
09/22/2015
ﺭﻳﺤﺔ ﺍﻟﺒﻦ
ﺩﺍﻟﻴﺎ ﺍﻟﻴﺎﺱ
...
ﻟﻮ ....!!!
ﻟﻮ ﺣﺒﻴﺒﻚ .... ﻗﺮﺭ ﺇﻧﻮ ﺧﻼﺹ ﻳﺴﻴﺒﻚ ...
ﺣﻘﻮ ﺗﻘﺒﻞ ﺑﻰ ﻧﺼﻴﺒﻚ ...
ﺃﻭﻉ ﺗﺠﺰﻉ ﻣﻦ ﻗﺮﺍﺭﻭ ﻭﺗﺮﺗﻔﻊ ﺃﺻﻮﺍﺕ ﻧﺤﻴﺒﻚ ... ﻭﻣﺎﺗﺨﻠﻰ ﺟﺮﻭﺡ ﻏﺮﺍﻣﻚ
ﻓﻰ
ﻗﻨﺎﻋﺎﺗﻚ ﺗﺮﻳﺒﻚ ... ﻭﺗﺒﺪﺃ ﺗﻜﻔﺮ ﺑﺎﻟﻤﺸﺎﻋﺮ ﻭﺍﻟﺪﻣﻮﻉ ﻟﻠﻬﻢ ﺗﺴﻴﺒﻚ ... ﺍﻟﻔﺮﺍﻕ
_ﺍﻟﻜﺎﻥ ﺧﻴﺎﺭﻭ _ ﻣﺎ ﺃﻇﻦ ﻓﻰ ﺍﻟﺮﻳﺪ ﻳﻌﻴﺒﻚ ...!! ﺍﻟﺼﺒﺮ ﻻﺯﻡ
ﻳﻼﺯﻣﻚ .... ﻣﺎﻳﺸﻴﻠﻚ ﺧﻮﻑ .. ﻳﺠﻴﺒﻚ .. ﺍﻟﻠﻪ ﻫﻮ ﺍﻟﻜﺎﺗﺐ ﻋﺬﺍﺑﻚ ... ﻭﻫﻮ
ﺍﻟﺮﺳﻢ
ﺃﺣﺰﺍﻥ ﻗﻠﻴﺒﻚ .. ﺃﺑﻘﻰ ﺭﺿﻴﺎﻥ ﻳﺎﻣﺘﻴﻢ .... ﻗﺴﻤﺔ ﺍﻟﻤﻮﻟﻰ ﺑﺘﺼﻴﺒﻚ .. ****
ﻭﻟﻮ ... ﺣﺒﻴﺒﻚ ﻗﺎﻝ ﻭﺩﺍﻋﺎ "... ﻭﻗﺮﺭ ﺇﻧﻮ ﻳﻔﻮﺕ ﻭﺩﺍﺩﻙ .. ﺃﻭﻉ ﺗﺠﺮﻯ ﻭﺭﺍ
ﺳﺮﺍﺑﻮ ... ﻭﺗﺴﺘﻜﻴﻦ ﻟﻰ ﺟﻮﺭ ﺳﻬﺎﺩﻙ .. ﺍﻟﺒﺤﺒﻚ ﻣﺎ ﺑﻀﻴﻤﻚ .... ﻭﻣﺎﺑﻄﻴﻖ
ﻧﻴﺮﺍﻥ ﺑﻌﺎﺩﻙ .. ﻭﻣﺎﺑﻴﺪﻭﺭ ﻟﻴﻚ ﺍﻟﻤﺬﻟﻪ ...ﻭﻻ ﺑﻴﺮﺣﻞ ﻣﻦ ﻭﻫﺎﺩﻙ .. ﺑﻴﺤﺘﻤﻞ
ﺯﻋﻠﻚ ﻭﺟﻨﻚ ... ﻭﺑﻴﺤﺘﻤﻞ ﻟﺤﻈﺎﺕ ﻋﻨﺎﺩﻙ .. ﻟﻴﻚ ﺑﻴﺘﻤﻨﻰ ﺍﻟﺴﻌﺎﺩﻩ ... ﻭﺇﻧﻮ
ﻳﺘﺤﻘﻖ ﻣﺮﺍﺩﻙ .. ﺭﺍﺿﻰ ﺩﺍﻳﻤﺎ " ﺑﻰ ﻇﺮﻭﻓﻚ ... ﻭﻣﺎ ﺑﻴﺤﺎﻭﻝ ﺇﻋﺘﺮﺍﺿﻚ ..
ﻭﻻ
ﺑﻴﺼﺮ ﻳﻔﺮﺽ ﺃﻭﺍﻣﺮﻭ ... ﺃﻭ ﻳﺼﺮ ﻳﻤﻠﻚ ﻗﻴﺎﺩﻙ .. ****
ﻟﻮ ﺣﺼﻞ ﻛﺘﺮ ﻏﻴﺎﺑﻮ ..... ﻭﻋﻦ ﻟﻘﺎﻙ ﻗﻠﻞ ﺣﻀﻮﺭﻭ .... ﻭﻟﻮ ﺷﻌﺮﺗﺎ
ﺑﺄﻧﺸﻐﺎﻟﻮ ... ﻭﺑﻰ ﺑﺮﻭﺩﻭ ... ﻭﺑﻰ ﻓﺘﻮﺭﻭ ... ﺣﻘﻮ ﺗﻌﺮﻑ ﺩﻯ ﺍﻟﻨﻬﺎﻳﻪ
....ﻭﻣﺎﺗﻔﻜﺮ ﻳﻮﻡ ﺗﺰﻭﺭﻭ ... ﺃﺻﻠﻮ ﺷﻮﻓﺘﻚ ﻣﺎﺿﺮﻭﺭﻩ ... ﻭﻻ ﺑﻘﺖ ﺃﺳﺒﺎﺏ
ﺣﺒﻮﺭﻭ ... ﻭﻻﺑﻘﻴﺖ ﺇﻧﺖ ﺑﺘﻬﻤﻮ ... ﻭﻻ ﺑﻘﻴﺖ ﻋﻄﺮﻭ ﻭﺯﻫﻮﺭﻭ ... ﻭﻻ ﻛﻤﺎﻥ
ﻟﺴﻊ ﺳﻤﻴﺮﻭ ... ﻭﻻﻛﺎ ﺳﺎﻋﺔ ﺍﻟﻀﻠﻤﻪ ﻧﻮﺭﻭ ... ﻭﻻﻗﺮﻳﺐ ﻣﻦ
ﺃﻣﻨﻴﺎﺗﻮ ... ﻭﻻﺑﺘﻌﺮﻑ ﻛﻞ ﺃﻣﻮﺭﻭ ... ﺍﻟﻤﺤﺒﻴﻦ ﻟﻤﺎ ﻳﻘﺴﻮ ... ﺩﻳﻤﻪ ﺑﻴﻠﻔﻮ
ﻭﻳﺪﻭﺭﻭ ... ***
ﻭﻟﻮ ... ﺣﺒﻴﺒﻚ ﺑﺎﻉ ﺣﻨﺎﻧﻚ ﻭﻣﺎﺕ ﺿﻤﻴﺮﻭ
ﺃﻋﺮﻑ ﺇﻧﻚ ﻛﻨﺘﺎ ﻭﺍﻫﻢ .... ﻭﺇﻧﻮ ﻗﺪﺭﻙ ﻣﺎﻣﺼﻴﺮﻭ ... ﺃﻧﺴﻰ ﺃﻯ ﻭﻋﻮﺩ
ﻛﺒﻴﺮﻩ ... ﻭﺃﻧﺴﻰ ﻧﺴﺎﻣﻮ ﻭﻋﺒﻴﺮﻭ.. ﺃﺭﻣﻰ ﻋﺸﻤﻚ ﻓﻰ ﻋﻮﺍﻃﻔﻮ ... ﻣﺎ
ﺃﻇﻦ
ﺗﻠﻘﺎﻫﻮ ﺧﻴﺮﻭ ... ﺑﻜﺮﻩ ﺍﻟﻠﻪ ﻳﻌﻴﺪ ﺳﻌﺎﺩﺗﻚ ... ﻳﺒﺮﻯ ﺟﺮﺣﻚ ...ﻭﺗﻠﻘﻰ
ﻏﻴﺮﻭ .
ﺗﻠﻮﻳﺢ :
ﺍﻹﻓﺘﺮﺍﺿﺎﺕ ﻓﻰ ﺍﻟﺤﺐ ﻳﺠﺐ ﺃﻥ ﺗﺤﺴﻢ ﺩﺍﺋﻤﺎ " ﻟﺼﺎﻟﺢ ﺇﻧﺴﺎﻧﻴﺘﻨﺎ