najam Bilal

06/29/2026

وہ دوست ہی تھا لیکن ساتھ نبھانے اور حوصلہ دینے والا تھا۔ ابھیشیک گانگولی پوما انڈیا کے منیجنگ ڈائریکٹر تھے۔ انہوں نے وراٹ کوہلی کو پوما کا برانڈ ایمبیسیڈر بنانے کے لیے 110 کروڑ روپے کا معاہدہ کیا تھا۔ یہ پیشہ ورانہ تعلق دھیرے دھیرے حقیقی دوستی میں بدل گیا۔ وراٹ کوہلی بتاتے ہیں 'ایک دن کچھ اپنا بنانے کی خواہش پر بات چیت کے دوران ابھیشیک نےکہا چلو، یہ کر ہی لیتے ہیں' اور یوں One8 کی بنیاد پڑی۔

دنیا کے بڑے کھلاڑیوں اور عام کھلاڑیوں میں فرق میدان سے باہر نکلتے وقت ہوجاتا ہے۔ عام کھلاڑی اپنی کارکردگی کو کیریئر سمجھتا ہے جبکہ یہ غیرمعمولی لوگ اپنی شناخت کو اثاثہ بنا دیتے ہیں۔ یہی وجہ ہے کہ مائیکل جارڈن، کرسٹیانو رونالڈو اور وراٹ کوہلی جیسے کھلاڑی پیچھے ایسی کاروباری سلطنتیں بنا جاتے ہیں جو ان کی نسلوں کے لیے بھی کافی ہوتا ہے۔

سوال یہ ہے کہ یہ لوگ سوچتے کیسے ہیں؟ اور ہم اس طرح کیوں نہیں سوچ پاتے؟ آئیے سمجھتے ہیں۔۔۔۔

1984 میں ایک نوجوان باسکٹ بال پلئیر نے ایڈیڈاس سے رابطہ کیا لیکن کمپنی نے اسے یہ کہہ کر ٹھکرا دیا کہ وہ اس برانڈ کی نمائندگی کے لیے مناسب نہیں ہے۔ مجبوراً اس پلئیر نے نائیکی کے ساتھ اڑھائی ملین ڈالرز کے عوض پانچ سالہ معاہدے کیا۔۔ یہ اس وقت کسی بھی نو آموز کھلاڑی کے لیے غیرمعمولی رقم تھی۔ یہ کھلاڑی مائیکل جارڈن تھا۔

یہاں دانشمندی ملاحظہ کیجیے کہ اس معاہدے کے عین مطابق ہر بکنے والے جوتے پر جارڈن کو رائلٹی دینے کا پوائنٹ شامل کیا گیا یعنی جارڈن باقاعدہ شراکت دار بن گیا۔ نائیکی کی توقع تھی کہ پہلے تین برسوں میں 3 ملین ڈالرز کی فروخت ہوگی لیکن پہلے ہی سال فروخت کا گراف 126 ملین ڈالرز تک پہنچ گیا۔ یوں چار دہائیوں بعد جارڈن برانڈ نے نائیکی کے لیے 1۔5 ارب ڈالرز کمائے جس میں سے قریباً 256 ملین ڈالرز براہ راست جارڈن کے حصے میں آئے۔ تب تک وہ باسکٹ بال کھیلنا بھی چھوڑ گیا تھا۔ انہوں نے اپنی شناخت کو ایک ایسے ڈھانچے میں پرویا کہ وہ ہمیشہ کے لیے کمائی کا ذریعے بن گیا۔

یوں اب کرسٹیانو رونالڈو کی مثال لے لیجیے۔ 2013 میں رونالڈو نے ڈنمارک کی کمپنی جے بی ایس کے ساتھ مل کر ایک معمولی انڈرویئر سے CR7 برانڈ کی بنیاد رکھی۔ عام طور پر کھلاڑی برانڈز کے ساتھ معاہدہ کرتے ہیں اور ایک مقررہ رقم وصول کر کے اپنا برانڈنگ کر کے بات ختم کر جاتے ہیں لیکن رونالڈو کا ماڈل اس سے مختلف تھا۔ وہ

06/29/2026

آج خانپور سے گزرتے ہوئے ایک ایسا منظر دیکھا جس نے میرے دل کو ہلا کر رکھ دیا۔

میں دین پور چوک کے قریب موجود حمزہ فوڈ پوائنٹ پر کھڑا تھا، جہاں راشد بھائی اپنے مشہور چاول چنے بنا رہے تھے۔ اسی دوران ایک پریشان حال مسافر آیا۔ اس کی آنکھوں میں بے بسی صاف نظر آ رہی تھی۔ وہ کراچی جانا چاہتا تھا، لیکن اس کی جیب میں صرف 1000 روپے تھے جبکہ کرایہ 2300 روپے تھا۔ وہ کسی غمی میں جا رہا تھا، چہرے پر ایسی اداسی تھی جو لفظوں میں بیان نہیں کی جا سکتی۔

میں خاموشی سے یہ سب دیکھ رہا تھا۔

راشد بھائی نے پہلے اس کی بات پوری توجہ سے سنی، چند سوال کیے تاکہ یقین ہو جائے کہ وہ واقعی مجبور ہے۔ پھر بغیر کسی دکھاوے، بغیر کسی ویڈیو، بغیر کسی تصویر کے اپنی جیب میں ہاتھ ڈالا، 1500 روپے نکالے اور اس کے ہاتھ میں رکھ دیے۔

وہ مسافر بار بار شکریہ ادا کر رہا تھا، لیکن راشد بھائی کے چہرے پر صرف ایک مسکراہٹ تھی۔ انہوں نے صرف اتنا کہا:

“بھائی! سلامتی سے جاؤ، اللہ تمہاری مشکل آسان کرے۔”

یہ منظر میری آنکھوں کے سامنے آج بھی ویسے ہی کھڑا ہے۔

میں نے راشد بھائی سے پوچھا، “آپ ہر کسی کی اتنی مدد کیوں کرتے ہیں؟”

وہ مسکرا کر بولے:
“بھائی! جو اللہ نے دیا ہے، وہ اللہ کی مخلوق پر خرچ ہو جائے تو یہی اصل کمائی ہے۔ میں تو بس ایک ذریعہ ہوں، دینے والا اوپر والا ہے۔”

پھر انہوں نے ایسی بات بتائی جس نے دل مزید نرم کر دیا۔

کہنے لگے:
“میرے ہوٹل پر اگر کوئی بھوکا آ جائے تو میں اسے کبھی خالی نہیں جانے دیتا۔ چاہے وہ مسافر ہو، مزدور ہو، غریب ہو یا کوئی ایسا شخص جسے لوگ نشئی کہہ کر دھتکار دیتے ہیں۔ لوگ انہیں گالیاں دے کر بھگا دیتے ہیں، لیکن بھوک تو سب کو لگتی ہے۔ گناہ اپنی جگہ، مگر روٹی سے کسی کو محروم کرنا مجھے کبھی گوارا نہیں ہوتا۔ میں اپنے ورکروں کو بھی یہی کہتا ہوں کہ اگر واقعی کوئی بھوکا آئے تو اسے عزت سے کھانا کھلاؤ۔ حساب اللہ کرے گا، ہم نہیں۔”

یہ سن کر مجھے احساس ہوا کہ انسان کی اصل پہچان اس کے کپڑوں، دولت یا شہرت سے نہیں بلکہ اس کے دل سے ہوتی ہے۔

راشد بھائی تقریباً 20 سال سے رحیم یار خان کے مشہور شہر خانپور میں دین پور چوک پر چاول چنے فروخت کر رہے ہیں۔ ان کے چاول چنے تو پورے علاقے میں مشہور ہیں، مگر ان کی اصل پہچان ان کا بڑا دل ہے۔

وہ کئی غریبوں کو مفت کھانا کھلاتے ہیں، بہت سے مسافروں سے پیسے نہیں لیتے، کسی کے پاس ص

06/01/2026

کمپنی کا ایک ملازم اپنے دفتر پہنچا تو اسکی نگاہ دفتر کے گیٹ پر لگے ہوئے ایک نوٹس پر پڑی جس پر لکھا تھا:
"جو شخص کمپنی میں آپ کی ترقی اور بہتری میں رکاوٹ تھا کل رات اسکا انتقال ہوگیا۔ آپ سے گزارش ہے کہ اس کی آخری رسومات اور جنازے کے لئے کانفرنس ہال میں تشریف لے آئیں جہاں پر اسکی میت رکھی ہوئی ہے"
یہ پڑھتے ہی وہ اداس ہو گیا کہ اسکا کوئی ساتھی ہمیشہ کے لئے اس سے جدا ہو گیا لیکن چند لمحوں بعد اس پر تجسس غالب آ گیا کہ آخر وہ شخص کون تھا جو اسکی ترقی کی راہ میں رکاوٹ تھا۔ اس تجسس کو سموئے وہ جلدی سے کانفرنس ہال میں پہنچا تو وہاں اس کے دفتر کے باقی سارے ساتھی بھی اسی نوٹس کو پڑھ کر آئے ہوئے تھے اور سب حیران تھے کہ آخر یہ شخص کون تھا۔
کانفرنس ہال کے باہر میت کو دیکھنے کے لئے لوگوں کا اس قدر ہجوم ہو گیا کہ سکیورٹی گارڈ کو یہ حکم جاری کرنا پڑا کہ سب لوگ ایک ایک کر کے اندر جائیں اور میت کا چہرہ دیکھیں۔
سب ملازمین ایک ایک کر کے اندر جانے لگے جو بھی اندر جاتا اور میت کے چہرے سے کفن ہٹا کر اس کا چہرہ دیکھتا تو ایک لمحے کے لئے حیرت زدہ اور گنگ ہو کر رہ جاتا اور اسکی زبان تالوسے چپک جاتی یوں لگتا کہ گویا کسی نے اسکے دل پر بڑی ضرب لگائی ہو۔ باری آئی تو وہ شخص بھی اندر گیا اور میت کے چہرے سے کپڑا ہٹا کر دیکھا تو اس کا حال بھی دوسروں جیسا ہی ہوا، کفن کے اندر ایک بڑا سا آئینہ رکھا ہوا تھا اور اسکے ایک کونے پر لکھا تھا:
"دنیا میں ایک ہی شخص ہے جو آپ کی صلاحیتوں کو محدود کر کے آپ کی ترقی میں رکاوٹ بن سکتا ہے اور وہ آپ خود ہیں"
یاد رکھئے! آپ کی زندگی میں تبدیلی آپ کی کمپنی تبدیل ہونے سے، آپ کا لباس تبدیل ہونے سے، آپ کے دوست احباب تبدیل ہونے سے نہیں آتی، آپ کی زندگی میں تبدیلی تب آتی ہے جب آپ اپنی صلاحیتوں پر اعتبار کرنا شروع کر دیتے ہیں، ناممکن کو ممکن اور مشکلات کو چیلنج سمجھتے ہیں، اپنا تجزیہ کریں، اپنے آپ کو آزمائیں، مشکلات، نقصانات اور ناکامیوں سے گھبرانا چھوڑ دیں اور ایک فاتح کی طرح جئیں۔
یعنی ہم اپنے آپ کو خود سنوارنے کی کوشش کریں گے تو جلدی سنور جائیں گے۔

05/26/2026

05/25/2026

Immerse yourself in the breathtaking brilliance of Special 26, where mesmerizing cinematic moments ignite boundless enthusiasm, radiating immense positivity and motivation. 🌟🎥🍿👍💫

05/24/2026

Experience cinematic escape with inspiring movie clips, reviews, and films, alongside spine-tingling horror movies and viral video challenges that spark meaningful connections. 🎥🍿👍😱👻