوزیشن حاصل کی۔

ایس سی او نے آزاد کشمیر اور گلگت بلتستان میں 100 آئی ٹی سیٹ اپس کے قیام سے عالمی سطح پر پہلی پوزیشن کا سفر کامیابی سے طے کیا ہے۔ سِسکو ای ایم ای اے نیٹ اکیڈ کپ 2026 میں تاریخی فتح پاکستان کے روشن ڈیجیٹل مستقبل کی مضبوط ضمانت ہے۔

عیدالاضحیٰ کی آمد کے پیش نظر لاہور میں مویشی منڈیوں کے قیام کا باقاعدہ آغاز 13 مئی سے کیا جا رہا ہے، جس کے تحت شہر کے مخ...
05/06/2026

عیدالاضحیٰ کی آمد کے پیش نظر لاہور میں مویشی منڈیوں کے قیام کا باقاعدہ آغاز 13 مئی سے کیا جا رہا ہے، جس کے تحت شہر کے مختلف علاقوں میں پانچ بڑے عارضی سیل پوائنٹس قائم کیے جائیں گے۔

انتظامیہ نے غیرقانونی سیل پوائنٹس کیخلاف سخت کارروائی کیلئے دفعہ 144 نافذ کرنے کا بھی فیصلہ کیا ہے۔

پنجاب کیٹل مارکیٹ مینجمنٹ اینڈ ڈویلپمنٹ کمپنی کے مطابق شہر میں عارضی منڈیاں سگیاں (25 ایکڑ)، سپورٹس کمپلیکس واہگہ (50 ایکڑ)، برکی روڈ (20 ایکڑ)، ایل ڈی اے سٹی (65 ایکڑ) اور رائیونڈ (25 ایکڑ) پر قائم کی جائیں گی۔
اس کے علاوہ شاہ پور کانجراں میں قائم ماڈل مویشی منڈی مستقل بنیادوں پر فعال رہے گی جہاں جانوروں کی خرید و فروخت جاری رہے گی۔

انتظامیہ کا کہنا ہے کہ شہریوں کو بہتر سہولیات فراہم کرنے کیلئے تمام عارضی منڈیوں میں ٹینٹس، بیت الخلاء، مناسب لائٹنگ اور صاف پانی کی فراہمی یقینی بنائی جائے گی، آگاہی کیلئے مختلف مقامات پر معلوماتی بینرز بھی آویزاں کیے جائیں گے تاکہ خریداروں اور بیوپاریوں کو رہنمائی مل سکے۔
سکیورٹی کے حوالے سے سخت انتظامات کیے گئے ہیں، جہاں پنجاب پولیس اور پیرا فورس تعینات ہوں گی، اس کے ساتھ ہی ہیلتھ ڈیپارٹمنٹ، ریسکیو سروسز اور لائیواسٹاک ڈیپارٹمنٹ بھی اپنی ذمہ داریاں ادا کریں گے تاکہ کسی بھی ہنگامی صورتحال سے نمٹا جا سکے۔

حکام کے مطابق غیرقانونی مویشی منڈیوں کیخلاف کارروائی عمل میں لائی جائے گی، شہریوں سے اپیل کی گئی ہے کہ وہ صرف مقررہ مقامات سے ہی قربانی کے جانور خریدیں تاکہ سہولت اور سیکیورٹی کو یقینی بنایا جا سکے۔

بھارت کے مبینہ آپریشن سندور اور اس کے جواب میں پاکستان کے آپریشن بنیان المرصوص کو ایک سال مکمل ہونے پر پاکستان نے سوشل م...
05/06/2026

بھارت کے مبینہ آپریشن سندور اور اس کے جواب میں پاکستان کے آپریشن بنیان المرصوص کو ایک سال مکمل ہونے پر پاکستان نے سوشل میڈیا پر ایسا طنزیہ وار کیا کہ صارفین بھی ہنسی نہ روک سکے۔

سماجی رابطے کی سائٹ ’’ایکس‘‘ پر پاکستان ریلوے کی جانب سے شیئر کی گئی وائرل میمز تصویر میں ایک مسکراتی ہوئی سبز ٹرین کو نمایاں دکھایا گیا ہے، جبکہ ساتھ ہی پٹڑی کے کنارے بھارتی فضائیہ کے تباہ شدہ جنگی طیارے بکھرے پڑے ہیں۔

تصویر میں خاص طور پر گرائے گئے بھارتی رافیل اور دیگر جنگی جہازوں کی تباہی کو طنزیہ انداز میں پیش کیا گیا ہے۔
ٹرین کے اوپر درج جملہ سوشل میڈیا صارفین کے لیے فوری توجہ کا مرکز بن گیا، جس میں لکھا ہے کہ ’’ہمارے ساتھ سفر کریں، ہم رفتار میں شاید کم ہوں، لیکن ان سے زیادہ محفوظ ہیں۔‘‘

یہ میمز نہ صرف پاکستان ریلوے کے روایتی سست رفتار تاثر پر خودساختہ مزاحیہ چوٹ ہے بلکہ بھارتی فضائیہ کے مبینہ نقصان پر بھی بھرپور طنز کرتی ہے۔ تصویر میں ٹرین کو دوستانہ، پرمزاح اور فاتحانہ انداز میں پیش کیا گیا ہے، جبکہ تباہ شدہ بھارتی طیارے بھارتی عسکری ناکامی کے استعارے کے طور پر دکھائے گئے ہیں۔

سوشل میڈیا پر صارفین نے اس پوسٹ کو ’’ڈیجیٹل محاذ پر ریلوے کی کامیاب انٹری‘‘ قرار دیا، جبکہ کئی افراد نے تبصرہ کیا کہ پاکستان ریلوے نے پہلی بار تاخیر کے بجائے بروقت مزاحیہ حملہ کیا ہے۔

یہ طنزیہ پوسٹ اس حقیقت کو بھی اجاگر کرتی ہے کہ جدید دور میں جنگ صرف میدانوں تک محدود نہیں رہی بلکہ میمز، ڈیجیٹل طنز اور سوشل میڈیا بیانیہ بھی قومی جذبات کی ترجمانی کا اہم ذریعہ بن چکے ہیں۔

پاکستان کرکٹ بورڈ (پی سی بی) کے چیئرمین محسن نقوی نے اگلے سال پی ایس ایل میں نئے وینیوز شامل کرنے کا اعلان کردیا۔پاکستان...
05/05/2026

پاکستان کرکٹ بورڈ (پی سی بی) کے چیئرمین محسن نقوی نے اگلے سال پی ایس ایل میں نئے وینیوز شامل کرنے کا اعلان کردیا۔

پاکستان سپر لیگ 11 کے اختتام پر صحافیوں سے غیر رسمی گفتگو کرتے ہوئے چیئرمین پی سی بی محسن نقوی نے کہا کہ پی ایس ایل 12 اس سے بھی بڑا اور بہتر ہوگا۔

محسن نقوی نے کہا کہ پی ایس ایل کے اگلے ایڈیشن میں مزید شہروں کو بھی میزبانی ملے گی۔
اس سے قبل انہوں نے لاہور کا شکریہ ادا کرتے ہوئے کہا تھا کہ فائنل میچ میں شائقین کرکٹ نے کمال نظم و ضبط اور زبردست جوش و خروش کا مظاہرہ کیا۔

چیئرمین پی سی بی کا کہنا تھا کہ شائقین کرکٹ کا قذافی اسٹیڈیم میں جوش و جذبہ دیدنی تھا۔

معروف پاکستانی ڈرامہ نگار خلیل الرحمان قمر نے انکشاف کیا ہے کہ بھارتی ویب سیریز ’ہیرامنڈی‘ کے لیے انہیں اسکرپٹ لکھنے کی ...
05/05/2026

معروف پاکستانی ڈرامہ نگار خلیل الرحمان قمر نے انکشاف کیا ہے کہ بھارتی ویب سیریز ’ہیرامنڈی‘ کے لیے انہیں اسکرپٹ لکھنے کی پیشکش کی گئی تھی، تاہم انہوں نے مختلف وجوہات کی بنا پر یہ آفر مسترد کر دی۔

ایک پوڈکاسٹ میں گفتگو کرتے ہوئے انہوں نے بتایا کہ ابتدائی طور پر یہ منصوبہ ’منڈی‘ کے نام سے فلم کی شکل میں شروع کیا گیا تھا، اور انہیں بھارت سے متعدد بار رابطہ کیا گیا۔ خلیل الرحمٰن قمر کے مطابق انہوں نے حب الوطنی اور عزتِ نفس کو مقدم رکھتے ہوئے واضح کیا کہ پاکستانی لکھاری کو بھی وہی مقام ملنا چاہیے جو پاکستان میں بھارتی فنکاروں کو حاصل رہا۔

انہوں نے مزید کہا کہ اگر مناسب عزت دی جاتی تو وہ مفت میں بھی اسکرپٹ لکھنے کو تیار تھے، مگر 2015 میں انہوں نے حتمی طور پر اس منصوبے سے علیحدگی اختیار کر لی۔

اسی گفتگو میں خلیل الرحمٰن قمر نے اپنی نجی زندگی، والدین کے ساتھ تعلق اور والدہ کی بیماری کے حوالے سے بھی جذباتی انکشافات کیے، جنہوں نے مداحوں کو ان کی شخصیت کے ایک مختلف پہلو سے روشناس کرایا۔

وزیر اعلیٰ پنجاب مریم نواز کی جانب سے دی گئی پٹرولیم مصنوعات کی قیمتوں میں اضافے کے بعدمفت سفری سہولت سے 4 کروڑ شہری مست...
05/05/2026

وزیر اعلیٰ پنجاب مریم نواز کی جانب سے دی گئی پٹرولیم مصنوعات کی قیمتوں میں اضافے کے بعدمفت سفری سہولت سے 4 کروڑ شہری مستفید ہوئےہیں۔

وزیر ٹرانسپورٹ بلال اکبر خان نے کہا ہے کہ رائڈرشپ کی نئی تاریخ رقم ہوئی ہےایک ماہ کے دوران تقریباً 4 کروڑ مسافروں نے مفت سفری سہولت حاصل کی ہے، میٹرو بس سروسز، اوورنج لائن میٹرو ٹرین، سپیڈو اور الیکٹرک بسوں سے ہر طبقے کو فائدہ پہنچا ہےاُنہوں نے کہا کہ مسافروں کو سفری سہولت بغیر کسی رکاوٹ کے کامیابی سے فراہم کی۔
وزیر ٹرانسپورٹ بلال اکبر خان نے مفت سفری سہولت فراہم کرنے پر اظہار تشکرکیا اور متعلقہ افسران کو مسافروں کو تمام سہولیات کی فراہمی اور شکایات دور کرنے کی بھی ہدایت بھی جاری کیں اُن کا کہنا تھا کہ پنجاب کے عوام کی خوشحالی کیلئے ترجیحی بنیادوں پر اقدامات اٹھائے جا رہے۔

پنجاب میں مفت سفر 4 کروڑ مسافروں نے سہولت حاصل کی

05/05/2026

محبت کے نام پر 500 لڑکیوں سے کروڑوں روپے لوٹنے والاجعلی عاشق گرفتار! جانیے تمام تفصیلات

Fake Lover Arrested | How He Scammed 500 Women of Millions in the Name of Love | DDS Media Network

ایپل نے اپنی حالیہ مالی سہ ماہی کے نتائج میں ایک اور ریکارڈ ساز کارکردگی کا اعلان کیا ہے جس کے مطابق آئی فون 17 سیریز کم...
05/04/2026

ایپل نے اپنی حالیہ مالی سہ ماہی کے نتائج میں ایک اور ریکارڈ ساز کارکردگی کا اعلان کیا ہے جس کے مطابق آئی فون 17 سیریز کمپنی کی تاریخ کی سب سے زیادہ مقبول اسمارٹ فون سیریز بن گئی ہے۔ کمپنی کے مطابق اس سہ ماہی کے دوران تمام مصنوعات کی فروخت میں نمایاں اضافہ دیکھنے میں آیا، تاہم آئی فون کی فروخت نے اس کامیابی میں مرکزی کردار ادا کیا۔ آئی فون 17 فیملی کی غیر معمولی کارکردگی پہلے ہی توجہ کا مرکز بنی ہوئی تھی لیکن اب ایپل نے باضابطہ طور پر اس کی مقبولیت کے نئے سنگِ میل تک پہنچنے کی تصدیق کر دی ہے۔ ایپل کے چیف فنانشل آفیسر کیون پریکھ نے برطانوی جریدے فنانشل ٹائمز سے گفتگو کرتے ہوئے کہا کہ ’آئی فون 17 فیملی ہماری تاریخ کی سب سے زیادہ مقبول لائن اپ بن چکی ہے‘۔ کمپنی کی جانب سے اس بیان کی مزید وضاحت فراہم نہیں کی گئی جس کے باعث یہ واضح نہیں ہو سکا کہ آیا یہ ایپل کی اب تک کی سب سے زیادہ فروخت ہونے والی آئی فون سیریز بھی ہے یا نہیں، تاہم ماہرین کا خیال ہے کہ اس بیان سے اسی جانب اشارہ ملتا ہے جبکہ مزید تفصیلات آئندہ مالیاتی بریفنگ میں سامنے آ سکتی ہیں۔

لاہور کے علاقے کینٹ میں پولیس نے کامیاب کارروائی کرتے ہوئے موٹر سائیکل چوری میں ملوث گینگ کو گرفتار کر لیا۔پولیس ترجمان ...
05/04/2026

لاہور کے علاقے کینٹ میں پولیس نے کامیاب کارروائی کرتے ہوئے موٹر سائیکل چوری میں ملوث گینگ کو گرفتار کر لیا۔

پولیس ترجمان کے مطابق ایس پی کینٹ اختر نواز کی ہدایت پر جرائم پیشہ عناصر کے خلاف کریک ڈاؤن جاری ہے۔ اس سلسلے میں اے ایس پی ڈیفنس باریرہ کی سربراہی میں ایس ایچ او ساؤتھ کینٹ عدنان رشید اور ان کی ٹیم نے خفیہ اطلاع پر کارروائی کی۔

کارروائی کے دوران تین رکنی موٹر سائیکل چور گینگ کو گرفتار کیا گیا، جن میں سرغنہ حذیفہ کے ساتھ ابو ہریرہ اور عثمان شامل ہیں۔
پولیس کے مطابق ملزمان کے قبضے سے تین مسروقہ موٹر سائیکلیں، ماسٹر چابیاں، دو پستول اور گولیاں برآمد کی گئیں۔ ابتدائی تفتیش میں ملزمان نے اعتراف کیا کہ وہ بغیر لاک کے کھڑی موٹر سائیکلیں چوری کر کے فرار ہو جاتے تھے۔

مزید بتایا گیا ہے کہ برآمد ہونے والی موٹر سائیکلیں پولیس کو مختلف مقدمات میں مطلوب تھیں۔

ایس پی کینٹ اختر نواز نے کامیاب کارروائی پر ایس ایچ او عدنان رشید اور ان کی ٹیم کے لیے تعریفی اسناد کا اعلان بھی کیا ہے۔

Address

New York, NY
07020

Website

Alerts

Be the first to know and let us send you an email when DDS Media Network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category