Radio Sociale

05/10/2025

Depi Lakou Floride, Peyi Etazini
5 oktòb 2025

Sa a se yon Lèt tou louvri pou
André Jonas Vladimir Paraison
Direktè Jeneral PNH la

Direktè Jeneral, mwen felisite w paske w rive brige plas ki pi wo nan lapolis nasyonal peyi D'Ayiti a.
Poutan si l te vivan Jodi a, Grann Mwen Ocianna Dorléan Theslisdort tap fwete m pou m retire konpliman sa a Mwen fè w la, paske w pa fè anyen ditou pou w anpeche Liancourt lakay tounen sann Ak pousyè anba men Bandi Baz gran grif ki AP taye banda jan yo vle nan komin nan depi plizyè mwa.

Direktè Jeneral, nan lane 2018, Mwen te sibi yon echanj entelektyèl (interview) ki pou te banm dwa entegre akademi lapolis la sou wout frè, Mwen sonje apre m te fin reponn tout kesyon ki pi nesesè yo san ezite Moun ki te anchaje a te felisite m, aprè sa li di m anvan m kite w ale,
Di m non" ki kote ou ta renmen kantone lè w fin gradye kòm polisye)
Mwen te reponn Ak chalè melanje Ak nayitif ki kouvri pa lanmou Ak pasyon m pou kote m fèt la ak kote m tap viv la " latibonit oubyen lwès" paske Mwen renmen inite espesyalize yo espesyalman SWAT" avèk anpil etónman
Enspektè a te Reponn mwen" si je savais que vous alliez me répondre de manière, je n' aurais pas validé votre candidature, Car la PNH est Police nationale d'Haïti, non pas la police d'un département".
Di m non Direktè Jeneral, kisa ki chanje nan definisyon sa a jodi a, ki fè lapolis genyen modèl konpòtman meprizan sa a nan doulè Nou menm Moun Lyankou yo?

Direktè Jeneral, pèmèt Mwen atire. Atansyon w sou sa,malgre tout gwo defisi ekonomik zak sasinay Ak briganday gang Savyen fè Nou fè nan Lyankou, valè santimantal sa nou pèdi e kontinye ap pèdi yo pi plis lontan ke valè ekonomik yo. Seri de espas ki ap disparèt nan lafimen jounen jodi a nan nan payen, Estral Ak chandèl se memwa gran paran nou yo ki mouri ak plis pase syèk sou tèt yo.

Gang nan retounen sou Lyankou 17 Jiyè pase a, kèk jou apre yo touye plizyè polisye Ak plizyè manm popilasyon an, boule Yon machin blennde lapolis, e rete nan Lyankou jouk yo rive boule epi kraze komisarya a nan nwit 14 pou rive 15 Septanm pase a, malgre sa pa janm genyen yon entèvansyon serye lapolis pou ta anpeche gang nan kontinye fè dega sou Liancourt, bandi tèlman alèz yo kontinye ap pran teritwa épi fè vidéo chak Jou pou montre kijan lavi a bèl pou yo nan plis pase 70 % teritwa komin Lyankou ke yo okipe depi plizyè mwa san okenn krentif.

Direktè Jeneral, depi plizyè ane, ti rès Moun Lyankou yo ki pa gen possibilite pou al viv lòt kote te oblije anpile kò yo nan katye Estral, Dimwatye Ak chandèl ki se te dènye rezèv la pou yo. Enbyen Direktè Jeneral depi nan mitan nwit Madi 30 Septanm pou debouche sou Mekredi 1e Oktòb 2025 la Bandi yo lanse yon ofansif ak pwisans dife san paréy kont ti espas rezèv sa yo ki pa janm kanpe jiska Jodi 3 oktòb la.

Direktè Jeneral, Yon sèl grenn machin blennde a Ak kèk grenn Ajan Polisye ladann, ajoute Ak manm popilasyon an pa sifi pou reponn Ak frape malfra yo malerezman, machin blennde ki sou vèrèt yo Ak machin ki pare pou wete barikad se toujou pou yon ti kras tan yo parèt sou zòn sa yo apre sa yo al fè wout yo kite Moun yo san sekou.

Direktè Jeneral Yon sèl reponn pèp la non tanpri, depi tout sa a Liancourt Anba menas gang Savyen an, kòman yon sèl grenn machin blennde a Ak Mwens ke 10 Polisye wi eta majò lapolis la mete nan komin nan ka rive siveye lavi plis pase 80 mil Moun?

Èske w pa ko janm resevwa Yon rapò ekip ou sou Lyankou ki pou di lè bandi savyen yo AP vini Liancourt se plis pase 300 jèn ga*on Ak gwo zàm lagè ki vini?

Te kwè m tande yap fè lwanj di jan w toujou kanpe pou w defann palè Nasyonal kont a*o gang viv ansanm yo? Se paske Kayoun Liancourt yo se an bwa ak tòl yo fèt ki fè w pa janm voye defann yo?

Direktè Jeneral Moun sa yo ki mouri Anba bal Ak boule nan dife
kriminèl Savyen yo Jodi Samdi 4 oktòb la, èske w konnen leta Ayisyen Ak konplisite lapolis la ki pran lavi yo? Kisa wap di fanmi yo?

Elas Mwen pa gen fòs ankò, Mwen oblije al kriye sou kadav frè m yo Ak sè m yo ki boukannen tankou ta*o a. Mwen kite w la Direktè Jeneral ke konsyans ou reponn ou.

Edens Liancourt
Yon kò nan ekzil

03/10/2025

Malerezman se menm bagay tout kote

03/10/2025

Yon lane aprè popilasyon kontinye ap viktim Anba men gang gran grif la, depi finisman MWA septanm nan yo pa pa sispann tire épi boule Kay Moun Kay Moun nan zòn Estral, payen, Dimwatye Ak yon sèl objektif rive ratibwaze chandèl toujou nan komin Lyankou.

Leta a toujou absan

02/10/2025

Liancourt, de la cité paisible, à un centre de tourments pour ces fils

Réputée pour sa courtoisie illimitée, la très petite ville de Liancourt, ancienne première section communale des Verrettes, devenue commune en juillet 2015 sous l'ère du gouvernement Martelly-Paul est en passe de disparaitre sous le feu des sanguinaires de Savien et consorts.

Située au coeur du département de l'Artibonite, la porte de l'enfer est grandement ouverte sur la cité de Dieutel Toussaint depuis bientôt 4 ans.

Les années 2019 et 2020 ont été marquées par des attaques de nuits, des casses, des viols, des enlèvements contre rançon, signés par la bande armée dénommée conduit par leur fondateur Odma tué en janvier 2021 dans des échanges de tirs avec les forces de l'ordre sous la direction du commissaire divisionnaire Jacques Ader, et depuis, un silence trompeur a été installé dans la vallée pendant quelques mois.

Fin 2022, les gangs de la troupe Gran grif ont repris leurs activités sous le commandement du caïd Luckson Elan, encore plus criminel que son prédécesseur, cet assoiffé de sang, aidé par des complices de haut rang partout dans le pays, s'est doté d'un arsenal 100 fois plus puissant qu'avant et a recommencé avec les pratiques mafieux contre les communes voisines de Savien dont Petite Riviere de l'Artibonite, Lestère, Verrettes et Liancourt, leurs victimes préférée.

Entre Décembre 2022 et Mai 2023 plus de cinq attaques meurtrières des gangs de Savien ont été lancées contre Liancourt, dont la plus dévastatrice a été celle du 23 Mai 2023 où plusieurs membres de la population civile et des membres du groupe de la résistance populaire de la zone dénommée ont été assassinés. Le 14 juillet de la même année ils ont récidivé et fait un massacre contre de paisibles paysans. Ils ont incendiés des maisons, pillé puis brûlé des entreprises, le bilan a été tellement lourd que l'on s'était même pas arrêté pour évaluer la situation, tout le monde s'enfuyaient dans les montagnes et dans d'autres villes voisines et ailleurs, dont Saint Marc, Verrettes, Désarmes, Lachapelle, Gonaïves, Port-au-Prince, Cap Haïtien et autres. Sans présence policière au commissariat de Liancourt, 60% de la ville de Liancourt a été déserté et les gang en ont profité pour s'approvisionner tranquillement, ça se passait tellement bien qu'ils avaient surnommé Liancourt "la douane", car tout chauffeur qui risquait d'emprunter la route reliant Pont-sondé à Mirebalais en passant par Liancourt savait à quoi s'attendre de ces malfrats.

Ils se sont imposés en maître et seigneur dans un département qu'ils ont partagé avec la bande des logée non loin de Lestère et voulant à eux deux imposer leurs lois à tout le monde aux détriments de la population qui craignait chaque jour de payer les frais de chaque mécontentement des criminels. Au fils des temps, ils se sont taillés une place dans l'organisation criminelle menée par l'ancien policier devenu chef de gang, Jimmy cherisier Barbecue qui, lui, étend son camp à Delmas précisément à Delmas 6.

Faisant des simulacres, les forces de l'ordre haïtiens et la soit-disant force multinationale ont échoué plus d'une fois dans des prétendues opérations menées contre la bastion du caïd à Savien, Digérant leurs défaites, ils ont pliés bagages et abandonnent définitivement la population à son sort, et s'est alors des jours et des nuits terribles allaient infligés aux Liancourtois en partant de la soirée cauchemardesque du 27 Juillet 2025 jusqu'à ce Mercredi 1er Octobre, exécutant à l'alerte leur plan d'éliminer la base des forces de l'ordre, ces criminels ont envahi le commissariat de Liancourt dans la nuit du 14 au 15 septembre dernier, après plusieurs heures d'affrontements avec les agents de la PNH et les membres de le la résistance. Ces derniers ont été contraint de sauver leur peau face à cette attaque brutale, encore une victoire pour les gangs qui ont réussi à ruiner le bâtiment.
Autrement dit, la commune de Liancourt a été bel et bien livré "katye pa katye, Kay pa Kay".

Forcée de ravaler sa fierté !
Liancourt, ville reconnue, pour son dans les nuits des 15 au 16 juillet de chaque année, pour sa célébration particulière de la Mont Carmel, pour la chaleur du chute de Première Passe (premye pas) pour l'organisation de ses activités culturelles ouvertes sur tout le monde, pour la fraîcheur de Wawa Beach, de Source Blanche (sous blan) de Source Chandelle et de Source Payen, pour les eaux douces et tendres de ses rivières, la diversité de sa culture et son agriculture. Cette ville qui se faisait entendre à la douceur des tambours miraculeux de la sainte famille et de San pwoblèm, au vent des Conés des fleurs soufflées par les saints du ciel, aux bambous de Diesel (Dizèl) grondés toujours fort comme une orage (loray), la ville du Bon Dieu est plongée dans le désespoir san même espérer de se rendre encore un jeudi saint au cimetière d'Estral pas pour être enterré, mais pour sceller ses bandes à pieds d'un sceau mystique dans une ambiance musicale de haute gamme où la culture et le plaisir se donnent toujours rendez-vous parmis les tombeaux. Liancourt cette ville qui, fête ses 31 octobre a Madan Blan (Madame Blanche) au rythme souverain de sa tradition, cette terre qui donne la joie au ballon de football avec son derby Triomphe vs Panthère-noire, sombre maintenant dans le noir. Cette planche d'Haïti qui résiste toujours contre vents et marées à la misère grâce aux efforts de sa diaspora et de la multiplicité de sa production agricole est aujourd'hui dans la castrole des agents de la mort.

Avec sa chandelle méprisée autrefois, prennant maintenant sa revanche, et refuse d'utiliser l'énergie de sa puissance pour éclairer toute la commune, Liancourt est entrain de pourrir sous le sang de ses enfants assassinés dans le calme de leurs modestes demeures.
Nulle n'est besoin d'être scientifiquement aisé pour reconnaître que Liancourt subit malheureusement la torture d'une bande de criminels qui profane sans arrêt la sacralité d'un patrimoine dévalorisé par le reste du pays, et l'on peut dire Gracias la politica.

Edens Liancourt
Florida 1er Octobre 2025

28/09/2025

Quand Edens Liancourt écrit Au Maire LaMairie De Liancourt Mr, Majistra Ducarmel Mercy

Depi Eta Florid peyi Etazini
Dimanch 28 Septanm 2025

Sa a se yon Lèt tou louvri pou Majistra Ducarmel Mercy Camo

Sispann pini tifi a.

Majistra, malgre tout endiferans ki genyen ant mwen menm ak ou, jodi a, Mwen deside ekri w Ak respè nan Yon demach sitwayen,ki vize jwenn Yon bon solisyon pou tifi Dieutel Toussaint an.

Si lontan se te pou etidye Ak gade match yo te konn vini, sa gen plis pase 5 lane depi pitit madan Savyen yo ap plede janbe lantiray la, antre jis anndan chanm nan pou vin vyole tifi a. Jal Odma te Kòmanse ba l dwèt, loray Ader te boule l poutèt sa , malerezman loray politik madichonnen an kale plis zaganigwe nan lakou Savyen an pandan 3 dènye lane sa yo.

Jal Luckson Elan Ak konpayèl li yo deklare, anba Je yo la a, tifi a ap plede met rad ki sot lòt bò, tifi a AP plede kale lonbrit li, bouch li toujou woze, tout pwojè l se pou cheve l tann sou do l pou l atire moun toupatou pou l ka gen gwo zanmi nan lemond, chandèl li twò byen klere nan vale a, se nòmal pou yo vin kreve l.

Elas! Kò yon timoun 9 lane pa pare pou resevwa nivo bosal ak vorasite sanzave sa yo. Depi lè yo tanmen pote boure sou li a, tifi a AP senyen san rete, lap rele byenfò anmwe sekou !, gen Moun ki tande l yo pran pòz yo pa tande l, gen moun ki vin pran jòf yo wè l ap jigote yo pran pòz yo pa konprann, menm ou menm ou te nan lakou a, ou pran pòz ou pa konn anyen, ou fèmen baryè a, ou pati pandan devoran yo kontinye ap maspinen tifi a anndan Kay la.
Gen moun ki di se ekspre ou fè, genyen ki menm di, se ou menm ki te ouvè wout la bay zanmi w yo ki fè yo antre vin vyole tifi a jis kote l tap dòmi byen trankil la. gen lòt ki di tou se lach ou lach ki fè w leve kouri a, antouka.

Majistra, m pa konn si w te konnen sa tou: yo di si depi kounyè a li konsa, yo dwe kase fe l, paske si yo kite l grandi, pi devan lap pran pòz li pa kamarad yo nan zòn nan, yo pap ka rivalize l, yo pap ka koze avè l pou l ta vin fanm yo, se pou sa yo vle touye ti Poul la nan ze a, pou pesòn pa machande l menm lè sen mak tap fè mache nwa ponsonde.
Se ravèt yo ye, yo di, yo konnen yo pap ka manje manje a, pito l gate konsa tout Moun nèt a pèdi. bagay sa a banm gwo lapèn.

Hmm Majistra o, Chat yo antre nan twou tankou rat, podjab chyen yo pèdi fòs, tèlman yo jape, nan eseye mòdè kadejakè tout plim tout plimay yo plizyè nan yo mouri griye, Mwen swete BonDye va sove nanm yo.
Lougawou paka manje pitit ou li chache dejwe l, Mwen kwè wi Majistra, Mwen kwè anpil nan vwazinay yo konnen ke nou konnen dwèt yo tranpe byen Fon nan san ti Pitit la kap koule tankou rivyè bannanout la.

Adje Majistra koze yo anpil wi, men kite m di w Majistra, daprè sa plizyè moun ki li lafèy fè konnen, Yon timoun tankou tifi Dieutel Toussaint la, ti nègè Gesner Lamoth la ki sibi vyòl bonè konsa, gen anpil chans pou l twomatize tout lavi l, si l pa jwenn bon jan ankadreman, tankou wè doktè bonè epi jwenn bon kalite asistans nan men sikològ pou ede l dijere zak malonèt Ak briganday sa yo, kèk fwa apwi san fay antouraj li tankou manma, papa, frè, sè elatriye konn enpòtan tou, men m pa twò bezwen fè wout sa a Ak ou pou w pa fatige paske m konnen paka chita twòp alevwa pou w ta mache nan wout santimantal sa a pou anpil tan; Mwen di w sa konsa, paske jan bagay la ye la a, ni dispansè Lyankou, ni dispansè vèrèt, ni lopital dechapèl, ni lopital sen nikola pa gen espesyalis ni bon ekipman pou trete kalite java sa a kriminèl yo bay tifi a pote a. Menm jan Ak mwen anpil Moun kwè se lopital jeneral ou dwe ale pou yo ka voye yon anbilans Ak kèk soukouris vin ranmase l atè a, si yo paka fè anyen avèl ya rele tonton blan vin ede yo wè kisa yo ka fè avè l jan yo toujou fè sa.

Majistra tanpri pandan w nan zòn sa a tou pase nan gwo kay ki fèt nan plas ansyen DGI a, pran kreyon w, ekri Yon ti Papye bay chèf yo, di yo souple ou vin depoze tou dousman, gwo chay sa a yo te ba w pote depi lè tifi a te fèk fèt la, ou tchanbwete sevre men ou fini pa rann ou kont ke se menm plas rete ap antre Anba labou anba fado a, wi Majistra di yo sa klè, menm si yo wè do w laj ou pa gen 5 kòb kouraj ankò kòm pay pwa.
Di yo, ou kite sa la, yo pa bezwen mande w, si gen lòt Moun kap vin chache kle baryè a nan men yo, men wiii, wi Majistra, gen jèn fanm Ak jèn ga*on vanyan, kanson touse, kap vin ranmase l a e tanmen pare pou pote flè pou ti komè a lè l soti nan sal ijans lopital la.

Majistra, prese fè sa paske souf tifi a vanse koupe, sonje plis ou mize se plis kalamite ti lèzanj la AP ogmante, si w pa vle siyen pou non w pa rete, ou mèt fè ti kwa, men tanpri demisyone, pou kwazad la ka rasanble tankou pantè pou ansanm n'al chache triyonf la sou gang yo depi anvan kafou ponsonde, pase nan makay rive jouk rive anndan belanje Ak menm chandèl nan men nou. Konsa wa jwenn kote pou w fè yon ti djòlè anvan Estral resevwa kò w nan dènye pa w la paske vil Liancourt paka rete simityè pou tout tan.

Edens Liancourt Yon kò an egzil!

06/05/2025

Sanble se pa anmègde l ki antrene Moun sa yo.

Respè pou tout kretyen ki se bon sòlda, wont pou tout kretyen zonbi, tout kretyen tèt Anba.

Reyaksyon Mwen wè mesye dam sa yo genyen sou chè legliz BonDye a fè m konkli ke jis gen tèt yo Anba pye yo, yo pa reflechi menm jan Ak tout moun.

Si lontan Mwen te gentan pwoblèm pou m konprann ministè Apôtre Amel Lafleur, Mwen te kritik anvè l men depi plozyè ane Mwen kòmamse konprann ke levanjil pafwa bezwen kèk Moun di ki kanpe Ak bout baton pou ede kèk kretyen sove nanm yo sinon yap mache chofè ban apre sa yo pral nan lanfè. Sepandan Mwen toujou rete kwè apot Amel bezwen chita pou al aprann kominike, wi wi wi apot Lafleur ki se proprietè Media Teforev Ak Radio Chanjman bezwen konseye nan kominikasyon Ak sosyoloji pou ba li bon konsèy sou jan lap pale ak trete Moun ki nan legliz li BonDye ba l dirije a.

Mwen pa genyen okenn dout sou levanjil apot la, wi lap preche syèl, e jan Apot te Di l Ak Timothée Apot trete ni kò l ni fidèl li yo trè di. Men mezanmi Ann serye kote elegans levanjil la menm?
Kote sajès imen Lakay Moun sa yo? Non non tout sa pa bezwen, li pa fè sans pou Moun jis deside pran mikwo swa volontèman swa sou dikte Apot la pou kalonnen lòt la konsa jis paske li deside marye nan Yon fa*on ki deranje yo, zafè fanmi se zafè fanmi, legliz la gen limit li ladann.

Legliz atravè lidèchip li te ka toujou genyen yon reyaksyon sou sa Sèvant la fè a, men Yon lèt, Yon petisyon, Yon reyinyon nan Yon apèl video paske pou le moman Sèvant aparamman pa Ayiti, tap fè plis sans e tap parèt pi elegan, konsa yo tout ta ka fè genyen yon sèl pozisyon ki se Nou pa dakò Ak sa w fè a, pandan yo tap jis mete vwa yo ansanm san fè pil eskandal sa yo ki pou Mwen se Yon labou yo kontinye ap fè nan mitan legliz BonDye a anndan yo sosyete ki te deja pa respekte nou.

Wi Mwen konprann Apot la deranje, li blese jouk nan nanm li paske premye Pitit fi l, moun pa l, kè l, ke li fè anpil konfyans la trayi l, rèv li te genyen pou maryaj pitit li a, fa*on l te swete marye li a, Ak Moun li te swete pitit li a marye, jan l te toujou konte selebre maryaj pitit li a devan kamera lemond antye pa rive fèt e pa gen anyen ki ka chanje sa ankò nou, nou ka dakò ke blesi tèlman fon Apot la ap kriye dlo Ak larim e l mande konkou pou Moun legliz yo ede l kriye, e se Yon devwa pou legliz la senpatize ak bèje a ki Ann detrès, men se pa dwe Yon senpati glise desann nan twou fè nwa san gade.

Nan moman an senpati pastè a Ak madanm li bezwen se senpati pwofesyonèl nan domèn santé mantal Ak kominikasyon pou ede yo Jere chòk sa a ki kòmanse montre li genyen gwo efè sitou sou Apot Amel Lafleur, pwiske m pa wè reyaksyon madanm li m Kenbe dwa pou pa pale de li, men Mwen sèten sa deranje l tou. Moun yo pa bezwen Moun lap repete vye bagay Kont pitit yo man lide pou montre yo respekte epi yap aplike liy levanjil Apot la ki toujou di byen wo jèn fanm Ak jèn Ga*on nan legliz li se li menm ki deside kijan e Ak ki Moun yo AP marye. ( Lollll nou sonje Apot la te bay 2 oubyen 3 bag fiyansay paske l pat vle yo renmen san pèmisyon l)

Brèf Mwen panse mòd konpòtman sa yo mesye dam yo afiche la a pap itil legliz la anyen ke fè plis Moun lonje dwèt jouda yo sou Nou epi bare wout Ak anpil lòt ki nan detrès ki bezwen vin kwaze Ak Jésus Christ pou sove nanm yo.

Sispann Ak bagay abolotcho sa a m wè la a, nou plis sanble Ak pa anmègde l kap fè Jako repèt.

Frère Wisly de Liancourt
Orlando 6 Me 2025

05/05/2025

05/05/2025

Extrait des images de la grande finale du concours sur le développement personnel de la jeunesse de l'église Tabernacle Dieu d'amour organisé a leur Local à Tabarre 52 ce Dimanche 4 Mai 2025.

19/04/2025

Sè Roselande Belony pran trè trè trè move desizyon.
Mwen pa konn kiyès ki ba l konsèy sa a, men Mwen pa jije se Yon bon konsèy yo ba li si se ta Yon konsèy lap swiv!

Se pou premye fwa Mwen deside pale an piblik de dosye sa a..

Daprè Mwen menm ti Pitit la pat gen anyen pou l vin Jistifye, sèlman li te dwe pran plim li ekri lidè legliz li yo, manm lajenès legliz kote l te ye a pou l mande yo ekskiz, ekri medya kote lap travay la fè menm bagay la, prezante fanmi l Ak zanmi l yo ekskiz toujou an prive, aprè sa fè silans chache Yon okipasyon ki pap ekspoze l devan piblik pou l ka geri de tout blesi eskandal sa a koze nan lavi l épi kite letan Jere rès la.

Daprè analiz Mwen:

Mwen plis panse li pral rejwenn makès Ak Mackenson Ak Jameson Inosan nan pale legliz mal l, pale levanjil mal, monté ti pil gwo pil sou do Jésus Christ tankou Jésus Christ te fè yo yon mal Ak lanmou l gen pou yo a.

Sè Roselande ka pale levanjil mal paske yo te fè l ap viv nan kache Yon bagay li te toujou anvi viv an krent. Aprè sa m pa wè kisa li gen pou l vin eksplike ankò, demwazèl la ta dwe fè silans épi eseye kòmanse Yon vi diskrè pou restore dinyite l men ta sanble se pa sa yo konseye l.

Li sanble vle Kenbe popilarite a, sepandan li bliye si se pa li menm vrèman ki popilè a men se entimite l popilè a.

Ak soti sa a ti Pitit ankò reveye dosye a nan tèt anpil Moun ki te fin bliye l, li menm pèsonèlman pouse kèk Moun ki pat konnen dosye a oubyen ki pat enterese Ak vidéo li yo pou yo al chache yo, gade yo, analize yo épi tire konklizyon de yo.

Sevre nan kominikasyon li wè Yon bèl opòtinite, li panse li ka fè pwofi ladann paske sosyete ayisyèn nan se voksal sèlman yo aplodi, se malpwòpte yo mete devan sèn nan, enbyen li twonpe l se Yon twou lap fouye mete tèt li daprè Mwen menm.

Dalrè ti kal sa m konprann Sèl jan Sè Roselande Belony ka vin afiche l Ak pil kont rezo sosyal sa yo Mwen wè l kreye epi envite Moun al tann li sou yo pou tande istwa l pral rakonte a se :

1) tanmen Yon kanpay pou batay Kont jan de pratik sa yo:
A) fè video lè nap fè bagay
A-1) fè foto Ak vidéo pati jenital nou épi pataje yo bay mennaj oubyen sexfriend oubyen bon zanmi.
B) pibliye vidéo Ak foto entim Moun sou rezo sosyal yo
C) monte Yon òganisasyon Ak tout Moun ki te deja viktim nan menm sans la pou yo ka fòse leta ba yo Yon Kad legal pou stope sa épi pini otè piblikasyon sa yo daprè lalwa.
C-1) reyini mwayen pou ka mete sikològ disponib pou Moun ki viktim modèl vyolans sa yo paske jan de piblikasyon sa yo sètènman genyen enpak negatif sou sante mantal konsène yo sitou fi a, lè n konnen Ayiti kijan yo konsidere fanm nan zafè sèks.
D) mande lajenès pou sispann Ak kesyon sentete nan legliz la épi livre yo tout longè nan fònikasyon menm jan avèl.

2) oubyen tou li ka tou afiche tèt li
A) kòm coach nan zafè seksyalite pou ede koup ki vle modènize bagay yo
B) kòm Moun ki disponib kòmasyolize pònografi ak imaj li san problèm
C) oubyen li pral chanje kalite emisyon radyo li te konn fè a pou l vin pale de kesyon sèks sèlman chak jou Yon fa*on pou l ka Kenbe limyè a sou li nan kreye bon jan pwoksimite Ak moun ki ap pran ti plezi nan gade video pònografik li yo tanzantan.

Otreman Sè Roselande Ak tout fanmi l ta dwe fè silans nèt ale pou omwen 2 ane sou tout rezo sosyal yo letan pou kite tan efase tout bagay sa yo pou l geri nan li menm epi rekòmanse vi l nòmalman sou de nouvèl baz.

Psssiii: Mwen konprann doulè dam nan, lidè legliz kote l te ye Ak kòmantè l yo men sepandan Mwen panse Yon reyinyon prive Ak tout Moun legliz san kamera tap parèt pi bon e pi responsab. E Mwen menm youn nan bagay Mwen konnen Si l pran konsyans de eta l li priye sou sa BonDye gentan padone l lontan nan non Jésus.

Sè Roselande Belony Mwen konseye repanse desizyon w nan.

10/04/2025

Èske w te konnen Non w se Yon adrès Spirityèl ?
Klike pou w tande