05/18/2026
ទឹកភ្នែកហូរដោយក្តីរំ..ភើ..ប រឿងរ៉ាវរបស់ប្អូនស្រី លីម៉ី និង បងប្រុស ង៉ូវ លីហៀង ដែលជាកូនៗរបស់វីរកងទ័ពជួរមុខការពារទឹកដីកម្ពុជា បានអង្រួនបេះដូងអ្នកលេងបណ្ដាញសង្គមយ៉ាងខ្លាំង។ ភាពស្មោះស្ម័គ្រ និងការលះបង់មិនខ្លាចនឿយហត់របស់បងប្រុសចំពោះប្អូនស្រី បានធ្វើឱ្យរំជួលចិត្តដល់បណ្ដាឧកញ៉ា និងសប្បុរសជនជាច្រើន ជាពិសេសគឺបានជ្រាបទៅដល់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ទាល់តែម្ដង។
ដោយសារតែទប់ចិត្តមិនរំជួលចិត្តមិនបានចំពោះសេចក្ដីស្រឡាញ់ដ៏បរិសុទ្ធក្នុងគ្រួសារកងទ័ពរូបនេះ សម្ដេចកិត្តិព្រឹទ្ធបណ្ឌិត បានសព្វព្រះទ័យទូរស័ព្ទទៅសួរសុខទុក្ខបងប្អូនទាំងពីរផ្ទាល់ដល់មន្ទីរពេទ្យ និងបានសម្រេចឧបត្ថម្ភថវិកាដ៏ច្រើនសន្ធឹកសន្ធាប់ចំនួន ២០,០០០ ដុល្លារ (20000$) ភ្លាមៗ សម្រាប់ជាថ្លៃសម្រាកព្យាបាល និងវះកាត់ប្អូនស្រី។ 📞
ទទួលបាននូវក្តីមេត្តាដ៏កក់ក្តៅ និងមហាកិត្តិយសរកអ្វីប្រៀបផ្ទឹមពុំបានបែបនេះ យុវជន ង៉ូវ លីហៀង បានរៀបរាប់ទាំងចិត្តភក្តីថា៖ រំភើប និងមានកិត្តិយសយ៉ាងក្រៃលែង ដែលខ្ញុំបាទបានទទួលការខលដោយផ្ទាល់ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ រាល់ពាក្យសួរសុខទុក្ខ ការលើកទឹកចិត្ត និងក្តីមេត្តាករុណារបស់សម្ដេច បានផ្ដល់កម្លាំងចិត្តដ៏ធំធេងដល់ខ្ញុំ និងក្រុមគ្រួសារ ក្នុងគ្រាលំបាកនេះ។
លោកបានបន្តពាក្យពេចន៍ដឹងគុណ និងថ្វាយព្រះពរចំពោះសម្ដេចទាំងទ្វេថា៖ ខ្ញុំបាទ និងក្រុមគ្រួសារ សូមគោរពថ្លែងអំណរគុណយ៉ាងជ្រាលជ្រៅបំផុត ចំពោះការយកចិត្តទុកដាក់ដ៏កក់ក្តៅរបស់សម្ដេច និងសូមគោរពជូនពរសម្ដេចទាំងទ្វេ មានសុខភាពល្អ ប្រាជ្ញាឈ្លាសវៃ និងជួបតែពុទ្ធពរទាំង ៤ ប្រការ គ្រប់ពេលវេលាជានិរន្តរ៍។» 🏛️💎👑
