05/18/2026
Ayiti 18 mai 🇭🇹🇭🇹🌟
Istwa Drapo Ayisyen an
Drapo Ayiti a se youn nan pi gwo senbòl fyète, libète ak inite pèp ayisyen an. Li fèt nan moman revolisyon an, pandan zansèt yo t ap goumen pou kase chenn esklavaj epi pran endepandans peyi a.
Tout istwa a kòmanse nan lane 1803, nan vil Arcahaie, pandan dènye faz Revolisyon Ayisyèn nan. Nan epòk sa a, Ayiti te toujou anba dominasyon Lafrans, e sòlda revolisyonè yo te bezwen yon drapo ki t ap reprezante pwòp idantite yo kòm yon pèp k ap chèche libète.
Kibò drapo a sòti?
Drapo ayisyen an sòti dirèkteman nan drapo franse a. Daprè listwa, Jean‑Jacques Dessalines te pran drapo Lafrans lan, ki te ble, blan ak wouj, epi li te retire bann blan an. Bann blan sa a te senbolize kolonis franse yo. Lè li retire li, li mete ansanm ble ak wouj la pou montre inyon ant nwa ak milat nan batay pou libète.
Se konsa premye drapo ayisyen an te fèt.
Kijan yo te fè vini avè l?
Nan dat 18 me 1803, pandan Kongrè Arcahaie a, lidè revolisyon yo te reyini pou ini tout fòs yo kont lame franse a. Se la yo te deside adopte yon nouvo drapo kòm siy inite nasyonal.
Drapo sa a te fèt ak de koulè sèlman:
* Ble
* Wouj
Nan premye vèsyon an, bann yo te mete vètikal.
Kiyès ki te koud drapo a?
Daprè tradisyon istorik la, se Catherine Flon, ki te pitit fi batèm Dessalines, ki te koud premye drapo ayisyen an. Yo rakonte li te pran moso twal ble ak wouj yo pou rasanble yo ansanm avèk men li.
Jès sa a vin tounen yon gwo senbòl patriyotik nan listwa Ayiti.
Nan ki ane drapo a te vini?
Premye drapo ayisyen an te kreye nan lane 1803, yon ane avan endepandans Ayiti te pwoklame premye janvye 1804.
Jounen 18 me a vin tounen “Fèt Drapo ak Inivèsite” ann Ayiti, yon dat ki selebre inite ak diyite nasyonal.
---
Kisa koulè ble a reprezante?
Koulè ble a reprezante:
* pèp nwa a,
*fòs,
*kouraj,
*detèminasyon,
* lespri libète.
Pou anpil ayisyen, ble a sonje sakrifis zansèt yo ki te leve kanpe kont esklavaj.
# # Kisa koulè wouj la reprezante?
Koulè wouj la reprezante:
pèp milat la,
* san zansèt yo ki te koule nan lagè endepandans lan,
*Lanmou pou patri a,
*revolisyon ak viktwa.
Ble ak wouj ansanm montre inyon tout pitit peyi a, malgre diferans yo.
---
Kisa drapo a reprezante pou Ayisyen?
Pou ayisyen, drapo a se:
* senbòl libète,
* diyite pèp la,
* rezistans,
* endepandans,
* inite nasyonal.
Li raple mond lan ke Ayiti se premye repiblik nwa endepandan nan listwa modèn nan, apre yon revolisyon esklav ki te bat youn nan pi gwo lame epòk la.
Drapo ayisyen an pa sèlman yon moso twal. Li se memwa batay zansèt yo, fyète yon pèp, ak espwa pou jenerasyon kap vini yo.
